julietccy124的个人专页

餐廳位置都幾好搵，就係Donki再上少少 🤏平日晚市6、7點時間都仲有唔少吉位（希望大家多多支持香港餐廳 🥹）同朋友睇完餐牌後決定點兩個主食、兩個小食同埋兩個嘢飲 🍱我就點左個鐵牛臭臭鍋（微辣）配牛肉同埋米粉幾貼心既係店員比左個bib我食臭臭鍋 😂真係開正我果範，因為我係經常食嘢整污糟衫既人 😝臭臭鍋裡面有好多料：豆腐、響鈴、肉、菜、米血糕、粉絲，份量都唔少，食到好飽！微辣黎講都唔算辣，鍾意食辣既可以叫高level啲既辣度 朋友叫左柚子蜜香雞排便當個樣都十分唔錯 👍 飯係滷肉飯，絕對無hea雞排煎得香脆熱辣，蘸上柚子蜜清新開胃 🤤even連旁邊既小碟都幾好食小香腸同埋鹽酥小拼盤小香腸好貼心地已經精準舖好生蒜 🧄台灣小香腸黎講一定要夾生蒜先好味！😋而鹽酥拼盤裡面係花枝丸、雞塊同埋甘薯條 🍠香口野失誤率低，唔係話特別亮眼但係一定係穩打穩紮紅豆珍珠奶茶🫘 同埋香濃巧克力🍫兩杯都好好味👍 尤其是紅豆珍珠奶茶裡面有好多起沙紅豆，珍珠香糯QQ以呢度唔係好多食客黎講，坐既環境一流，方便朋友傾計！…查看更多

晚市套餐餐牌 👀金磚豆腐。金沙白飯魚兩樣都係新鮮炸好攞上檯夠熱，夠脆，夠香口唯一要彈既係份量可以多啲大宅佛跳牆實物比相大碗，一打開個蓋，香氣撲鼻可算係名副其實既佛跳牆入面配料豐富，有鮑魚、大大隻乾元貝、花膠等等星級食材湯頭香濃厚重，膠質豐富食完會有種難以忘懷既感覺蟹黃銀針燴玉帶帶子半熟，輕微煎過外層，鮮香味美蟹黃汁味道偏淡，略顯單調20年古月龍山花雕蛋蒸虎蝦球幾有驚喜，蒸蛋每啖入口果然有微微花雕香味味道不濃不嗆，可以話岩岩好虎蝦新鮮，咬落肉質回彈拔絲咕嚕肉呢個菜式相對普通，拔絲係做到，但係口感方面爭啲裡面有油炸鬼，食落反而比豬肉突出酸甜口味算係中和下先前幾個菜既飽腹感香煎一夜鮮麒麟魚魚塊炸得脆口，連埋外皮食口感更豐富處理得幾好既地方係即使魚塊係炸過，但係內裡肉質依然保持水嫩多汁蝦子花膠濃雞湯。伴菜苗。手工拉麵湯麵黎講湯底好重要呢個雞湯好香濃，就算食唔曬啲麵都會想飲曬啲湯芋茸燉鮮奶上層係桃膠，中層係燉鮮奶，底層係芋泥整體甜度控制得好好，芋泥唔會好似潮州菜有時太甜之餘，亦唔會唔會油稱得上係有心思既甜品…查看更多

餐廳位於灣仔鬧市1樓都幾近地鐵，可以話位置方便入到黎見到餐廳裡面有幾間房，老闆話呢度原來可以包房唱K（公司聚餐終於有新地方可以去啦 😂）------------------------------食物味道in general：呢度係玩定期轉菜式，你唔好expect啲菜式會好似酒樓果啲整到天花龍鳳反而呢度係家常菜嘅健康感覺 🌽🥬同時佢啲菜式都唔係hea你既，有心思既即時佢用啲平實食材都可以做到好多變化而且總係熱辣辣咁上枱------------------------------姬松茸螺頭燉野生雞一個燉咗幾個鐘嘅燉湯材料足用料靚，燉到出哂味，姬松茸有香菌味，螺頭鮮甜，湯渣嘅雞腳都煲稔哂好好食個人覺得佢無落任何味精/師傅因為啖湯飲落去係順喉，溫潤回甘，有滋潤感覺由唔好諗住雞湯就會好油膩，佢做到個湯好清澈、濃而不膩蜜汁牛柳粒雖然賣相同其他酒樓嘅賣相一樣，但味道好唔同完全冇平時嘅梳打粉味，牛肉味好濃、又唔韌醬汁恰到好處，乾乾地身，唔會食到一口醬但就好入味，連薯仔都入味，又唔會過鹹瑤柱扒豆苗As you can see，佢係大量瑤柱芡汁打得唔錯，豆苗好鮮嫩唔止食到蔬菜嘅甜，仲有海鮮嘅鮮香自家豆腐呢個係一個無石膏粉嘅自家製豆腐一咬原來係玉子豆腐，又幾有創意滑得黎之餘仲有淡淡蛋香而舖係面既炒雜菇好有家常風味，炒得好香唔好以為睇落好似好多，相信大家都會同我地一樣絕對會食哂冰糖木瓜燉雪耳聽落係好簡單嘅家常甜品，但味道都係好唔簡單木瓜軟熟香甜，滑溜又富膠質感…查看更多

以前有去過北京，但係從來都未睇過京劇今次呢個係一個幾特別既體驗 😯當晚訂左7:30pm，我同朋友準時到達既時候咁岩個京劇表演就開始啦！而我地張檯正正係個小舞台隔離音樂好大聲，氣氛幾好架，有種霎眼離開左香港既感覺 😂呢度既火鍋係一人一鍋，我點做番茄鍋 🍅而朋友點既係清湯鍋，清湯鍋裡面有個小小藥材包鮮切寧夏羊梅花肉 🐑北京火鍋比較出名食羊肉，咁我地都跟隊試下啦呢款羊肉切得好細一舊，方便煮熟羊肉表面有一抹油光味道新鮮，肉味香而無騷味草飼180天羔羊肉 🐑又係羊呀 😂 呢個勁野呀，睇下份量幾多，夠曬排場 👍呢張可能比較容易睇到份羊肉到底有幾架勢 👅老北京糖油餅 🫓夠熱 🔥 淡淡都係麵包香，鬆軟好好味呢個推介～蔬菜拼盤 🥬裡面既配搭幾新穎，有啲好少見既菇菌類係略嫌太細份，唔夠喉 🥹食左咁多羊肉會想有多啲菜平衡下大片脆毛肚 🐮火鍋標配，口感爽脆飲品方面，我地叫左一杯九仙雲華同埋遊牧之野 🍵個名好抽象，其實係茶飲黎架 😂可以一戰 😄最後送左個小甜品比我地 🍮原來係山藥磨成糊，加入左少少桂花糖第一次食呢樣野，又唔錯喎 😄…查看更多

呢間韓國餐廳幾有feel，門口當眼處整左個牆比人扣個鎖🔒落去餐廳整體比較昏暗，雖然人多但係冷氣充足，而且無燒烤味，所以環境都好舒服岩曬同朋友黎飲酒傾計！我地叫左個小食，蕃薯芝士條 🧀🍠由於同時叫左半份炸雞既關係 🍗佢地連埋一齊放，圖中圓柱形既修長炸物就係蕃薯芝士條 😂外脆內軟，蕃薯香甜配埋拉絲芝士，好味而且唔會太膩至於炸雞我地揀左香蒜蜜糖無骨炸雞韓式炸雞真係好食過一般快餐店好多！😋外皮酥脆而且粉薄，雞肉嫩滑多汁蜜糖同香蒜既味道唔洗特別講都知道係夾啦食到我地兩個女仔停唔到口 😂然後係魚糕湯 🍥呢個有少少批評 ⚠️ 價錢稍貴 $228 一鍋大係大鍋既，但係老實講裡面既食材未至於呢個價錢but price aside 湯底清淡帶鮮甜，魚糕依然彈牙厚實最後係泡菜煎餅，煎得好香脆泡菜既味道好足，但係唔會覺得過酸/辣配啤酒就一流啦 🍺整體黎講，呢度既食物唔錯份量都好夠（尤其個魚糕湯）去到最後臨走前店員仲送左啲禮物仔比我地係一包韓國零食同埋一個韓國小game 😊…查看更多

前菜方面，我地叫左一個洋蔥湯 $88 🧅 一個鴨肝醬法包 $178  🥖洋蔥湯上檯非常熱，似係岩岩係焗爐攞出黎咁份量係平時西餐餐湯碗size啖啖洋蔥甜味，上面塊多士仔絕對係畫龍點睛，吸收左湯汁特別好味至於個鴨肝醬法包，十分推薦 😍 個鴨肝醬軟滑香濃，絲毫無肥膩咁法包好細一塊，乾身脆口，配合鴨肝醬絕對係味覺既享受主菜之一豬鞍 $268 🐷我本身麻麻地豬扒類菜式，因為成日型住好乾好鞋 但係既然朋友叫到，咁都試下啦！咦 😯 切落去已經見到啲豬肉脂肪紋路適中，食落肉質鬆軟多汁同埋表面煎得焦香，真係唔錯 👍不過價錢黎講我認為比較進取第二個主菜係海鮮墨魚意粉 $208 🍝佢都比幾多海鮮 🦐 有魷魚圈、青口同埋大蝦汁有少少類似番茄龍蝦湯咁，有鮮味墨汁意粉口感彈牙最後叫左個甜品 $88 🍮朱古力心太軟配hazelnut雪糕個心太軟係真係做到熱辣辣流心 ❤️ 欣賞！呢個甜品都係推介項目 🍽️…查看更多

餐廳係銅鑼灣Tower 535裡面，齋講名可能唔係好多人知道Tower 535係邊其實就係世貿隔離，sogo既背面呢度既佈置玩味十足坐低見到佢有個二人同埋四人既set dinner menu咁就廢事煩啦，一於叫set 😄見到佢有個飲之放題，如果叫左set的話加$148就可以但係我地聽日要返工，咁唯有pass 🥹不過見有啲氣氛最後都叫左雞尾酒哇 😯 原來好特別架！首先，叫雞尾酒既時候會有個木盒攞過黎俾你揀要咩我揀左唐草，男朋友揀左櫻杯唐草黎到係放係一個玻璃盒裡面，煙霧彌漫💨仲放左四塊石頭係裡面，幾有gimmick 🪨味道好refreshing，有檸檬、迷迭香同埋姜味加上夠曬凍，係呢啲咁熱既天氣飲就一流！前菜係芥辣八爪魚、炙燒帆立貝同炙燒三文魚 🐟串燒有四款：溏心蛋豬肉卷、紫蘇雞腿肉、明太子山藥同金菇肥牛卷 🍢我最鍾意個金菇肥牛卷，牛肉肥美，包住金菇令金菇都吸曬啲醬汁蜜糖柚子雞翼 🍋炸雞翼好難唔好食啦 唐揚炸豆腐就普通左少少壽喜燒牛肉卷同牛油果芝士🥑鰻魚炒飯係主食，好大碗調味幾好，係爭咁啲鰻魚粒最後唔少得係甜品 🍮烏龍茶牛奶布丁真係有烏龍茶香最開心係佢仲有個雪糕一齊上雖然返工一日好辛苦，但係食到好味既野真係可以令我忘卻日頭既煩惱 ❤️…查看更多

今日係忙裡偷閒，係weekday既lunch time黎到貓cafe透透氣 💨因為我係下午1:30入座既關係，一開始全場只係得我 😄太好啦！咁就可以做全場貓貓既焦點啦！！不過太早到都有缺點，就係佢啲小食未ready自助飲品區裡面咖啡茶果啲就有既我後來坐左45分鐘左右先開始serve返小食 🫠所以大家如果早到就一係食左野先過黎，免得妨礙大家既玩貓興致 😌必須講呢個貓cafe算係我去過咁多個同類型貓cafe之中數一數二乾淨所以其實撇除係咪因為愛貓而上黎之外，呢度環境清潔同埋採光好，本身都不失為一個休息好地方有啲可愛貓貓係自己周圍行來行去就當係bonus啦！完美捕捉到佢打喊路既樣 😄慵懶貓 😴同一隻行近我身邊既貓貓自拍一張 🤳整體係一個開心舒適既體驗食物飲品就唔好咩要求架啦，主要係環境取勝不過，如果星期六日黎人山人海又可能唔同講法 😅所以結論係強烈建議平日日間時段到訪！…查看更多

餐廳個名就幾勁啦 😂不過開係尖沙嘴一個唔係太起眼既地方 👀大家要去就記得留意下街口個路牌！餐廳內部連廚房基本上一眼望曬如果天氣唔係咁熱的話坐出面patio位應該會幾chill 😉地方雖少，呢度既餐飲竟然有啲份量 😯呢杯芒果沙冰，我影唔到佢有幾澎湃 😂 只能夠話佢係類似有時德國酒吧裡面serve既大杯1664咁大十分抵飲！食泰國野唔少得煎炸或者辣野，一定要有杯凍飲看門口既～清清地叫左個炒西蘭花 🥦出奇地好味，佢好味在於好有鑊氣，調味係清淡得黎都帶點惹味！椰汁雞湯 🐔椰香味好重，好smooth外面有啲椰汁雞湯會帶酸，佢呢度就唔同，係鹹口既 🧂份量都唔少，唔好以為呢個兜好淺我地兩個人一齊飲，好似夾埋都來回飲左3-5次先飲曬炸雞翼 😋呢個係普通少少，亦都可以話唔係泰國菜 😄 純粹係我地鍾意食雞翼所以先咁叫不過我見到隔離檯有飲酒的話，呢啲脆口野送酒都一流燒多春魚 🐟中規中矩，但都係果句啦一班朋友黎飲酒的話一定要有呢啲party food 🎉紅咖喱軟殼蟹 🍛🦀呢隻咖喱有啲厚身，鹹甜程度合理，但略顯唔夠香入面既料都唔少，軟殼蟹有一整隻（甚至感覺係1.5隻，因為好似食極都有咁）番茄仔粟米仔果啲都唔少得蒜蓉包 🍞…查看更多

Arancini Tikka Chaat $108基本上係一個大概手心大既炸薯球外面係番石榴同埋yogurt (?)既混合物就咁睇你好難拆解到裡面究竟有咩食材but i guess 呢個就正正係印度菜既獨特之處佢總係可以帶到啲新驚喜/風味比我個炸薯球新鮮炸起，又熱又脆而個醬汁酸酸甜甜，異常夾得埋！Afghani Ribs & Chips $188我同男朋友平時都唔係好多食羊肉唔係唔鍾意食，純粹真係機會唔多係呢度見到佢有24小時慢煮羊肋骨 🐑 咁就試一試啦 😋可以見到份量唔係好多，就得四條羊肋骨同埋少少薯仔as side dish本身係覺得咦！咁都少貴！但係食左一啖之後就服啦 😂個羊肋骨燒得好香好香，一口咬落去有羊肉同少少肥膏，完全唔騷唔肥膩但同時又會食到羊油香 😋係有少少唔夠喉就真既 🥹Chicken Tikka Masala $178Butter Naan $30個Tikka Masala好濃厚creamy，唔辣裡面既雞肉都唔少，而且都新鮮個butter naan好鬆軟，如果份量再多啲會更好而家諗返轉頭其實當時可以再叫多個Naan去蘸咖哩食 😂因為一個naan唔係好夠食曬成個咖喱Pistachio Burnt Basque Cheesecake $128我對於佢個size係有啲驚訝既 😺因為呢個定價老實講我會expect something more咁點知............啊！首先個蛋糕係焗到暖暖地既外層少少脆，裡面係好thick好creamy既開心果芝士餡開心果味好濃之餘仲有少少nutty feel好好味！！！！😄👍Aperol Spiritz $78呢個唔係特別推薦對於我黎講係咳藥水味 🤔好彩男朋友叫完都肯飲完佢佢話等啲冰溶咁啲之後個藥水味係少左既Strawberry Lassi $68呢個我好鍾意 ❤️ 慢慢香甜士多啤梨味 🍓…查看更多

 極生牛肉佐帕瑪森芝士生牛肉非常非常嫩滑，接近入口即融既程度如果我一開始唔知道係生牛肉的話，我會以為佢係拖羅 😂生牛肉帶油香，同芝士好夾，鹹香鹹香咁 🧀墊底既多士鬆軟微溫 🍞 好好味！上主菜之前先出現三小蝶：韓式泡菜、鹽醃昆布蒜頭同埋調料（鹽 + 辣椒粉）🧂泡菜味道偏辣，而我個人偏好甜少少既泡菜鹽醃昆布蒜頭係之後用黎配和牛同埋白飯食日本A5和牛牛小排、椒鹽雞腿肉、松阪豚 份量就係眼見咁多 👀 如果你自認好大食，可能要自己斟酌下啦呢度我會形容為重質不重量 🏋️回歸正傳～牛肉方面因為係和牛既關係，老實講都無得輸架啦 🏅入口香軟，配埋白飯，係一種簡單美味既幸福感 ☺️外表十分普通，但係味道意想不到同埋幾得意既係，呢度既燒肉環節係由職員主理（其實我係有輕微唔好意思既，覺得要職員走幾張檯黎serve都幾攰）只能夠話呢度個價錢包埋呢種細心服務～最後有杯熱到標煙既金萱烏龍茶作結 🍵就係呢刻我先突然醒返起，咦！呢度其實係台灣過江龍黎架喎 😯…查看更多

忌廉明太子配手工圓粗麵 $138明太子既鹹香味、蟹籽同忌廉醬汁完美融合，每一啖都帶住濃郁既海鮮鮮味 🐟呢隻圓粗麵煮得剛剛好，口感QQ又滑溜，食落去口感豐富又唔會太膩最初我有啲疑惑咩係圓粗麵呢？原來所謂圓粗麵其實都係意粉咁樣條狀，可能只係比意粉粗啲啲同扁啲啲自家製龍蝦汁蟹肉手工寬條麵 $178嗱！呢個少貴 😺  但係以特色同味道黎講，我接受既龍蝦汁濃郁鮮甜，完美包裹住每條寬條麵 🦞蟹肉份量足夠，撈埋一齊既時候都仍然食得出蟹肉新鮮彈牙同龍蝦汁既鮮味互相輝映，令整體層次豐富 ✨炙燒白松露雞翼 $58我個人唔係太知道白松露本身咩味 🤔（知道既請賜教 🙏）只能夠話雞翼幾大隻既，而且好熱好熱咁上檯 😄但係味道黎講，我形容唔到同咩野類似一定就唔同黑松露呢啲大路味道架啦！意式香草豬肉丸配羊奶芝士汁 $58鍾意芝士既朋友可以一試 🧀呢款小食幾好，份量同價錢適中而且意粉果啲本身唔會多肉，咁有肉丸食下，感覺呢餐飯又平衡啲啦黑糖鮮奶米麻糬 $52叫左少糖，所以睇落色水好似爭啲 🥛底部係好軟身既麻糬，口感類似煮左好耐既湯圓皮 🤔我見呢度都好多有特色既飲品鍾意打卡既朋友應該會好岩 😍…查看更多

以前細個既時候好多時都會同朋友去食放題但係自從自己同身邊既朋友都陸續25+之後大家胃口變細就已經無咩再食過放題咁岩今日好晏收工而家夜左香港都唔易搵野食難得呢度收得夜就不妨試試啦 ✌️真係好耐好耐好耐好耐無食過放題見返呢一盤盤咁豐富既刺身以前中學既回憶返曬黎 😂本身諗住應該得個樣架啦點知，喂！唔係講笑！三文魚腩好肥美好好味 😋點一點豉油入口油香爆炸 ❤️見到有魚子醬果刻我係有啲驚訝 😂 咩呀？幾百蚊一位有魚子醬食？又鮑魚又蟹腳添喎咁當然呢個價錢真係唔好期望盒魚子醬係citysuper裡面買果啲啦但係過下口癮係可以既鮑魚好大隻，似係用醬油醃過，口感彈牙之後竟然仲食到海膽 呢個放題會唔會太高級 😭👌食得刺身太多都覺得有啲凍加上而家又正值冬天咁梗係要叫啲熱野暖肚啦 🔥冬陰功湯都幾濃味 飲落辣辣地幾舒服 😌我地個餐包埋任飲啤酒 🍺男朋友好鍾意1664即刻斟左杯 🍺呢部自助斟酒機幾得意 😄繼續熱食 🔥呢個炒椰菜花苗同外面泰式餐廳既水準差唔多有鑊氣之餘啲椰菜花苗好新鮮爽脆 🥬炒蜆意外地無沙 👍最後以甜品作結 🍮 其實甜品既選擇都幾多個凍櫃裡面有各種jelly、奶凍、布甸之類既甜品另外仲有雪糕櫃我就揀左芋頭奶凍同埋洛神花jelly芋頭奶凍尤其好味 😋因為紫色部分係真係食到芋頭蓉…查看更多

全場座無虛席，係而家既香港黎講算難得一見鋪頭都無算大，所以咁多人既時候感覺好熱鬧咁先叫香港夜繽紛架嘛！首先，我要讚下個蟹味噌甲羅燒 🦀蟹蓋裡面填滿蟹肉、蟹膏同飛魚籽，咸香味美，真係正 👍每一啖都濃郁鮮味，蟹香四溢 ❤️然後係個肉盛壽司盒，上面既係和牛 🐮入口軟滑，有牛油香，第一次食 ☝️ 幾特別三文魚冷麵好清爽，裡面其實完全無麵既成分 😂完全係三文魚切條而成，十分肥美 🐟鱈場蟹腳鍋可以一戰～ 蟹腳厚實鮮甜，凍凍地有個鍋係比較暖胃係湯底略顯太清淡，如果濃味啲就更好 👌帶子磯燒既帶子都大隻，店員全程協助，完全無需要自己黎燒得恰到好處 🔥醬油木魚帆立貝殼燒係調左味既，醬油甜甜地咁先襯托到海鮮既鮮味 🧂最後必須提埋個飲品我地一杯係冰菠蘿燒酌，一杯係白桃玉露茶菠蘿既甜味同燒酌既微微酒味融合得好好，最緊要係佢仲有原條菠蘿等我一路飲一路食而白桃茶就比較清淡，但都可以平衡返呢餐咁豐富既美食 😄…查看更多

今日4點左右係銅鑼灣做完野準備返公司有少少想食甜野，但係無時間坐低食啦，咁就買杯奶昔當食左甜品啦 😂之前成日經過呢間More Yogurt，見到間唔時都好多人排隊買嘢飲本身只係知佢係乳酪飲品，睇左個menu先知原來乳酪黎講都可以整到咁多口味話雖如此，我係無選擇困難既，因為甜食黎講我一般都會二話不說揀士多啤梨味 😂唔知係咪因為要打埋啲水果入去個乳酪既關係（？）所以每杯都要等幾耐下 🥹佢既口感比一般奶昔順滑，而且有明顯乳酪味同埋乳酪始終有益生菌，對消化有幫助，感覺上點都健康過飲奶昔 👍整體飲落去有一種清新既感覺，雖然我叫左正常甜度，但係都無話覺得好甜都真係岩岩好 👌質地方面都係濃稠適中，唔會話飲完就好濟價錢方面少貴，不過係香港消費....有時飲杯咖啡都呢個價錢啦如果佢係即時做起既，都係可以接受既珍珠奶茶同乳酪奶昔，我會點揀？乳酪奶昔啦！飲廢水對身體唔好呀 😂…查看更多