PingScp的个人专页

今次係我第一次黎別天神，之前聽朋友講過好味，但一直未有機會試。我叫左個蝦味噌豚滑湯麵，味道好好。先講左佢個湯底先，係用高壓煲煲出來既豬骨湯黎，所以湯底係奶白色，好濃郁同好味。然後佢既麵係比較幼細既，師傅煮麵時時間控制得好好，所以麵既口感剛剛好，唔會太腍或硬！佢成個湯麵同d蝦味道好夾，hkd85 平靚正！而老闆亦都好細心，佢每張台都放左唔同種類既配料俾客人自由配搭，包括有芽菜、蒜末、五香粉、拉麵胡椒、芝麻、薑絲同醋，真係好齊全！ 但佢地既服務態度就真係麻麻，當時我因為身體唔太舒服，需要飲暖水，而我見到佢地係有熱水既，我問個待應拎暖水，佢同我講話得冰水，之後我話熱水都得，但佢話唔方便俾！…查看更多

今次係我第二次去灣仔呢個築地市場，上次黎只係食左拉麵，今次就試埋佢既壽司同刺身。佢既壽司同刺身價錢合理，我分別叫左個刺身同壽司拼盤，價錢係hkd268 同hkd98。先講左個刺身拼盤，佢有5款刺身，有海膽、帶子、吞拿魚同二款白魚（次次既白魚都唔同，今次係深池同鱲魚）。佢既刺身真心好新鮮同切割技巧好好。佢既鱲魚切得好薄，所以食落口感好好，唔會難咬！海膽好鮮，好正。而其他刺身都大件好味！至於佢既壽司都好新鮮同埋98蚊有拖羅、三文魚子、海膽呢三款真心抵！而值得一讚既係，佢既每張台都放左張note，教你正宗壽司食法，非常細心！…查看更多

我同朋友叫左個雞泡魚乾黎試下，hkd40一大塊都幾抵食，味道都好好。因為佢係炭燒既關係，所以好香同有種古早風味。老闆亦都好有心思，會燒一次先，然後再塗上醬汁，再燒多次，所以佢既雞泡魚乾好香脆同惹味！溫馨提示：唔好叫太辣同加太多醬，如果唔係就食唔到雞泡魚既鮮味。…查看更多

我叫左個墨魚串同新疆肉串，睇個樣好吸引同惹味，但食落有d失望。佢既墨魚串好韌，難咬開同埋唔夠鮮。而佢既肉串亦都唔新鮮，有雪櫃冰鮮味，同埋佢地係一早燒好既，亦唔會再翻燒先俾客人，所以唔夠熱同新鮮！ 我只可以話味道普通，可以接受，但唔吸引。…查看更多

呢間張財記最出名既係佢地既蝦醬蝦膏，好香同真材實料。今次我就去左試佢地既蝦豬餅，佢地會首先煎香個麵餅，再加菜同用蝦醬炒香既肉碎係入面，蝦醬味道好香同鮮味，同豬肉好夾，個餅亦煎得香脆，味道唔錯同好惹味！…查看更多

呢間大澳士多真係平靚正，俾到驚喜我！我同朋友叫左扇貝、蠔、一口牛、蜜汁豬頸肉同雞腎，全部都好好味！佢既扇貝真係好鮮味，而且仲好大粒，一粒先hkd18，真心好抵！老闆話佢地既扇貝係日本北海道送黎，唔怪得咁好味！個蠔都好味，新鮮，係韓國入口的！而佢地既串燒都impressive, 好香好味！…查看更多

係大澳車站一落車就見到好多人排隊買野食，我當然都唔執輸排埋一份啦！我同朋友叫左大墨魚丸同花膠。佢既大墨魚丸比我想像中好味好多，好彈牙同新鮮，真係有墨丸味，唔會好似出邊既墨魚丸咁多粉，真心值得一試！ 至於佢個花膠我就覺得麻麻，不過先hkd40，都唔會expect太多。佢既花膠比較粗糙同薄，味道口感都一般。買完野可以去餐廳入面坐底食，涼下冷氣休息下再行。餐廳入面裝修好有漁村風味，擺左好多海味花膠同埋蝦膏，可以買黎做手信俾朋友！…查看更多

今日同朋友去左Warren食Bruch，我地點左Crayfish Omelette 同Calamari Marinara Linguine。2樣都好好味， 佢個omelette係梳乎厘omelette, 所以同普通既好唔同，好似係食緊咸味既梳乎厘咁， 味道好特別。再加埋佢既龍蝦topping，味道好夾，好味！而佢既Linguine味道都唔錯，好濃芝士同蕃茄味！…查看更多

呢間餐廳收費好平，味道都ok，不過不失！我點左個三寶湯河加碟菜連飲品先$58。佢個湯河既牛肉湯味道唔錯，幾鮮甜，飲完唔會口乾，同出面既味精湯唔同。而牛肉都新鮮，但唔夠滑，札肉同個丸都ok，同普通既冇咩分別。不過佢既河粉就麻麻，唔滑同好碎，散開哂。…查看更多

琴晚去左灣仔呢個築地市場食野，入面既裝修好似一個小型既日本築地市場，入面有好多日本零食熟食同海鮮。我同朋友去左食拉麵。佢地拉麵質素真係好唔錯，同日本當地食既一樣咁好味。佢地既拉麵煮得岩岩好，質感好好。而湯底亦好濃郁，我地點既係味噌湯。至於配料方面，佢地既蟹捧係用蟹腳，並冇加麵粉，非常新鮮，而佢地既豬肉都好滑。一碗拉麵只係hkd88,真係平靚正！…查看更多

作為Kitty迷既我，周不時都會去唔同國家既Kitty Cafe, 為既係同Kitty影相，對佢地既食物一直都冇expectation, 因為通常都係得個樣。但今次去呢間Kitty secret garden俾到驚喜我，佢地既食物質素唔差，唔係得個樣！我同朋友點左個和牛漢堡拼炸蝦、拿破崙意粉、吞拿魚三文治、熱朱古力同Rose Latte。先講個和牛漢堡拼炸蝦先，個漢堡用料唔錯，肉汁濃郁，個炸蝦都好新鮮。而拿破崙意粉味道都唔錯，但配料太少，只得腸仔。令我有驚喜既反而係個三明治，佢焗到好脆，而且吞拿魚份量多，好味！而佢既Rose Latte, 好重花香味，同咖啡味好襯，值得一讚！但杯熱朱古力就淡左d，唔夠濃。溫馨提示：各位Kitty 迷如果唔想破壞咖啡上既Kitty拉花，可以好似我咁，用枝熱飲飲管飲底下既咖啡，咁就可能將拉花圖案保持到最後。…查看更多

本身唸住是但入一間cafe飲杯熱朱古力，冇呢過咁有驚喜！ 佢地熱古朱力係奶同朱古力分開上，要自己淋d溶左既朱古力上去。佢地朱古力好滑同好香，奶亦好creamy。極力推薦！…查看更多

銅鑼灣呢間花園餐廳都幾抵色，係平價之選！我叫左個紐西蘭肉眼扒餐 連餐包，湯同飲品，只係$125。開始時，侍應會送上餐包， 佢既餐包熱騰騰，再加埋牛油 好好味！之後佢就送上餐湯， 我就叫左個羅宋湯，味道唔錯，但好少料。之後就上牛扒啦，呢度既侍應好細心，會主動幫你淋上醬汁，仲會提你用紙巾擋住，服務唔錯！ 至於塊牛扒呢個價錢黎講算唔錯，我叫左五成熟，佢地煎得岩岩好，而且塊扒夠大塊同厚，抵食。但塊扒唔算靚，質地比較粗糙，咬起來要用力，不過整體黎講都唔錯！…查看更多