Canet B的個人專頁

尖沙咀有好多食肆，好多好食嘅都係隱藏係大廈裡面，呢間串燒店彌漫住燒肉嘅香味，港日fusion嘅氛圍即刻令人放低一日嘅疲憊。 🐷五花腩燒到邊緣微焦，油脂滴落炭火嗞嗞作響，加上豬肉本身嘅鹹香，調味撞出驚喜；🐷味噌豬用咗紅味噌，甜中帶酒香，配冰凍啤酒一流。🐓雞皮脆到似薯片，灑上七味粉食到吮指🐓免治雞肉棒混入秘製調味，蘸月見汁，食出童年回憶🐟白鱔厚切到似日式鰻魚，魚皮脆到「咔嚓」聲🦪元貝原個扇貝，加上港式粉絲同秘製蒜蓉燒，懷舊嘅味道🥦蔬菜類有心思🌱蘆筍卷香脆嘅豬肉包住滿汁嘅蘆筍，爽嫩交織🌱芫荽雞絲手抓餅根本係港版墨西哥卷，芫荽份量多到似深水埗菜檔，香口惹味人均$350左右，坐喺開放式吧枱睇住師傅用炭爐即燒，好適合一班friend飲住啤酒gathering。總評：3/5…查看更多

土瓜灣呢頭食肆林立，要突圍而出真係唔易。Gyutan Toku 牛舌專門店，聽個名就知主打牛舌，仲要係專門店，聽落好似好犀利咁，咁就試試佢。鋪頭唔算大，裝修簡簡單單，木系為主，有日式風味，坐得都算舒服。餐牌主要都係圍繞牛舌，有串燒、定食、丼飯等等。我哋叫咗個招牌牛舌芯定食，試吓佢嘅實力。牛舌芯上枱，賣相都唔錯，厚薄適中，燒得幾香口。咬落去，口感爽脆，有少少嚼勁，牛味都算濃郁。配菜方面，有沙律、味噌湯同埋飯，都係正常發揮。總體來講，Gyutan Toku 牛舌專門店係牛舌質素唔差。算係呢區特別嘅小店優點：* 牛舌質素唔錯，口感爽脆* 環境乾淨舒服* 價錢合理溫馨提示：鋪頭唔算大，建議早啲去排隊…查看更多

聖誕節想食好少少，但係又唔想去啲大餐廳排隊，呢間隱世小店就啱曬啦！裝修充滿歐陸氣氛，CP值仲好高添❤️Tasting Menu ($598)套餐裏面包含一個Starter、湯、麵包、Main、甜品同飲品，超滿足❤️Starter可以3選1，我就揀咗自家製生牛肉他他，一試就知龍與鳳😎一味好嘅牛肉他他，必須揀新鮮嘅牛柳，因為牛柳脂肪少而且冇筋，牛肉味偏重，口感比較鬆軟，而且調味要調得剛剛好，先可以保持牛肉嘅鮮味。呢度嘅他他就示範咗乜嘢為之好食嘅他他😋🦞龍蝦湯濃郁，配上自家製牛骨髓牛油，令香濃嘅鮮味徘徊喺口裏面😋🐮威靈頓牛柳見到餐廳有威靈頓牛柳，通常都會點佢，因為識煮嘅人都知道程序有幾繁複，自己喺屋企就真係好少煮啦🤪出街有得食就梗係揀佢啦！果然冇令我失望😋黑松露鵝肝嘅味道滲入牛肉裏面，令整體感香而不膩，值得一試…查看更多

好耐冇去太安樓食嘢，見到呢間新嘅Pancake Bunny，裝修幾靚咁樣，就同朋友一齊食我哋兩個人嗌咗一個Pancake同埋一個Burger ，好彩兩個人share，如果唔係都應該食唔晒😂首先講吓個pancake先，我幾鍾意佢嘅質地有口感，而且即叫即做，食落口熱辣辣，不過甜食嘅pancake唔係太啱我口味，下次試下鹹食先現場冇枱櫈，好彩兩個人去，如果唔係都唔知點樣拎住啲嘢食Truffle Burger醬汁超級多，cover曬成個burger 嘅味道，最欣賞麵包有烘過，食落去脆嘅，漢堡肉夠健康，肉厚而且冇咩肥膏呢個價錢我冇太多要求，朋友話要俾4粒星⭐️…查看更多

見咁耐冇去旅行喺荃灣打滾咗咁耐，都唔知道新領域廣場有野食，今日朋友帶我過去，好似發現新大陸咁樣😂我去商場裏面第一間見到嘅，就係岩盤牛扒，係一間日式熱石燒牛扒嘅餐廳，冇得去旅行咁耐，我就一直都掛住岩燒牛，二話不說就衝咗入去啦！🥩岩燒西冷扒300g ($174)呢間岩燒肉就好似日本咁樣，首先去凍櫃睇吓想食邊款嘅牛肉，然後再落order，有200,300,400g選擇，正常嘅size就係300g，自問大食嘅我，都覺得好足夠。師傅首先將岩板加熱，然後將牛扒燒到3成熟，再將牛肉放上岩板，上枱嘅時候見到熱辣辣嘅煙霧出嚟，即刻食指大動！厚厚嘅牛扒，切落去有肉汁流出黎，加上岩鹽點綴左味覺嘅刺激。唔知係唔係我顧住影相，搞到塊牛扒有少少over cook，所以個人覺得熟咗少少，如果喜歡食5成熟嘅朋友，我諗可以叫師傅輕輕燒一燒表面就可以上碟啦😂另外+$28就upgrade成套餐，有白飯、麵豉湯、飲品，自製豐富嘅午餐…查看更多

話說我一向都好喜歡法國菜，最近發現位於大埔名為Dionysus嘅好西之選，同埋朋友一齊過咗超Chill嘅下午。估唔到响大埔舊式唐樓底下，有由以前‘前鋪後居’改建而成嘅餐廳，加上二樓裝修華麗，同附近環境即成強烈對比。而打卡位一定係粉紅花花，電子火爐，同埋洛可可風嘅沙發，造型優雅得嚟又帶點少女。🥙頭盤+🥘主菜+🧋餐飲+🍰甜品（$108）呢間店打造成親民價格嘅法國餐廳😍，眼見午市套餐，有齊頭盤、主菜、餐飲連甜品，人均约$108左右，算係高CP值👍。頭盤選擇咗🥗華道夫沙律🥙，精緻外觀上碟已經係一件藝術品🤭,而入口就帶小清新口感。食肉獸🤟主菜就食咗🍖香煎牛腹柳配牛肝菌忌廉汁伴法式薯蓉🥔，照燒汁燴🍗牛腹柳闊條麵🥢。進食闊條麵時配牛腹柳，肉味馥郁，牛肉味道濃而不膩，而且闊條麵帶有彈牙質感更是有趣🤪。再品嚐🍖西班牙豬柳，香郁撲鼻，煎香後表面淋上濃厚嘅牛肝菌忌廉汁，感覺十分豐富。重口味過後伴以🥔法式薯蓉中和起來，很舒服剛剛好😋。除咗跟餐🍮餐飲外，今次特別試吓 special drink 🍸mocktail 🌹 ”玫瑰花園” ，優雅而帶點花香，玫瑰味道淡淡而來，略帶柚子感🍊在口腔持久不散，好有新鮮感得嚟又非常切合室內環境🤗。最後以藍莓芝士蛋糕🍰作個圓滿結束。今次菜單甚有驚喜，對只有貴價法國餐廳好食嘅諗法完全改觀🙂。餐廳室內華麗設計加上🎼休閒音樂同環境，再配合有個性嘅桌椅🪑，呢種愉快嘅飲食體驗，力推大家親身體驗一下😏！…查看更多

準備返屋企，一陣冷風吹埋黎，🥶嗚。。好凍。。好想食野暖暖肚。工業區成條街黑麻麻，行前少少見倒有光，望入去環境好似幾舒服幾唔錯wor ，再望埋menu，嘩，有好多好特別既野食，我忍唔住要入黎啦🥰🍲自制餐湯 (跟餐)今日係磨菇湯，好香好滑，飲完暖笠笠呀。🥗自制沙律 (跟餐)D蔬菜好fresh，食完開開個胃就可以準備食正餐啦。🍗法式燉煮羊膝 ($128)鍾意食羊既朋友呢味菜就岩你啦。個羊膝炆到好冧好入味，個意粉沾埋個汁都好有羊味。🦀黃金蟹肉意粉 ($86)呢個簡直係賣飛佛呀。咸蛋黃，蟹肉，忌廉撈埋一齊真係好香好惹味。🍋有汽檸檬咖啡 ($42)最後梗係要試埋呢度既特色咖啡啦。有汽檸檬咖啡個味好特別，用少少檸檬吊起咖啡個味都幾醒神架。☕️奶醬啡 ($48)奶醬多就係食得多，奶醬啡就第一次試。個味都幾得意，咖啡香得黎又唔係好甜，又有花生粒增加口感。環境係幾舒服嘅，估唔到工業區都有咁寫意嘅環境食完仲想買埋返去自己煮嘅話，隔離就有得賣…查看更多

喺Office忙咗成日，夜晚約咗朋友傾少少嘢，順便慰勞一下自己，揀完一輪，我哋決定咗去打邊爐，烚吓烚吓慢慢傾🥘一坐低見到個餐牌其實大家都打咗個突，覺得有少少貴，但當開始食嘢之後，就發現呢個價錢絕對值得😋🍲濃湯佛跳牆雞翅鍋 $398個湯底非常足料，大家一致認同淨係嚟食佢個湯，唔叫其他嘢食都值得，個湯非常濃郁，入面有花膠、海蔘、鮑魚、翅、螺片、柱貝、金華火腿、鮮雞件同埋大量娃娃菜，娃娃菜吸收晒個湯同材料嘅精華，喺味覺層面來講絕對係絕佳享受，但略嫌有少少洗得唔乾淨。👑 養生花膠筒 ($138)除咗湯底之外，朋友一致認同全晚CP值最高就係呢個花膠筒，份量出乎意料地多，放落個湯度吸收晒所有精華，再加埋彈牙嘅口感，大家都讚不絕口👍🏻🇳🇿 紐西蘭草飼羊肉片 ($138)食得出質素唔差，不過感覺可能喺室溫拖咗一陣先上菜，顏色有啲唔新鮮，朋友覺得太羶，不過我自己就幾鍾意🥩🥟 XO鮑魚蝦餃王($58)鮮味十足，咬開清楚見到各樣材料，有蝦米、瑤柱、鮑魚片、鮮蝦肉、少少蔥，真係足料到一個令人驚訝嘅地步！🦑 皇帝柱貝墨魚丸($58)墨魚丸爽滑彈牙，加上青蔥嘅香味，柱貝嘅鮮香，非常美味😋🍜 稻庭烏冬 ($38)有個咁正嘅湯底，有乜理由唔叫個烏冬一齊食？烏冬爽滑彈牙，配埋個湯底簡直無敵，幾飽都一定要食返碗，唔好嘥咗個湯底😍另外值得一提嘅就係佢嘅醬料盆，個麻醬係我喺火鍋店見過最濃最杰身嘅麻醬，另外沙茶醬亦都非常香濃，絕對冇揸流攤🥣…查看更多

呢餐飯約左十世，終於約到啦！三個大忙人。曾住朋友生日，食個Omakase賀一賀佢先！🎐セット 和 ($580)🦀前菜 - 蟹膏豆腐香濃嘅蟹膏，加上滑滑嘅豆腐，蟹膏齒頰留香🐟前菜 - 三文魚軟骨好有趣嘅味道，軟骨用檸檬汁醃過，清新爽口，好開胃🍣精選壽司10件🐟左口魚肥厚多脂、肉質柔軟細膩🐟竹籤魚香口肥美，加上香蔥點綴，帶出魚嘅鮮味🦪醬油燒帶子用醬油燒過嘅帶子，帶少少嘅甜味，加上瑤柱嘅鹹香，好滿足🦐赤蝦壽司赤蝦肉彈牙，面頭加左少少蝦膏，香而不膩🐟深海大池魚池魚油脂分佈均勻，清甜🐟油甘魚壽司口感柔軟細滑，肥而不膩，滿滿魚香🐟炙燒左口魚裙邊輕輕炙出魚油，令魚油融化係魚肉之間，入口即溶，魚油嘅香留係口腔裡面，回味無窮🐟炙燒銀雪魚平時食西京燒嘅銀雪魚就食得多啦，銀鱈魚壽司又真係少d，肉質爽口嫩滑，加上山椒，層次豐富🐟金槍魚腩金槍魚腩，亦叫做拖羅，油脂豐富當然唔洗講，面頭加上山葵漬物， 香且不膩🦐甘蝦蓉海膽壽司甘蝦切成蝦蓉，爽口彈牙，面頭再加上大大舊海膽，口感豐富滿足🦐天婦羅最滿足嘅當然天婦羅蝦啦，啖啖肉，彈牙香口，保持蝦肉嘅肉汁🦪大蜆鮮紫菜湯簡單嘅嘅湯作尾調，鮮甜清新，令整個氣氛變得舒適🧁甜品是日甜品，忌廉泡芙，輕淡作結，為呢個晚上畫上一個完美嘅句號…查看更多

行開荃灣，朋友話想食日本菜，見到呢間初見都多人排隊，應該都唔差掛，一於試一試佢先！🦞季節海鮮鍋配龍蝦湯($88)海鮮盤入面有鮮蝦，蝦仁，魷魚，青口，花甲，三文魚腩，鮮蝦同蝦仁有驚喜好彈牙，花甲有沙，其他就正常發揮啦。而個鍋裏面有椰菜，雜菜，粉絲都足料既，龍蝦湯味道比較清淡，但份量上就好充足嘅🐟蒲燒原條鰻魚日式味素飯（$128)全條鰻魚真係好震撼，加埋燒汁，香噴噴，肉質比較黏軟，如果可以燒多陣就好啦，個味素飯都好好，食用左珍珠米好QQ嘅感覺整體上服務質素同環境都舒服嘅，我下次等我試吓佢啲燒牛肉先啦…查看更多

今日約左人放工係中環等，見仲有時間兼有點餓，就去飲杯茶食個包。。。不過唔係茶樓，係去茶湯會丫🍵🍊熱新鮮水果茶 ($32)凍嘅水果茶就飲得多，原來水果茶都可以叫熱嘅，水果嘅甜酸味更加出，酸酸甜甜開胃之餘，冬天仲可以暖胃，加左入Favourite list❤️🥤燕麥觀音拿鐵 ($30)第一啖就feel好濃郁嘅奶味，有淡淡嘅鐵觀音同燕麥香味，底層有珍珠同燕麥，有咬口，平時唔想食咁多嘢，當一餐都夠飽肚😝記得自備粗飲筒，或者長匙羹啦！🥪 香辣吞拿魚吐司 ($31)啱啱烘好嘅吐司熱辣辣，用刀切開時已聞到吞拿魚嘅香味，加左香辣醬變得更加惹味，唔算好辣，不過食唔到辣嘅應該係食唔到嘅！要注意唷！🔥雖然係即刻整，但係等左一陣已經有得食，果然係中環嘅節奏，好有效率，忙裏偷閑有多一個駐腳點！…查看更多

其實食石板燒唔一定要去日本餐廳食，係太子一間cafe 原來都有得食。🥘南瓜湯+🥗沙律+🍨甜品(跟餐加$30)雖然係跟餐但絕對冇hea你，呢個南瓜湯香甜幼滑，啖啖都要追住飲，我用9秒9 KO 左佢。 沙律亦用上新鮮的蔬菜配上胡麻醬。 今日甜品係豆腐雪糕，雪糕冇一種好假既味，非常清甜。🥩美國頂級穀飼牛肩胛肉眼扒 200g 配薯角🍟($78)本身諗住呢個價錢，都冇乜特別期望，但係見到咁多人叫，我哋又試吓先，點知有驚喜！牛肩胛肉肉質軟熟，牛肉味濃，加上輕輕嘅調味，令呢塊普通嘅肉眼，都變成上等貨。石板温度keep到食物嘅温度唔會食到一半凍哂，而且可自行調節幾成熟，仲跟左蒜蓉汁同燒汁。薯角剛炸起，食落香脆熱辣辣。估唔到呢個價錢，都食到呢個質素， CP值高！…查看更多

中環嘅打工仔對昭隆街相信都唔陌生，因為成條街都有平價美食，而數到燒味，呢間就比較多人食嘅五寶飯 ($50)嘩。。。餸仲多過飯燒鴨好香，肉質嫩滑，燒腩仔皮脆得黎，肉仍然有肉汁，叉燒肉淋，唔會太甜呢個價錢好抵食，而且伙記好快手，啱晒想食個快飯嘅人我仲見到餐牌有蒸魚菜飯，都只係$45，不過可惜我去嘅時間已經賣曬lu...下次早啲嚟食下先座位唔算多，大部份人都係叫外賣，餐廳用嘅係即棄餐具，想黎食嘅記得要自備餐具啦！…查看更多

呢一年來，雖然心很累，但信念依舊沒變💛以前lunch time成日幫襯，但係前排見佢close左，以為頂唔住，原來只係裝修姐☺️嚇得我☺️所以今日就帶朋友黎食呢間兄弟幫食堂🐷燒豬腩波板糖 ($19)一見到個名，覺得好得意，於是就叫咗一個嚟試吓，原來係將燒豬腩卷成波板糖形狀，再串成串燒燒，油份滲曬入肉𥚃面，好香好juicy😋🐓燒雞皮 ($19)毒物！雞皮嘅油份燒曬出黎，令到雞皮香脆可口，又唔會油淋淋，食過真係返唔到轉頭！🕊燒花雕乳鴿 ($88)燒乳鴿本身我就鍾意食，估唔到用花雕燒乳鴿可以咁正，花雕味唔重，但係就輕輕帶出左花雕嘅香，令肉質變得更滑更嫩🍆原條燒茄子(川式燒) ($34)唔好以為燒茄子好易，其實要熟得黎皮唔爛，係要睇火喉，要啱啱好燒到淋身，又唔會熔到夾唔起，咁先係最好食！呢個真心唔錯，加埋d川味粉，好惹味🦪蒜蓉燒扇貝 ($時價)好大隻丫！啖啖肉！夠足料！🐂流心芝土漢堡肉 ($48/3件)漢堡扒裡面有流心拉絲芝士，肉食獸必吃！🍯整埋杯柑桔檸檬，解埋熱氣~…查看更多

話說，變咗一個旺角Foodie之後，都未好好咁食過一餐，難得有friend約食飯，今日就去試吓呢間泰國嘢🍤大蝦米紙卷 ($68)我朋友竟然未食過米紙卷，咁當然要叫佢俾佢食啦！蝦肉大大粒，加埋青瓜蘿蔔絲，點埋醬汁，酸酸甜甜又清新開胃🍤黃金蝦餅($72)炸蝦餅就梗係冇得輸啦！香噴噴，蝦肉又夠彈牙，咬落去啖啖肉🍖火山排骨($98)做得鎮店之寶，當然係正嘅！兩份大大嚿嘅排骨，搭起造成一座山，成幅山水畫咁，入口有驚喜，以為咁大份肉，一定會好油膩，點知佢嘅汁係酸酸地，解除左肉裡面本身嘅油膩，再加上肉質炆到好嫩口，差啲連骨都食埋🥰🍵香茅薑茶($42)薑茶可以驅寒，所以我平時都好鍾意飲，但係如果你怕薑嘅味道，咁就可以試吓呢個啦，因為香茅嘅味道都好重，減少左薑嘅辣味，飲落順口唔太刺激環境都坐得舒服嘅，比較現代嘅感覺…查看更多