NPY0111的个人专页

已光顧多次午餐，午餐水準勁有鍋氣（肉絲炒麵&咸魚雞粒抄飯）只係40-60蚊而且勁大碟，價錢很親民，所以今天一家大細去試試晚餐，今晚食了抄豬什（又係勁有鍋氣），上湯娃娃菜（夠味），蒸龍躉件（不錯），炸豬手（比想像中大碟，皮夠脆肉夠嫩 正過去高級店食德國咸豬手），煎咸魚肉餅（咸魚小了點，但肉味夠，又唔會太乾或太油）部分開餐掛住食忘記拍照，個人覺得比酒樓好味，而且店主好有禮貌好好招呼，係一間勁有人情味的小店，但價錢比酒樓平，今日5餸 4飯埋單$504…查看更多

不知所謂的服務態度，今天晚餐到尼斯食扒，因想取多點黑椒汁便開始舉手問問，有一男員工明明看到我叫”唔該 唔該” 視而不見 ，算數 當佢真是看不到聽不到，到第二次 同一個員工再走過時，我將手舉得更出 “都是說 唔該 唔該” 但他竟然捉住我的手後撥開（是捉住來撥開 我是女士），之後一聲不響又走開，真的太離譜 一聲不響，就算再忙都應該說等等，不是捉著客人的手推開，叫經理 經理的理由竟然是說 這員工一向都是這樣，如果要佢向客人道歉，他就會唔做，佢地唔夠人手，仲問我地想點呀？如果我地堅持要他出來道歉，佢唔擔保個男員工唔會攞把刀出嚟斬人。真好笑 難道因為你唔夠人手，我就會因為你人手問題，而要受他的氣嗎？就可以任他捉摸嗎？經理講到個員工可能會因為不想負責任而出來斬人，這個經理真的以為我們會怕嗎？餐廳已在西營盤多年，實話食物同價錢不是太平又不是太好味，只是一般的西餐廳，所以將來再無任何理由我會再幫襯。再講就算平或好味 我都唔會有下次，付了錢還要受這種屈辱 再好味也不回。…查看更多

OpenRice 預約非常方便，坐位都算多，我是食中價位（世子）果個價278一位，食物味道都不過不失，但抽煙系統十分十分差，不只食完身上有油煙味，就連每吸一口氣都是油煙，油煙味勁到影響埋味感，我們一家三口食到一半就已經唔想再食，加上我坐的位置天花冷氣喉又滴水，冷氣又不太足夠，更沒心情再食下去。到離開只是坐電梯，就立即感覺空氣清新十倍，出到彌敦道更覺雨過天晴，真的是第一次覺得彌敦道的空氣有幾清新，所以唔會有下次了，加上價錢不是太平，出面的選擇多的是。:(:(:(:(:(:(…查看更多

見食評很好，決定兒子18歲大日子生日貴小少慶祝下，點知中伏，先講飲品 飲品只得可樂、雪碧（係正常）、其餘橙汁、蘋果紅茶、檸檬紅茶（是未見過的大陸品牌）沒有雪櫃 只放在檯面或冰桶內， 感覺像是大陸跟團到二三星級的食店格局，刺身味道可以, 壽司有少見的海膽及三文魚子，熱食味道都是普通，而且比其他放題種類較少，本來覺得種類少沒所謂，味道勝就好，食物來得慢都不是最大問題 因為係3.5小時的放題（不過9點last order)就算回唔到本都唔會蝕太多，最後發現点都唔會有好味同飽肚既感覺，因為漏單情況極之嚴重，落10張單 只有4張單到，每張單最少等20分鐘，漏兩次單已經要等一粒鐘，真係等到眼瞓（換句話講 叫你唔好食）食又無得食 ，飲又唔想飲😔，服務基本上可以話無，所以唔講佢既服務有幾咁慢同無笑容，因只是不停收單，但極小送餐到檯面，連最後埋單都係要等......本來以為可能只是我們一枱人覺得有問題，點知到我離開前去廁所，廁所門口的另外一枱十多人都聲稱不知所謂，仲要絕對唔會有下次！食過咁多間放題，大部分都是二百幾（已經唔錯）至三百幾（正），但呢間要四百幾，大家未買團購的，未訂位的真的要認真想一想才好訂位，出面既選擇大把，本人真係覺得無理由起到浪費金錢同時間，總括呢個價錢絶對不值，食元氣好過十倍！…查看更多

昨日準時12:00到達, 一到就有位食物款式及味道都不是大家講得咁差, 今次是我第一次去, 所以無得同之前比較, 但我個人覺得一位不用$200(恆生咭有七折) 就食到有水準的食物, 相比起好多酒店dinner 而經好好, 我個人覺得都值得, 我一定會再去...........不過廁所維修中, 食完長腳蟹想洗手就真係麻煩D啦…查看更多