L.D.K. by Ufufu Café (新城市廣場)

新年流流吾係飲茶食中菜食糕點，就係食西餐，真係有點膩。 最後一日假期想食d 日式fusion 菜， ufufu 就啱晒啦。

最吸晴既就係佢既日本直送哈蜜瓜梳乎厘pancake , 不過原來晚飯時間吾供應的，唯有下次先試。

不過佢的其他菜式同樣有水準。 脆炸廣島蠔真係要小心燙到個嘴！ 外層脆卜卜，內裡十分juicy ! 忌廉明太子烏冬，入口creamy 無比，烏冬有點腍。 牛肉壽喜燒烏冬，好好味！ 就係我想食的味道！ 份量吾多，所以個胃有位置食埋甜品！

綠茶一向都係我的摯愛， 綠茶的甘碗上黑糖的糖漿，糯米池煙煙靭靭的，真係夠晒應節，團團圓圓，煙煙靭靭麻。 另外糯米池朱古力芭菲用料十足，食到我倆好滿足！