陳小姐2號的个人专页

呢間舖頭個位置比較了能，就算朋友推薦要是，去到2樓都兜咗兩個圈先至搵得到，依家周圍食肆都靜英英，但係呢一間雞煲店係平日夜晚八九點呢啲時間都有半間滿座，真係同佢雞煲肯用靚雞有關，就好似上面幅相，啲雞真係好靚，而且呢一碟雞都幾大碟，係半隻雞嘅份量，絕無欺場。食完雞煲之後就開始打邊爐，嗌咗雞子、鮮腐竹、蝦滑同油麥菜四樣嘢，樣樣都幾新鮮，似乎呢間舖頭嘅老闆都幾肯用靚嘅材料，仲有個蝦滑竟然有兩條咁多，真係抵食好食夾大件。…查看更多

一間絕對值得encore嘅餐廳經常有新菜式，為我帶來無限驚喜，今次就試咗每日限量10碗嘅雞白湯立鱗燒烏冬，真係做得好出色。先講個雞白湯，雖然冇出邊食到咁Creamy，不過佢嘅雞味真係好香濃，唔搵新鮮雞殼，仲要係大量咁樣去咬個湯好難煲得出呢一種香度同埋濃度，難得嘅就係唔會好多雞油。至於粒立鱗燒同呢度魚類出品一樣有一貫嘅出色水準，除咗個樣好有型（因為啲魚鱗炸到企晒起身）之外，連啲魚鱗脆卜卜可以吞埋落肚嗰下正。…查看更多

呢一間係太子嘅粵式小炒餸菜出色之外，佢嘅燉湯真係唔可以錯過。今次因為冇提早預訂，所以只係試到佢嘅杏汁白肺湯，香甜濃郁，真係要用料好足先至咬得到呢一種味道出嚟，個湯底應該落咗啲瑤柱魚翅海味等等嘅材料先至有呢一種味道，豬肺都新鮮乾淨，數量亦都比想像多，因為出邊好多地方都係得少少豬肺，食得唔夠喉唔過癮。小菜嗌咗三款，三款都非常精彩，咕嚕肉同埋鐵板白胡椒煎魚卜不相伯仲，非常有驚喜。另外佢個乳鴿都做得好出色，啲肉好嫩滑。最後想讚一讚佢呢度呢隻德國麥啤好好飲。…查看更多

今晚喺元朗試咗一間以德國菜為主打嘅餐廳，食物質素高，而且價錢合理，性價比高。食德國菜第一樣嘢諗到就梗係脆皮豬手啦，所以我哋都叫咗一份，份豬手嘅size比想像之中多，豬手嘅皮好脆，而佢嘅肉質都唔錯，當然比較瘦嘅部位會有少少韌啦，不過係正常嘅。呢個係黑毛豬豬肋條，係老闆娘推介嘅，真係冇介紹錯，豬肉味香，切成一條條咁樣個咬口幾好，而且煮得好香，真係有激喜嘅一味餸菜。去德國餐廳梗係要飲返德國啤酒啦，呢隻德國麥啤味道唔錯，而且價錢合理，都幾易入口。…查看更多

星期六下晝喺西灣河呢一間Cafe過咗一個非常熱氣嘅下午，因為叫咗幾樣炸嘢食，樣樣都幾好食喎。第一碟熱氣嘢係吉列炸蠔，一份有五粒，炸蠔嘅外層粉漿都幾薄，雖然係雪藏蠔，但係啲蠔都幾肥美，碟嘅沙律菜都好新鮮，都幾有誠意。跟住嗰兩樣熱氣嘢都係炸薯條，左邊嗰款係麻辣薯條，右邊嗰款係火炙明太子薯條，以邪惡嚟講，一定係火炙明太子比較邪惡，而佢嘅味道亦都相對出眾。至於個麻辣薯條係堅麻辣嘅，配啤酒就無敵，如果唔食得辣嘅都幾係嘢。…查看更多

呢間餐廳嘅set lunch都有幾多選擇，不過最正係佢嗰個冇味精嘅例湯。一坐低就一人一碗例湯，有埋湯渣，睇個樣唔似同一煲湯渣然後每日加滾水入去淆，所以唔未到香爐而且加咗粟米之後個湯特別甜。葱霸雞同煎蓮藕餅都有家庭feel，尤其是係個蓮藕餅。唔知係唔係同呢間舖頭專做雞煲嘅關係，個蔥霸雞幾好食，啲雞嘅肉質幾好，蓮藕餅入面食到啲蓮藕好爽口。每一份仲跟一點油菜。個set lunch除咗有個湯之外仲包埋餐飲，都算抵。…查看更多

這間意大利小店座位不多，每次都會預先訂位。想不到今次星期一幫襯，也是全場爆滿，很有氣氛！喜歡這裡的長方形pizza，款式多、味道好，由於太多選擇，於是我們問經理推介哪種款式，他介紹了餐牌以外的Pizza Special—意大利野豬辣肉腸什菌薄餅，這種沙樂美腸是不辣的，但很香口，薄底香脆，水準一貫的高！Pasta選了特大長通粉配意大利豬肉腸、茄子及芝士，令人喜出望外。Homemade特大長通粉非常al dente，比一般長通粉好吃，而材料亦配合得宜，希望下次再來也有機會試。…查看更多

朋友相約到這間店晚飯，平時少吃韓國菜，沒抱有什麼特別期望，但剛到達就感到熱鬧的氣氛，就如在首爾街頭幫襯路邊攤一樣。吃韓國菜必點辣炒年糕，這道菜中除了年糕，還有韓式腐皮及即食麵，真正能醫肚，吃完飽了一半，年糕質感不錯，但味道過甜了點。韓式煎餅也是我愛的韓食，今次選了蝦加薯仔煎餅，外皮煎得脆脆的，味道不錯。戲肉當然是韓式海鮮鍋，鍋中有蝦、蟹、青口、八爪魚，辣辣的濃湯頗為惹味，不過以$380的價錢來說，性價比不算高。鄰桌點了一大jar啤酒，吃得非常high，情緒高漲，無奈真係太吵了，我們朋友之間要傾談都真遇到點困難。不過，一個熱鬧的星期五晚上，到這裡吃一餐還是很減壓的。想找回在首爾街頭吃東西的感覺，這裡也是一個選擇。…查看更多

某日午飯時間路過一間裝修簡單整潔的小店，店內十多個位近乎滿了，我被門外的自家餃套餐和燉湯吸引，決定試試。店裡有種吃日式車仔麵的感覺，裝修主調為白色，配以木枱及上菜用木托盤。不過，食物就很香港。吃車仔麵總有點菜紙，看著「阿媽發辦」的8樣配料，選擇困難又害我花了5分鐘，最終選了「家作風味」，自家餃、菜肉雲吞、生菜，再選了銀針粉。兩種餃我都很喜歡，皮薄而有彈力，滑滑的，內裡有新鮮豬肉，配以炸菜或白菜，非常滋味。銀針粉容易壞，但這裡的銀針粉爽口好吃，味道不錯。我選了清湯，還可以選蕃茄湯，更可加咖喱汁、腩汁、麻辣汁等。旁邊的OL吃燉湯餐，猴頭菇螺片燉雞配以白飯，非常滋補。如果覺得套餐不夠吃的話，還水可選小食，如雞翼、手撕雞脾、咖喱魚蛋等。相信來吃飯的街坊都是喜歡上這種家的味道，而店家又的確是一位中年媽媽，開放式廚房裡忙過不可開交的廚師，看來是店家的女兒吧！喜歡這種小店，會繼續幫襯！…查看更多

每隔一段時間，都會想再來這間店。招牌菜大蝦煎米粉當然是必點，脆卜卜的米粉、新鮮的大蝦，配上滋味海鮮醬汁，香口美味，真是食不停口！鹽焗雞也是必食的，雞味濃郁，有著應有的質感，連雞胸都好吃，不會過韌，薄薄的雞皮亦令人忍不住要一嚐。花甲蒸蛋，非常鮮甜。炸墨魚餅，粒粒墨魚很新鮮。紅燒豆腐，豆香取勝。上湯豆苗，質素也高。三五知己，簡簡單單食餐好，這間餐館是不二之選。…查看更多

余均益辣椒醬絕對係共中一個本土名物品牌，食落去先微酸然後先走出陣陣辣椒嘅香味(不過確實又唔係好辣嘅)，童年食豉油王炒麵嘅回憶即刻返晒黎，估唔到衣家唧咗落去呢個雞扒漢堡度又會出奇地夾。真身件雞扒係超勁大嘅，闊過個包好多。而且件雞扒仲有返咁上下厚度。咬落塊雞扒外層非常脆口，入面就好多肉汁，但係又無油淋淋嘅情況出現。另外再加了一份小食，呢個吉列炸蠔都幾好食，隻蠔嘅味好真，唔會成舊粉又唔會係千年急凍蠔，所以真係唔錯。…查看更多

之前曾經在深圳飲過瑞幸咖啡亦download了App，轉眼間，這個品牌就在香港開了多家分店。一向積極進取的瑞幸以Starbucks為競爭對手，希望以高質素、多款式及價錢平以作招徠瑞幸經常與不同IP合作，推出以卡通角色為主題的飲品杯，吸引fans幫襯，最近更邀請劉亦菲為代言人，大打廣告說到這個品牌的咖啡，很多人都試過生椰拿鐵而且試過翻尋味。選生椰拿鐵還升級耶加雪菲豆，豆香加上椰奶，特別香滑，比麥記更勝一籌如果想享有優惠，可以加入瑞幸的WhatsApp群組，就可以$15.9買一杯。而App用戶也可享有不同時候推出的優惠。超抵的價錢，優質的咖啡，看來是星巴克的超強對手…查看更多

呢間都係叫X興，都係喺上環，不過比起其他食潮州菜嘅「興」，呢間明顯價錢平好多但係質素又唔錯。鹵水拼盤嘅鹵水夠香夠入味，好欣賞佢嗰個鹵水墨魚唔係油到橙色，鹵水豬腩肉大部分都唔係好肥，不過其中有一嚿係成舊都係肥膏。潮式春菜煲好多春菜，開頭都驚佢好鹹，不過好彩佢又唔係喎，因為好多地方食咁樣春菜煲都比較鹹。普寧豆腐個味就比較淡，一定要點佢嗰個汁先至好味。白飯魚煎蛋好正，老闆娘話今日啲白飯魚靚所以叫我哋椒鹽或者煎蛋，我哋揀咗煎蛋。四個人每人百幾蚊真係抵食。…查看更多

今日嚟咗油麻地呢一間中東餐廳，試咗佢哋嘅燒烤拼盤，有驚喜，因為佢嘅燒烤竟然唔會燒到乾爭爭，而且有炭香味，掂。佢哋仲非常細心，因為我哋其中一個朋友唔食羊，餐廳方面為咗等佢唔好唔小心中招，所以就將有羊嘅部份（其實都係羊架同埋免治羊肉卷）分開放落另一隻碟度。另外佢哋仲有一啲秘製醬汁係用嚟食燒烤嘅，店員有解釋每隻醬係乜嘢味，都係一啲印度式嘅醬汁。食燒烤梗係要飲啤酒啦，呢度有隻德國啤酒幾好飲，係麥啤嚟嘅，小麥味好香，而且一啲都唔苦，好易入口。…查看更多

因為我自己本身好鍾意食魚鰾，而呢一間小菜館嘅魚標又做得好出色，所以今晚忽發奇想，嚟一個魚標大比拼，其實都係好無聊咁樣叫兩款唔同煮法嘅魚標睇下邊隻正啲。一號佳麗就係鎮店之寶之一嘅鐵板白胡椒煎魚鰾，佢係用煎焗嘅方式去處理呢個魚標，所以煎到魚標嘅外層少少窿微微脆，蓮藕落去嘅時候仍然保留到魚標嗰種煙煙靭靭嘅口感，用鐵板上就保留到嗰個溫度，特別天氣凍嘅時候會更理想。2號佳麗就係傳統嘅薑蔥魚標，都係鐵板上，呢個魚標就少咗煎焗嗰種嘅脆口，不過佢啲配料就煮得好香，洋蔥紅蔥頭蒜片等等發揮到佢哋應有嘅香味。總結：如果純粹講魚標本身，白胡椒煎嗰款係好食啲嘅，但係如果講整體嚟講，薑蔥魚標係惹味啲嘅。…查看更多