JessieKwan1250的个人专页

之前有睇開飲食專欄，都知依間茶餐廳既老闆對食物款式味道以及環境都有ㄧ定既講究。所以一直想嚟試下,這一次終於約到朋友去試下。ㄧ到門口,我地就比餐廳外面懷舊裝修吸引,非常有心思,我地都拍左幾張相先入去。而裏面環境就更有懷舊feel 六,七十年代生鬼既佈置,睇得出老闆既心思。跟住我地分别叫了以下東西:主食:安格斯牛腩撈一丁 (D牛肉真係好淋,好入味,有少少ㄧ咬即溶既感覺, 個餐跟埋多士,真係可以連汁都撈埋。)台式肉燥生炸巨型雞脾飯 (多肉燥醬而且好好味,酸酸甜甜送飯一流,再加埋隻炸脾,真係滿足到我既食肉獸朋友呀。)日式珍寶原條鰻魚蛋包飯(雖然依個係套餐裏面最貴個餐98蚊連普通嘢飲, 但驚喜就在於原條鰻魚上,重有埋厚滑蛋底, 性價比係其高, 而且味道跟高檔次日本餐廳冇太大分别, 超滿足。)小食:蝦多士 (手工野, 吾係好多茶餐廳有得食,而且陷多, 食落口感吾錯, 用嚟配搭酱又幾好味。)大黑松露炒蛋多士 (起初以為會得好少黑松露, 嚟到見到成個蛋面都係, 噤ㄧ定實好食啦!)特飲:波波奶茶 (茶同奶味配搭得吾錯, 最特別既係連D冰粒都係奶茶, D味吾會越飲越淡。)巨峰梳打 (估佢吾到依杯野又幾清甜,幾好飲。)總括嚟三個人食左250蚊, 完全清枱, D野食好好味,性價比其高, 下次ㄧ定會再嚟呀。…查看更多

平時好小食潮州野，點知一食就愛上左。 一路以為潮州野得啲豬紅蘿蔔，原來真係見識小，打冷同菜館好唔同，原全係兩樣野。今日菜單， 頭盤鵝肝拼盤，鵝肝除咗蒸之外，仲可以鹵水，味道仲要好夾，真食法，廚師真係好有創意。黃金脆皮豆腐係我最鍾意既一樣餸，外脆內滑，好考功夫。多人食飯有一個好處，就係可以懶係好豪咁叫個竹笙蟹肉雪燕羨食下， 除番開每人平平哋， 但冇諗過啲雪燕多到嚇死你。黃金煎伊麵， 個伊麵又係勁正，第一次咁樣食法， 個面蛋煎到脆卜卜，好香口。食到最後先知原來個廚師攞過金馬獎，總之呢餐飯我會好滿意， 下次一定會再去。…查看更多

今次係第二次嚟呢間荃灣嘅日本放題，上次食完都覺得質素很好，所以今次都介紹朋友嚟，等佢試下。我哋今日食早段， 嚟嘅時候啲人唔算太多，所以餐廳安排左卡位畀我哋坐，座位很闊落。我哋一落單就叫咗刺身先， 刺身款式好多，有帶子，三文魚，赤貝，甜蝦等，賣相吸引更係相機先食啦，朋友同我都好咁影完相打完卡，之後就一齊開餐喇，刺身好新鮮，特別係我最鍾意食嘅赤貝，好多放題都冇依款揀，帶子亦都好好味，朋友鍾意食三文魚，所以第一round佢ko曬，之後叫咗其他壽司，包括有一啲特色嘅壽司同卷物，特別要推介火炙三文魚壽司，我本人食咗四嚿，超yummy。其他好似吞拿魚他他，鰻魚卷同炸蝦卷，每一款都好掂，如果各位鍾意食手卷嘅話，我亦都想推介大家試蔥吞拿魚手卷，我每次嚟都有叫，好味之餘，細細嚿，唔曬位。到其他熟食嘢啦，燒物我哋叫咗牛舌同雞軟骨，牛舌香口之餘，好有咬口，食落不太油，雞軟骨亦屬水準之作，不過原來朋友唔好雞軟骨，咁我就當人不讓，一個人食左三串，真係超邪惡。炸物喺必食嘅天婦羅蝦同炸菇，個炸蝦唔會話太多粉，脆之餘唔會搶左蝦肉嘅鮮味，之後再嚟燒牛柳粒同焗蠔，前者我欣賞個醬汁嘅調味，食落帶一點甜味，牛肉亦唔韌。個焗蠔亦都好出色，非常濃味，我同朋友食完一隻都忍唔住encore咗多一次。 我朋友戰鬥力比我更強勁，後輪再叫埋蟹粥，我見依度真係放左成隻蟹去整嘅，粥嘅味道亦唔錯，我自己就食左兩碗。見剩番些少戰鬥力，我同朋友就出去甜品櫃尋寶，見到甜品嘅款式都真係好多吓，特別要推介紫薯杯，味道特別之餘其他放題店比較少見，另外芝麻布甸同芝士蛋糕都好好味，可以一試。自助bar旁邊仲有雪糕櫃，除咗有多種任食款之外，每個客人亦可order限定雪糕一款，當中有貴價嘅movenpick 同dryer，我同朋友梗係揀咗movenpick啦。同上次一樣，都係一餐好滿足嘅日式放題，係荃灣搵食嘅朋友，有機會都可以嚟試試。…查看更多

想食傳統咖哩，一定想起重慶大廈。約埋朋友走進重慶大廈去搵食，第一次走進去，有一位熟悉廣東話的外籍人仕接待，帶我們前往電梯口指示我們坐電梯上去餐廳，非常貼心。 入到餐廳，服務員很親切，他會建議那一款菜比較合適我們的口味，我們便點了牛肉咖哩角作頭盤，之後再點了燒烤精選及鑊仔牛腩作主菜。等待食物時，服務員送上免費的特式脆薄餅跟薄荷醬及特式酸乳(LASSI), 酸乳是乳酪加奶而成，味道清新，有少許甜味，配咖哩食物十分合適。牛肉咖哩角有免治牛肉在內，很有肉味，配合薄荷醬，十分合拍。主菜的燒烤精選有雞肉，雞脾，羊肉及魚柳，用傳統的燒烤方法做及傳統的醃料醃製，十分有風味。鑊仔牛腩肉質及口感都很好，我們更點了傳統的烤餅，更令人吃不停口。總括來說，菜式多，味道及口感好，服務員又親切，有時間可以再去。…查看更多

今日朋友帶左我去尖沙咀一間樓上cafe開餐, 餐廳位於加連威老道, 行街shopping 完去都幾方便吓。朋友book左7點半枱, 上到去一睇, 原來已經係full house啦, 所以先奉勸大家有興趣試試嘅朋友要預先訂枱, 比較穩陣。坐低睇吓依度嘅環境, 裝修走屋企feel嘅路綫, 感覺幾warm 吓, 特別係近窗位置有張大梳化, 不過已經有其他客人坐左, 唯有期望下次黎有機會再坐啦。 餐牌嘅嘢食, 選擇都夠多, 另外有drink menu, 同幾個套餐可以揀。我同朋友都想叫多啲小食share, 所以決定散叫, 我地連埋甜品total 叫左六樣嘢。小食有三樣, 先嚟黑松露薯條, 上枱熱辣辣, 可以選擇點醬食, 或純粹食黑松露個味都得。第二個係buffalo wing, 依個超好食, 酸酸辣辣好開胃, 特別一讚係佢會預先將雞翼剪開兩件, 食起上黎好方便之餘, 又唔會影響儀態, 正!! 第三樣小食係焗芝士肉醬雞肉丸, 一個非常飽肚而且味道較濃嘅餸, 我地兩個人食完依三樣小食都飽左大半。由於策略係要留肚食甜品, 所以主菜我地剩係叫左一個XO醬天使面share, 感覺同其他食物唔同, 似fusion一類嘅另類選擇, 賣相特別之餘, 口感同味道都唔錯, 值得一試。最後係甜品, 經侍應介紹, 揀左一個個名比較特別嘅叫"淹沒", 而另一個係玫瑰士多啤梨竹炭窩夫。前者其實係一杯大cappacino +綠茶雪糕, 食嘅時間將cappacino 倒落去綠茶度, 會有個小小嘅特別效果, 個人覺得點子特別, 用黎影相呃like最啱。至於後者嘅焦點係同平時唔同顏色嘅窩夫, 整出黎係較啡嘅, 味道同平時食開嘅分別唔大, 不過上枱嘅時候到我地影哂相再食啲窩夫都仲係幾熱吓同有少少脆身就真係要讚一吓, 加埋雪糕食, 簡單形容, "掂"! 所以想去嘅朋友, 切記要留一留肚試埋甜品。今次分享住咁多, 下次有好嘢再介紹俾大家。…查看更多

一串串咁擺落去打邊爐真係第一次， 好好玩，好有創意 ，最緊要地點又就腳， 價錢又實惠， 種類又多。見到咁多一串串已經好興奮， 仲有打邊爐少見嘅台灣黑椒豬肉腸 好好食 忍唔住都食咗4條。青口海蝦魷魚任拎任食， 估唔到連竹笙都任食，真係好surprise ,因為好少打邊爐可以飲食竹笙。擺曬一串串落個爐度，感覺好好玩。個湯底係鴛鴦鍋，菌王同蕃茄， 兩個湯底都好濃味， 建議可以食豆卜吸曬啲湯，仲正。 冬菇 我專登放入菌王湯底 ，之後食成個味道更突出。食完梗係要總結下食咗幾多串啦， 戰績果然彪炳，哈哈。…查看更多

又係日式放題時間, 今晚同朋友試左荃灣嘅大井町日式方題, 想講嘅係依間絕對係有水準嘅一間。皆因平時同朋友食開嘅放題有唔少都係伏黎, 試過迫爆等餐死嘅有, 坐得迫迫夾嘅又有, 當然都試過出嘢食超慢或漏單, 食完想打人嘅放題啦！朋友知我對放題有啲要求, 所以就帶我嚟依度開餐, 先講環境, 第一個感覺係好大同好光猛, 可能坐位夠多, 我地兩個人, 坐四人卡位, 勁舒服。 睇下柯打紙, 選擇超多呢, 根本唔會試得哂啲嘢食, 我同朋友每一round都好小心咁揀自己嘅最愛, 盡可能試多啲唔同嘅嘢。 除左柯打紙, 餐廳中間位置有個自助區, 除飲品外, 我都見到有好多嘢食, 凍盤如青口及蝦之類, 沙律吧, 甜品櫃, 雪糕櫃, 飲酒嘅朋友仔要特別留意, 依度有部機可以任倒清酒同梅酒嘅, 本人試過都真係唔錯下, 剩飲都可以回本, 笑!另一個溫馨提示係柯打嘅嘢食上檯速度好快, 一次過叫太多感覺上係食唔切嘅, 所以各位點下一輪嘅時候, 最好自己已經清左枱面上八成嘅嘢先好再叫。 至於味道, 我朋友就一路食一路讚果種啦 (我就冇佢咁多嘢講啦, 專心食好嘢啦緊係。。。) 刺身我地叫左兩round, 回本美食之一, 新鮮, 冇雪味果隻, 但因為太多嘢食要試, 所以兩round都唔敢叫太多, 唔似其他枱叫到好似去飲嘅大拼盤咁, 反而想重點推介以下嘢食俾各位: 1) 卷物同軍艦壽司, 鰻魚卷係必試嘅, 超好味, 軍艦就貪佢啲紫菜超脆超新鮮, 唔似平時出去食淋batbat果種, 好似放左好耐個隻; 2) 牛舌同雞軟骨, 香口濃味, 我一個人每樣食左三串, 正; 3) 炸蝦天婦羅, 熱辣辣兼且內軟外脆, 食得出蝦肉唔係死實實果隻; 4) 焗蟹蓋, 好特別, 平時放題好少見; 5)movenpick 合桃味雪糕, 好似話係限定嘅, 唔試就笨啦。個肚食到飽飽先識停, 又係時候要減肥啦！…查看更多

今日因工事要去科大, 做完嘢見時間尚早, 就順道約左係西貢住嘅一位朋友仔聚一聚, 亦打算係西貢市逛一逛。  唔知係咪好多年冇入過西貢, 感覺上啲鋪頭都變左好, 特別係有好多特色餐廳開左。我朋友算係地膽, 佢見我行到差唔多累, 就提議帶我去試一間好有地道口味嘅車仔麵。餐廳係巴士站附近, 好易搵, 本來以為六點幾唔會有太多人, 點知去到先見到原來差唔多滿哂坐。好彩都仲有位, 即刻坐底睇下餐牌先。朋友問左我有咩嘢唔食之後, 就好快咁幫我發板, 傾左幾句, 啲嘢都陸續黎啦！先黎個撈麵, 裡面有秘製大腸, 陳皮魚蛋, 唐心蛋同蘿蔔。撈麵幾粗身下, 很索汁且口感不錯。唐心蛋醃得超好味, 車仔麵都有依個水準, 勁! 秘製大腸同魚蛋啲味都好特別, 我之前都冇係其他地方試過, 應該算係招牌菜!而朋友就叫左個腩汁湯麵, 佢都算幾食得下, 成碗有成五樣餸, 我對佢叫嘅雞腎都好有興趣, 偷左件食下, 真心唔錯囉。 朋友見我都咁食得下, 就再叫左三個小食share, 有瑞士雞翼, 秘製魷魚, 同豬手!! 三樣嘢都屬濃味, 豬手最正, 超淋, 南乳味十足, 雞翼香口, 如果可以用黎送啤酒就真係一流啦! 秘製魷魚果個醬都唔錯架, 我地好努力咁食先可以將所有嘢KO, 依次朋友真係冇老點我, 如果各位巴絲打有機會去下西貢嘅話, 不妨去依間車仔麵試下, 包我冇介紹錯!…查看更多

今日去荔枝角探朋友班, 順道去左附近一間西餐廳開餐。 餐廳位於商廈地下, 好近大街同地鐵站口, 十分方便易搵。我地去嘅時候正好係晚飯時段, 人流愈黎愈多, 朋友話依度係好多人嘅飯堂, 啲嘢食好ok之餘, 性價比高。我地好快搵到卡位坐低, 依度環境唔錯, 走大眾化路線, 地方同樓底都好闊落。我地睇左啲餐牌一下, 好快朋友已經幫我發板。 先黎個湯, 依個係牛乳3.0忌廉湯, 入口比平時食果啲有多啲奶味, 鍾意creamy嘅我覺得都唔錯。 之後跟餐沙律, 蔬菜好新鮮, 一啲都唔hea。小食我地叫左雞翼同玉子燒, 雞翼加左辣醬, 整得好香口, yummy! 玉子燒根本係一個main course, 超大份, 兩個人share都覺得太多, 最好有三四個人先叫會好啲, 至於玉子燒既味道亦好ok, 切開可以見到包住好多芝士, 超夾但係又係超邪惡果隻。到左主菜上檯, 我真係有啲嚇親, 先黎牛扒, 唔係講少, 冇諗過普通牛扒餐個size係咁大, 之後黎埋個意粉, 我同朋友講, 一定要打包啦依次。。。值得讚下牛扒屬易切, 易入口果隻,  我個人鍾意唔落燒汁, 已經好夠味。 薯條熱辣辣, 正! 再試埋個大菇雞翼意粉, 大菇可以話係依餐我最like嘅餸, 超juicy! 如果有個餸係剩菇嘅話, 我一定會好開心。 另外意粉同雞翼都唔錯, 不過真係飽左, 最後要打包。食完依餐, 恐怕又要節食番一段時間先可以再出動啦。…查看更多

今日去咗佐敦食飯加happy hour, 由朋友帶路我去咗間幾特別嘅酒吧餐廳。餐廳地點超方式, 十分近地鐵站, 全幢大廈都好似無新起嘅, 而餐廳就設係三樓, 都算當眼, 第一次去都唔會覺得難搵。我哋六點已經到左, 算早左所以客人唔多, 我哋揀咗近牆邊有梳化嘅位置坐低。 再望吓呢間酒吧餐廳其實樓底好高, 窗邊設有露台, 畀人一種好開揚嘅感覺, 佈置方面走時尚路線, 除咗電子鏢靶外, 場中間仲有一啲玩樂設施, 我少落酒吧, 只係識得peer pong, 另一個就真係唔知點玩, 失禮了。另外落單嘅時候, waiter都有介紹返間餐廳, 原來成個場仲有另一邊架, 包括有party room, 所以有機會可以考慮一班人嚟唱k都得。講返餐飯, 因為見未到晚餐時間, 我同朋友先黎一round野飲, 朋友清啲, 只係叫左limesoda, 我就好少理, 整返杯士多啤梨cocktail嘆吓, 正!傾咗一陣再落order, 人得兩個叫咗四樣嘢, 先黎個炸薯角, 上枱份量適中, 薯仔炸到脆卜卜超邪惡, 送野飲一流。 之後再邪惡啲叫咗個燒雞, 淨係睇個樣已經流曬口水, 啲雞皮燒得金黃色, 一咬登外脆內軟兼夾juicy, 真係無得彈。 如果一個人食, 淨係叫依個已經飽咗。由於要中和一下,所以叫返個正常嘅卡邦尼意粉, 依個終於冇咁熱氣, 意粉係好creamy嗰隻, 鍾意濃味嘅人一定鍾意, 到最後再整多個脆嘅墨魚卷,相對頭嗰兩樣冇咁熱氣, 食落都好香口,係唔錯嘅佐酒小食。好耐都未試過係酒吧同朋友一邊吹水一邊食嘢, 如果有興趣飲番兩杯, 兼食飯嘅朋友可以黎依度試下, 包你無跌錢。…查看更多

今日試了銅鑼灣的一間拉麵店, 雖然店鋪不在大街.但人流卻不少, 有一種日本的少店風情。我同朋友叫了兩個拉麵, 一個是傳統的豚骨拉麵, 另一個是沾麵。沾麵未上台之前, 服務員首先會送上一份說明, 很貼心地教你怎樣去吃沾麵。沾麵的湯用熱鍋上, 未食已經聞到一陣香味, 服務員亦再三提醒要小心燙手。這個麵是粗身的, 可揀熱或者凍上, 我最後揀了熱。食第一啖, 已經覺得這個沾麵的湯真的很濃, 加埋兩大塊叉燒, 份量十足。服務員提醒湯不夠的話可以再加, 不過實在太邪惡, 我最後都在沒有加湯的情況下KO了這碗麵。再看朋友選擇的豚骨拉麵, 賣相亦很吸引, 我看湯底比自己那碗應該有些不同, 湯是偏白色的, 我試了一啖, 也不錯, 沒有沾麵那般邪惡, 女士揀這個比較合適。至於麵是幼身的我, 與沾麵粗身的形成對比, 客人可以因應自己的喜好選擇。另外不得不提, 是桌上有一些醃過的菜乾同芽菜, 少辣但很惹味, 用來送麵一流。下次有機會會再來試試其他拉麵。…查看更多

正如題目所講，打冷並唔係男人嘅專利，一班女仔或者女多男少都可以去打冷。 食物係冇男女之分嘅。打冷既話韭菜豬紅一定必食， 呢間有出乎意料地入味，豬紅好滑，韮菜冇渣。貪心嘅可以食鹵水拼盤，乜都有齊曬。唔夠再可以叫多碟紅腸魷魚， 紅腸入味，魷魚爽口。菠蘿冰入面有大大粒菠蘿， 絕對不計成本價， 抵飲。豉椒炒蜆嗰水大碟， 八個人食都唔會唔夠食。椒鹽九肚魚真心要推介俾大家， 炸到好鬆化，連骨都可以食埋。連揚州炒飯都咁用心， 用足料夠火候，火腿蝦仁叉燒大大粒， 原生菜都唔吝嗇畀你。…查看更多

行經海港城畀佢嘅蛋糕櫃吸引咗， 佢每件蛋糕都用玻璃樽裝住， 勁靚，好似以前皇室貴族食 afternoon tea咁， 加上蛋糕五顏六色極度吸睛。忍唔住即場買咗兩個返屋企食。 一件係布甸另一件係伯爵茶，其實好想買曬返屋企，食曬唔同味， 因為實在太靚太公主feel。 伯爵茶蛋糕茶味濃郁， 蛋糕軟綿綿， 忌廉幼滑， 如果作為飯後甜品嚟講size有點過大，可以同朋友share食， 因為出面求其一件甜品都幾十蚊仲要細細件 ，我覺得直情可以做生日蛋糕，兩三個人慶祝嘅話都夠食， 所以咁嘅價錢我覺得非常抵食。…查看更多

今日約左朋友去荃灣行Ikea傢私, 去到先知原來果度都有幾多餐廳進駐左係度, 見shopping 完都差唔多時候醫肚, 所以就揀左間裝修幾靚嘅台灣嘢試試。餐廳行簡約風, 加上樓底都幾高吓, 係度坐吓食吓hea吓都幾舒服架。望吓餐牌, 選擇都幾多吓, 我同朋友就點左四樣嘢一齊食。先黎係滷水拼盤, 個size兩個人食都算大份,  有滷蛋, 雞翼, 牛肚同豆腐。牛肚絕對係有驚喜嘅好食, 夠哂入味, 雞翼都唔錯吓。之後黎嘅係肉燥飯同肉燥拌麵 , 食台灣嘢嘛, 冇可能冇肉燥掛? 其實兩個餸嘅料係一樣嘅, 只不過係我同朋友一個係冇飯不歡, 一個係冇麵不歡, 所以索性叫哂兩樣主食黎食。肉燥同期望一樣, 係咪濃果隻,肉唔肥, 食落有口感, 唔似出面好水好水果種, 屬水準之作。至於全餐最欣賞嘅係依個三杯雞, 用熱鍋上嘅, 熱辣辣, 夠鑊氣, 濃味控人士不容錯過, 提議用黎送飯麵, 一流!整體黎講, 服務同食物質素都好! 下次有機會會再黎幫襯!…查看更多

不嬲都好鍾意食蒸氣火鍋，但香港好似冇一間 真係好好食， 但食完蟹仙蒸氣火鍋後 真心覺得number one ，海鮮大件又新鮮，仲要好抵食。一個餐包咁多種類，海鮮仲要件件都咁大份。 瀨尿蝦影相呃like真係一流， 仲長過我嘅手臂。隻蟹真係成餐飯嘅重頭戲， 未蒸已經見到啲蟹膏蟹黃流出嚟咁濟， 好吸引。我自己食咗半隻已經飽到上心口，另外半隻因為男朋友唔食蟹，所以我就撩咗啲蟹膏出嚟，點知一撩成碗都係， 極度誇張極度爆膏， 咁就梗係唔好嘥將碗蟹膏擺落去煲粥成為蟹粥啦。最後連個甜品都好重本，勁多燕窩， 基本成餐飯兩個人食份量係實在太多， 咁嘅價錢重要咁好質素 ，其他地方真係好難搵。…查看更多