Sei hoi的个人专页

每次途經，不難發現坐滿食客，看似平平無奇的茶餐廳， 為何如此多人光顧呢🤔，所以特意和媽前來品嚐一下。點了二人餐，價錢大約236，包括有前菜選一/酸菜或麻辣魚類別選一/小菜選一，合共三款，每款都有幾種菜式選擇，另有兩個白飯及甜品（冰粉）。份量十分夠，最重要係好食。 估唔到呢個價錢會有呢個質素👍👍👍 當然唔可以同高級川菜館比較， 但我覺得佢嘅性價比係好高。酸菜魚魚身夠滑，唔算多油，酸菜味道 恰到好處，真係幾好食。前菜我選擇了麻辣蓮藕，減少少咸更理想，麻香辣夠👍。另小菜點了醬油肉碎茄子四季豆，夠鑊氣， 濃味得黎唔會死鹹👍 個甜品有少少意外驚喜，幾特別！會再來光顧，試其他餸菜，希望一直保持水準💪…查看更多

到唐宮小聚多次，今次才寫食評😀。 他們的乳鴿，從沒令我失望， 不愧為該店嘅皇牌，完全沒有失準，絕對是必食之選。個人口味，推介鮑魚酥、 大蝦炒腸粉、鴨舌。除食物質素穩定及價錢合理外，特別欣賞他們沒有限時進食，所以是相約吹水的好地方。…查看更多

一直都好想到元朗試一試chef's stage kitchen，終於有機會了。与媽早了點到步，原來餐廳仍休息中，職員很有禮貌地回應，並提議可在外邊座位靜候一陣或影相打卡。餐廳準時6:00開始，被安排坐近窗邊卡位，環境舒適，讓人放鬆之感，絕對是暢談chill下的好地方。點餐後即送上麵包籃，內有兩款麵包，質地各有不同，另配酸酸的醬料，非常醒胃，我媽相當喜歡。先來個蘑菇湯，新鮮蘑菇香氣撲鼻，完全沒被忌廉蓋過香味，大讚!（本人極討厭忌廉哪種奶騷味的😬）再來鮮芒果虎蝦沙律，賣相吸引，蝦煎得頗香，芒果超甜，最特別是芒果上帶少少的香草味，沙律菜極之爽脆，份量夠多，非常慷慨，連一向不太愛吃沙律的我也吃了半碟。再講下精選小食拼盤，驚喜係煙三文魚多士， 色澤新鮮，多士夠香脆，中間有層薄薄青瓜配乳酪醬，絕對沒有油膩感。👍最後主菜，order了一份肉眼扒，有肉香，不軔帶鬆軟。另推介熱蜜桃茶，以高身茶壺上，特別優雅。整體 非常滿意，必定再來，下次很想試下他們的甜品和特飲。整頓晚餐最難忘是職員的殷勤款待，細心觀察食客的需要，其中一位男職員居然發現我和媽感到寒冷，主動為我們遞上披肩，很窩心。激讚!…查看更多

難得平日早放工，即与友人到大埔食八妹雞煲， 假日真的未必有位，所以難得機會，未夠6:00已到步食好嘢。 原來店舖幾大，橫裝的顏色配襯好charp，夠舒服闊落，職員充滿笑容，親切窩心。    點餐紙都有較多選擇，比較多元化，當然一定要試試傳統雞煲，由於朋友極愛食雞，所以大膽order了一隻，職員姨姨有叫我們想清楚，都怕我們食唔晒🤣態度殷勤。雞煲又怎能沒有竹蔗茅根水呢。 上菜極快，職員EE協助我們撈一撈煲內的料，隨即可食。打開蓋，香氣撲鼻， 雞煲混雜多種材料同醬料，雞屬大隻雞，肉質不似雪雞，不錯，一啖雞一口竹蔗水，正呀！食到大半，可放湯稀釋醬汁，不得不讚湯內不加鹽的設計， 沒有令湯汁越加越濃同死鹹。貪食的我，很想一試他們的安格斯肥牛，於是點了一客細份，再order一份鮮腐竹及紅薯粉。肥牛果然沒令我失望， 頗香油脂牛味。 腐竹及薯粉吸收了湯汁精華，真的令人回味，下次一定再光顧。…查看更多

今次很想分享一間別具格調，集酒吧與高尚食物於一身的法式餐廳，想像不到出現在太和住宅區附近。每次經過，餐廳的玻璃大門無論關与開總帶著一股攝人眼球的力量，必定令我望多兩眼，所以終忍不住入去一試。進入神秘大門，起初感覺地方較為狹窄及昏暗，但即時與巨型酒櫃牆身起了强列的對比，絕👍!再配上大吊燈及舒服的枱椅，頓時心情放鬆。由於朋友不太愛酒精飲品，只為她點了勁易入口的apple cider。而極愛周圍試cocktail 的我，點了一款Chi-Chi的飲品（友善的侍應有份推介🤗），不得不讚這杯充滿熱帶風味的cocktail ， 嗜椰味及菠蘿的朋友不防一試，所調的甜度剛剛好，還帶有果肉，不錯👍如再完美一些，提議減少許冰塊，不致飲料因冰塊溶掉易變淡😬。食物點了較多人推介的慢煮西班牙黑毛豬鞍@焦糖蘋果，的確用了低溫慢煮方法，讓肉質仍能保持嫩軟包汁，個人較為貪心，如再調多個特別汁料，可再昇華另一層次😊朋友極愛自家製蟹餅， 蟹肉多調味豐富卻不失濃烈嘅蟹味，炸色恰到好處，未進食已覺香口。 特別欣賞碟邊的裝飾，確實錦上添花👏👏蒜片辣椒蟹肉扁意粉絕對是驚喜之作，絕對能打動不愛吃意粉的我，調味破格， 打破一般沉悶單調的煮法。特別回味哪股清幽的麻辣香，不搶，絕對刺激味蕾。貪吃的我獨叫了一客烤加拿大海膽多士，多士絕不欺場，烤得剛剛好，超級鬆脆，絕非硬脆，海膽都很新鮮🙆‍♀️整體而言，欣賞他們用心製作每道菜式，店員服務 態度良好，感覺舒服。…查看更多

今次同大家介紹一個可以同朋友吹水放鬆嘅好地方， 半開放式嘅格局，好有情調和予人放鬆的感覺。 佢哋無論set lunch或set dinner都好值得去試。唔係太喜歡食pizza的我，佢哋嘅薄薄嘅pizza， 好香脆， 唔肚餓都可以食多幾件。 佢哋嘅意粉都非常之高質，我家姐就好鍾意食佢哋嘅牛扒，以肉眼嚟講，佢真係整得好食。 佢仲有好多好幾款雞尾酒，好有特色。…查看更多

原本打算去好彩酒樓食團年飯，點知好快就full booking，改左去觀塘利苑。先讚他們不需客人叫指定套餐（套餐一般都貴，8人都要4000），可單點，於是我們叫了4隻乳鴿， 幾款小食，另外order咗四個餸,一個煎面及一個 香芋臘味粒炒飯，最可惜沒有事前預訂乳豬及已售罄的片皮鴨。再講下味道，各人非常滿意，尤其五香牛展片香口惹味炆得淋身， 乳鴿燒得乾身但多肉汁，4隻已夠十二個大人細路食，真係意外驚喜。其他 餸菜味道絕對不會令人失望，雖然所叫的餸菜並非屬山珍海味， 味道卻令人回味。下年都會轉去這處食團年飯，好過其他又貴又唔好食嘅酒樓。…查看更多

同朋友山長水遠出黎九龍城睇中醫，排咗四個鐘超肚餓， 原本打算食西餐意思又話唔飲得咖啡又唔好食生冷嘢，最後決定試試這間點心店。點了4款點心，分別是 蝦餃，流心奶黃包，牛肉腸，同埋酥脆韭菜盒； 較為突出嘅係流心奶黃包，奶皇都幾香，美中不足是未出現澎湃爆出來的流心狀態，味道是ok的。唯一需要改善嘅係牛肉腸，粉皮太厚，個人較喜歡皮薄煙韌嘅質感。整體都還可以吧！…查看更多

好耐都冇嚟過九龍城，睇完中醫就要依下個肚。朋友介紹依間， 橫裝好有居酒屋feel， 員工態度殷勤， 食物質素非常ok。 order左自家製黑蒜拉麵，碗內有一塊黑石作保溫用途，非常特別， 味道濃沃不膩， 棉質彈牙，好有咬口； 雞胸軟骨串，香口惹味，夠辣度，送酒一流。其他食物都十分美味，下次一定再來。…查看更多

今日又來元朗搵食，住元朗的朋友話鳳琴街開咗間唔錯嘅日本料理，一於去試試先。元朗站行過來都執係5min，店內座位唔多，大約只有6張四人檯，因為不用搭檯，所以都坐得好舒服。日本鯛魚刺身唔係好多餐廳有得吃，即刻叫一客(3片)，可以選擇厚切或薄切，超鮮甜，師傅用火槍燒過邊位，口感即刻豐富咗。赤貝鮮甜爽口，後悔只叫了兩隻，$54真係抵食。👍👍喜歡吃刺身嘅我當然會試下魚生丼啦！$98真係超值，每片魚生都係厚切，而且好新鮮，仲有大大粒三文魚籽，勁滿足。😋😋跟飯仲有碗麵鼓湯，好膿味，一點都唔馬虎。吉列廣島蠔($68)有4隻大大隻，炸漿調得好好，一點都唔油膩，外層好酥脆，入面夠肥美，正！👍👍朋友同我都勁讚食物有質素，服務都好好，店員好nice，會推薦朋友來，當然我都會再來啦！😋😋😋…查看更多

諗住忙裏偷閒，試試新開嘅串燒店， 格局開揚 全黑嘅橫裝帶點神秘。食物嘅質素一般，印象中較為好食的是燒肥牛金菇同埋蒜香燒廣島蠔，反而冇叫到推介嘅燒鯖魚，整體食物價錢偏貴，2人共食了400元左右。drink list選擇頗多，有隻帶熱情果味嘅啤酒都幾好飲，好啱女士。 純粹想吹下水，飲下酒的朋友可試下的， 但如果追求食物質素食的可能會較為失望。…查看更多

已聽聞The market的自助餐難book，所以已於九月在網上book定十月，終於到了期待已久的晚餐。一行7人於晚上6:00到步，服務員殷勤的款待，笑容滿面，讓人有relax親切的感覺。坦白說，以800元食一餐沒有生蠔的自助晚餐，的確有些貴，但論食物質素同環境，都是可以接受。這個市道，平一點的話，吸引度會再高些。細食的我，相信只試了一半食物，當中最令人印象深刻必選鵝肝，外皮煎得脆，內裡油香撲鼻，沒帶一點腥味，激讚! 另一推介是中式燉湯，椰子香氣清新，足料。刺身都很新鮮，海鮮粥充滿蟹膏香味，味濃。甜品有十幾廿款種類，其中榴槤控必食榴槤撻同班蘭榴槤蛋糕，好好味，飽到反肚都要食多兩件。 聽聞而家有好多優惠，其中有個連住宿包自助晚餐，應該化算好多，有興趣可試試，當度下假。…查看更多

真心說，對稻香本身不感期望太多。但多個朋友近日推介佢嘅長腳蟹，就沙膽約朋友一試，今次對佢真係有些改觀了。環境有改善， 起碼地氈乾淨， 沒有之前一點點的“焗栗味"，坐得舒服，不過空調真係大了點，愈坐愈凍，真要改善下。 談論一下食物先，相當意外的是他們的明爐鵝，幾見得人喎，皮都算脆，肉身入味有咬口， 確實不錯。 沙薑雞就非常一般不食也罷。燉湯好抵飲，足料。炒菜及湯菜都味道不俗。主菜當然是4斤幾的阿拉斯加長腳蟹（有朋友講要食就要最大，可6斤幾架,不過真係食唔晒呢！），果真性價比極高，多肉多汁s，好彩選到隻靚嘢，仲有勁多膏（黃膏要用匙羹忽嗰d），真係會飽到極點，一行5人，食到敢都只係每人280。當然點都有個疑問……🤔點解會咁平，不過食得就唔好諗禁多，一年都係只係食一次吧！ps：忘記仲叫左一個椰皇燉燕窩，限量有售，好食的。…查看更多

做完嘢同朋友行黎天山水圍商場，見到間日式料理，外觀環境唔錯，於是一試 。坐低後，已好肚餓，開始揀野食，嘩……有好多選擇，要用order紙，自己填寫食物，店員一叫即到，完全唔會扮睇你唔到。order 完之後，大約十分鐘陸續上菜，雖然店內人多，但上菜速度一D都唔慢。其中我點左燒牛舌，係厚切嘅，正！而刺身拼盤嘅希靈魚都係厚切，蝦刺身都好大隻，都幾新鮮。 另外叫左黑松露玉子燒 $32/3 件，真係夾左唔少松露，一D都唔馬虎，滿口松露香。銀雪魚亦係我必點之選，魚肉好滑。麒麟啤酒500ml 都係$58 抵飲。 店內仲有免費wifi。見到隔離叫左個牛肉喎，牛肉個樣好新鮮，又大鍋，但由於兩個人，叫唔到太多野，下次要再去試下。…查看更多

位置距離火車站好近，好容易去，環境清雅舒適 不過要坐膠櫈。小弟已幫襯過無數次，最出名固之然係白粥，有好香的白果味，質地稀杰度適中，白粥任添。菜式選擇非常多，可推介幾款給各位……脆皮乳豬香口夠脆 、豉油皇炒面絕對有意外驚喜、 香煎腐皮卷（亦可以拼春卷）、 清炒菜心炒得好好、 芋頭魚外面嘅脆漿好薄，炸得香脆，個汁酸甜度適中，屬開胃菜、最後推介 金菇切扒豆苗，好香麻油味，夠鮮。 不過 有一位阿姐態度非常飄忽， 時好時壞，觸摸唔到，睇你好唔好彩遇到佢。🤣…查看更多