sweetcc0823的个人专页

假日無聊之際，當然最好約埋三五知己到離島遊玩坪洲話大唔大，話細唔細。優優閒閒咁環島遊，不經不覺玩足一日。漸漸玩到日落黃昏，已經疲倦不堪。坪洲好多食肆唔係大排長龍，就已經關門為方便又就腳起見，揀左碼頭隔離既餐廳享用晚餐。我地１行４人，點左３道小菜。1. 椒鹽鮮魷食左幾舊先記得影．．份量足夠，對得起價錢炸皮酥香脆口，魷魚有彈性得黎唔ｕｎ。而且口感唔油膩，配一杯啤酒應該一流2. 西檸雞西檸雞靈魂之處在於佢既醬汁，醬汁調配得剛剛好，酸酸甜甜好開胃。用黎送飯一流呀雞扒新鮮炸出黎，食得出既酥脆。而且雞肉唔鞋口，嫩滑有汁。推薦程度3. 炒時蔬不過不失，食落無沙就夠。食飽飽可以坐定定等船到，唔洗趕船，見到船埋岸慢慢行都得…查看更多

為咗唔好成日食連鎖店，所以揀咗呢間韓國餐廳千挑萬選，竟然比我揀咗個爛橙，晒咗我既Quota真係難食到講粗口，成餐飯差啲食到洗腎。好難食，好難食，真係好難食！難食到一定要同大家分享，希望唔好再有受害者。定係我地運氣差，平時煮開飯個廚師放假，首先入到去，見到隔離檯碟雞蛋卷賣相好吸引，大大份，真係啱晒大食既我地。我地一共叫咗三樣食品。1.  芝士蛋卷 $158賣相：  --------（５分滿分）味道： --------（５分滿分）咸味： --------（５分滿分）賣相真係好吸引，打咭影相呃LIKE無得彈。第一啖食落去都正正常常，但越接近核心範圍，成舊蛋卷既味道越黎越咸，咸到有少少苦味。真係好咸好咸好咸到食第二舊既時候，咬咗一半已經唔想再食。原本期望上面既菜絲幫助中和度陣味，但係菜絲完全唔新鮮，好似朝早切完擺到夜晚咁。"梅"既  大大陣草青味傳入我的鼻！連沙律醬都變左一個負累，傳說中任何食品加左沙律醬都變成一樣美食，但係，又係咸既，咸上加咸，加埋阿梅係我地倒霉，千挑萬選都揀咗間垃圾餐廳。2.  魚糕湯 $160賣相： -------- （５分滿分）味道： --------（５分滿分）咸味：  --------（５分滿分）成碗魚糕湯有２串魚糕，加埋唔知有冇２隻獅子狗既份量，再加多粒火腿丸湯底有幾片切咗既魚糕，４舊年糕，１隻雞蛋，１舊蘿蔔，同埋大量紅蘿蔔絲 + 洋蔥絲 :) NICE～完全足夠攝取大量纖維呀！ (反話)呢碗野已經係全晚最啖口既食物，不過都係咸份量又唔係好多，全部野烚完加雞湯都可以咁難食。有既，入面個烚蛋同埋蘿蔔最好食囉，因為本身都冇味。3. 蒜香無骨炸雞 $228賣相：N/A -------- （５分滿分）味道： --------（５分滿分）咸味：  --------（５分滿分）炸雞有汁/無汁都食過，唔期望有汁既炸雞可以同無汁既一樣脆，但唔係成塊皮都係淋呀嘛成碟野得８件麥樂雞大小既炸雞，同埋１份細薯條墊底，然後上面唔知係大量（？）定點，沾滿晒全部雞既蒜汁。好濕好濕好濕，唔講以為碟雞係外賣完返屋企，之後好似翻叮咗４—５次既炸雞。係呀，係好似＂叮＂完既雞呀，唔係用氣炸鍋翻熱既雞呀濕到咁呀濕到甩皮甩骨，完全無咬口，有咬口既成日攝牙LA既乾蒜。然後佢入面舊雞又係勁咸，咸到完全感受唔到其他味。成晚淨係覺得好咸好咸好咸其實把口已經好垃圾，中規中矩唔難食就可以，但呢餐我真係食唔落。我地另外叫左支野飲，最後２人埋單，每人＄３４０。如果好食，我接受到呢個價錢，但完全唔好食。…查看更多

前排生果報既YOUTUBE頻道消失咗，少咗留意美食既渠道。但唔緊要，仲有米紙，重新出發係米紙留意到，元朗呢間台式餐廳係由前五星酒店廚師開。每樣菜式加咗少少特色元素。當日6點半到達，全場入座率已經達到8成。好彩，唔洗拎飛等位可以入座。友人對滷肉飯情有獨鍾，而且都係其他食客既推介食品之一。一於試一試佢1. 黯然銷魂安格斯滷肉飯 $86味道： （５分滿分）呢個價錢份量唔算好多，但足夠令一個普通食量既人有飽足感。除咗滷肉飯，仲有少量蔬菜配搭，給予均衡既營養滷肉半肥半瘦，油膩唔算好重。味道咸度適中，食到最後仲有少少回甘。半熟蛋篤穿攪勻，雖然蛋味唔算好濃郁，但令成碗飯口感更加豐富。2. 蟹肉金絲炒新竹米粉 $96係一碟好乾身既米粉食材極簡單，配搭既芽菜帶來一絲絲口感，但整體米粉味道偏淡，係蟹味十分突出，好香濃。如果成晚淨係食呢一碟野，會好寡好無聊3. 玫瑰可可鮮奶 $32朱古力味道濃郁，玫瑰有少少，男女都適合飲用整體而言，不過不失，但未有帶黎好驚喜既感覺。下次可能試下牛肉麵，有更多驚奇感受…查看更多

是日晚餐走到經過多次都未有機會品嚐既鹵家，招牌中有幾款推介食物，揀完又揀，終於揀左呢款甜甜既梅子脆燒鴨。未知係咪對＂脆＂字有誤解，冇一舊燒鴨係脆既，定係因為已經到左晚上，所以已經變軟？但我只係8點左右去食。第一口咬落去，皮是淋的。不過鴨肉幾入味，配埋梅子醬甜甜地，食多幾舊有點膩，稍為沾ｄ梅子醬，作為膩時可以解膩之用有緩和既作用。食物質素係OK，但係比預期既＂脆＂有出入，有少少失望。整體未見特別突出，下次可以試下叉燒平一平反。…查看更多

新商場同呢間餐廳差唔多時間開業，雖然周圍既餐廳都試勻過，但就係未試過呢間到處都係人流，想找個清靜地方食飯。剛巧人客唔多，終於揀定係度食。午餐餐牌有飯有麵，種類算尚豐富，不過OPENRICE入面有張餐牌好奇怪，好似唔係呢間餐廳既其實我係比個張餐牌呃左入黎。1. 豬髀飯今日胃口甚佳，所以點左個飯食。充滿蛋白質同骨膠原既豬髀上菜速度好快，但依然熱辣辣。而且份量十足，足夠喂飽一個男人因為身為男人胃既我都食唔晒。豬皮膠質豐富，好軟淋；豬髀肉質鬆軟，一夾就散，而且唔會痴牙；另附有甜酸汁，化解食食下會膩既感覺。除此之外，仲有一堆菜同一隻蛋。食物營養十分之均衡跟餐可以加錢換小食，其實應該唔算係小食？+$32　要左一份鳳爪沙律，身為小胃王，真係好肚餓，以為食得晒，點知食極都食唔晒，仲有５-６隻鳳爪趾係入面。即係覺得好抵食。埋單$110，飯＋小食＋飲品飯同小食都仲要食唔晒，如果2-3個朋友仔/同事黎午餐，SHARE食拉返勻個價錢都唔算貴。…查看更多

中午好想食壽司，荃灣西附近唯一既選擇 (?)峰壽司見到有午市套餐，份量好似都OK，因為平時去食迴轉壽司都食1X碟，驚唔夠飽1. B SET壽司盛B SET有沙律同８件壽司、１件手卷，另附麵豉湯。真係大食仲可以+$18要埋拉麵同烏冬沙律普普通通，一般沙律菜配芝麻醬。壽司味道尚算新鮮，冇特別腥味難入口。食完８件壽司有點兒空虛，不過碗麵豉湯都幾大碗，飲完之後有啲飽最後差點兒食唔落個手卷。手卷係炸蝦，同沙律醬簡直係完美配搭。飯量十足，食完真係飽飽～～…查看更多

每年總有機會去馬來西亞探朋友一次，每次去都想食匀咁多款美食。好似海南雞飯、辣椒蟹、福建炒麵、炒蘿蔔糕⋯⋯等等。但呢啲係香港煮得好食好困難😂所以好多時揀喇沙食一來本身好鍾意陣椰香湯底。蝦麵店本身都幾出名，所以係荃灣開分店時就好想試1. 雞絲雞蛋麵 配 咖哩喇沙濃湯湯底顏色上睇落好似好濃郁，不過吸入一啖麵之後，掛係麵條上嘅湯底唔多，而且感覺好水，定係因為冇味精？講笑不過湯底味道係分開，感覺到好稀，比起西九龍上面間喇沙差好多。雞絲有點鞋，其他味道都一般。唔想特登想再食⋯⋯…查看更多

平日中午食飯，黎黎去去都炒粉麵飯，間唔中轉換口味就會食常餐。而近年來唔少茶餐廳＂轉型＂冰室，造就左好多懷舊冰室食物出現。所以不時同朋友出去食飯，都會揀冰室試下常餐。價格相宜之外，食物種類又多。1. 羅麥雞翼撈通粉 配羅記炒蛋多士跟餐配既多士剛剛烘好，塗上一層薄薄既牛油，焦焦脆脫之外，牛油有陣咸香味，食落格外惹味。多士永遠都要襯熱食先好味，凍左就。。拜拜跟餐仲有炒蛋，可以轉熟蛋、太陽蛋或反蛋。主食瑞士汁撈通粉，味道略淡，好似同通粉唔係好夾，味道融合唔到其中唔會令我想一口接一口。不過如果你鍾意食清淡／清爽既口味，可能會覺得無問題。而瑞士汁雞翼煮得好淋，表皮冇破損，但依然十分之入味，而且可以輕易骨肉分離。就連軟骨都可以食得乾乾淨淨。總括而言，可以中規中矩，唔難食亦無特別驚喜。…查看更多

神早起床清新開朗～～一日之計在於晨，食個早餐開工先夠精神荃灣西鐵站附近既早餐選擇唔多，人流最多莫過於紅茶冰室，食過幾次覺得一般，部分扒餐太過油膩發現荃灣廣場除左M記外，原來呢度都好早開，所以過黎一嚐佢既早餐。1. 芝士吞拿魚法包(2件)配鮮茄湯通粉芝士吞拿魚法包焗到好脆口，吞拿魚同沙律醬比例混合得岩岩好，唔會過分多，令佢味道變重。而且配上淡口味既法包，兩者味道中味返。幾好味少少拉絲～可惜，鮮茄湯通粉略為味道太淡，似清水＋蕃茄蓉多過似鮮茄湯。不過加左橄欖既味道好得意，好有EURO GOGO既 FEEL味道算係多一種層次。早餐黎講，$42比其他茶餐廳係貴，不過志在人少少，坐得舒服又可以慢慢嘆。而且上餐速度都好快，唔怕漏單。…查看更多

海之戀開幕初期人流一般，唯獨食肆較多，可以吸引返附近居民同埋寫字樓人士。呢間新開張既時候，客人唔多，午膳唔需要等候。上菜時間都快，大概等左10-15分鐘。清清地唔想食飯，揀左個沙律食，但額外加配薯條，好矛盾吧1. 炭燒雞髀扒+柚子醋田園沙律柚子醋十分夠分量，好酸好甜，同時都令人好開胃。但，建議可以放少啲，有點兒太重口味。另外沙律入面火龍果略嫌太熟，影響口感同觀感。雞扒燒得岩岩好，肉嫩多汁，一度以為佢唔熟雞皮少少焦脆，但依然保留有油香。2. 和風薯條$18一碟真係好抵薯條炸過後，加入芝士入焗爐焗，芝士緊緊依附係部分薯條身上加埋紫菜同柴魚絲，好香口惹味。但唯一缺點係味道太咸，食到一半已經食唔落，飲幾多水都冇用總括而言，餐廳行較休閒高尚路線，價錢中等，味道偏重口味，有啲似食高級薩ｘ亞。翻查後知道係大快活旗下品牌。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊P.S. 為左沙律同薯條，我食左幾次。雞扒份量越來越細,以前有５舊，而家得返４舊但有個優點，廚師會接受客人意見，因為當我第２次再食既時候，提出薯條走鹽，因為食過太咸。過後幾次返去食，唔需要刻意提出走鹽，已經冇落鹽。…查看更多

是日OT完，為左慰勞大家既辛勞，齊齊食好西剛剛開業時人流極多，經常係午飯或晚飯時間大排長龍。今日OT完都已經9點幾，人流不多，但幾乎滿座。店內環境尚算寬敞，有多種座位擺放，適合自己一個人、情侶或一班朋友食。個人叫左最抵食既澳洲肉眼扒，300G只係$119。侍應落單時唔會向客人查詢要幾成熟，當時我地覺得好奇怪原來已經預定左上菜時，只會煎到３－４成熟，客人需要係上菜後切開，然後等鐵板慢慢烤熟。上菜啦～～不過鐵板上枱後，唔係燒得好熱，好快就散晒啲熱氣。而圖中可見，牛扒有血水滲出，應該用左好猛火去煎所以牛扒外面煎得十分焦香，而且稍為難切開，但能夠保留較多肉汁，肉質軟淋，味道不錯。套餐+$29有沙律、薯條同湯，另+$9有飲品。埋單每人$150左右，尚算抵食。下次要試下其他牛扒，一較高下。…查看更多

一蘭黎左香港咁耐都有食過，碰巧路過人流唔多，當食個下午茶都好叫左份完全標準既拉麵，加左個溏心蛋。叉燒肥瘦適中，入口咬幾啖已經可以吞，煮得幾淋同埋幾入味。叉燒煮得好，已經係食拉麵既基本。:)選擇左適中硬度既麵身，幼細既麵條，可以更容易一口接一口吸入口中。而且因為幼細，容易將湯汁掛係麵條上，令每條麵都可以品嚐到濃厚既湯底味道。湯底有＂杰＂身，充滿左豬骨味，少少辣粉令碗湯既味道提升。份量岩岩好係下午茶既份量，適合胃口細小既女仔食。如果肚餓大食，建議加碗飯，撈埋一齊食，因為濃郁既湯底絕對令你唔想浪費一點一滴…查看更多

荃灣D-PARK附近，除左8咪半之外，行遠少少去福來邨都有幾間平價野食。今日午餐選擇左韓國菜。1. 石頭傳統雜錦雞肉飯 $55石頭鍋上桌時都係熱辣辣，油分充斥係石鍋入面，令佢發出煎野既沙沙聲。跟餐有甜辣醬需要自行混合，甜辣醬味道偏甜，唔係好辣。配菜方面有芽菜、紅蘿蔔絲、翠玉瓜、菠菜等等，但食落原來有白蘿蔔絲，生蘿蔔既味道有少少影響味覺，如果可以去除應該會更好。2. 韓式蕎麥水冷麵比起係韓國或其他更為正宗既韓式餐廳，呢度唔需要自己落醋同黃芥末，唔夠味；湯底冇冰塊，唔夠凍；水果以蘋果代替雪梨，唔夠清新:(牛肉味道OK，有少少"UN"。麵條幾彈牙，但梘水味有點重。價錢正常，食物水準一般，唔會刻意想食多次。不過店內都有唔少熟客食，午飯時間人流都旺。…查看更多

夏茶由奶蓋好HIT個段時間開始係元朗崛起，直到而家已經一段時間，依然有一班支持者，可想而知有啲料到最多朋友推介既芝士草莓雪沙賣晒，叫左以下兩款飲品：1. 芝士牛油果雪沙芝士奶蓋方面，根據一般既飲法，當然試左佢既奶蓋先奶蓋打得十分濃厚，似鮮忌廉打發９成既厚度，混合埋忌廉芝士既口感。芝士味十分重，但味道略為咸左少少。而雪沙方面，打得好綿密同細緻，牛油果咪都算突出，甜度略甜(下次可以再少甜)但混合埋芝士奶蓋一齊飲就岩岩好。沖淡左芝士既咸味，清清地幾FRESH。2. 芝士蜜桃雪沙蜜桃味好清新香甜，桃味唔會好假綿密同細緻既雪沙令佢好好好好清新，蜜桃雪沙比起牛油果好飲，但略為同芝士奶蓋唔夾。其實佢算係同區小店內，表現較為出色既一間，其他摺得既摺晒，一係淨返連鎖式既台式飲品店。夏茶水準KEEP到之外，仲會不斷推出新款式飲品，係以前喜Ｘ未出現係元朗前，一個芝士奶蓋既好選擇。…查看更多

HAPPY FRIDAY要食好西今日收工要出尖沙咀，想平平食個晚餐。之前聽人介紹葵涌有間又平又正既漢堡包，經OPENRICE睇先知開左係尖沙咀一段長時間所以決定去試一試。漢堡選擇多元化，清楚分左豬、牛、羊、雞同埋蝦岩晒唔同喜好既人士。跟餐+$15有薯條同汽水，除左薯條，仲可以揀薯格、燒賣、炸燒賣、蕃薯條或沙律。我地２人各自叫左個漢堡，分別有：1. 烤菇芝士牛堡 $50首先賣相已經十分之精緻同埋靚，絕對唔似係賣緊四五十蚊貨仔既漢堡牛肉漢堡好厚身，有成1CM咁厚，配合本身大啡菇烤完好多既水分，令本來已經十分JUICY既牛肉漢堡更加多汁美味。一路食，一路滴晒ｄ汁出黎，仲有已經融晒既芝士同沙律醬，令人食得幾狼狽而個包既包邊烘得好脆，中間鬆軟，食到最後個包已經食晒，淨返舊肉，可想而知塊肉有幾大2. 香辣煙肉蛋羊堡 $52實物如圖，冇PS過，真係咁高咁厚，一啖真係咬唔晒成個包同樣地羊肉漢堡一樣多汁JUICY，而且唔會好"SO"，怕食羊既我都可以接受到。整體黎講，兩個包都一樣咁高質3. 薯條 / 薯格 (跟餐$15連飲品)即叫即炸，熱辣辣好好味新鮮野永遠比炸定既好。２人埋單都係$132，好抵食又飽肚。７點前去到仲有好多位，但到左７點後，開始越黎越多人。如果大家平日想去食，又唔想排隊既話，建議夜晚７點前去。我地一致表示好食，可以番啅…查看更多