四季‧悅 日本餐廳 (遠東金融中心)

营业中

休息中

見食評很好，決定兒子18歲大日子生日貴小少慶祝下，點知中伏，先講飲品 飲品只得可樂、雪碧（係正常）、其餘橙汁、蘋果紅茶、檸檬紅茶（是未見過的大陸品牌）沒有雪櫃 只放在檯面或冰桶內， 感覺像是大陸跟團到二三星級的食店格局，刺身味道可以, 壽司有少見的海膽及三文魚子，熱食味道都是普通，而且比其他放題種類較少，本來覺得種類少沒所謂，味道勝就好，食物來得慢都不是最大問題 因為係3.5小時的放題（不過9點last order)就算回唔到本都唔會蝕太多，最後發現点都唔會有好味同飽肚既感覺，因為漏單情況極之嚴重，落10張單 只有4張單到，每張單最少等20分鐘，漏兩次單已經要等一粒鐘，真係等到眼瞓（換句話講 叫你唔好食）食又無得食 ，飲又唔想飲😔，服務基本上可以話無，所以唔講佢既服務有幾咁慢同無笑容，因只是不停收單，但極小送餐到檯面，連最後埋單都係要等......本來以為可能只是我們一枱人覺得有問題，點知到我離開前去廁所，廁所門口的另外一枱十多人都聲稱不知所謂，仲要絕對唔會有下次！食過咁多間放題，大部分都是二百幾（已經唔錯）至三百幾（正），但呢間要四百幾，大家未買團購的，未訂位的真的要認真想一想才好訂