八妹雞煲

营业中

休息中

難得平日早放工，即与友人到大埔食八妹雞煲， 假日真的未必有位，所以難得機會，未夠6:00已到步食好嘢。 原來店舖幾大，橫裝的顏色配襯好charp，夠舒服闊落，職員充滿笑容，親切窩心。    點餐紙都有較多選擇，比較多元化，當然一定要試試傳統雞煲，由於朋友極愛食雞，所以大膽order了一隻，職員姨姨有叫我們想清楚，都怕我們食唔晒🤣態度殷勤。雞煲又怎能沒有竹蔗茅根水呢。 上菜極快，職員EE協助我們撈一撈煲內的料，隨即可食。打開蓋，香氣撲鼻， 雞煲混雜多種材料同醬料，雞屬大隻雞，肉質不似雪雞，不錯，一啖雞一口竹蔗水，正呀！食到大半，可放湯稀釋醬汁，不得不讚湯內不加鹽的設計， 沒有令湯汁越加越濃同死鹹。貪食的我，很想一試他們的安格斯肥牛，於是點了一客細份，再order一份鮮腐竹及紅薯粉。肥牛果然沒令我失望， 頗香油脂牛味。 腐竹及薯粉吸收了湯汁精華，真的令人回味，下次一定再光顧。