麻辣風雲 (荃碧大廈) (已結業)

今日出開荃灣，想食四川嘢，行吓行下就去到呢間麻辣風雲，要行上去二樓，上到去只見裝潢好特別，而且好乾淨好舒服，就二話不說坐低咗啦！食四川嘢當然要試一眾麻辣食物，我哋先叫咗個水煮魚小麻小辣，嚟到時只見非常大碗，小麻小辣但望著去好多辣椒，成碗湯血紅色，但我哋都食得辣，即刻食佢啲魚啦！係脆肉鯇嚟，份量多又好口感，物超所值！另外配以芽菜，雲耳，薯粉，感覺好似愈撈愈有，辣度又剛剛好，非常好食！然後我哋叫咗佢個招牌菜：炸饅頭，係用隻船盛上黎，非常特別！Ｄ饅頭非常甘香可口，炸得好脆，除左有煉奶點黎食之外，仲有朱古力或其他醬可以揀，不過都係煉奶點好食D！我地仲叫左個茶葉蝦黎食，不但只好大碟，茶葉入面仲有好多隻蝦，每隻都金黃脆口，而且有陣淡淡既茶葉味，又唔係好辣，Ｄ肉可以連殼食，一級捧！