manutd20201314的个人专页

今日喺街度閒逛，見有韓式小食幾特別，見到呢間賣阿里郎熱狗棒嘅，諗起幾年前喺韓國食過，估唔到香港都有得食！😁於是叫左兩個套餐拎返去同屋企人食，包括任有好多條熱狗捧同一大堆韓式食品，拎到手都痛，真係抵食夾大件！😋😚佢全部熱狗都係即叫即炸嘅，每一支阿里郎熱狗棒都大大支，外層脆卜卜，內層鬆軟芝士包芝士腸，簡直係極高享受！☺️🤪我最推介車打芝士熱狗棒，因為芝士量足，一大半都係芝士，口感非常非常豐富，啱晒鍾意芝士香味嘅我！😊🤗水牛芝士熱狗棒，同樣車打芝士棒一樣可拉絲嘅，芝士味濃，食落好煙韌，非常邪惡！😆佢除咗賣熱狗棒，仲有其他韓式小食，例如魚糕，韓式年糕等，個套餐包埋。🤩我好鍾意個魚糕，軟淋淋好有魚嘅香味，啲湯辣辣地好正！上次要喺韓國食到，依家真係好有韓國旅行嘅感覺！😝佢套餐包埋野飲，我就叫左桃味梳打汽水同堤子味梳打汽水，好解渴好好飲！🤤…查看更多

銅鑼灣登龍街有間酒吧餐廳，入去果陣要經過一部lift先入到餐廳，非常有特色！🤠入到去見餐廳有室內和室外，當天天氣清涼，我地都想吹下風，所以揀選了室外的位置坐！🤪這裡主要提供不同酒類同飲品，但我地都餓，所以叫左唔少野食！😝見好多人都會叫紀之川海膽吐司，我地都叫一碟！估唔到吐司的的骰骰但係幾好食，吐司上面的海膽味道鮮甜而且creamy，一啖一口，很惹味！🤤然後要介紹香烤澳洲M5和牛，呢份和牛既份量有300g，牛肉叫左5成熟，火喉剛好！牛肉肉味濃郁，肉質鬆軟，再點Ｄ蜜糖芥末醬一齊食特別美味！🤗食完肉梗係叫返個沙律平衡下！叫左龍蝦尼斯沙律配柚子醋，雖然龍蝦得半隻，但都很大隻，肉質彈牙，鮮甜美味，沙律菜顏色非常艷麗和爽口，必叫！😙😜仲有太平洋吞拿魚他他配西瓜，吞拿魚幾新鮮幾有口感，西瓜好清新，甜甜地，配搭得唔錯！😁😚唔可以唔介紹呢個熱情果焦糖布丁，上面鋪滿士多啤梨，焦糖好脆口，布甸好甜，好正既甜品！🤤🤤最後要介紹我地叫既飲品：Apple Yoga好濃既果味，我就係叫呢杯非常好飲！ 而朋友叫既Strawberry Lounge有好fresh既草莓味，另一朋友既Four Seasons都唔錯，佢話甜甜地，蘋果味十足！😇…查看更多

去開黃埔附近，想食台灣野，經過呢間「你妳」，雖然係外賣店，但都決定要買返幾樣野食先！😝首先我哋叫咗一個滷肉飯，肉汁唔會太鹹，用嚟送飯簡直一流！🤤當中附送一隻流心蛋，隻蛋甜甜地鹹鹹地好正！😋另外我地揀咗芋泥肉鬆吐司，甜鹹嘅配搭真係好喜出望外！芋泥本身算係幾甜嘅嘢食，雖然份量好多不過佢甜而不膩！😚😊食台灣野點可以唔叫鹽酥雞呢？呢個一口鹽酥雞炸得好脆，仲要大細剛好，每粒都好香口好邪惡！😜然後又點咗個芝士肉鬆蛋餅，本身擔心味道會太濃郁，結果芝士唔算有好多，所以唔會好肥膩，咬落去嘅時候可以拉絲，雖然芝士肉鬆算係重口味嘅嘢，但掩蓋唔到蛋香味，成個蛋餅真係冇嘢可以挑剔到！🤩😁最後叫左個仙草大滿貫，叫個豐富啦，有三色芋圓、小芋圓、紅豆、小布丁、水晶，好大兜，我地幾個分黎食先食得晒！🤭😋我仲叫左杯野飲：芝士奶蓋奶茶，好濃既芝士味，奶茶好滑，好大杯好解渴！🤤…查看更多

自從BEANS進駐左青衣城後，青衣終於唔再係美食沙漠啦！亦令我呢個經常出入青衣既人有啖好食！今日早左出黎，見BEANS唔多人排隊，就梗係即刻一試啦！好快侍應就招呼我地係一個好舒服既位度坐低。首先叫左個慢煮紅酒牛利加忌廉薯蓉，原本以為得兩三塊，點知有七八塊，真係好大碟！而且牛利忟得好冧，好入味，簡直極高享受！而Ｄ薯蓉都好溶，好好味！另外再叫左個賽螃蟹意大利飯，都係份量十足，Ｄ飯好入味，每啖都有蟹味！除左主食外，我地再叫左個蜜糖半骨雞翼，好重既蜜糖味，每一隻都食到齒甲留香！我地再叫甜品，呢個抹茶梳乎厘係其他beans都食過，都係好好味好重抹茶味！…查看更多

今日係葵芳睇完戲，肚餓四圍搵野食，行行下見呢間韓式食店好多人等位，就俾Ｄ耐性等左陣，終於等到入去食食食！我朋友首先叫左個kimchi fried rice with egg and cheese，黎到時賣相已經好吸引，Ｄ炒飯周邊圍左好多芝士同蛋，份量十足又惹味！而個炒飯都又香又入味，每一啖都有芝士味，好高既享受！黎呢度點可以唔試炸雞呢？我就叫左個蛋包飯拼炸雞，首先個蛋好嫩滑，好似流質咁滲入Ｄ飯度，Ｄ飯都香噴噴，又多份量食到好飽！最正當然係炸雞，又香脆又可口！我另一個朋友就叫左個楓糖雞飯，雞件數量多過我，而且有唔少伴菜，無咁熱氣！…查看更多

好耐冇食過元氣， 今日到青衣城分店，平時每次排隊都排好耐， 今次終於畀我等到！今日都食咗好多款壽司，有 赤貝、 火炙黑椒三文魚、 赤海蝦、 燒珍寶皇帝蟹棒、 芥辣八爪魚、海膽墨魚、 北寄貝沙律、炸蝦卷、 帆立貝配柑橘汁、 豪華軍艦三點、 北寄貝、蟹子軍艦、 帆立貝配夏柑汁、日向柑橘白蝦卷、 厚燒玉子芝士味，最後還有烏冬！ 以上比較鍾意吃芥辣八爪魚，鮮甜美味帆立貝，日向柑橘白蝦卷味道特別， 烏冬都幾嫩滑，一Ｄ都唔普通！…查看更多

荃灣好多連鎖店美食,不過走入D橫街小巷,有D小店仍保持佢地既風味特色.呢間光榮冰室絕對係表表者!入到去就係上世紀茶餐廳既格局,裝潢簡單,周圍貼滿晒餐牌同食物名,咁先有風味!我地叫左個雪菜肉絲米,好大碗,賣相雖然一般,但食落口非常好味!D雪菜份量好多而且好惹味,D肉絲都好彈牙,又辣辣地,食完相叫多碗再食!跟餐仲送火腿奄列同丹麥多士,多士好脆好香口,奄列蛋好滑,火腿又夠多,真係無叫錯!D人多數黎食沙嗲牛肉麵,我地都叫個加左金菇轉左米粉既,一樣咁好味,因為用煲上,所以一直都熱辣辣,唔怪得係招牌菜!最後要講既係杯紅豆冰,不過係加幾蚊就飲得,好抵又好味!…查看更多

荃灣有一間好有日本風情嘅居酒屋，裝修有令人置身日本嘅感覺，既然未去得旅行， 就食住日本嘢先啦！我哋首先叫咗個牛肉烏冬， 好快就上咗菜，非常有效率！啲烏冬好彈牙，分量又多，每一條都好煙韌，啲牛肉每一塊都好鮮嫩，而且有少少紅色，係半生熟嘅，唔會太熟，否則就會好晏硬！仲有幾條秋葵喺上面，非常新鮮！然後叫咗個軟殼蟹牛油果卷，同樣都係份量十足，切開有八嚿，每一嚿都好實淨，好軟熟壽司飯包住軟殼蟹，食落去熱熱地仲好脆口！牛油果同軟殼蟹嘅配搭簡直係一絕！ 然後叫咗一個明太子玉子燒， 送到嚟嘅時候仲係冒煙嘅 ，香噴噴，食落口 啲蛋非常之嫩滑！ 上面嗰層明太子鹹鹹地， 份量十足，簡直就係 一流享受！…查看更多

最近經過呢間「秘」都見到大排長龍，今晚難得去荃灣，就決定去一試! 佢晚上6時營業,我哋早15分鐘到，店外已經大排長龍,我哋等咗20分鐘先入到去! 因為排緊隊時已經落咗單,所以一入到去就有得食!! 我哋叫咗兩款燒牛肉, 秘燒黑松露吉列牛，佢嘅吉列脆邊非常香脆, 毫無油益味,食落去有浸黑松露味， 食到後期牛肉味會蓋過黑松露味， 慢慢會越嚟越淡, 非常特別嘅口感!另一款係安格斯牛肉,牛肉非常新鮮,安格斯有保證! 醬汁都非常好味, 但講特別都係黑松露口味特別得多! 除咗要介紹燒牛之外,佢每個套餐都配咗一碗好大碗嘅米飯, 而且加咗紫菜同埋芝麻等等, 仲送多隻糖心蛋,總之食到你嗌飽為止!…查看更多

今日相約友人飯局,去開荃灣嘅八咪半,就去龍門一番食上海嘢!一開始店員會拎茶葉包畀我哋選擇,我哋就揀咗人參烏龍同埋壽眉黎呢度梗係食小籠包啦,佢有一半天使小籠包,上面有魚子醬,有啲鹹,又加入咗帶子,口感比一般嘅小籠包好得多,非常之特別! 另外一款叫做魔鬼小籠包,有海膽喺外面,外面嗰層皮因為墨魚汁就變咗黑色,味道亦都好正,呢款天使魔鬼混合體真係令我哋大開眼界!試完魔鬼天使小籠包,又食返普通嘅小籠包,都係非常高質嘅水準,每一個小籠包都皮薄餡靚,夾嘅時候要小心啲,如果唔係入面嘅湯就會濺出嚟,同埋啲湯都仲係好熱,所以食得非常之過癮! 因為唔想太熱氣,又唔係太食得辣,所以就揀咗碗蕃茄牛肉上海湯麵,啲蕃茄湯好溶,啲面亦都好滑,牛肉又幾塊份量十足, 非常之好味!最後叫咗幾個包,入面有一啲豬肉做餡,煎得香脆!…查看更多

今日出開荃灣，想食四川嘢，行吓行下就去到呢間麻辣風雲，要行上去二樓，上到去只見裝潢好特別，而且好乾淨好舒服，就二話不說坐低咗啦！食四川嘢當然要試一眾麻辣食物，我哋先叫咗個水煮魚小麻小辣，嚟到時只見非常大碗，小麻小辣但望著去好多辣椒，成碗湯血紅色，但我哋都食得辣，即刻食佢啲魚啦！係脆肉鯇嚟，份量多又好口感，物超所值！另外配以芽菜，雲耳，薯粉，感覺好似愈撈愈有，辣度又剛剛好，非常好食！然後我哋叫咗佢個招牌菜：炸饅頭，係用隻船盛上黎，非常特別！Ｄ饅頭非常甘香可口，炸得好脆，除左有煉奶點黎食之外，仲有朱古力或其他醬可以揀，不過都係煉奶點好食D！我地仲叫左個茶葉蝦黎食，不但只好大碟，茶葉入面仲有好多隻蝦，每隻都金黃脆口，而且有陣淡淡既茶葉味，又唔係好辣，Ｄ肉可以連殼食，一級捧！…查看更多

抹茶控出門!我同朋友都好中意食抹茶製嘅甜品,所以出開銅鑼灣,雖然呢一間鋪頭要行一段路,但係花少少腳力都值得,因為呢一間抹茶製嘅甜品鋪頭非常之正宗!其實食完晚餐之後已經有啲飽飽地,但係為左甜品要豁出去啦!我地叫左個套餐分甘同味,有抹茶卷,軟雪糕同日本培茶.先講抹茶卷,不單只大大件,仲要中間嘅抹茶慕絲非常之多,一啲都無偷工減料,食落去每一啖都有好濃濃嘅抹茶香味,令我有一種想快啲去日本既感覺!然後講個雪糕,固然都係非常之滑同埋非常之濃嘅抹茶味,仲有兩粒小丸子同埋少量紅豆蓉,口感方面有軟有硬,有熱有凍,非常非常之惹味!至於個杯培茶,濃度剛剛好,飲完只覺得精神為之一振,鬧市之中人人都咁忙碌,如果每一日都可以食下甜品,飲啖培茶,人生就應該係要咁寫意啦!…查看更多

就黎父親節，老豆鍾意食小菜既，就搵左屋企附近既酒樓「皇庭匯」同佢象徵式慶祝啦！坐低左侍應就拎張父親節餐單黎，貴左又選擇少左，不過都預左啦，最緊要老豆開心！而且都選擇到既。講返野食先，首先叫左個燒味拚盤，有雞、燒鴨、燒腩仔、叉燒四樣野，雖然唔大碟，但都幾好食！然後我地叫左兩碟比較清淡既，分別係紅燒豆腐同炒通菜，都幾大碟同整得幾好食，雖然清淡Ｄ，但要中和下Ｄ燒味，同之後黎既正野！所謂既正野就係海鮮啦！分別叫左薑蔥蟹同芝士焗龍蝦配伊麵底，前者係用一種叫「麵包蟹」去整，顧名思義好似麵包咁大隻！而且好入味！至於個芝士焗龍蝦都無叫錯，芝士非常香，龍蝦好新鮮，YUMMY！…查看更多

今晚要出佐敦上堂，上堂之前決定要醫一醫肚先！突然想食米線，雖然最近三十幾度高溫，但唔理啦，米線既誘惑實在太大！見呢間「景霖正宗四川麻辣米線」好似唔錯，就入去試下！入到去坐低，侍能即刻黎落單，都幾殷勤！我見都餓啦，而且左諗右諗咩餸都想試下，就試下呢碗「本店馳名過橋套餐(大大碗)」先！黎到呆左兩秒，大碗到呢。。。有牛肉、豬肉、腩肉、雞肉、豬潤、魚蛋、黑木耳、冬菇、火腿、豆卜、酸菜同炸醬，總共十三樣餸！（不過我唔食豬潤所以走左）再加上每碗都有既生菜、芽菜、韮菜、腐皮，所以就咁大碗啦！我叫左小酸辣，辣度剛剛好，每樣餸都好好味，麵又多，食到我飽到上心口！…查看更多

假日最開心就係可以同屋企人去飲茶，就去左屋企附近既新明苑，因為都幾大間幾光猛，坐得舒服好緊要！講下食咩先，首先叫左碟燒腩仔，都幾好食，皮脆之餘Ｄ肉又唔太鹹，都幾多件，所以次次黎都叫！另外我地仲叫左春卷，係細長型果隻，都幾香脆，口感唔錯！然後要介紹下呢碟牛肉腸粉，幾滑幾新鮮，要知道我係其他茶樓食過Ｄ唔新鮮既腸粉，所以呢碟加晒分！仲有呢碟咸水角，都幾大件幾脆，入面Ｄ料夠份量！輪到呢籠蝦鮫，都算新鮮，粒粒晶瑩剔透，不過大粒Ｄ就仲好！至於盅北菇雞飯就有少少失望，因為Ｄ飯有Ｄ硬！好在Ｄ燒賣都唔錯，大大粒又新鮮，總括黎講都唔錯！…查看更多