潮成園

营业中

休息中

前兩日同朋友兩個人係旺角想食個 quick lunch 見呢間店都吾少人幫襯 就決定入去試下佢啲麵(餐廳應該主打麵食) 餐牌選擇吾多 不過粥粉麵飯都有 基本上都足夠迎合香港人嘅口味 朋友叫左個牛雜河 而我就叫左個招牌魚蛋米線 吾洗等好耐就有得食 兩碗麵嘅份量都偏少 不過其實呢點我欣賞 始終有啲人比較細食 細細碗就吾洗驚浪費食物 而且咁嘅價錢 都吾會要求太多 至於餸方面 朋友嘅牛雜就比較少 而我果碗就有魚片三塊魚蛋三粒 講到味道 個人認為魚蛋米線嘅湯底清左啲 冇乜味 魚片味道正常 而魚蛋就麻麻地喇 話明招牌魚蛋 唸住會係彈牙爽口嘅潮洲白魚蛋 點知係好唸嘅 整體黎講 如果想食得清啲經濟啲 而又吾係好肚餓嘅話都可以試下