Jmfd的个人专页

幾時都咁鍾意去嘅餐廳❤️烏冬、意粉都勁掛汁！之前改名前叫mamaday時已經好鍾意去呢到食野，每次去食都總會好滿足，最近改名zipzip後更加換埋裝修，同樣搞鬼！lunch去仲有set，around $138有前菜、野飲！🍕牛油果三文魚比薩（lunch set$138）- 去呢到一定要食pizza，真心出色，pizza薄薄地好脆口，中間夾上一層薯蓉，口感唔錯。上面大大塊煙三文魚同軟香牛油果都幾match🌟 凍烏冬 柚子 胡椒 葱油 明太子 仲有香辣雞絲 炸雞翼（lunch set $118）- 鍾意食明太子嘅必食😍😍 烏冬上掛滿明太子汁，啖啖都好滋味，而且烏冬texture本身都彈口。香辣雞絲係手撕的，有雞脾肉而且辣度適中配了比較有特色飲品：☕️酸酸甜甜泡泡咖啡（沒有奶）係grapefruit tonic coffee，比較refreshing，先係fruity感覺，再有咖啡濃香🍦 豆腐豆腐豆腐咖啡入面係有雪糕，甜甜地好香豆腐味，完全中和咖啡嘅濃味！…查看更多

難得lunch time所有老世都唔係度，同同事一齊去食韓式燒烤。依間因為疫情，好耐都無食過，好懷住佢地嘅護心肉。好少地方有得食。因為同事唔食牛，所以叫咗豬嘅護心肉。護心肉係橫隔膜嘅肉，完全唔肥，肉好juicy，又淋，好嘅燒烤食。可以包生菜食，減油膩。我發覺加埋泡菜，或者前菜嘅酸辣沙律，仲惹味。燒烤完肉，爐邊嘅蛋就啱啱熟，一邊蛋加咗芝士，另一邊加咗泡菜碎，我就好鐘意加咗泡菜碎嘅蛋，特別香。我地另外叫咗雜錦石頭鍋飯，個石頭鍋好夠熱，有飯焦 😍😍😍，超好食。加埋燒烤盧邊嘅芝士蛋同泡菜蛋一齊食，簡直停唔到口。今日依餐大滿足，我同同事都棒住個肚走。…查看更多

幸福就是簡單~簡簡單單的台式食品，食材同味道充滿台灣的感覺，芝士豬肉髮蛋餅， 牛肉麵，仲有好豐富嘅台灣香腸便當，樣樣都好有水準。芝士肉鬆蛋餅蛋餅，本身已經係無得輸嘅食物，加上令任何食物都會變得好食嘅肉鬆，真係好好食。再加上芝士嘅香味，正！不過要親熱食，凍咗芝士就無咁好食。牛肉麵湯底牛肉味好香，牛肉好淋，麵好彈牙掛湯，都幾正宗。麻辣牛肉麵香料好足， 麻辣味好香，牛根都好淋，好入味，鐘意食麻辣嘅啱晒台式香腸便當喎！一上枱，估唔到咁豐富，有肉碎，蛋同好多台式香腸 ，仲要好抵食，只係$60。飲品珍珠奶茶同蜂蜜檸檬愛玉，兩杯都叫咗30%微糖同30%少冰🤭🤭，好似做緊實驗咁，不過黎到真係少少甜，冰量啱啱好。珍珠奶茶，茶夠香，珍珠有咬口。 蜂蜜檸檬愛玉， 酸酸甜甜好開胃， 愛玉嘅份量都唔少有三分一杯， 值得一試。…查看更多

想試好耐嘅@cafecrepehk , 之前係中環太遠，宜家係K11開咗間新鋪，今日終於食到。飲品非常出色，有驚喜，最緊要係我唔記得叫少甜下，都係微甜，非常健康。Frappuccino - Jade(即係綠茶味)綠茶非常香濃，唔係得個顏色，仲有朱古力碎，好開心。 chocolate milk shake 朱古力味好香，加埋朱古力碎，簡直同 G字頭嘅朱古力奶一樣 。 Ice Cappuccino 咖啡香，最靚嘅係奶泡，打得好厚好棉，最緊要係飲到最後都keep到，無一下子就化晒。crepe 叫咗咸嘅 Le Club，厚厚一份，非常足料，我老公話當晚餐都無問題。雞肉雖然係雞胸肉，但非常嫩滑，一d 都唔'鞋'。個芝士醬配埋新鮮番茄非常合拍，連我唔食番茄嘅仔仔，都大啖大啖食。加埋煙肉，令整個crepe嘅味道即時更野味，唔怪得中文叫公司法式薄餅, 如果第一次埋食嘅朋友，非常建議食依款。玉桂控嘅我，甜嘅叫咗pear & salted caramel, 玉桂配蘋果就食得多，未試過配梨，所以叫黎試下。 切開已經聞到好香嘅玉桂味，食第一啖，有驚喜，原來梨同玉桂更夾，因為無咁咗蘋果嘅酸味。口感方面，好爽口，梨無話煮到淋晒，有水準。再試下加埋salted caramel，又有另1種味道，salted caramel 嘅焦糖味同玉桂加埋一齊後，甜味變得順和咗。仔仔叫咗cheese cake加芝多啤梨雪榚, 個伯爵茶醬真材實料，令份crepe嘅味道更有層次。加埋士多啤梨movenpick雪榚，酸酸甜甜，更加好食。…查看更多

晚上終於可以外出食飯。當然要同hubby去鬆一鬆。去到餐廳好窩心， 即時遞上兩個信封俾我哋放口罩用。去到仲係happy hour，梗係叫番兩杯啤酒先。 Edelweiss呢杯有驚喜，有淡淡嘅花香味啱女仔飲。見咁多人話西班牙香燒乳豬仔好食，我哋都叫蝶試下。果然真千層乳豬，皮脆肉嫩，一啲都唔肥，仲好juicy， 同中式嘅好唔同。蘑茹Parma Ham Pizza超有驚喜。 個餅底焗到好脆好似餅乾咁， 面頭舖滿口口嘅水牛乳芝士， 加埋parma ham嘅鹹香同蘑茹簡直係絕配。 餐廳用咗靚嘅水牛乳芝士，做到拉絲嘅效果，就算pizza凍咗芝士都冇變硬，仲係軟綿綿非常好食。16安士Prime 有骨肉眼扒 ， 一上到枱就香氣撲鼻，有好香嘅炭燒味。 牛扒見佢哋用個炭爐用大火燒，做到燒到外面好有焦香，切開好juicy嘅效果哋叫咗五成熟，切開見到非常粉嫩，火爐控制得好好。 不過16安士真係幾大份，最少要兩個人先至食到。依餐非常完滿。我見都有唔少人黎興祝生日，佢地跟咗支煙花蠟燭，非常開心，12月我都想同仔仔興祝生日，俾個驚喜佢。…查看更多

疫情下，星期六日，通常都買外賣食，好多時都比較肥膩。今日行過青衣城，終於揾到有健康嘅外賣，仲要係主打羅宋湯，雙眼即刻發光，因為我係一個羅宋湯控。叫了兩個廚師推介套餐，就眼望落 都有d驚老公食唔飽，點知到最後，食到我地兩個都棒住個肚 。香煎薄牛扒脆豬仔包包烘得好脆口， 不過一啲都唔乾，好鬆軟。 薄牛扒煎得好好， 好多時煎薄牛扒會好乾， 但係依個仲好juicy， 醬汁惹味。跟餐嘅烏冬本來以為係湯烏冬， 點知一打開原來係撈烏冬， 我同老公都笑咗。 好少撈烏冬會用到稻田烏冬， 口感好滑， 味道方面，大家都見到啲顏色好唔使講啦 最後輪到主打嘅羅宋湯， 第一個係牛腩羅宋湯第二個係豬髀羅宋湯， 相信同鄧大家認識嘅羅宋湯好唔同，超多材料。 湯底都同一般羅宋湯好唔同， 用多咗好多香料，唔係一味得個酸字。 不過就比一般嘅羅宋湯辣咗少少， 完全唔食得辣嘅朋友要留意。跟湯嘅餸非常好味， 絕對唔係湯渣。 牛腩嫩滑一啲都唔硬， 好香牛味。豬髀肉同拉面嘅叉燒係一樣， 我老公都話非常好食。 最開頭仲擔心唔夠食， 原來湯裏面都咁多餸， 結果我哋兩個都食得好飽。 依家外賣性價比非常高，可以再食 😆😆。…查看更多

因為星期日要返工，今晚同爸爸撐枱腳。爸爸鐘意食牛扒，依間想試好耐，1星期前book位，今日終於食到。黑松露軟殼蟹意大利飯好有驚喜，軟殼蟹好大隻，厚肉，即叫即炸，好脆口，真係做到外脆內軟。意大利飯好多菇菇，加埋軟硬適中嘅意大利飯，口感一流。菇菇同黑松露令到個白汁更加香，整體黎講，依個價錢，真係無得頂。安格斯肉眼扒 (8oz)鐘意食牛嘅爸爸，當然叫牛扒。牛扒都幾大塊，爸爸叫咗7成熟，表面煎到非常之香，切開，見到，一d都無過熟，做到7成熟，廚師功力有返咁上下。牛嘅質素好好，完全無用粉'拿'個，肉質彈牙，好有牛味，唔韌。水牛城雞翼小食叫咗水牛城雞翼，賣相好吸引。雞翼外脆內軟，個汁酸酸辣辣，非常野味。以依個套餐價錢，有咁嘅水準，非常超值。唔怪得次次行過都full house。下次想試下羊扒，見隔離枱叫咗，好似好好味。…查看更多

今日去開九龍城，朋友突然想食中菜，見到依間食評唔錯，就試下啦。門面裝修行古典中式style,加上近新年，有對對聯，更添氣氛。首先叫咗個頭盤:海蜇併鎮江餚肉海蜇彈牙夾口，餚肉層次分明，肉味好香。最好味係碟醋，食得出唔係下價貨式。醋好香醇，唔係得個酸字，一d都唔搶喉，仲提升食物嘅香味。見到話枱枱都有叫乳豬，我地又叫咗1/4客。賣相好靚，應該係即叫即燒。仲係片皮😍😍，將肥膏完全片走晒，好窩心。皮好脆，好似依緊炸魚皮咁，好香口，肉好嫩滑，唔怪得枱枱都叫。桂花炒魚肚:好大碟，魚肚好多，加上炒香咗嘅瑤柱絲，配埋芽菜，口感一流。叫咗依碟，可以唔駛叫菜，真係好大碟。蜜餞欖角骨，本來諗緊叫唔叫拔絲骨，不過朋友見到蜜餞欖角骨，話上面好少見，想試下。賣相好靚，好有fusion 菜feel ,骨炸得外脆肉軟d肉好juicy,加上外好皮好夠，可以吸收到醬汁，好野味😋😋。欖角本身嘅咸香味，俾蜜餞嘅甜味中和咗，非常合拍，我朋友話依款係男人食嘅山炒骨😂😂😂今日嘅主角，古法焗魚腸。因為功夫多，宜家好少地方有得食。提提大家，依款菜要焗大約20-25分鐘，想食記得要住坐底即刻叫。焗魚腸最緊要面頭焗得夠焦黃，焗出魚腸嘅油香，加上蛋嘅焦香，就非常野味。依碟魚腸焗得唔錯，面頭夠金黃，裏面除咗好多魚腸外，有陳皮，芫茜，好香，完全唔腥，不過好有要求嘅友人話如果個砵簿身d, 會更香口。城寨風味炒飯: 好多料，更有帶子粒，杞子，$108超值。蛋白係另外炒完再加入去，好滑嫩，飯粒粒分明，炒得好夠火喉。為整餐飯劃上完美句號。…查看更多

今日天氣凍，有同事話帶我地去打邊爐。我一聽，就諗lunch有咩可能食到，打邊爐要食最少兩個鐘。不高，同事大力推介，就一齊去癲下。原來依度嘅打邊爐係1人1煱，有4款湯底揾，有麻辣，有三杯雞，有豬骨，選擇都算唔錯。仲要每set唔駛$60，同事今次好介紹。一個火煱包3個餸，芽菜，栗米，大蔥就係每煱都有跟。牛肉，菜， 雲吞配麻辣湯底: 湯底有水準，夠麻椒味，唔算太辣，牛肉份量ok, 唔肥。午餐肉，凍豆腐，貢丸，三杯雞湯底: 三杯雞湯底算係少辣，好香三杯雞味，不過只有味，沒1有雞雞肉，凍豆腐，菜，豬骨湯底: 雞，唔係雞柳，係斬件雞，份量唔錯，都幾抵食。登登，最開心係杯特式飲品，唔駛加錢，仲有沙冰選擇。好飲，好香朱古力味。…查看更多

今日想食遠少少，就行咗去依間食。環境好舒服，服務員見我地有7個人，仲幫我地將4張枱併埋一齊。俾錢後先知，原來第2份lunch set有半價，早知叫多個同事一齊食。lunch set 有湯，加錢可以叫沙律。個蘑菇湯啖啖都有蘑菇肉，好香蘑菇味，超正。All day breakfast: 唔知點解，係lunch 食到All day breakfast 感覺好開心。個All day breakfast 好豐富，法包多士上嘅香草醬好香，最特別係個香煎芝士餅，好煙韌，好香芝士味。蘋果芝士pizza: 薄餅底，加上厚厚嘅芝士，完全滿足晒係芝士迷。面頭嘅意大利醋，加埋蘋果，令芝士無咗流，配合得好好。煙三文魚意粉:煙三文魚質素唔錯，份量都算多。意粉有咬口，煮意粉嘅時間控制得好好。個忌廉source 偏厚身，我覺得有d流，不過我同事好鐘意。整體好食。Latte: 佢嘅咖哩有d失望，帶酸味，唔係我口味。Dirty: espresso 加係牛奶上，買相好靚。不過，如果佢嘅咖啡係帶堅果味嘅佢款，我會覺得好d。banoffee pie: 加$25 或以上，可以選一款蛋糕。Banoffee pie 好出色，批底夠脆，香蕉+ 棉花糖 (中間好似cream個層)+朱古力coating, 好好食，唔太甜，依個推介…查看更多

依間新開嘅餐廳，想試好耐，今日終於約到朋友一齊試下。餐廳裝修走簡樸日系feel, 佢今個月同一個畫家合作，牆上掛了幾幅好有小朋友畫本風格嘅畫，為餐廳增添色彩。牛肉咖哩: 一上枱，賣相好有驚喜。蛋炒得好靚，有蛋汁，食落好嫩滑，令咖哩更香。牛肉粒霖，入味。咖哩係日或咖哩，一d都唔辣，不過有好香嘅咖哩味。都好啱小朋友食。個南瓜湯好足料，應該用咗唔少南瓜蓉整，加埋忌廉，口感幼滑。慢煮煎封牛肉: 牛肉大幾6成熟，好有牛味。不過相比起咖哩，佢就失色少少。凍綠茶latte : 飲品半價。好香綠茶味，唔錯。伯爵茶latte: 拉花好靚，睇落伯爵茶好似好厚身。好香伯爵茶味，不過飲落有d 鞋口，有d似將d茶葉blend 咗黎做依個latte。如果可以滑身d, 就💯…查看更多

依間餐廳晚上就食咗好多次，未試過食lunch, 因為感覺上會好貴。今日因為想食個間揾唔到位，就去試下。原來佢有set lunch, 未計加一，大約$90一個，係銅鑼灣黎講都算ok。同埋，佢d set 同晚市一樣，都好大份，可以3個女仔叫2份都得。迷你吉烈豬扒飯加烏冬:烏冬可選熱或凍，依度凍烏冬一向有水準，當然揀凍果然同夜晚一樣彈牙。吉烈豬扒飯正常，洋蔥夠甜，夠入味。雜菜豬腩肉: 個menu 話係蒸嘅，初頭見到個買相好似有d 伏 ，不過一食，好好味，好有菜嘅鮮甜味，豬腩肉係薄片，一d都唔覺肥，肉質好 嫩滑。菜嘅份量都好多，依嘅菜有驚。可以encho。炸雞翼有少少南乳味，炸得夠火喉，唔錯。味噌吉烈豬扒定食: 豬扒炸得唔錯，不過如果厚返d更好。三文魚生飯加烏冬: 魚生新鮮，呢個價黎講，魚生份量都唔錯，雖然簿咗d。味噌雞件鍋:買相好靚，非常惹味。炸雞，菜，半生熟雞蛋同個味噌好夾，佢地吸收咗味噌，變得非常鮮甜。味噌湯就算就咁飲，都唔咸，依款餸，送飯一流。…查看更多

灣仔區無mud大眾化茶樓，一係就好貴，以前ok 嘅稻X, 都唔係好得，一向以為會依間茶樓好貴，但係今日生日嘅同事好想飲茶，所以就試下依間，估唔到價時實惠，請埋生日嘅同事，同叫咗一個lunch 特價嘅龍蝦伊麵$180(不過唔記得影相)，每人都係$150左右，食物質素好，我地以後多個lunch嘅地方。蝦子鮮淮山:冷盤，present 得好靚，淮山夾脆，加埋個醬汁同蝦子，出色脆皮燒腩仔: 皮脆，唔肥，香口流沙奶王包: 好流沙，有蛋黃香味，唔錯小籠包:好大粒，難得茶樓嘅小籠包有肉汁，不過當然唔係上海鋪嘅多肉汁，但係以茶樓來說，算唔錯椒鹽豆腐:用咗玉子豆腐，出令口感更滑，皮夠鬆脆做到外脆內軟，好食瑤柱豆苗: 可能未到季節，豆苗有d 老，不過未去到有渣紅棗榚:好香紅棗味，唔甜，好啱女仔食壽包: 叫嘅時候，大家以為係迷你版，點知上枱係正常size, 好大隻，有奶王同蓮蓉揀，不過兩款都無咸蛋黃。包有d實，奶黃餡好實，蓮蓉一般，唔建議叫。…查看更多

成日都經過依間茶樓，不過一值都無食過，同事有張coupon, 一行人就去試下。茶樓環境唔錯，坐得唔迫，都算舒服。食材都高質，成餐飯都好食。XO醬炒腸粉:足料， 腸粉好滑，炒得好入味，唔太油，多牙菜，玩上滑滑嘅腸粉，口感好好，又可以減油膩感。椒鹽豆腐: 脆醬薄，豆腐滑，做到外脆內軟嘅效果，差唔好多晒先記得影相。芝麻汁秋葵:冷盤來的，好健康，芝麻醬d秋葵原來好夾，秋葵爽脆，加上芝麻醬，可以蓋住秋葵嘅青草味。依款唔錯椒鹽鮮魷:煮法似脆炸鮮魷多d, 個皮好厚，用咗脆醬，唔似食開嘅椒鹽鮮魷。個人唔喜歡食種煮法，我幫鮮魷退殼先食 😛😛炒飯:唔係好記得個名，不過好食，飯粒粒乾爽，不過唔係粒粒都有蛋包住，材料十足，都幾多蝦。芝麻卷:夠滑，有好香嘅芝麻味，足料我一向都好鐘意食蝦餃，對蝦餃要求最高，佢食間我被中上，皮都算彈牙，煙韌，但係可以更好;蝦size中等，不過蝦味唔太出。但係比起好多連鎖店，佢都算唔錯。 鹹水角: 新鮮炸出黎，唔錯炸素鵝:饀好足料，有冬菇絲， 韭黃，但係我覺得唔炸嘅好食d…查看更多

灣仔駱克道街市原來有好野食，平靚正，材料新鮮，無欺場，次次5，6個人，食到好飽，都唔駛$40，係灣仔，邊度揾咁抵嘅野食。不過，你要環境當然無得要求，如果唔鐘意大排檔feel嘅，就唔啱你。提提大家，佢星期日唔開。特別推介依間打冷，次次都會叫鹵水鵝，豬紅，咖喱雞翼。豬紅:好入味，唔散，粒粒都咁大粒，材料靚。咖哩雞尸翼:就咁睇相都知道入味，薯仔粒粒都咁霖，唔會有硬薯仔出現。次次我地都搶薯仔食。今次第1次叫豬耳，麻麻地，切得太粗，唔夠霖，麻麻地，唔會再叫。到主角出場，超好味鹵水鴨，4人左右份量，只需40幾蚊，邊度揾。鴨好新鮮，好夠肉，唔肥，入味，我地次次都叫。…查看更多