luckyangeltong的个人专页

去了尖沙咀閒逛，聽朋友推薦棉登徑有所美美味的日本料理。特意走到那橫街的盡頭，去探尋美味的泉源．天婦羅丼，海之幸丼非常價廉物美，一條條長長炸蝦，脆口炸番薯，厚切三文魚刺身，鮮味吞拿魚刺身，濃郁味的海膽，附上前菜—沙律，湯及超滑口的蒸蛋。水準不錯。尤其蒸蛋非常滑口，保持著一定的溫度，餘溫隨著蒸氣慢慢飄出。海膽帆立貝燒，蟹味噌甲羅燒，黑松露蟹肉甲羅燒，鮑魚殼燒，都有專人幫忙燒食，雖然鮑魚略有點貴，整體燒出來的食物都很可口，尤其是黑松露蟹肉甲羅燒同蟹味噌甲羅燒，直接入口就是滿足，拌飯入口就是享受。當然黑松露蟹肉甲羅味道會略味道濃厚一些，如果要清淡些，建議試蟹味噌甲羅燒。冰菠蘿梳打不枉是推薦飲品，附上原條菠蘿，甜味足，既解暑亦解渴。果然是朋友的心水推薦。…查看更多

豆腐花為主食既湘菜館，真係令人刮目相開。一定要試:蕃茄豆花生魚，酸菜豆花魚。無論用蕃茄，酸菜，配塔上豆腐花都無任何格格不入。豆腐花沒有因為在湯底中散亂一團，匙羹一舀一舀的把豆腐花淺淺地割開，豆腐花入口即溶，少卻了黃糖，多一份清甜。豆腐滑滑的，為整碗米線增加了不少分數。薄薄既魚片，滑嫩爽口，配上酸菜，芽菜炒，用檸檬活化了湯裡的酸，令湯有微微酸香，十分開胃。蕃茄湯底，再追加一份蛋角，蛋角好像蛋包飯一樣，在炒蛋中包了肉。蕃茄新鮮，非常爽口。不要錯過:再點了一客口水雞，一份紅糖糍粑。口水雞除了是雞脾位外，鋪滿了白芝麻，麻辣比例適中，吃完後，微微麻就是口水雞的精粹。然後喝一口豆漿，麻辣消退不少。紅糖糍粑，炸得外脆內熱，糖醬就是夠甜。…查看更多

同朋友係尖沙咀行街行到攰攰地又咁啱到3點3,朋友提議去廟行睇下有咩食。本黎諗住飲杯咖啡食個tea, 但經過呢間越萊見門面幾得意。下午茶好似幾多選擇，又不經意咁入左去。越南風情，舖入面就細細間。食越式野緊係唔少得食個越包包。朋友嗌左個傳統越包，入邊有豬肝醬同扎肉，雖然個外表好似無平時食越包果d法包咁靚仔，但其實個包都係好食既，豬肝醬好味我見個餐牌而家點午餐可以買一送一點小食，因為貪心既關係，點左個午餐。豬軟骨檬粉,湯底比較清淡，豬軟骨有3舊，份量唔少。小食：豬頸肉加牛油雞翅2樣小食都炸得香脆可口，雞翅細細只，下午茶就啱晒。呢度跟餐轉特飲都係幾蚊雞值得比。埋單100零蚊又可以試到咁多唔同款式既小食，個人覺得性價比高過茶記，可以再試…查看更多

對於食拉麵無乜研究既我今日比個好鐘意食拉麵既朋友拉左去佢屋企附近話新開無耐既新拉麵店食麵。係咁多野食既教育路中又真係唔知唔覺多左出黎既新店舖，記憶中呢個位之前都係做麵食既，不過舖位就大d呢間小店似乎拎左佢半間店黎做拉麵生意間舖頭細細，只有一個店員同一個廚師(估計),而店面就得3張4人枱加1張雙人枱。餐牌就係簡簡單單精一拉麵同埋有d期間限定小食一入到店舖，職員知我地第一次黎會好有心機咁簡介下d麵食選擇，基本上3款麵底，而辣味湯底都有成譚仔3小辣既程度，所以以bb班程度既我地自然選其他2款湯底。我選左個原味雞白湯朋友就選左期間限定鰹魚湯配料主要都係叉燒，雞肉同流心蛋。叉燒肥瘦適中，雞肉滑嫩，流心蛋夠流心。我對自己嗌既原味湯底好有驚喜，食得出廚師逐碗泡製既心機，絕對唔係出邊連鎖/一般拉麵店所帶比你既粗食填肚感。朋友話佢既湯底味道比較單一但佢鐘意佢個湯底多d,而我試左一啖佢既湯底又會鐘意自己嗌呢個湯底多d,感覺層次比較豐富。最後我地仲嗌左d小食，呢度加小食2x不等，又係即叫即炸，廚師炸工一流，所有炸物香脆可口，尤其個炸雞真係咬開入邊仲鮮嫩多汁，非常推薦呢度雖然店舖細細，但有心有溫度，店面有禮有服務，真心推薦大家黎幫襯，希望元朗呢類小店能企得住，加油…查看更多

去開油麻地搵朋友，佢話公司附近有間好多人食既越菜，叫我拎定位搵佢一齊試試。本黎都對等位興趣馬馬，不過為表誠意，等就等啦！間野係彌敦道483號2樓，其實好易搵，因為行到地下都有指示。果不出所料，食飯時間，都係多人等位，不過商廈地方，勝在有冷氣，等位唔使曬。等左15分鐘有得入，Ok 啦。食完見開始少人影既相，地方其實好闊落，坐得舒服。等到位朋友都到左，時間啱啱好朋友叫左個烤豬肉撈㩚加扎肉。飲品：椰青烤豬肉烤到仲有肉汁，唔算好肥，份量都好多，扎肉食到胡椒味，好味原個椰青夠冰涷，真係消暑一流。我叫左個番茄蟹粉湯粉，蟹粉用蒸蛋作底，鎖緊蟹粉的精華在其中。番茄湯味濃郁，豆卜軟身易入口。非常實惠飽肚。小食叫左蝦肉米紙卷：呢個正常發揮。甜品叫左個榴連糕，9蚊一塊，但榴連味極重，香滑抵食，鐘意食榴連既朋友一定要試。推介最好味既甜品：斑蘭糕綠色糕點，有住香香既斑蘭味，好有咬口，係坊間少見，暫時係我食過最好味既斑蘭糕，因為太好味既緣故，唔記得影相就食晒，推介大家黎到必試好後悔之前主食嗌得太多，唔係再叫多幾件食，下次要外賣返屋企食至得，大家記得留肚食呀！順便一提：呢度上菜快，侍應服務好，食完又會問返你意見抵讚…查看更多

朋友係個打邊爐狂客，大熱天時提議荃灣打邊爐，本黎都唔想同佢癲，但難得佢咁有興致，算啦，一於捨命陪君子。行經牛摩，見個裝潢好得意，睇睇個menu。都好多價錢既選擇，因為陪食性質，選左個中價位牛頸脊套餐。夏天打邊邊既一大好處係比較多位，加上我地一早去到，可以選個靚座位。呢度有特色既一人一爐，朋友選左個清清地既蘋果湯底。我就選左蟲草花湯底，白白濃湯上飄左d蟲草花。醬料區醬料齊全，自己調配適當口味。有少量涷食，冷盤同甜品。菇，瓜，菜，丸類都可以自己係自助區任拎任食。鐘意食清淡既可以配成雜菜丸煲減低任食既罪惡感。我地個平餐可選既海鮮就有魷魚仔，凡立貝仲有青口。每次可以點2件，但可以無限任點。肉類就豬，牛，羊，雞樣樣齊，都係自己QR code自己點餐。埋單500蚊左右，滿足到朋友呢個打邊邊加肉類愛好者既期望，又配合我呢個陪食者食得健康又舒服既感覺，非常好不過雖然係陪食，我下次應該會選個貴d既餐，有多d海鮮選擇，建議如果都唔係食肉獸既人都不防Upgrade 就有海蝦，扇頁類海鮮，睇圖幾吸引。…查看更多

知道有一間米芝蓮點心開了，即刻去朝聖下先。可以一試:花膠瑤柱灌湯餃:)，灌湯餃大大隻，用花膠瑤柱作湯底，湯味撲鼻啖啖香。一定要試:薑蔥鯇魚腩粥，魚腩肉嫩滑，有著四，五塊魚腩，又夠哂大塊，好抵食。記得一試:招牌蝦餃皇2粒，沙巴鮮蝦燒賣2粒，黑松露野菌餃，有米芝蓮水平，點心做得出色。算得上性價比高。藝術出眾，香芋叉燒天鵝酥，翠綠小梨子鹹水角，不少有名既酒樓才會見到的特色點心，除了要做得靚，另外就一定要好食，這個除了好食，裡面既餡係好熱，外層係脆淋淋，工夫非常到家。一試無妨:不見天韭皇鮮蝦粉腸，鮮蝦係重點，夠新鮮，皮雖然略厚，勝在有口感。可以一試:名醬蒸鳳爪，蒸出來雖然平平無奇，但醬汁同鳳爪配得幾好，係加分位。務必一試:淮山杞子螺頭燉雞湯，湯如其名，用料足，火喉夠，有四款靚燉湯，每半月份各有兩款可以選擇。…查看更多

難得星期日黎元朗行街又撞正落雨，心情不佳，即刻就近入左間小店一87 coffee。上下兩層，估唔到咁僻既位，有間咁舒服既cafe,真係水車館這一帶的一亮點。門口有個特價餐，好抵喎店內佈局舒適，好chill好舒服。入到餐廳再睇個餐牌，都好多選擇。因為要避雨，加上肚餓，點左：1.值得一試:香煎雞扒炒滑蛋配牛角窩夫，雞扒煎得香，雞肉嫩滑，而且有兩塊，滑蛋夠滑，仲有脆口既薯圈，配搭得宜，牛角窩夫最搶眼，真係有牛角既神髓。好脆好有口感。2.一定再試:香煎西班牙豬梅頭(伴菠蘿)，豬梅頭煎得好香，都係有兩塊，好有口感，啖啖肉，有水準。3.用心作品:意式菠菜蟹肉闊條麵，闊條麵好大碟，而且比蟹肉一d都唔孤寒，食得出老闆娘用心製作食物同經營小店。餐飲：柚子茶黑咖啡(凍)榛子鮮奶咖啡呢間小店好似唔算開左好耐，但誠意十足，唔知係埋因為落雨，人流唔算話真係太多，但以佢既價錢同定位，絕對係超水準之作，絕對可以再encore,希望到時唔使排好耐隊。一試再試:順便一提，呢間小店另一個要讚的亮點是，這裡跟餐的黑咖啡是無限任飲，店員好主動問要不要添杯。概括來講，非一般的咖啡，超寫意的享受，值得一試再試。…查看更多

今日放假同朋友去yoho 行街，知道附近雞地多好野食，行過去望望睇下食個early dinner。七點前有七折，吸引左我既眼球。這是鳳攸南街美食集中地。裝潢很有文化氣息，分左右佈局，左店主打打邊爐，右店主打川菜。右店掛滿了竹整的魚，栩栩如生，活靈活現。這年頭，除了醒獅，這些玩兒是買少見少。因為天氣炎熱，都係放棄打邊邊，決定試下呢度既川菜。點菜全程手機落單，好方便。食得川菜，水煮魚一定唔少得，呢度落單果陣無辣度選擇，可以落完單後同職員講聲。魚塊數量都唔少，仲有薯粉係底，兩個人食夠晒唔使再嗌澱粉質。朋友鐘意食香口野，所以好貪心咁嗌左炸大腸，黃金蝦同黃金魷魚。初時都覺得好唔健康同2條友仔肯定食唔晒，但呢度既炸物真心唔錯，即叫即炸之餘，黃金咸蛋味又勁好，朋友真係汁都食埋。推薦黃金炸物最後內疚感使然，清清地一道上湯菜。加支茶潤潤肺7點前埋單7折再加埋一，呢餐 530,食到捧住個肚走。職員有禮，服務抵讚！…查看更多

Blue monday 收工約左朋友吹水，行經雅高。33見座位幾寬敞，就入去坐下，順便食埋晚飯。同個朋友天南地北吹左陣，就睇下有什麼好野食，見到安格斯牛肉眼斧頭扒(16安士)，真係食指大動，不過又驚食不完，不想浪費。唯有食下Dinner set。每個餐都包蒜包，餐湯同飲品餐湯正常，無問我地飲白定紅湯，我估都係每日限定既。包既牛油勁多，鐘意食牛油既朋友啱晒。不妨一試:鹽燒牛舌芯伴挪威三文魚(薯菜)薯菜份量唔算好多，不過即叫即炸，香脆有薯味三文魚一塊，煎得唔錯無礙一試:橄欖油辣椒蒜片大蜆配墨魚汁意粉呢個墨魚汁意粉睇小左佢辣椒既力量，建議食到中至大辣，好辣既朋友可以一試，絕對挑戰到你既味蕾最後餐飲就好有茶記既味道。順便一提，見佢堂食生蠔都幾平，不過自己唔好，所以無叫到，但見隔離枱都有人食，愛蠔人仕不防一試。…查看更多

荃灣就比較大，好野食亦好多。今日黎到聯仁街的夜燒店，好好餐番餐，不過轉頭有下一場，食得幾多得幾多。試完要再試:頭盤一汁燒牛舌尖薑蓉微微自帶辣，加上燒汁，完全帶出了牛舌的味道，牛舌入口近乎即溶，功夫非常到家。一定要試:明太子燒聖子(48)本身聖子要煮得好食，係好難的。明太子加埋他他醬(估係，不肯定)，係Prefect match，提升成個食物既質素。唔試下就可能係你既損失。當然，能夠再平宜些，就性價比超高。可以一試:豬肉荔枝卷，海苔豚蠔卷。有特色，又新奇，食野食到咁又既有趣味。荔枝又好，海苔都好，輔助核心食材的功能係做到晒。當然荔枝要時令食，遇到時令當做，所以一試無妨。蠔無因為燒過而水份流失，算手工不錯。整體串燒燒得好。…查看更多

去開元朗，順道在形點I食埋晚餐先走。NINTEYs係戲院緣著右手邊下行到盡頭，在麵包店對面。開放式設計，落地玻璃既吸光模式，坐在裡頭食野係一份好寫意既享受。左邊係大廚表演既地方，右邊就係顧客作觀眾既雅座。由於時間尚早，才剛六點左右，人客未算太多，可以選擇坐梳化位置，長餐台都得。當然係望住大廚房，可以睇住厨師煮野食係好開心既既。主食有好多選擇，豬，牛，羊，雞，海鮮都有，好照顧大眾既口味。蟹肉布拉塔芝士薄餅(238)不妨一試:蟹肉味濃，加上三文魚子，脆邊薄餅。豬肋骨(30):必試，烤香味，微微烤熟透，肉嫩。曰本蘭王蛋(30)謹記一試，蛋白在于全熟半熟之間，可以如湯入口，蛋黃保持流心狀態。煙三文魚(30)香辣蟹肉意大利粉(198)酸種麵包(18)值得捧場:對面的麵包店本身也很好吃，沒有想到這裡的麵包也很有水準。整體可以給80分。…查看更多

呢間台麵有好多人話越做越差，係周圍都有好野食既元朗，其實我都少左幫襯呢間野，不過間中會黎試下佢既港早，主因係佢早餐如果加台式熱飲唔使加錢。沙嗲牛肉麵正常，雖然蛋好似少左d,但餐肉有兩塊又比平時茶記抵食，重點係加埋杯台式芝麻熱飲唔使加錢，而且茶味唔差。令一個豬扒包餐淨叫3x 有d唔飽，但可以加8蚊有碗麵仔，但當然份量唔多，啱啱夠飽啦！豬扒係薄左d,但個包唔錯，今次廚師落重左料，豬扒偏咸。整體黎講一般水準，係台飲吸引到我得閒會黎食下。…查看更多

30幾度天氣真係又唔係太想食野，經過最唔適合夏天食既魚煲一個人都無。算啦！試試佢，熱就熱啦！叫左個下午茶豬什麵，雖然話有5款配料，不過就每款少少，但以4x蚊黎講，接受啦！叫左個一人魚煲，因為天氣炎熱，都係嗌個酸酸開胃茄湯底碌下淥下，可以加d自己鐘意既配料落去淥。魚都幾大條，又包埋粉麵/白飯。2個人埋單啱啱好200蚊，見佢晚餐既menu 偏貴，唔知有咩分別，不過相比之下，我覺得下午茶既性價比應該高好多。…查看更多

又一個要返通宵既晚上，係外賣平台搵好野食既時候竟然見呢間食店11點幾都仲有外賣，嗌左2碗碗仔碗翅，一碗雞嘆撈，燒賣同口水皮蛋拼鹿茸菇。碗仔翅有d細碗，但都叫足料雞嘆撈可以再自選加自己鐘意食既配料好唔錯。燒賣正常街邊感覺。口水皮蛋一個，鹿茸菇好味分量足，就算叫唔辣本身都有少少辣但又接受到既辣度。…查看更多