kayinkenneth的个人专页

復活節長假期當然要慶祝一下，釧Kushiro係我口袋名單一直都想體驗一下嘅餐廳之一，餐廳位於半島地庫層，環境優雅，樓底雖低但不會感到焗促❤️晚市分2個價位，我哋揀咗3款前菜、3款一品料理、8貫壽司嘅set。前菜1️⃣螢光魷魚，爆膏濃郁卻配上微酸醬汁一齊食，碗中亦有來自日本嘅菜之花前菜2️⃣釧嘅招牌菜之一螯蝦配魚子醬，中間係蕃茄啫喱，底係龍蝦膏，味道鮮上加鮮👍🏻前菜3️⃣牛油味噌煮北寄貝，半生熟嘅爽彈口感，牛油味噌亦唔會蓋過主體嘅鮮味👍🏻8貫壽司分咗2個部分，感到榮幸嘅係可以食到由山口san，一位曾於米芝蓮星級餐廳工作嘅大廚手握嘅壽司，先是有剝皮魚、魷魚壽司、池魚、以及中拖羅，完美演繹魚嘅美感🫶🏻再黎嘅係3道一品料理間場：1️⃣小長井華漣生蠔🦪👍🏻2️⃣鮟鱇魚肝無論質地還是入口後after taste嘅香濃都令人難忘👍🏻3️⃣笛鯛，用上炭燒魚皮香脆肉質嫩滑再接住嘅係剩餘的4貫壽司：真羽太，即日本嘅石斑魚；鯖魚，微微炙燒過魚皮再蓋上薄薄一片白昆布；大拖羅，切咗2個唔同部位再搭疊加埋一齊握成壽司，魚油香及油脂感爆棚☺️；最後係海膽壽司以及玉子燒作結🤤野鴿湯，有甘旬菇菌雞湯等材料，鮮、濃、香。甜品亦係釧會用心編排嘅尾聲，以寶盒呈上，打開會有4款季節性甜品，並最後以芝麻朱古力卷畫上句號😳…查看更多

慶祝食西餐，今次就揀咗中環嘅porterhouse，呢度嘅牛扒可以話係出晒名！人多可以直接叫1kg重嘅上等腰肉牛扒，足夠4個人分☺️Spanish Castillo Oyster 西班牙珍寶生蠔🦪 $328/6隻呢款生蠔大大隻，鮮甜飽滿帶淡淡海水味生和牛他他 $298配上咗生蠔蛋黃醬以及多達8種嘅調味料交由店員撈勻，口感似呑拿魚但牛肉味香濃澳洲450日穀飼純種和牛上等腰肉牛扒 $1880呢款Porterhouse cut足有1kg重，係由牛柳及西冷組成，比起T骨牛扒更厚，帶來兩種口感，經過熟成嘅和牛油脂分泌夠，且西冷味道濃都，而牛柳味道相對較淡但肉質鮮嫩🤤法式龍蝦湯 及 新英倫周打蜆湯龍蝦湯十分滿意，如果要share，店員仲會細心幫你分2碗，香滑而濃郁，而且仲有近半邊龍蝦肉喺入面🦞另外仲叫咗白酒蜆肉扁意粉 以及 烤焗鯛魚(半條) ，都係好食之選，尤其喺醬汁方面做得好出式☺️…查看更多

雲壽司係其中少有而而又快靚正嘅日本餐廳，而太子店環境光亮，除咗吧枱之外仲有幾張卡位枱，坐得幾舒服。❤️豐盛一人餐 $248 👍🏻呢個一人餐有齊刺身、壽司，同一碗迷你火炙魚生丼飯，非常之豐富。刺身有油甘魚同赤貝，而壽司更是有呑拿魚腩、鮫鰈、深海池魚、蟹膏軍艦以及呑拿魚腦天！質素絕對唔會令人失望，個人認為呢個一人餐都幾有誠意。北海丼 $2082塊嘅吞拿魚腩油脂豐富肥美🤤而且仲有油甘魚、三文魚、赤貝，都係新鮮甜美嘅刺身，另外仲有唔少貴價如牡丹蝦、海膽、三文魚籽嘅刺身，整體分量多，大部分刺身都有2切，一個男人食一碗都夠晒飽☺️…查看更多

呢間喺名店坊附近嘅韓國居酒屋位置好方便，而環境亦相當舒適，多人嘅話仲有韓式包箱可以坐，喺香港非常少見😯韓式醃漬前菜開胃得黎幾啱我口味，有魚仔、紫菜同海帶。前菜仲叫咗韓式生牛肉。特別的是，它還配有一些韓式調味料，配上天婦羅紫菜食，滿滿儀式感同打卡able🥰軟殼蟹的外皮炸得很脆，內裡卻保持著鮮嫩的口感，搭配上一些韓式醬料，鹹鹹甜甜咁韓牛胸肉十分澎湃！店員仲會喺面前即席炒配料及牛肉肉質非常好，搭配上一些蔬菜泡菜和菇等，非常適合作為主菜🤤最後，仲叫左魚籽紫菜蛋卷和海膽紫菜包飯。魚籽紫菜蛋卷的魚籽味道非常濃郁，海膽紫菜包飯的米飯非常香軟，海膽的味道也非常鮮美，整個菜式非常精緻，係不可錯過的菜式！😍至於飲品，黎到韓式居酒屋當然要點返支Royal Liquor King Wine 13，價錢唔貴味道唔辛口，它的口感非常柔順甚至帶點甜味，非常適合搭配韓式料理。…查看更多

最斥去了一間在銅鑼灣時代廣場的韓式居酒屋，並且品嚐了一些美食和韓國燒酒。餐廳有好多私隱度高嘅卡位，環境相當唔錯👍🏻首先叫咗醬油鮑魚帶子是一道豐富的海鮮料理，不僅口感鮮美，而且還有營養價值。鮑魚和帶子都非常鮮美，配上醬汁更是一絕。🤤而海鮮煎餅呢種韓國傳統的小吃，通常與海鮮一起製作。外層酥脆的外殼和豐富的海鮮內餡，絕對足料非常飽肚抵食！😂當然唔少得燒原條牛肋骨，牛肉經過燒烤後，口感鮮嫩多汁，而且配上醬汁更加美味。是一道值得一試的佳餚。最後，呢度話明居酒屋就緊係有韓國燒酒，餐廳甚至有bar枱！而今次叫咗呢款SEOSUL CHEONGJU韓國燒酒，它有著獨特的風味和口感，酒感薄，淡淡清香而不濃烈嘅酒味，配上韓國料理，提升整餐的口感體驗，尤其當一餐入面有海鮮有肉🫡…查看更多

如果要喺中環食正宗意大利菜，一定少不得呢間連盛智文都喜愛嘅Aria Italian。聖誕當然要食餐好，亦作為一年嘅結尾好好獎勵下自己！💪🏻

Deep Fried Squid with Green Chilli $208
炸魷魚細細粒，唔會炸到好乾，而且炸漿薄薄的，加上青辣椒嚟帶出少少辣勁，都幾好食，仲可以加幾滴檸檬汁黎吊味🦑
Large Linguine Pasta with Lobster $328🦞
龍蝦扁意粉質體現到餐廳功架，龍蝦肉質爽彈，汁嘅精華完全掛晒喺扁意粉上面，濃郁而不膩，不過意粉比想像中厚身，口感稍硬，可能咁先係al dente？😳

Grill鹿兒島A4和牛肉眼 $298/100gMain當然係和牛，聽朋友講order牛的話仲會成舊喺你面前切，肉粉嫩得嚟油花非常漂亮，未食都知好食😍叫咗5成熟約一指闊300g左右，grill得好靚，食落口油花喺口中爆發，應該係我食過最好食嘅牛扒之一🥹

Mashed Potato $98細緻幼滑薯仔味好香，同時牛油感較重

整體餐廳環境氣氛服務都好好，大部分都係外國店員，而且因為夠高，如果book位可以request窗邊甚至corner位，可以俯瞰成個蘭桂坊~🫣…查看更多

【西日fusion日本餐廳 佐賀和牛塔撻，足料海鮮湯】

蘭桂坊呢邊隱藏着好多特色嘅餐廳，呢間主打西日fusion嘅日本餐廳 Kyoto Joe， 環境沒有傳統日本餐廳那般莊嚴，反而多了一分悠閑與chill，係個醒醒酒嘅好地方。😎

香辣金槍魚腩他他，佐賀和牛塔撻 
呢2款前菜已充分體現西日fusion嘅味道，他他配生菜食落爽脆香辣帶有魚油香味，而另外用蛋黃融合成道菜嘅和牛塔撻好好食，生和牛食落油脂香豐富，值得一食🔥
刺身，壽司盛合
呢個盛合打卡一流！由左至由咁食，有鯛魚薄切、 甜蝦、帆立貝、火炙拖羅壽司等等，都係seasonal嘅魚生，夠晒新鮮🤤

食完生冷野飲返碗海鮮湯間下場，唔好睇少呢碗海鮮湯，料足而且鮮味十足，將海鮮嘅精華都融合晒喺碗湯入面，如果你係喺LKF飲完酒黎的話，呢碗湯一定啱你爐端燒：牛肋筋，雞腿肉，宮崎甜蕃薯，自家製鰻魚炒飯再叫咗少少熟食黎暖下胃，無論串燒同飯都有一定水準，而估唔到鰻魚飯係用石鍋上，食到最後仲會有飯焦🤭…查看更多

香蔥碎吞拿魚腩 配 最中餅碎吞拿魚腩份量好多，而最中餅好脆口仲有微微焦香味，每啖外脆內軟，好有層次🤤特上8點刺身拼盤（鮮吞拿魚腩、海膽、6款seasonal）拼盤擺盤超級精美，我哋呢日嘅seasonal都好吸引🤩 有幾款特別印象深刻：北寄貝相當新鮮爽口、白子好綿滑配上特製醬汁好清爽、中拖大拖都無可挑剔，入口油脂感爆發🥰、帶子勁大粒又好香甜、仲有海膽質素都唔馬虎，好濃味帶點甘甜。十分推介呢個刺身拼盤！牛油果軟殼蟹卷呢份sushi roll勁大份，軟殼蟹勁大隻，中間位真係食到啖啖蟹肉🦀雜錦松葉蟹棒天婦羅拼盤（松葉蟹棒4件、沙𩺬魚1件、海鰻1件、野菜4件） 天婦羅炸漿啱啱好，薄身又夠脆又唔油膩。松葉蟹棒比想像中細條，不過係食得出鮮味。沙𩺬魚同野菜就正常發揮。黑牛特製柚子酒 (和歌山縣)好濃嘅柚子香，超級易入口，好啱女士們竹林白桃妃 (岡山縣)淡淡白桃味，酒味較重…查看更多

中環蘭桂坊呢度，除咗酒吧之外，都有好多極具質素嘅西餐，Porterhouse應該算係當中名氣較響嘅一批，雖然位於7樓，但大廈座立於地勢較高之處，景色一啲都唔輸蝕，而且裝潢morden優雅，加上擁有室內及露天座位，環境氣氛服務都一流。☺️

煎北海道帶子
前菜嘅帶子有3粒，表面煎到少少焦化內裡依然半生熟，配上香梨甜酸醬同香蒜餅碎增加口感，美味又開胃👍🏻
周打蜆湯
店員好細心會分成2碗上，而周打蜆湯十分濃稠，建議share比較好，都幾有飽足感，用料當然足，幾乎可以話係食料仲多過飲湯🤣紐西蘭青口 (1kg)呢個青口可以揀番茄，香橙芫荽薑汁，而我地叫最signature嘅白酒香蒜迷迭香汁，白酒香味撲鼻，而青口大隻新鮮滑嫩，一啲都唔鞋，最尾仲可以配埋蒜香酸麵包吸晒啲汁黎食，大推，而且份量係足足有4人份，抵食又好食🥹
美國 USDA Prime - 400日穀飼純種黑安格斯西冷扒，5成熟，粉嫩到不得了，表面焦脆內裡juicy多汁，而且牛味好濃，店員仲會拎住一盤6款嘅source喺你面前俾你揀，黃芥末當然唔少得，我則比較喜歡松露醬，增添唔同風味！另外加咗個慾罷不能嘅香煎鵝肝，邪惡到呢🤤…查看更多

唔知大家知唔知，荃灣除咗大霸街之外，喺後面嘅一條街都係餐廳林立嘅戰場，而且有一間日式居酒屋䇄立多年，每次路過都覺得十分日式，以木屋燈籠襯托，相信一定有佢嘅過人之處。🫡店面唔算太大，但大多以卡位座位為主，私隱度較高，而且整體感覺像是日本家庭式的日本居酒屋。Menu選擇繁多，酒類，串燒、炸串，甚至飛機空運直送嘅原條魚都有，可燒可刺身😆另外餐廳仲有做$199啤酒無限時放題，好抵玩。上刺身盛盒 $1995款2切嘅刺身分別係三文魚、呑拿魚、油甘魚、赤蝦、帶子，價錢唔貴而且大片厚切，幾乎每片都要分2啖先食得晒，赤蝦帶子鮮甜👍🏻阿波美雞翼、雞軟骨、黑豚腩串、牛舌芯 $28-58叫左幾款串燒，豬牛雞都叫咗，比較特別嘅係阿波美雞翼，燒完出黎嘅肉質比一般雞都要嫩滑得多，牛舌亦會厚切保留口感，不錯🤤海膽甲羅燒 $98配左一個飯糰可以撈埋一齊食，啖啖都好香濃嘅蟹膏味，配飯真係一流壽喜燒鍋 $158最後點少得牛肉壽喜燒鍋，仲另外加左烏冬，喺而家漸漸轉秋嘅日子食鍋物就啱晒🤓…查看更多

喺荃灣千色呢一邊換完身份證之後，就約咗一大班朋友仔去到呢間大滾友打個靚邊爐，之前食過元朗分店嘅大滾友， 覺得佢哋嘅湯底同埋牛肉都幾出色，當然要推介埋比朋友。👍🏻鍋底就揀咗椰子雞番薯蜆湯，十分清甜而且帶有雞香味以及淡淡的海鮮味，係未打邊爐之前已經每人飲晒成鍋湯底要加雞湯先至可以繼續烚吓烚吓🤤

嗌咗盤牛肉，係手切頂級安格斯牛肉，十分打卡able，肉片排到好整齊又出晒煙咁，食落當然亦都好食，安格斯牛肉嘅油花就相對比較豐富。👍🏻另一樣覺得好食嘅就係呢度嘅手打滑， 無論係蝦滑墨魚滑定係干貝滑都好彈牙好食， 另外當然唔少得仲有響鈴，呢度嘅響鈴係即炸，比一般食到嘅更酥脆！🔥

覺得熱氣所以就嗌埋佢哋自家製嘅竹蔗茅根，呢壺竹蔗茅根好架勢， 而且份量少，足夠四個人飲🤩…查看更多

上個星期去左食FUMI嘅weekend semi buffet，主題係日式buffet，$588一位，落訂有9折，openrice訂位又買3送1，圍返開平過食自助餐，但質素分分鐘好過自助餐！🤤 由於太多款式等我推介下重點🙋🏻‍♀️🌟前菜（四款）蟹籽青瓜沙律 / 蕃茄雞蛋沙律 / 枝豆 / etc：味道正正常常，可以留下肚食主角先🤤冷盤（三款）🌟松葉蟹腳：主角非佢莫屬，不論味道定係肉質都完勝九成酒店自助餐個d，🦀肉質非常新鮮，唔會乾身，味道上亦好有蟹味唔會太鹹，我地每人食咗>10隻腳🫣餐廳主打日本直送剌身（五款）三文魚 / 油甘魚 / 🌟帶子/ 🌟八爪魚 / 馬刀貝（<- 2款廚師推介款式，每日唔同）壽司卷物（四款）A4 宮崎和牛壽喜燒卷：由於飯會好飽肚，所以淨係試咗呢款，味道唔錯的炸物（四款）🌟海蝦天婦羅：皮薄香脆，蝦肉好大隻👍🏻每位一客🌟A4 宮崎和牛西冷(100g)和牛係每位都會送一客，加$188先可以任食。唔加錢其實一客都夠晒，上到枱呢100g都其實唔少，入口真係有A4嘅水準！肉質軟淋淋但仲保留到牛味，唔會太肥膩，好食！侍應喺中段送嚟，飽飽地都完全唔想放過佢😈主菜1 日本舞茸野菜小鍋：湯底濃度適中，食吓菜 豆腐冇咁濟，可以再戰過🤫2 🌟迷你香蔥碎吞拿魚腩丼：吞拿魚蓉非常多，不過飯就食唔落太多了🤰🏻燒物（四款）鹽燒宮崎雞翼/ 宫崎特產黑豚香腸 / 牛油燒粟米 / 鮮冬菇：燒物普通，可以淺嘗就夠溫物（兩款）味噌湯 / 🌟松葉蟹肉茶碗蒸：茶碗蒸唔錯，蛋好軟滑，上面有蟹肉嘅汁好特別…查看更多

喺銅鑼灣鵝頸橋一邊，都有得去到土耳其，睇住熱氣球咁打返個邊爐👀呢間火鍋隨意門除左有土耳其風格之外，仲有宮廷風嘅佈置，以及北歐風同日本風嘅包廂！先講湯底$298，已經係一大賣點，半隻雞唔夠，仲有成盤嘅花膠，店員會喺正你面前剪，未開始打邊爐就可以每人飲返1,2碗咁足料嘅湯暖暖胃。9宮格嘅調味盤亦好整齊，當中仲用左土耳其嘅咖啡壺裝豉油😂手切安格斯 $298，手切一般熱比較大片而且厚d，呢份肉份量唔少之外，油花同肉味熱濃，拎黎打邊爐一流好食🥹手打丸拼盤 $148，一盤共5款10粒，全部新鮮手打，雖然唔大粒，但都彈牙，感覺係有誠意的👍🏻加埋個烏冬 $32，用呢個花膠雞湯做湯底冇得輸，成晚都滿足飽住咁走…查看更多

今次已經唔係我第一次嚟一杯屋，平時最鍾意就係叫佢哋嘅招牌：炭燒牛舌，但其實佢哋其他菜式都好有水準👍🏻👍🏻冇得去旅行，唯有搵一間高質嘅居酒屋感受返日本旅行嘅感覺😆😆我地叫左三文魚籽茶碗蒸、酥炸雞軟骨、味醂魚干，味道正正常常，味醂魚干幾啱我口味🤓跟住叫咗一個雞腎串同埋芥末八爪魚🐙芥末味清香微辣，同八爪魚好夾，後勁又帶有少少恭鼻感😋炭燒鮑魚冇得彈👍🏻燒鮑魚火喉唔易控制，燒得太耐就會靭，師傅燒到外面有微微焦香，但係內裏非常軟彈，食得出幾新鮮😋最後仲要多咗個日式冷稻庭烏冬，成餐都食得幾滿足，加埋成個裝修都好有日本感覺，有一刻真係當左自己好似去左日本旅行😛…查看更多

喺得荃灣返工，總有幾間餐廳係每次經過都好想食，而日本野我會揀呢間喺食街附近嘅天竜，難得呢日係會放縱自己食得好d尤其而家已經禁咗晚市堂食，惟有將Lunch當Dinner食！🔥先係嗌咗送酒一流嘅唐揚豆池魚$58呢份幾抵食，而且條條魚都幾飽滿多肉，炸到外面少脆就夠晒好食🥴Lunch set嘅10件壽司定食跟埋前菜同烏冬$128相當豐富嘅lunch set，壽司大大件之餘用料實在，其中油甘魚魚油香十足，其他都正常水準，cp值幾高🤟🏻極上壽司盛盒 $268🍣同樣為10件嘅壽司盛盒，每一件都升級了一個層次，有齊赤身、中拖、大拖之外，仲有海膽同三文魚籽，再加上幾件火炙過嘅時令魚，賣相同味道都冇野好彈了，小店冇得做晚市真係好傷，大家支持一間得一間🙏🏻…查看更多