Hangryfoodie的个人专页

晚市一家人出嚟食飯叫咗條蒸鱸魚，估唔到咁都會中伏！！！四個人叫咗幾碟小菜，食到一半條魚上嚟望落去個樣都「是是正正」，點知一用筷子夾開，中間魚骨嘅位置就有超大嚿血紅色嘅物體，似係一啲瘀血血塊，連帶魚骨附近嘅肉都染曬色見到咁嘅情況，我哋即刻叫經理過嚟睇，睇下可唔可以換過條魚畀我哋點知經理二話不說，就話：「冇得換」佢話佢哋呢度嘅鱸魚「條條都係咁，個個食過都話冇問題」「就算換咗，新個條魚都係咁」唔知係我見識少定係乜，但係從來都冇食過驢語中間係有嚿血塊嘅最後我哋都係食唔落，淨咗條魚就埋單走人影低張相放上嚟，都好想睇下有冇高人可以指點下，泰式蒸鱸魚係點樣…查看更多

放工搵朋友仔食飯，係轉角位見到燈火通明，紅燈籠掛滿嘅台灣山城——九份......飽鋪面細細但入面好多人，我哋都好快咁等到位叫咗啲嘢食share食，第一道係魚丸湯台灣嘢食得多，但係有魚丸肉羹湯嘅真係好少有魚丸結實彈牙，有啲似較firm嘅白魚蛋，加上生菜，芹菜同肉羹煲嘅湯，濃郁得嚟卻係清甜可口主菜叫咗兩款，分別係紅燒牛肉麵同魯肉飯牛肉麵有好豐富配料，台式牛展，雪菜，芫茜湯底顏色唔似平常食嘅紅燒牛肉麵湯咁透明，較為混濁，飲落仲有少少香料味，證明真材實料濃濃嘅湯底加上油麵，真係令人想一嚐再嚐懷舊魯肉飯絕對係古早味嘅代表，豬腩肉切細條，滷好，入味香濃，豬油滲滿其中醬汁唔會蓋過飯嘅一半，水油比例控制合宜，唔會膩，加上醃蘿蔔一小片，細細碗但係飽足小食叫咗蚵仔煎，煎到好香，有正宗台灣夜市嘅風味醬汁係橙紅色，下面有蚵仔，雞蛋，生菜等等嘅配料，混合木薯粉漿，蠔仔嘅香味同蛋黃互相輝映最後甜品我哋揀咗九份芋圓，有大大粒芋圓，珍珠，紅豆，鮮草同豆花芋圓咬落好煙韌彈牙，唔知係咪因為我哋放咗一陣先食，啲芋圓發漲咗，特別大粒浸住嘅糖水顏色雖然黑，但有別以往我哋食開嘅黑糖味，反而帶陣陣嘅蜂蜜味道，感覺清新…查看更多

天氣忽冷忽熱，係海邊吹過陣陣寒風，見到呢間餐廳有燒肉，二話不說就入咗嚟入嚟見到十分文青風嘅室內設計，木枱配有滿滿嘅書櫃，仲有好多綠色植物嘅點綴店面好大，有種去咗台灣嘅感覺有少少口渴，叫咗支冷泡茶，溫和嘅綠茶帶有茉莉花香，飲落好舒服，順喉自家製嘅茶，加上呢個景，真係好靚，即刻影返張呃like相，扮吓偽文青先上嘅係主食，鹽酥雞排魯肉飯(嚟食台灣菜點可以冇炸雞)雪白嫩滑嘅雞腿肉加上酥脆嘅外皮，配搭千島醬，十分香口美味魯肉飯亦有應有嘅水準，汁同飯嘅比例剛好，唔會太乾/太濕，十分滿意黃金花枝丸炸得外脆，外皮有咬口，入面更係有爽口彈牙嘅魷魚肉上面嘅黑松露醬有畫龍點睛之效，濃郁芬香如果唔太喜歡smoky嘅黑松露，店家亦預備咗泰式辣醬，十分體貼作為牛魔王，叫兩大碟牛不失為過呀！週一至週五，平日叫仲有8折每碟我哋都加咗蔬菜，有粟米同翠玉瓜美國特板牛小排好靚，雪花油脂均勻，燒起上嚟更有搶火嘅效果牛肉拼盤可以一次過滿足晒4個願望：有牛舌，牛肩，牛小排同牛胸腹牛舌薄切，燒兩燒已經熟咗，入口爽脆彈牙牛肩都有好濃郁嘅牛味，肉質鮮嫩，口感豐富，好快成盆肉俾我哋一班食肉獸清得7788呢度感覺好chill，唔單止中秋要烤肉，只要約到一班朋友，嚟呢度燒肉真係唔錯嘅選擇食食吓覺得油膩，飲啖台式茶飲，吹吹海風，彷彿將一日嘅疲勞吹走特別嚟緊好多節期可以同朋友仔過一個食飽飽嘅聖誕+新年…查看更多

聖誕節嘅氣氛最適合食西餐，同媽咪嚟到兩個人叫咗個set dinner，$300包埋嘢飲(特飲菠蘿梳打)，呢個價錢好抵appetizer叫咗一碟smoked salmon同餐湯(今日係南瓜湯)三文魚platter放得幾靚，上面放咗啲紫洋蔥絲，capers，層次好豐富，又增添顏色悅目程度就咁食固然係好味，加上檸檬汁同配料，更多咗一份香味同口感南瓜湯係打成蓉嘅南瓜做嘅，口感濃厚creamy，飲落南瓜味濃，而且仲食到南瓜纖維怕食太多澱粉會肥(藉口)，所以叫咗個軟殼蟹沙律中和下原隻軟殼蟹開邊，兩邊蟹身嘅肉都好飽滿，仲要係新鮮炸起熱辣辣食落去香脆誘人，佢脆得嚟好輕盈好正水波蛋係流心嘅，撈埋honey mustard同菜一齊食，好 fresh，呢個配搭幾新奇可取意粉煮得軟硬適中，鮮蘆筍切片，野菌配搭黑松露嘅香味，濃濃鎖住係醬汁入面最後上面鋪上薄薄幾片芝士，令本身意粉嘅甜味中帶鹹香4色芝士pizza食得多，呢個焗得咁靚嘅都好少見望住師傅係open kitchen 放配料，再放入烤爐入面焗，出到嚟每種芝士都好有character融化嘅芝士有拉芝嘅效果，食落好芝味又有餅皮嘅香脆呢個價錢食到即焗pizza，質素唔錯嘅西餐，唔錯，有機會再嚟…查看更多

嚟到呢間似係樓上cafe嘅私房菜，一開始梗係叫嘢飲呢杯叫做笑口常開，貪個名好聽係用咗新鮮嘅蘋果乾，菠蘿乾同埋黑加侖子飲落味道唔會太甜，而已手工制嘅水果感覺好健康另外叫咗兩壺黑糖薑絲茶，味道香濃暖胃，近排天氣凍，飲完真係暖笠笠朱古力系列都係好吸引嘅榛子朱古力食落好香，焦糖朱古力食落唔會太甜，加埋上面嘅鮮忌廉，呢杯特飲嘅份量好足，有少女心焗豬鞍有少少似德國咸豬手，個皮真係好脆烤到乾身，食落卜卜聲又入味入面嘅豬手肉唔會太鹹， 配上薯蓉同薯條食， 一大班人嚟食真係好啱黑毛豬串燒聽落好普通，但係肉質超級嫩滑調味簡單，可以將豬肉整到好似牛肉咁軟諗，真係好驚喜再加上新鮮炸起嘅洋蔥圈，grill過嘅三色椒 一齊食，成碟小食好快就清曬最後上嘅risotto飯質軟硬適中，又有好香黑松露味刺身帶子好鮮甜，就算半生熟食落都唔怕…查看更多

係大陸嘅麻辣烤魚興起前，香港人都係食開泰國嘅烤魚，今晚就嚟懷念一下以往嘅味道今次清清地叫咗個泰式明爐烤烏頭，下面一直有燃料係度燒，個器皿係魚嘅形狀烏頭都幾大條，上面鋪滿一啲配料：秀珍菇，肉燥，酸菜，芫茜，薑片等......店員另外畀咗一碗湯，話係淋落落去個魚度仲有酸辣汁可以點嚟食魚肉雪白又結實，烏頭味道濃而不腥，同烤魚湯味道好配襯:)蒜蓉炒椰菜苗份量雖然較少，但係菜苗都炒得幾靚幾入味，而且咁樣炒，唔嗜辣嘅朋友都啱食龍眼冰面頭有幾粒龍眼肉，飲落味道都幾甜，係蜜糖嘅感覺…查看更多

豚骨湯叉燒拉麵賣相好正宗，三、四片豚肉叉燒浸係濃郁奶色嘅湯底入面，面頭有點蔥粒，再加上一塊紫菜，和味濃呷一口香濃嘅豚骨湯，再食一撮面，湯底融入拉麵嘅每一條麵條當中拉麵軟硬剛好，叉燒亦好軟熟，油脂分佈剛好，食完唔會感覺太油膩，連湯都飲埋呀隨麵附送嘅一碟小菜係漬醃泡菜，有蘿蔔同青瓜，醃得好酸，十分開胃另外叫嘅一杯熱朱古力牛奶，杯中有滿滿嘅奶泡，朱古力醬，上面更堆咗一座由烘烤過嘅杏仁做出嚟嘅小山令平平凡凡嘅一杯熱朱奶增添咗唔少香味我哋仲叫咗個豚肉泡菜蛋丼，豚肉片薄薄地，用泡菜煮過，食落好香口惹味再加上少許蔥段同蛋香，整體好適合用嚟餸飯呢個飯旁邊仲有好多一碟碟嘅小菜，有豆腐，紅蘿蔔黃豆，紅蘿蔔蓮藕漬煮，好豐富，食落有好多唔同嘅口感雜錦天婦羅有海老，秋葵，冬菇，蓮藕等等，炸漿好薄，再醮上有白蘿蔔蓉嘅天婦羅汁，食落清新香脆快樂不知時日過，同朋友傾偈傾到佢舖頭就嚟打烊，冇晒人不過仔細一空，舖頭整體裝修用實木，設計好有日式茶房嘅感覺，坐係度真係幾舒服…查看更多

平日嚟到尖沙咀食放題，已經預先book咗位，估唔到都勁多人，要係出面排隊入座入到嚟即刻叫咗佢招牌嘅鰻蒲燒魚同辣酒煮花螺辣酒嘅辣味都唔惹小，煮到成個螺肉都好入味香濃，而且得幾粒，三兩下就俾我食哂兩隻焗帆立貝都好靚，入面嘅厚大帆立貝肉用蟹柳碎，三色椒粒同沙律醬覆蓋住外面焗得金黃，入面嘅醬料亦十分濃郁鐘意食沙律醬焗貝類嘅朋友一定唔好錯過熱嘅牛肉湯烏冬都有驚喜牛肉係半熟嘅，浸浸下個熱湯就熟埋，呢個溫度煮得啱啱好，肉質彈牙烏冬嘅質地都好Q彈，口感似稻庭烏冬不過可惜紫菜較淋，如果可以上菜先自己落，口感會較佳壽司有花之戀，親子花之戀，三文魚腩，吞拿魚腩，每件都幾靚好特別要一提嘅係有兩舊deluxe同supreme壽司有一件係有拖羅蓉，海膽，煙肉碎用料夠豪華，一啖食落去係鮮甜，煙肉脆卜卜又增加咗口感嘅層次另一件係有黑魚籽醬，食落亦覺得設計好有心思最開心係臨尾有得食Häagen-Dazs落完order紙，轉個頭店員就即刻攞俾我哋佢哋做嘢真係幾快手叫哂佢唔同嘅味道返嚟試，仲有最新出，仲買緊廣告嘅白桃紅桑子口味雪糕雪糕比想像中甜，即使有raspberry都唔會特別酸而且食落有粒粒果肉，係真係幾好食嘅…查看更多

同一班同學reu，最啱就係食放題嚟到行人專用區，向遲啲就冇得擺街嘅黑白相告別行到兆萬，樓下已經有人派單張，揀咗呢間近近哋係三樓，價錢又幾平嘅放題一嚟到梗係食刺身！三文魚好靚，厚切，油脂豐富夠肥美甜蝦好鮮，夠甘甜八爪魚片薄切，食落爽脆唔韌！十分欣賞赤貝都好爽口，唔腥話咁快又encore下一轉，八爪魚薄片係重點，師傅刀功真利害仲叫咗少少榮螺，馬刀貝，劍魚腩等......質素十分滿意終於返返今日正題：食火鍋叫咗象拔蚌，起哂肉，淥兩淥就熟，食落爽口彈牙呢個特選美國牛肉冇得彈！啲雪花靚到呢...每塊3秒即熟，入口即溶，好正一定要嗌豬肉片切得都夠薄身，食落爽滑，啱哂唔食牛嘅朋友好多火鍋海鮮配料揀，我哋叫咗東風螺同encore咗象拔蚌係出面蔬菜櫃拎咗啲菇，菜，仲有我至愛嘅萵筍炸物同天婦羅都叫咗少少，最受我哋歡迎嘅都係香芋波波佢炸得好香脆，出面冇多餘嘅粉，香甜軟糯，啱女仔食最後甜品食咗條朱古力奶雪條，仲拎咗啲cakes同mousse，一次過食咁多，遲啲就要還債啦…查看更多

人少少，冇得一開始就叫個好大嘅刺身拼盤，唯有少少哋嗌住過口癮三文魚刺身較薄，但勝在夠靚夠肥美八爪魚肉質都幾新鮮爽口，刺身都好開胃壽司方面個人鐘情三文魚子軍艦，貪佢唔係點豉油都夠哂鮮味拖羅蓉軍艦有蔥同芝麻添香，食落口感夠滑，好滿足食到中段，慣咗會例牌叫個烏冬，之後就開turbo食甜品有牛奶布甸雪條，都係幾熱門，多人鐘意嘅口味自己斟軟雪糕同埋加配料，雪糕係雲呢拿味，落咗好多棉花糖同石頭朱古力仲有其實gummy，mnm等等美中不足嘅係冇乳酪味，好彩有細杯裝鮮果乳酪搭救返有兩種口味：草苺同藍莓甜品櫃好乾淨整齊，有cheesecakes ，布甸，mousse，糕點，撻，豆腐花等等...應有盡有，完全滿足到我呢個甜品控嘅需求…查看更多

同一班朋友第一次嚟食倫哥，一開始有飯前果送，好多種時令水果：木瓜，哈蜜瓜，梨，西瓜，火龍果，蕃茄同車厘茄店員係我哋食緊嘅時候幫手搞動雞煲，啲雞皮發出嘅滋滋聲真係令人無法抗拒呢個時候亦上咗花菇扣鮑魚，都係人頭計嘅花菇十分大隻，炆得好淋飽魚入味，肉質彈牙，同個汁好夾，仲有舊西蘭花添雞肉十分滑嫩，雖然我哋叫咗小辣，唔辣亦唔嗆喉，但雞肉都好惹味，香氣足醬汁正撈埋啲魷魚呀，牛柏葉啊，豬皮呀落去炒，兜多兩兜，索哂啲汁仲好食勁多火鍋配料，有倫嫂手打雙滑：蟹籽蝦滑墨魚滑，阿媽雲吞水餃、低鹽少油嘅炸響鈴，魚皮，芝士腸，午餐肉，蟹柳等等......丸類就有麻吉燒，潮洲魚蛋，龍蝦沙律包，貢丸，都係比較熱門，多人鐘意嘅款式本地手打牛肉牛頸脊好靚，啲雪花好均勻，自己賣都冇咁靚呀冰鎮住冇咁容易解哂凍，而且擺盤好豪華食到勁濃牛味嘅無與倫比牛頸脊每片薄切三秒即熟可以點返自己調嘅醬汁，生蒜蔥花豉油同埋呢個超給無敵大嘅海鮮盤，都係食到我哋流哂口水 冰鎮海鮮拼盤除咗有十分回本嘅蟹，貝類之外，仲有新鮮肥美嘅龍躉片，鮮魷同埋蠔，真係十分足料甜品係燕窩燉奶，雖然燕窩份量唔多，但係甜甜嘅燉奶一啲都唔膩，食落養顏，實在係好滿足:)…查看更多

想試呢間撈喜好耐喇，今晚終於得閒過黎食。入到黎，餐廳門面唔算好大、裝修亦偏向簡單，但亦因為咁，俾人一種舒服、溫暖既感覺。第一次食當然係試下佢既花膠撈麵。花膠份量比我想像中大，不過就係薄身d既。配黑松露汁既撈麵都幾入味，但略嫌d汁太多，稍為影響左麵既口感。順帶講講個麵，用既麵係闊身既麵，口感剛好，唔會太硬、亦唔會太林。小總結，呢個撈面既價錢（$72），唔可以要求咁多，所以花膠份量同質素亦算合理。另外嗌多左個冰鎮鮑魚，出奇地，好有酒味亦好入味，唔會話只係d汁淋係表面。鮑魚亦好林，食得出老闆處理個鮑魚好恰當。$28真係好抵試！最好講講，員工服務態度好好，好有禮貌。會幫你剪開d麵、亦好樂意幫你斟茶！:)…查看更多

呢間海南雞飯成日食:)嚟到見有一半檯都有人食油飯較乾身，飯粒粒粒分明，上面仲有蔥油，但整體味道唔濃雞肉去咗骨，都幾嫩滑，凍食仲有啲透明啫喱要睇好唔好彩，有時候係雞胸肉，有時候係雞腿肉今次有雞髀肉，仲有雞翼，雞味濃黑醬油好濃稠，甜酸醬食落較爲配搭且開胃唯一唔太好食嘅係醃配菜，青瓜紅白蘿蔔太酸食唔落朋友叫咗火車頭金邊粉個碗已經又大又深，啲粉好多，簡直係1.5人份量，食到一半已經好飽有肉丸，扎肉，肉質都幾彈牙紫色洋蔥，青檸，芫茜同蔥，香料十足，有東南亞風味…查看更多

星期日係d2place行完市集，就過咗嚟食晚飯嘩，成條走廊都係人，等位條龍長到不過好彩都流動得幾快，大約等咗15分鐘先去點餐處俾錢，拎個號碼牌返位度就會有人送餐冬瓜茶係預先裝好，好快有人拎嚟味道唔會太甜幾好手工滷肉便當都幾多嘢食，有滷肉，滷蛋，醃青瓜，椰菜，甜齋同木魚嘩佢個肉燥嘅味道真係一試難忘，係我食過咁多間肉燥飯入面最好食嘅，唔怪得佢有咁多人嚟食肉汁煮得入味，一入口滿係滷香，令人欲罷不能，不過可惜嘅係滷肉唔多，食到中段有啲乾其他配料偏甜，連個乾木魚都係甜嘅?! 不過要欣賞下佢個炒椰菜，並唔係白烚，味道還不錯雞腿便當感覺同外表都豐富多了！一整隻椒鹽雞腿，下面也有少許滷肉今次配菜係蠔油生菜，冇椰菜咁好食牛肉捲餅唔記得咗影相，入面有牛腱片，青瓜絲，外面的皮酥酥的，不過略嫌太乾身，如果有多啲青瓜絲提高返整體濕度，口感會更佳提外話，餐廳入面好侷促，令人好想快啲食完走，一出佢門口出返走廊先呼吸到新鮮空氣…查看更多

嚟新城市呢間炒雞食午市60分鐘放題，價錢合理，相對呢度其他餐廳算係幾抵食旁邊嘅熟食都幾多選擇，有炸餃子，烤雞翼，炸雞，炸醬麵我自己就拎咗冷盤泡菜，仲有熱食嘅泡菜豬肉，同香菇牛肉炒粉絲全部都唔辣，調味幾好，不過雞翼略嫌有啲鞋泡菜豚肉湯都OK，仲可以自己diy加多啲泡菜入去添招牌柳氏炒辣雞，入面有椰菜，薯片，年糕同埋已調味嘅辣雞呢度啲店員會幫你炒加錢要埋芝士，份量都好多幾乎食唔哂食落個雞唔係特別辣，怕辣嘅朋友都可以試下甜品櫃都幾多選擇，不過因為食完雞太飽就冇試飲品櫃都有好多韓式飲料…查看更多