肥娜姐姐's Profile

明白進入餐廳需要強制量度體溫但服務員告知必需低於36.8度才可進入。（ 服務員表示是公司規定）。當時體溫議顯示36.9度所以不准進入。而且當晚男性服務員沒有任何禮貌, 我們一進店就拿起體溫議指向我們額頭沒有出過一句聲，其實被他的行為嚇了一跳，因為一般都會先知會一聲。一直很喜歡這間店， 雖然今次被服務員拒絕進內用餐，希望店主可以檢視一下人體正常體溫範圍再作出修正 ，以及給服務員一點培訓。…Read More

點左一杯Ginger Latte, 一份Avocado and Vegetable Frittata （牛油果蔬菜蛋餅）。Ginger Latte 好特別，好適合冬天飲，薑味程度啱啱好。至於Frittata 嘅蛋做得太老太硬。我唔係好識煮餸但如果加少少Cream或牛奶去煮可能可以冇咁硬？（純粹個人意見，我並唔知道意大利做法係點）整體飲品好有新鮮感，選擇多，而且顧及到唔飲咖啡嘅朋友，因為佢亦提供一啲奶類飲品配紫薯、綠茶等等…Read More

午市食Nigiri Omakase 最抵食，晚市閒閒地都$1500以上，楽壽司有做午市，包括有沙律+蒸蛋+9件壽司+細丼+麵豉湯+甜品只係$368。雖然我哋只係食lunch，但師傅會好用心介紹每件壽司名同來源地。期間仲同師傅有傾有講可以藉此了解更多唔同季節性嘅食材。壽司分別有赤貝、牡丹蝦、白蝦、鰹魚、真鯛、油甘魚、右口魚、海膽、拖羅。食完九件壽司已經覺得飽，之後仲會有一份細丼、蒸蛋同雪糕。非常完美嘅一餐…Read More

自己本身對fusion菜都有興趣，皆因唔會局限於傳統框框，食物配搭更多元化同變化，正如 中式鱔魚唔一定要豉汁蒸，雞粒炒飯唔一定要配鹹魚。免治雞肉棒$42雞肉棒好大件，好香同熱辣辣。加咗好多細細粒有咬口嘅雞軟骨打勻。雞肉調味剛剛好，再加埋生蛋黃同豉油即時令雞肉更軟滑。燒茄子$28有幾種鹽同櫻花蝦可以自己加埋一齊食，但有D乾。燒雞中翼配廚師秘製醬汁$32燒大啡菇$26 燒蒜辣墨汁花枝腸$28基本上燒物味道比較普通沒有特別，唔係太濃味，感覺比較健康，當送啤酒都唔差。白鱔煲仔飯$168一定係我食過最貴嘅煲仔飯，落足料大大嚿白鱔非常厚實，肉質彈牙都幾鮮甜。其實呢間居酒屋都幾特別，屬於香港少有，有各類啤酒同清酒，裝修又有特色，只係位置比較偏。…Read More

$268每位送燉湯、八款蒸海鮮、八寶飯及雪耳木瓜糖水，免加一自選海蒸法，想點蒸自己話事。燉雞腳雪梨湯每位半邊龍蝦，蒸得啱啱好，多膏，肉質彈牙果皮蒸鮑魚，好淋身，一D都唔un蒜蓉蒸大蚌，啖啖肉好有鮮味清蒸花甲，好鮮甜，每人有三隻豆豉蒸多寶魚，皮好滑，肉質都ok沙嗲醬魷魚腸粉，呢個好特別，好食但之後好飽紅糟蒸蝦，有驚喜！有豆豉同蝦醬味、又有少少蝦米，未食過要試下！蒜蓉蒸蟹，都幾大隻而且多膏又厚肉八寶蒸飯，全部配料自己揀，大大盤蒸，分量多！如果食唔哂侍應會好主動俾盒你打包，唔怕浪費👍🏻…Read More

期間限定極上原隻龍蝦味玉拉麵🍜「原隻加拿大龍蝦」 ＋「櫻花蝦豬骨濃蝦湯」再配上流心蛋。龍蝦好多膏！好香！肉質彈牙鮮甜但龍蝦放了黑胡椒，感覺味道被破壞了，胡椒味道太強。但湯頭非常濃郁，好似飲緊出面嘅龍蝦湯（以我所知龍蝦湯係用蝦頭同蝦殼煮）麵條選擇了硬身但來到嘅時候麵係淋嘅，有少少失望，如果煮麵師傅可以多加留意就更加好。總括嚟講呢碗麵係十分超值同埋好食，$128有龍蝦、蝦湯、流心蛋同拉麵！非常之飽肚，男仕食都一定夠，而且地理位置方便，一定會再來…Read More

一行六人家人飯局，叫了多款東來順招牌菜。當晚服務員都細心又殷勤主動，喺現今香港真係好少有，希望可以繼續維持服務水準👍🏻頭盤－素鵝餡料有蘿蔔絲及木耳絲，腐皮外面香脆，餡料入味，再點埋後面嘅XO醬惹未到不得了！頭盤－陳醋蜇頭題外話⋯⋯上面青瓜片刀工一流！陳醋味道偏甜，只有微酸，個人不太喜歡，但在座的都讚不絕口。海蜇頭非常爽口又冰冷，非常有水準嘅前菜，胃口大開！頭盤－鹽水鴨鴨肉鮮嫩而且好入味，不會過鹹。雖然沒有多餘肥膏，但依然keep住嫩滑口感👍🏻份量都唔少。頭盤－麻香小象拔雖然說是麻香，但麻辣比較少，反而比較酸，所以食不出小象拔嘅鮮甜味，味道比較一般。主菜－鶴湖蟹影上面黃色是蟹粉及蟹肉，下面是鍋巴。蟹黃味突出，用了非常足及認真！咬完一啖蟹黃味仲留在口中！蟹肉份量都唔少，夾埋鍋巴一齊食又軟又脆口感非常夾！圓筒形是炸饅頭，啡色小蟹型是茶凍。分開食又得、一齊食都得。主菜－富貴雞富貴雞焗到非常入味非常軟淋又入味！清清嘅荷葉味、菇菌味都滲透入全隻雞。用筷子輕輕一夾，雞肉同雞骨就即刻分離👍🏻雞肉入面釀有雜菌、豬肉絲同莞西，所有配料都吸收晒雞嘅精華，味道一流😋主菜－松露蝦球蝦肉大大粒，而且彈牙，每粒都包著黑松露醬，一想枱已聞到松露香味，入口味道香濃，份量都唔少，非常推介😋主菜－安格斯蜜燒這個創意菜非常特別，做法應該同叉燒差不多，但主角就變左用安格斯牛肉。牛肉肉質好嫩，食落有啲似慢煮牛肉，牛肉本身肥瘦均勻，食得出油脂香，醬汁不會過甜，同牛肉都好夾👍🏻主菜－龍井煙燻鴨鴨肉鮮嫩，有陣陣煙熏味同鹹味，但這隻鴨比較肥，如果可以廋一點就更好。主菜－水煮桂花魚桂花魚嫩滑沒有骨，但水煮嘅湯汁太鹹，要加熱水先食得落，花椒麻味唔夠，其實湯入邊仲有豆芽、寬粉、秀珍菇，食完好飽肚。總結：菜式多，服務好，環境舒適，餸菜大部份都係水準以上👍🏻做節食飯都好適合。…Read More

在英國讀書時都會食Jamie's Italian, 香港開咗咁耐都未試過所以就帶朋友黎食生日飯，兩星期前已Book好枱，因為未去過，所以並唔知道有窗邊位同sofa位。我同朋友去到餐廳，receptionist就帶咗我地入坐，位置麻麻，員工打單位格離，雖然我冇request坐邊，但有人性嘅都會留靚位俾有訂枱嘅食客啦，更何況得30%入坐率我地叫咗個Baked Mushrooms $108，竟然冇味道！唯有自己落鹽，完全好似食緊白烚磨菇，仲要收過$100😤，值喺邊？食完頭盤一陣Rib eye steak 就上了，但又唔會收返食完嘅空碟🤦🏻‍♀️ Rib eye steak $288 (Medium) 切開是medium-well to well done 🤷🏻‍♀️quality 只屬一般，唔值接近$300呢個價位🙅🏻Penne Carbonara 出哂事😵一咬，Penne未熟！入面凍！即刻搵侍應，但個個好似睇唔到你咁！可能分咗zone，見住望到我但又即避開眼神接觸，有D就成班圍埋傾計咁🤦🏻‍♀️可能冇乜生意太得閒。好彩侍應話可以叫廚房整過一份👍🏻當煮好我地又再挑戰，結果同第一碟完全唔同，正常好多，第一碟係硬同芯係凍，但可惜，Carbonara 汁太少，相都可以睇得出冇汁掛上意粉。原本同朋友慶祝應該叫甜品，但放我們一條生路吧！全單$600幾，冇一樣好食，同英國差太遠了!…Read More

見到openrice咁多好評,男朋友生日就選了這間,一行五人,切餅費竟然收＄100，而且我們都對食物質素非常失望。唔知係咪鋪租貴，價錢同食物質素完全不成正比，以咁嘅價錢出面實在太多更好嘅選擇。刺身質素還算可以象拔蚌刺身差不多$500我們都覺得份量太少壽司逐件計，$68-88一件，但質素真的一般般然後我哋仲叫咗好多燒物和煮物，食得出是素質問題，所以沒有拍照了。埋單$3400，餐廳環境都算狹窄和嘈吵，枱與枱十分接近，以咁嘅價錢，實在好容易找到更好選擇。…Read More

因有事到紅磡區工作，早餐要吃些有飽肚感的！在火車站同同事食早餐。我已經太耐冇來紅磡了，原來已新加了多間餐廳，很多選擇，而且廷吸引。因為想食公仔麵，一於試一試燒味站嘅早餐。選了沙爹牛肉公仔麵配炒蛋多士份量都頗多，即叫即整，熱喇喇! 炒蛋炒得很滑而且好有蛋香，十分推介！牛油多士大大件，很香脆！正！食完蛋同多士，沙爹牛肉公仔麵仍然是熱的！同場竟然有Burger King! 好surprise!唯有下次吧：）…Read More

Lawrys出名Prime Ribs，星期五下午就來這裡試試Lunch Set，早幾天已book咗枱，在場都滿坐。訂枱的時候男職員都有問及，是次用餐是否有特別慶祝或紀念之類，十分細膩，而且對答非常有禮。坐下後穿著特色服的侍應會介紹自己及對餐牌有任何疑問都可找她。Starter - 各選了一份冰旋翡翠沙津及一份Daily Soup, Cream of Asparagus 女侍應會在客人面前用以冰盛載的凍鐵大碗快速加入dressing搞拌，再送上冰凍的叉子，然後把拌好的沙津放在凍碟上。沙津菜十分清新而且配上紅菜頭和蛋碎，加了一份甜味和蛋的味道配合得宜。露荀湯方面，很好Creamy，有少少露荀粒，較清新，沒太大特別。Main Course - 我兩都是食肉獸，因此主菜 Prime Rib 4oz Hong Kong cut 都加$80 upgrade 至 6oz California Cut。首先侍應會介紹廚師給食客認識，然後師父會展示Hong Kong Cut 及California Cut 嘅大細，感覺後者比前厚很多，加$80都幾抵Prime Rib California Cut Medium 再加Creamed Spinach $55 一份粉紅色的Prime Rib 肉質非常鮮嫩，血汁已全收，之前在另一間扒房吃過一次Prime Rib, 我們都覺得Lawrys 的較鮮嫩有肉汁，連邊位都不遜息。但原來Lawrys的Gravy帶有豉油味，因為我本人不太喜歡豉油所以不太欣賞。如果可預先詢問on side 或淋在扒上就更好了。另外Prime本身已配有Yorkshire Pudding 及Mashed potato, Yorkshire Pudding 超重蛋味，但因為我不太喜歡那Gravy所只吃了一口，而Mashed Potato 非常非常Creamy，非常值得一試！另外加的Creamed Spinach 都幾好食，帶有少少煙肉碎，咸咸地幾香。最後到Dessert，我們都點了兩款。Warm Chocilate Fantasy Cake Strawberry Delight 如客人有慶祝生日的，會送上額外Dessert及唱生日歌，還會給客人拍照留念，非常驚喜。…Read More

相約朋友放工在銅鑼灣晚飯，有點想吃意粉但又唔想等位，所以來了位於L Place的Y Pasta，當晚不是太多人，沒有book枱也不用擔心。一到達14樓是種清新嘅感覺，左手面甜品凍櫃放著玫瑰蘋果，非常吸引！先來點前菜吧。芝士釀大蘑菇這個前菜很好吃，上枱時是剛焗起的，芝士切起來一絲絲的，蘑菇也釀入了煙肉、香草和白汁，好creamy! 大蘑菇咬下去很juicy，焗得剛剛好！酥皮龍蝦湯酥皮帶有牛油香味，唔錯，龍蝦湯很濃郁，唔咸，有幾粒小龍蝦肉。來到以Pasta為名嘅餐廳就當然要食意粉啦！食客可按照個人喜好配撘不同類型意粉。黑松露醬天使麵好香黑松露及香草味，有炒香了的蘑菇及珍寶帶子。天使麵口感很好，吸滿了松露香氣。帶子煎得剛剛好金黃色，肉質彈牙鮮甜。香蒜藍青口意粉這個意粉比較清，香蒜味可濃一點，不過藍青口有點鞋，相信定來源地問題，加了檸檬汁又另一種味道，感覺清新了。餐廳服務員都很貼心，充滿笑容，這個是很多餐廳都缺少的，員工工作過程開心，食客是感受到的。…Read More

加東叻沙，於上環工作的OL們一定不會感到陌生。 正宗叻沙-有足料螄蚶、蝦、魚片、豆卜、雞蛋、芽菜。熱辣辣的湯頭有香濃椰奶味，當然叻沙味道也非常香濃，令人食不停口，是在香港吃過最合我口味的。 男友叫了一碗特色米暹，醬汁少少酸又帶點兒辣。很有特色，但我們還是較欣賞她的叻沙。…Read More

友人於上環工作，星期六下午到這兒試試它四川辣的威力。它應該是外國人開的，店員全是外國人。平日星期一至五會有午市套餐，今天星期六只有a la carte 提供。我們先於order counter點食物，然後才安排入座。我們點了重興擔擔麵（撈麵）和Classic Dan Dan noodles (in soup) 有5種程度辣度供選擇，最辣是sichuan hot 四川辣，問一問店員是否非常辣，它用言語跟表情表達真的非常辣！最後我們相信他，選了第四級的Hot。因麵是沒有配料的，所以加點了孜然雞翼。 有濃烈的麻醬香氣，吃一口，非常辣！太辣！只嘗到一點兒麻醬味道，有點擔心怎樣吃下去。我是非常喜歡吃辣而且非常欣賞四川當地美食，但這個麵只有好辣，我什麼都吃不出。 這碗是Classic Dan Dan noodles (in soup) ，麵條出色，煙煙unun，但也太辣了。可能我們所選的Hot是錯誤的，不但令舌頭辛苦而且胃部也不好受。 孜然雞翼6隻 - 因為兩碗麵實在太辣，已吃不到任何味道，但雞翼炸得太乾。 …Read More

地鐵開通後西環越來越多新餐廳，今晚試一試tivo，地點近西寶城，十分方便。當晚人流不多，只有三四枱客人，weekdays的話walk-in就可以了。 Pizza焗得薄脆，熱喇喇的pizza與冰冷嘅無花果，parma ham的咸與無花果的甜，賣相和味道都滿分！值得一識！ 侍應會幫忙小心地打開被海鹽封焗的White Snapper,魚肚放滿lemon&rosemary以去除魚腥味，lemon令魚肉有微酸，非常醒胃。魚肉鮮甜，烤得剛剛好，肉質嫩滑。 Ribeye 8oz medium, 煎得剛剛好medium, 很有肉味，肉質嫩淋，不點醬汁可原汁原味地吃到牛肉味，吃得出沒有太多脂肪，但非常有肉汁，一點也不乾。 Tivo Fries, with parmasen cheese & truffle oil- 一上枱已經聞到松露香！每條薯條都沾滿parmasen cheese,以cheese的咸香代替海鹽，特別好吃，值得一試！ Meitaiko Pasta - 沒有明顯醬汁，只有大量明太子，簡簡單單，只要明太子和蛋黃醬做得出色，已經足夠！ Bucatini Pasta - 用上wagyu oxtai ragu 肉質很嫩，完全吸收了醬汁，少少辣，喜愛濃汁的會喜歡。…Read More