P.NG的个人专页

上星期五晚同朋友去旺角打邊爐，想食火鍋放題但walk-in間間都無位，醒起呢間以前成日食，出名用老鴨湯打邊爐嘅港式火鍋店。老三火鍋如其名，我用「麻甩」嚟形容，喺呢度食嘢唔使顧儀態，講嘢可以大大聲，啱哂一班人圍爐gathering。之前食過秘制老鴨鍋，加咗紅棗、杞子、黨參等藥材，湯底幾夠火候，人少可以叫半隻$78。呢幾日天氣凍想食辣暖下胃，於是叫咗麻辣拼清湯，麻辣湯裡面有豬皮及豬紅，偏香辣但唔夠麻，愈煲會愈辣。配料方面，雙拼加$10，例如廣島蠔拼本地滑牛、韮菜餃拼魚皮餃、芝士腸拼午餐肉等。美國肥牛脂肪比肉多，想食牛嘅話最好叫貴少少嘅手切肥牛或安格斯肥牛，由$138至$178不等，大碟牛有十二片左右。醉雞丸比金沙丸好食，金沙蝦丸或墨魚丸雖然彈牙足料，包住大大粒蛋黃餡，不過煮得耐唔夠流心，相反醉雞丸入面係醉雞汁，咬落去會爆汁，帶濃濃酒香，想試哂幾隻味亦可以叫四寶丸。另外有多款時價海鮮散叫，呢度收醬料每位$12及開胃小食$8，埋單每人約$200，食物算貨真價實，人多記得提前訂位。…查看更多

食過616都知呢間火鍋店主要食牛，每碟牛平均$50至$70不等，一次過試到牛唔同部位，例如牛舌、匙柄、橫隔肌、牛胸肉等，其他配料仲包括牛迷必食嘅牛丸、牛柏葉、牛肉餃、手打牛滑等。我最鍾意叫嘅部位係滑尾龍，溝蛋黃一齊食牛肉口感更滑嫩。牛肉整體肥瘦適中，每碟有五至八片。醬料吧供應秘制牛肉汁，蘸牛肉或加落烏冬味道更提升。食得辣可以揀鮮牛油麻辣拼牛骨湯，散叫幾碟牛肉、配料及啤酒，人均消費約$200。食開銅鑼灣同尖沙咀店，最近公司附近開咗新分店，除咗有午市套餐，仲有午市限定一人鍋，晏就打邊爐不是夢，過幾日食完再分享。火鍋店間中做優惠，最平試過6折就食到。每枱限時食90分鐘，宵夜時段都好多人幫襯，記得預先訂位。…查看更多

近兩個月食足三次嘅火鍋店，食物用料靚價錢唔貴，埋單每人唔使三百，食到花膠湯、海鮮同任飲啤酒汽水，尖沙咀區嚟講算幾抵食。火鍋套餐分每位$278或$328，包一款湯底、海鮮肉類主菜及十款自選配料，食物份量以人頭計，送兩小時任飲啤酒、汽水、冬瓜蜜、涼茶及果汁。每位另加$50可無限追加火鍋配料兩小時。湯底我推介濃湯花膠鍋，自選配料揀鮮雞件加落湯滾一陣。食之前飲碗靚湯，花膠件幾有口感，有七八件左右，湯裡面仲有粟米及大蔥，味道清甜，飲咗好多碗都唔似其他味精湯咁飲完口渴。套餐跟指定主菜有生蝦、鮑魚、沙白蜆、桶蠔、脆鯇片、手切肥牛及黑毛豬。呢度嘅海鮮一啲都唔遜色，生蝦上枱仲扎扎跳，桶蠔有半隻手掌大，如果有得追加就好。自選配料多達五十五款，有幾款食過都唔錯，例如鮮雞件、長蟹柳、韭菜餃、娃娃菜、芝士蝦丸、墨汁墨魚丸等。仲有打邊爐必叫嘅手打烏冬，廚房會預先煮好，放湯浸一浸就食得。兩個人食份量已經好夠，唔需要加錢追加。餐廳有三間獨立房，大廳係卡位，三次週末去都係即日訂位，侍應亦無催還枱，環境幾舒服可以慢慢食。 除咗有得打邊爐，呢度都有做私房菜，有機會帶屋企人去試試。…查看更多

有日約咗fd去觀塘食飯，行過工廠區諗住睇下有咩食，見到間食雞煲，套餐$168位，包雞煲、點心併盤、火鍋雜錦併盤、任食火鍋配料同任飲，幾多嘢食又唔太貴，就試下呢間！環境幾闊落，晏就有茶飲，夜晚主打雞煲火鍋。星期六晚去人唔算多，呢度有幾款雞煲，甜味、酸味、苦味、奇味都有，好難聯想苦味雞煲係點樣，我保守啲，叫咗辣味小辣。前菜點心拼盤有一件菜餃同一件粉果。等雞煲上枱前先自助拎汽水、醬油，等大約10分鐘就食得。主角雞煲終於出場！侍應即場表演加油點火，估唔到食雞煲都有show睇。雞煲好惹味，食得辣嘅不妨叫中辣至大辣，呢個小辣對我嚟講啱啱好，裡面有幾款辣椒，紅洋蔥同芫茜簡直係完美配搭！不過汁唔多，煲得耐會乾身，可以叫侍應加湯。食哂啲雞就上火鍋雜錦併盤，有肥牛、手打丸、鯇魚、餃子，另加$48位有埋海鮮盤，有生蠔、青口、花甲、扇背等，份量都唔少。食完套餐嘅併盤，已經飽咗九成唔係講笑，侍應俾張任食order紙我散叫火鍋配料，我淨係叫咗個鳥冬，食埋真係飽哂！呢個價錢同時食到雞煲、海鮮、火鍋任食算幾抵，尤其我呢啲觀塘友，有時想食雞煲唔想去到油尖旺，近近地同fd聚下舊夠哂方便。下次想試埋其他口味雞煲，仲未聯想到苦味雞煲陣味XD…查看更多

某日同男朋友黎呢度試下佢既拉麵係唔係真係好似食評介紹咁好味.係地牢用膳感覺特別,環境幾闊落,坐得幾舒服.侍應生服務態度還可以.望望menu,左諗右諗唔知道揀邊款拉麵好,因為實在有太多選擇.最後選擇了以下四款菜式: 咖喱豬排飯 豬骨湯牛油粟米拉麵 炸芝士 煎餃子男朋友食既係咖喱豬排飯,賣相唔錯,除左本身既豬排外,仲有牛腩配搭咖喱,很足料!我試食左一啖飯一舊豬排,味道不錯,咖喱很香很好味!而我食既係豬骨湯牛油粟米拉麵,大大碗賣相吸引.試食第一啖,拉麵很爽很岩我口味,還有很多粟米很香甜.讓我驚喜的是這裡的拉麵有好多筍,亦是我個人愛吃的食物.一般的拉麵店鋪只有數條筍,但這裡的筍卻食極都仲有好多不過總係覺得碗麵好似有陣壓味,怪怪的臭臭的.可能係豬骨湯同筍既味道,我沒有去深究這個問題,只係每食一啖麵飲一啖湯,就覺得陣壓味污染左我碗麵炸芝士係我極力推介,雖然只有四舊,份量很少,但味道極佳新鮮炸起,咬一口後發覺入面的芝士很香很滑,配以日本沙律醬,超級美味煎餃子,沒有什麼特別,新鮮煎起熱辣辣,外層脆脆的,不錯的選擇!整體黎講,我幾中意八八八拉麵,可能係我個人中意食拉麵既原故啦.呢度既野係幾整齊幾有條理,份量都足夠.只係價錢偏貴,耐不耐食一次已經很滿足了:)…查看更多

睇左食評咁耐, 終於有機會親身黎試下:)6點約埋爸爸媽媽同男朋友約係好時中心樓下等,之後搭一層電梯轉下彎就搵到好時沙嗲,未算難搵.6點既時候鋪面只有幾枱客人,環境尚算可以,幾有星馬風味.坐低之後望望餐牌,其實早已打算叫這裡的招牌菜式,不用多想. 海南雞飯海南雞飯賣相不錯,一份份很整齊有條理.三種醬汁未見特別,無骨雞很滑,但雞味不夠.反而個人最欣賞雞油飯,飯粒硬硬的最討我歡喜,而且飯香叫我開胃. 叻沙叻沙賣相不錯,橙紅色湯底望落有點辣,但食落發覺沒有半點辣,反而很香椰汁味道,魚蛋豆卜蝦亦不錯.每人夾一碗已很足夠,吃得多反而會覺得有點漏,因為湯底稍結 香葉包雞一般香葉包雞會把入面的雞肉先炸,但是這裡是先包著雞後炸外穀.男朋友幫我拆開香葉,看著他把香葉拆下也相當容易,沒有裂開一折折的現象.一啖吃下雞肉,很軟很滑很淋,沒有鞋的感覺.陣陣黑椒香味不算太辣反而很香,點少少沙嗲汁吃感覺不錯. 串燒 (6串: 雞牛羊)雞牛羊各兩串,可以接受.沙嗲汁幾好味,但不算十分特別. 辣通菜一點都不辣,通菜很幼身,反而我個人覺得大通菜會比較爽口.通菜配以一粒粒蝦米,幾好味,但係食到底既時候有d咸. 咖喱牛腩第一碟上菜既係咖喱牛腩,開頭諗住唔會太特別.唔知係咪太肚餓既原故,我地四個都覺得好好味.一口氣清哂成碗牛腩,配以簿餅點咖喱汁,好香好好味,見仲有咖喱汁剩,叫左兩碗白飯黎餸汁. 簿餅 x 2同我想像中既簿餅唔同,一直覺得會係印度果隻.但原來係細細塊厚厚地超級脆,點咖喱真係好好味!整體黎講,呢度既食物水準可以接受,一分錢一分貨,價錢抵食,分量足夠.服務態度未算好好,明明間鋪好多侍應,客人亦未算好多,但係就成日無人主動倒水.不過下次未必會再黎呢間餐廳,試過就算了.…查看更多

自從珍味盞搬左新鋪之後, 今次係第二次黎幫襯.環境雖然未算寬敞, 但總比舊店坐得舒服.星期日晚上7點約左三位朋友黎呢度食飯聚舊次次食大排檔, 日本菜, 韓燒, 打邊爐好似無乜新意,於是我決定介紹朋友一齊試下呢間泰國菜, 皆因大家都住係附近.由於我地有4個人, 因此我提議order四人套餐 (大約$298) 明爐烏頭 小食拼盤(炸蝦餅, 炸魚餅, 炸春卷) 泰式鳳爪 泰式炒雜菜 菠蘿炒飯 4杯特飲其中一位朋友唔太中意食魚, 所以佢另外再order左一碟泰式刺身蝦 ($51)整體份量真係幾大碟, 一定夠飽, 如果嫌小食唔夠, 可以叫d炒粉麵飯.menu有好多選擇, 價錢亦列得好清楚, 相信一定揀到你地既心水菜式!!味道不在話下啦, 我個人覺得好好味, 雖然可能唔及九龍城果d咁地道,但係係藍田呢度, 可以食到呢d家庭式既泰菜, 價錢又合理, 大碟夾抵食.大家要求唔高既話真係可以黎呢度試下!!四人餐有兩個選擇, 可以揀明爐烏頭, 亦有咖喱炒蟹既選擇但係我地廢事係出面食蟹咁麻煩, 所以揀左二號套餐.順帶一提, 中意食辣既泰式鳳爪就岩你地喇.唔太食得辣既話, 可以係落單既時候講定鳳爪同醬汁分開上,因為都算幾辣, 琴日食到我地唔想食, 仲話不如用杯水沖一沖食到9點離開, 門口仲有人等緊位, 客人陸續有來, 可見生意都唔錯.有興趣既食家們可以試一試藍田珍味盞地點都好就腳好方便架…查看更多

之前成日睇openrice見到好多人讚師妹甜品.所以上星期特登入長洲試下.同男朋友入到去搵左成個鐘都未搵到,其實明明已經經過間鋪一次但係無留意到.不過皇天不負有心人,最後沿住碼頭終於都搵到,間野個招牌只係顯示katie dessert,原來就係師妹.我地order左心太軟,火焰雪山同埋魚旦.我係第一次食心太軟,佢係新鮮焗既,表面有d脆,裡面d朱古力醬熱熱地,只係甜左少少.同男朋友一齊share都幾sweet火焰雪山落閘點火,其他枱d客極好奇,以為咩事,但其實睇openrice就會知道呢間鋪有呢個特色!!好彩我及時影到佢著火個樣!!味道都唔錯啊,最底有chocolate ice cream.同上面d cream,水果一齊食,味精岩岩好!魚旦$6/8粒.都係即刻煮,細細粒,蒜香咖喱味,可以接受,但街邊果d真係吸引d.去到間鋪得男老闆一個,自己一手一腳打理,又要接待,落單,整甜品,見到佢都覺得忙喇!好彩過左陣老闆娘黎幫手,如果唔係一定忙到死.等候食物既時間比較長,但客人應該要耐心等候同埋體諒下既.趁住呢d時間傾下偈都幾舒服架!!下次我一定會再入黎長洲幫襯~雖然遠,但就係偏偏中意特登搭船入去為左食佢既甜品,感覺很特別…查看更多

星期六晚約左兩位朋友去wings聚舊其實好耐之前係openrice都睇過呢間餐廳既食評介紹,覺得果度既裝修好吸引,所以一直都好想去試.但係因為價錢都幾貴下,講左好耐都未捨得去食.今次決定豪一次,book左三位6點dinner,去到仲未有其他客人.餐廳既格調裝修同相片顯示既一樣,播住英文歌,氣氛好好.環境唔錯,坐得幾舒服.如果係兩個人可以選擇book window位,望到sogo個view.望下個menu,真係眼都突埋,有4款set,價錢由100至200左右,另收加一服務費.跟住睇下散叫,發覺一個普通既意粉都要七十幾八十蚊.所以我地三個都order左set.我同另外一個朋友都揀左西冷扒;另一個就揀銀雪魚.其實叫set的確係抵d,因為有前菜,湯,蒜蓉包,主菜,甜品,咖啡/荼.我揀左焗青口做前菜,有兩隻青口,味道so far so good!不過拆佢出黎有d難度,可能係我技術差XD食完前菜就輪到飲湯同食麵包,蒜蓉包好脆,我送湯一齊食幾好味.daily soap係羅宗湯/忌廉蕃茄湯;我揀左後者,幾好飲.當佢收左湯碗就到主菜;牛扒用一個長碟盛載,擺放得好整齊好一致!比我想像份量都okay,牛扒夠我食,我諗男仔應該都會夠飽既係果一剎那.甜品唔好要求太高,我揀左tiramisu,無乜特別既地方,但過得去唔太甜.輪到飲品喇...我地加錢轉cocktail.如果轉有酒精飲品就有8折,無酒精就9折.我果杯係由vodka,strawberry,peach liquear mix成.係drink list度見到呢杯野飲既賣相唔錯,比起其他cocktail較大杯所以揀左.整體黎講,係呢個地方,用呢個價錢,食呢d質素既食物係接受到.對於我地恬d學生,真係耐不耐先黎食一餐好喇,因為長期咁食真係負責唔起.二百幾蚊一餐set,真係第一次.不過我地幾個都覺得,我地目的係想傾偈聚舊,所以揀呢d地方真係會岩d,但係如果想用呢個價錢去食得盡興,就提議去食buffet喇!至於服務方面,比預期中好wo.佢地落錯左一道前菜,黎到我地張枱我地同佢講番,佢都好有禮貌幫我地換番.仲有,佢地有7成酒店既service standard.就好似佢地會留意住客人食到幾多,通知kitchen幾時準備下一道菜.當然有好多野仲可以改善,不過係呢個地方真係可以接受啊.呢一餐雖然貴,但係食得開心.下次我地會試下任飲5個鐘.我相信一定會好抵飲,最好就唔好咁快醉啦:)…查看更多

我每個月平均都會去果度一次, 因為果度既咖哩真係好好味同埋好多款式選擇.我會一去再去既原因係欣賞佢地既食物.果度既員工服務態度都唔錯, 但係老闆就好串, 之前都見識過佢點對其他客人.今次想發表既並唔係要讚佢間餐廳d野有幾好味, 而係好想將我經歷到既野分享比大家, 等大家考慮下仲會唔會幫襯佢.今日拜完山就諗住帶埋屋企人同auntie, uncle去恆河咖哩屋試下啦.咁我地其實每個人都唔算好肚餓, expect入到去係叫幾個set lunch share既.入面並無設每人最低消費既, 咁即係代表客人有權選擇叫幾多野食啦.我地7個人坐低就叫左3個set lunch, 另外再叫多份烤餅.個老闆見我地7個人霸左7個位, 先食得果3個set就眼超超咁我都算數, 佢做生意既立埸係無錯既.而我auntie, uncle係vegetarian, order左白咖哩雜菜, 咁佢地諗住問下個老闆呢個餸入面會唔會有肉類啦.個老闆帶住好串既語氣講左一句: 「呢d野唔岩你地食架喇!」果刻見到auntie唔係咁開心, 仲同uncle拿拿林食完走先, 佢地話驚霸住d位阻住人地做生意.咁我同其他屋企人就繼續食啦..........到埋單果陣我就去櫃位比錢.諗住比credit card, 個老闆話百幾蚊唔收card架wo.我唔知係做生意既立埸黎講, 係咪百幾蚊呢個小數目真係唔會收信用卡, 定抑或佢睇唔起我地?講真, 錢我地唔係無, 無錢都唔會黎食, 間野價錢已經唔係平.係見佢d野食好味先至想話介紹比親戚朋友食.但係如果佢覺得唔休做就可以用咁既態度對待客人, 我覺得佢唔應該打開門做生意啦.餐廳仲係服務性行業, 唔係多人幫襯有客路就可以大哂架麻.至少我呢個棒埸客都會因為佢咁樣既態度唔再去幫襯.好似我咁樣發誓唔再幫襯既人亦唔至我一個.無論你地睇完呢篇野之後, 覺得係廢話又好, 認同定反對都好, 我只係想將呢個experience分享比大家知.…查看更多