wami924的个人专页

吾講吾知閣麟街呢幢比較舊的大廈開了一間幾有水準的越南餐廳，今日小妹又有口福了。 餐廳的裝修好吸睛，紅配黑好有格調，而傢私好grand 好classic , 牆上的幾幅壁畫令成間餐廳增添文藝高貴的感覺。 餐廳用的杯杯碟碟都好講究好別緻，睇黎老闆都係「完美主義者」的類型， 好的食物緊係要用精緻的餐具才可滿足食客的胃口呢！ 我地幾個即興訂檯，好彩仲有位，不過要坐吧檯啦，可以見到入面open kitchen 廚師整野食的情況 ， 廚房都好乾淨吾淩亂，大家可以放心食😝不過可能近廚房關係，一路食有一陣油煙味，空調都吹吾到去我的位置，呢度是唯一美中不足的地方。 我覺得呢度的appetizers 好好食，你知越南菜，好多都吾係煎就係炸， 火喉點到即止，先可以達到香口但又不會太重的油膩感。 身為雞翼控的我，點會少得呢個香茅蒜蓉雞翼！ d 雞翼好大隻， 仲要係單骨，好貼心， 上檯後陣陣撲鼻的蒜蓉同牛油香令人食指大動！ 炸蝦餅也是越南菜的表表者，呢度的蝦餅吾係講笑，真係好有蝦味好香，吾似得平時食開既溝左好多魚肉落去。越式鴨肝法包，係呢度的師傅誠意推介之一，就等小妹試下啦！ 鴨肝入口即溶，新鮮的蕃茄同生菜中和了鴨肝的濃味感，食落一d 都吾滯， 一人一舊，份量剛好！ 芒果軟殼蟹米紙卷睇得又食得，每舊大小相約，齊齊整整，薄薄的米紙包住清新的芒果肉和脆脆的軟殼蟹是一個perfect 的組合。 呢餐真係食到大家捧住個肚，視覺味覺嗅覺通通都滿足了，食得真開心！ …查看更多

成世女都未黎過新蒲崗，真係大香里。有幸得友人介紹，黎到新蒲崗呢間頗有名氣的火鍋店。 店內四人檯較狹窄，一張四人約「茶餐廳卡位座椅」的大小還要放一個電磁爐和鍋， 坐得吾太舒服。 不過重點自在食，今日點了「雙龍吐珠海鮮船」，包括兩隻開邊龍蝦和四款時令海鮮，蝦、青口、蜆和鮑魚，加上顏色鮮豔的蕃茄，粟米，秀珍菇和洋蔥，呢個湯底有幾正應該都吾駛我介紹啦！ 😍海鮮幾新鮮，爽口彈牙，冇沙，正！ 我地仲叫了牛爽肉，真心好好食，好滑好嫩口，我地總共叫了四碟！ 好誇張！ 😱（其實一碟吾太大嫁）。 另外鵝腸都值得一試！ 鵝腸是以前細個打邊爐的必食之一麻，鵝腸都算洗得幾乾淨，浸落去滾幾滾就食得，吾會縮水食落又「霎霎聲」好滋味！ 雖然坐得迫左d , 但係冇限時吾駛食到趕頭趕命，仲要有咁多好野食都ok la ! …查看更多

朋友大推中環歌賦街這間沾麵店，由於時間比較晏，不用排隊就可以入去了，沒有太多時間俾我欣賞師傅點樣熟練的制作拉麵！ 店內並不寬闊，不過很有日本小店既風味。小篇點了招牌風月。沾麵 （200g) , 第一次食沾麵， 把甚富口感的沾麵蘸上酸酸味味的醬汁，醬汁當然同平時食開的拉麵有分別啦。 呢度的醬汁係用左好多吾同的魚類精制而成的。 最後可以加入熱熱的雞湯拌勻品嚐，不過整體味道偏濃，而且比較油， 所以小篇只係淺嚐了幾口， 志在試過便可以了。 …查看更多

呢間餐廳呢期係面書都好紅，被各大雜誌廣泛報導，咪就係位於國金二期既佢囉。 賣點係佢classic 裝潢，加上外國宮廷式花園設計，迷倒了一眾女士的心。😍我地都懷著期待的心期去試試看看呢間餐廳，同閨蜜們吃一頓悠閒的午餐。 不過可能期望太高，現實與幻想的有點落差。 餐廳有太多的擺設和間隔，天花板的薰衣草有點陳舊，或者我期望過過高，我以為餐廳會有一種淡淡的薰衣草味，不過似乎係我諗多左，嘻嘻！ 整體感覺有點局促， 我們反而慶幸被安排坐在落地大玻璃窗前，遠望維港景色食野仲更加令人心情舒暢。而且不得不提呢度的waiter and waitress 個個都好cool, 目無表情，麻麻地友善呢。 食物方面我們點了兩款set lunch ,分別係steamed red snapper 同pork belly burger. 味道一般，我吾覺得好好食， red snapper 既伴菜有好多青豆，原來吾止我，友人倆都吾喜愛青豆， 把整碟既青豆揀出來都幾考功夫嫁😅 最好味既反而係另外加錢既creamed corn, 忌廉味好濃郁，不過筆者覺得呢樣東東要整得好食應該吾會有太高難度。 叫做試過便算了， 比佢更好食的餐廳多的是，比佢更好打卡的地方都有好多，應該吾會再有下次啦。 …查看更多

近期人氣甜品非疏乎厘pancake 莫屬，仲要係人氣日本品牌「十幾克」😝就黎登陸香港，一定又牽起一陣熱潮。諗到呢度我都等吾切，今日一於去另一間人氣熱店滿足下自己的胃先！ 今日去到旺角分店，好彩吾駛等好耐。 門口有三張高櫈，所以大家都係準備企係街頭等食。 職員好有禮貌的跟我們說要等幾多分鐘，你可以四圍行逛等食。 等了廿分鐘終於等到了，賣相真不錯！ 鬆鬆軟軟的疏乎厘pancake 很有空氣感， 軟綿綿，而且吾會好快塌落黎， 讚！ 味道方面， 我都係鐘意甜味既pancake. 魔鬼朱古力味真係好邪惡！ 面層的朱古力略帶榛子味，再加上焦糖爆谷和朱古力雪糕，食完好滿足！ 至於綠茶忌廉芝士味由於芝士的鹹味很濃，同soufflé pancake 吾係太夾。 我都係鐘意食朱古力那個多d ! 😋…查看更多

有日見到呢間食疏乎里pancake 的餐廳食評不錯，又吾駛山長水遠咁去香港九龍個頭排隊，就一於bookmark 定，決心要來試一試。 我地兩點前來到，已經要排隊。（網上過呢款pancake 供應時間係早上十一點半前或兩點半後）。 cafe 頗細間，係週末都幾難懶洋洋咁嘆杯咖啡慢慢坐下食下，怕阻住人地個位。我地叫了豬柳漢堡拿破倫意粉，和香蕉榛子pancake. 意粉幾細碟，男士幾難食得飽。薄薄兩片豬柳，同某連鎖店的早晨全餐的豬柳冇咩分別，味道中規中矩。 至於pancake ，由於今次係我第一次食，所以冇得比較，吾知算邊個層次的好味。order 既時候waiter 已經俾心理準備我地要等四十分鐘，其實真係有點耐， 不過一場來到又吾想錯過。好彩最後都吾駛等咁耐。不過waiter 頻頻搞亂d order ,我見到某些顧客既pancake 疏晒氣，脹卜卜的pancake 未上檯已經「倒塌」，印象分吾多吾少會有所扣減呢。 pancake 質感鬆軟，幾香，不過如果有多d 榛子醬會好一點。…查看更多

今日同母親大人來到銅鑼灣「潮」聖，緊係要帶佢去銅鑼灣地帶潮一潮啦。 一於同佢去食下後生仔的飯堂HeSheEat! 抬頭仰望隔著商場落地窗的粉紅色霓虹招牌很吸晴呢！吾駛等位，被安排窗邊位，很好。 蕃茄牛油果蟹肉沙律清新開胃，牛油果和蟹肉一向都係絕配，蕃茄的微軟減低了牛油果的膩，配上伴碟的法包是個很理想的配搭。咖啡菇露荀忌廉汁意大利飯屬一般啦， 菇味吾太突出， 食起來比較漏， 食完都冇空間食甜品了！ …查看更多

經朋友介紹，原來置地廣場有間質素不錯而又吾貴的餐廳。 事前睇下開飯啦食評原來係食中日fusion 菜，感覺幾得意，所以就黎食下啦。 餐廳走簡約路線，木系傢私配上大地系的裝飾，靠牆一邊有潺潺流水，給人一種養生怡神的感覺。食物方面，沒有想像的吸引。小籠包皮很薄，而且黏得張底紙很實， 四隻小籠包全軍覆沒穿晒窿，湯汁都瀉晒出來了。 希望下次可以品嚐佢的刺身壽司，可能會好味一點吧！ …查看更多

新年流流吾係飲茶食中菜食糕點，就係食西餐，真係有點膩。 最後一日假期想食d 日式fusion 菜， ufufu 就啱晒啦。最吸晴既就係佢既日本直送哈蜜瓜梳乎厘pancake , 不過原來晚飯時間吾供應的，唯有下次先試。 不過佢的其他菜式同樣有水準。 脆炸廣島蠔真係要小心燙到個嘴！ 外層脆卜卜，內裡十分juicy ! 忌廉明太子烏冬，入口creamy 無比，烏冬有點腍。 牛肉壽喜燒烏冬，好好味！ 就係我想食的味道！ 份量吾多，所以個胃有位置食埋甜品！ 綠茶一向都係我的摯愛， 綠茶的甘碗上黑糖的糖漿，糯米池煙煙靭靭的，真係夠晒應節，團團圓圓，煙煙靭靭麻。 另外糯米池朱古力芭菲用料十足，食到我倆好滿足！ …查看更多

二月家庭聚會選址位於西營盤的meeting point, 我們一行廿幾人，餐廳預留了一間party room 俾我地，吾會嘈到其他客人，我地又可以自得其樂，非常好。咁多人一齊食西餐都預左上菜時間會耐一點。餐廳都算頗有系統，每人事前決定了自己的主菜，然後拿了名牌放在自己面前，你點了甚麼一目了然，省卻時間。餐包軟熟微暖，配上菠菜餐湯是一個好開始。 菠菜湯帶有幼幼的薑絲，有別於平時菠菜忌廉湯的配搭，比較特別。主菜點了grilled salmon steak, 厚厚的三文魚，外層煎得金香，魚身的肉汁仍然保留得到，吾乾口，ok 不錯。 經理知道我地有位屋企人生日，送上蛋糕爉燭和播放生日歌為壽星慶生，大家當然開心！泊車可以考慮香港商業中心停車場，$26/一小時。在食肆消費滿$400只有一小時免泊，比大商場更貴，呢一點要扣分。…查看更多

又係同好姊妹相聚的好時光， 見時代廣場呢間比較新的餐廳好似幾好樣，就決定試下！ 食之前望過下開飯啦的食評，最心心眼既係佢的餐牌有好多款式，特別係小食，啱晒我地呢d 咩都想試少少的餵食人家。 餐廳光線柔和，我們被安排坐係比較入的位置，冇咩人，很好，可以carefree 一點。我們點了幾款小食，包括crab cakes , duck foie gras toast, grilled sweet corn with truffle source and chicken wings. 話明係小食，份量吾多，定價比較進取， 味道不過不失。我地今次冇點主菜，因為女士都係想留肚食甜品😂 聽講呢度的甜品吾錯嫁，最吸晴既係pizza crepe! 又薄又脆的crepe 滲有陣陣的焦糖味，面層配有紅桑子，桃，藍梅和棉花糖，七彩繽紛，睇得又食得！ 友人對它讚不絕口。 我地仲點了banana and chocolate toast, 香蕉同朱古力一向都係好拍擋，好難失手呢！ 最後我地高估左大家的食量，食到捧住個肚番屋企！ …查看更多

今日要去會展，天寒地凍，找食都但求方便，吾想凍冰冰咁行到好遠食。 可惜大家都知會展附近食肆吾多，我地結果去左Al Dente. 呢間分店每次去都吾多人，吾駛同人迫， 可能因為地理位置吾太就腳。 雅緻的裝修，配上暖爐， 相信為不少情侶加添浪漫的氣氛。 我們點了兩個set lunch , grilled fish and grilled pork. 餐湯係忌廉磨姑湯，好濃郁的磨菇味，飲完成個人都好暖。餐包也是微暖的，很好，不過略嫌意大利醋和橄欖油吾夠香。本人點的魚柳肉質好滑溜，火喉剛好。配上香滑的薯蓉和配菜份量剛好。不過上菜略嫌太慢，人手不足，那時座上客只有五至六檯。 很難想像full house 的時後會怎樣。 由於時間短促，食完晏就要急急腳去會展了。不能慢慢的享受一杯咖啡實在是有點可惜呢。 …查看更多

新店開幕例牌會大排長龍，不過食完就更加吾明點解會咁多人排隊。唉，可能因為大家身處係呢個食物沙漠吧。 叫了一個香茅雞翼湯河， 湯底淡， 雞翼乾爭爭， 最緊要的河粉都吾係越南的河粉，厚厚的，一睇就知係平時廣東麵檔的河粉，一點誠意都冇。最反感既係呢度仲嘈過茶餐廳，全店的職員都會係你身邊大聲叫大聲傾偈， 係第一格大叫最尾那格的同事，咩事，仲要夾雜一些洗筷子的聲音，食完呢餐，有種貼錢買難受的感覺，最慘係我一d 都吾覺得抵食囉！ …查看更多

難得放假，同老公入左淺水彎行下沙灘拍下拖。 The Pulse 開幕以來都未入過淺水灣 呢， 通常都係入赤柱，今日想避開人群所以就選擇了淺水灣。 平日的淺水灣寧靜得很， 好舒服。我地去了classified 食lunch , 餐廳的門通通打開的， 採光度十足，門口有兩張韆鞦，一路飲野食下snack 應該好寫意。 我地叫了一杯鮮窄果汁（Apple, orange and carrot) , 一杯mocktail mojito. 一個three cheese ravioli allan Norma 同埋signature beef burger. 牛肉漢堡賣相麻麻地， 塊肉東歪西倒，不過用上草飼牛扒，很有肉汁同嫩口。Ravioli 份量好多，因為係三重芝士整既意大利雲吞，好飽肚。 廚師用的欖油好香 加埋蒜香cherry tomato, eggplant 同fresh basil 可以平衡番雲吞的飽肚感。 …查看更多

行完一輪街又到了晚飯時間， 都吾駛指意係大型商場可以有位食飯。今晚想食一d 最粒粒又惹味的東東，所以係開飯啦平台找到呢間韓國餐廳。 餐廳位於APM 附近，只需要步行大約五分鐘的路程，很方便。 門口的公仔櫃很吸晴， 很有韓風的味道！ 等了一陣就可以入座了， 坐得有點迫不過吾緊要啦， 食物水準比較緊要。 我們點了一個BB 豬肋骨芝士湯底拉麵，雪糕筒黑松露芝士扁意粉同埋一客韓式剪餃子。 個拉麵湯底好正好香濃， 芝士湯配埋配菜kimchi 的微辣簡直是味蕾的享受。 所以我食了兩啖先記得影相。 份量吾多，應該幾適合女仕的胃口。意粉睇得又食得，相信係好多打卡迷不會錯過的食品。 雪糕筒入面裝住既係cream cheese 「雪糕球」，混入去個意粉汁度食， 呢碟意粉要趁熱食，如果吾係個汁會結左，同埋都幾漏！ 呢度的侍應好忙碌，行來行去幫人客收碟，但係我叫了三次佢地應了三次都吾會加水，繼續係度行。 或者可以考慮用大一點的水杯就可以減卻一點功夫吧！ …查看更多