easybel的个人专页

下晝接近兩點同朋友兩個係沙田吾知食咩好 吾想食得太頹 又吾想食太貴 就決定睇下beans多吾多人 可能閒日 又過左最多人嘅時段 吾洗等位直接有得入座! 餐廳環境光猛 有室內室外空間 我地就坐室內 環境好舒適 好適合情侶或者兩三仲個朋友慢慢食住吹水 食物方面兩個都叫左最多人推薦嘅黃金蟹肉意粉 lunch仲包埋一杯野飲 連加一 一人都只係七十蚊 好抵食 點完餐 先上飲品 而食物等五至十分鐘已經得 一上枱 賣相咁靚 梗係先打卡啦 當然除左外表 味道更重要 意粉煮得啱啱好 材料亦一啲都吾馬虎 吾錯吾錯 值得再去…查看更多

夜晚行開旺角 好想飲野 見有朋友推過烤紫薯鮮奶就一於試下呢間冇去過嘅台式飲品店啦 咁啱果日同行嘅朋友都話想試 所以就有機會試兩杯比較熱門嘅野飲 吾洗問 我就梗係叫左烤紫薯鮮奶啦 而朋友就叫左抹茶鮮奶加黑糖珍珠 首先不得不提嘅係我飲呢間野有一半原因係因為啲飲品好靚😅好喇 講翻兩杯野飲 🍠果杯鮮奶味重 紫薯好多 真材實料 仲飲到一粒粒嘅紫薯 未試過嘅可以一試 至於抹茶果杯 抹茶味濃😍雖然加左黑糖珍珠 但係叫70%糖飲落似30% 吾太甜所以加分 整體黎講 個人覺得抹茶鮮奶比較出色 不過兩杯都吾錯…查看更多

琴晚一家三口出開灣仔 知道呢間店好出名 咁身為香港人冇理由吾試下嘅 就轉登坐車黎試 夜晚六點五十分去到等二十分鐘左右 前後嘅人好多都係講普通話嘅 內地遊客應該佔客源嘅一半😅講翻啲食物 首先好失望嘅係連河粉都賣哂 真係有啲無奈😑最後我叫左個上湯牛腩米 屋企人分別叫左上湯牛腩粗同咖哩牛筋腩伊 食物好快上 食物吾熱都預左架喇 但係呢啲都事少 先講湯底 上湯同咖哩汁味道都幾好嘅 不過清湯比較油 而咖哩麵湯底特別少 之後講牛筋腩 牛筋就幾好食 不過牛腩就好令失望 有一半都好少煲湯瘦肉咁🤯咬到我決定直接吞入肚算 再講啲麵 雖然係配角 但係收成五六十蚊碗 仲要淨麵都四十蚊碗 竟然俾啲好差嘅麵客人食 完全係不知所謂! 米粉一食就知cheap 伊麵煮到勁淋 粗麵亦不外如是😡 總結黎講 要排隊 逼住坐 俾個咁嘅價食碗咁嘅麵真係絕對冇下次 呢啲店都係留俾啲遊客慕名而來算啦 …查看更多

成日都好食出大澳食茶粿同雞屎藤 但係好遠 所以一年最多去一次 琴日係西貢見到有賣 即刻二話不説買左一盒雞屎藤同一盒甜嘅茶粿 雞屎藤好難食 甜得好緊要 而且天氣凍 又硬又實 賣相亦吾吸引 一般雞屎藤都係圓扁形 呢個就好似一餅白魚蛋咁🥺為左試真啲一係咪咁難食 翻到屋企就整翻熱黎食 口感雖然好左 但係真係好甜 好失望 茶粿方面 今次試左紫薯綠豆味 個皮好厚 一啲紫薯味都冇 而個綠豆餡雖然多 但係又係實的的 一啲都吾好食 再講 兩樣食物都好油 真係吾知啲好評點得翻黎😑雖然食哂落肚 但係下次送我都吾要😔…查看更多

一年都未必去西貢一次 黎之前梗係要去openrice睇下有咩好食啦 呢間小店都吾少好評 就試呢間啦 三個人去叫左好多人推嘅蝦米腸(大) 粥就分別叫左滑牛 豬潤同及第 全部都係廿三蚊真係好抵! 本來唸住叫埋炸兩 不過三點幾去到 所有油器都賣哂喇 所以如果想食嘅 最好朝早去 講翻啲食物喇 味道方面蝦米腸普普通通 吾會等別推薦 粥就幾好食 雖然稀少少 不過味道好 材料都好多 豬潤吾係爽口嘅 但係吾腥 亦吾會老 滑牛都係平時食開果啲貨質啦 整體黎講 食物雖然平平無奇 但係食落好warm 係一種只有小形老店先俾到人嘅感覺…查看更多

知道呢間拉麵店好出名 想食好耐 不過好少出銅鑼灣/尖沙咀 而且餐廳太多 未有衝動轉登去食 難得今日朋友提議去試 梗係一口贊成啦☺️ 下晝點幾兩點去好多人 不過可能因為閒日 所以只係等左大概五分鐘就有位 第一次去當然叫左推薦嘅拉麵啦 所有野都係揀店舖推薦嘅 不過因為鍾意硬啲嘅麵 所以揀左硬麵 朋友同我都分別加左隻蛋 碗麵都係等一陣就到 味道濃郁 湯底正 不過對我黎講偏油 下次可以揀清淡 麵方便我覺得可以叫最硬果隻😂 蛋就好食嘅 不過我果隻就熟左啲 一啲流心都冇😢 叉燒味道我都吾係咁鐘意 總括黎講碗麵比較普通 吾係特別出色 我唸下次都係去其他拉麵店算…查看更多

前兩日同朋友兩個人係旺角想食個 quick lunch 見呢間店都吾少人幫襯 就決定入去試下佢啲麵(餐廳應該主打麵食) 餐牌選擇吾多 不過粥粉麵飯都有 基本上都足夠迎合香港人嘅口味 朋友叫左個牛雜河 而我就叫左個招牌魚蛋米線 吾洗等好耐就有得食 兩碗麵嘅份量都偏少 不過其實呢點我欣賞 始終有啲人比較細食 細細碗就吾洗驚浪費食物 而且咁嘅價錢 都吾會要求太多 至於餸方面 朋友嘅牛雜就比較少 而我果碗就有魚片三塊魚蛋三粒 講到味道 個人認為魚蛋米線嘅湯底清左啲 冇乜味 魚片味道正常 而魚蛋就麻麻地喇 話明招牌魚蛋 唸住會係彈牙爽口嘅潮洲白魚蛋 點知係好唸嘅 整體黎講 如果想食得清啲經濟啲 而又吾係好肚餓嘅話都可以試下 …查看更多

今晚朋友生日 book左7.30六個人 大概7.40去到即刻有得入座 一開始就一次過叫左好多刺身 仲有壽司同炸物 食物上得好快 漏單情況吾算嚴重 亦可以諒解 因為夜晚真係爆哂 好多人 食物方面 刺身好掂 特別係啲魚 蝦就一般啦 魚生切得好厚身 好肥美 款式方面一般應有嘅都有 吾錯 壽司方面都幾好 同一般壽司差吾多 不過佢都好識做 我唸係為左避免顧客浪費好多食物 所以壽司嘅飯size都係細細舊 至於炸物我就冇食 不過朋友推薦炸鮮奶同炸紫薯 其他值得推介嘅仲有牛油粟米 鰻魚 同蟹粥 甜品方面款式吾會特別多 不過一定有啱你心水嘅 同埋迷你size值得欣賞 個人覺得朱古力雪米糍好好食 雖然你可能會覺得吾特別 不過可能因為我都好鍾意食甜野 所以😍 最後 飲品方面都好顧及到客人嘅需要 overall呢間放題幾高質 價錢亦係放題店裡面算平 環境食物服務態度各方面都好好 會推薦俾大家 …查看更多

今日下晝係深水埗 有啲肚餓就求其入左間餐廳食lunch 叫左個番茄蛋牛肉手打麵 味道幾好 同其他麵店嘅麵差吾多 不過勝在番茄牛肉同洋蔥都有吾少 價錢都好平 同埋吾多人 環境都ok 但係碗麵超油 正常番茄湯底都比較清 吾知點解成碗都係油 係油到依家唸翻都有啲驚 雖然吾想浪費食物 所以有食哂 但係吾會建議任何人食 朋友叫左碗satay鴨胸麵反而一啲都吾油 好神奇 不過overall所有野都幾好 最大嘅問題都係個番茄湯底太多油 可能係我今日吾好彩😢…查看更多