anthony0924的个人专页

今日午餐餐去咗位於禾輋廣場的和平冰室和平冰室，每日都有五款午餐提供選擇每次減唔到都一定會揀口水雞 但係唔食得辣嘅朋友就唔好試啦所以今日我就試咗另一個焗意粉雞扒芝士焗意粉用咗白汁同茄汁去焗一大塊雞扒，再加上1層濃厚嘅芝士 。無論係白汁或者茄汁 都令人好驚喜 白汁加上香濃芝士 入口感覺好濃厚 而茄汁加上芝士 就好似某大餐廳焗豬扒飯嘅味道 所以今次一個焗意粉滿足兩足口味可以再食！…查看更多

同同事lunch time搵個特別啲既地方，終於揀咗Here Thai Market。新城市三期位置方便，而且裝修主題泰味十足，好有特色。午市上座率高，不過餐廳寬敞，坐得舒服，泰式裝飾感覺好like喺泰國市集食飯，店員有禮親切，上菜都幾快。泰式海南雞拼燒雞飯必點飯類推介！雞肉嫩滑，海南雞清爽唔鞋口，燒雞有炭香同肉汁唔流失，配上泰式酸辣醬汁，咸香開胃。飯夠多，椰香味明顯，配埋椰奶香味餐湯，更有層次，整體夠地道同高水準。​泰式豬頸肉炒金邊粉上枱賣相吸引，金邊粉煙韌有咬口，啲豬頸肉燒得香脆帶油香。整體調味偏酸甜，泰式風味突出，加埋青檸汁同花生碎加添泰國風味。冬陰功湯湯色鮮明，酸辣夠醒胃，香料味濃郁。蝦同菇份量唔少，湯底入口有層次，辣味不嗆喉，幾清新。​​雞腿肉串燒燒雞腿肉厚身多汁，外皮略帶焦香但唔會燶。醃料夠入味，最正配埋店方自家泰式醬汁，鹹香微辣。​泰式椰奶咖啡 & 蜂蜜檸檬水椰奶咖啡飲落順滑，椰香平衡咖啡味，感覺幾有特色；蜂蜜檸檬清新解膩，落足蜂蜜，夏天飲就啱晒。雙芒椰奶西米露甜品推介！芒果香濃，西米煙韌，椰奶味足又唔會過甜，撈埋冰食為午餐作一個完美ending。總結~~餐廳主打泰國米芝蓮團隊監製，性價比ok，環境加分，食物飲品選擇多，水準高。無論同friend分餐還是飯聚都一樣適合，下次一定會再帶屋企人試！…查看更多

成日經過何文田勝利道，今次終於可以去試下鮮丼家，試吓佢哋啲丼飯。餐廳外觀一貫日式小店風格，環境好整潔乾淨，而且燈光柔和，木枱鐵椅配搭令人有置身日本小料理店嘅感覺。坐得舒服，環境氣氛輕鬆。今次我哋二個人去食叫咗2款丼飯同小食，埋單只係$418，呢度嘅定價對比質素算超值，份量夠足兩人食完都非常滿意。海鮮丼飯 $148一上枱已經令人成個人醒晒！滿滿海鮮堆到成座山咁，三文魚腩肥美油香、入口即溶，海膽份量多，新鮮入口甘香，油甘魚厚切肉實，仲有隻大大隻帶頭甜蝦，肉質超鮮甜。底下醋飯粒粒分明、酸度剛好，混埋醬油一齊食，啖啖鮮味無得輸！燒三文魚炙燒壽司 $16、燒帶子壽司 $28、燒海膽壽司 $28、花之戀 $16壽司愛好者一定要試！燒三文魚壽司帶住魚油香，咬落軟綿；燒帶子香氣突出，肉厚飽滿；燒海膽壽司入口即化，鮮甜唔腥；兩款火炙魚壽司都有醬香同濃郁魚油味，搭配燒帶子一齊食層次更豐富。值得一提嘅係呢度都有花之戀食架，花之戀細細件又精緻，用咗肥美三文魚加魚子點綴，入口鹹香又有鮮甜感。炸日式餃子（4件） $38炸皮夠脆，內裡多汁唔乾，豬肉餡調味啱啱好，非常適合啲鍾意食小吃嘅朋友。芝士年糕（3件）$42 呢款小食係我哋今次嘅驚喜之一。年糕外層煎得微微焦香但仍然保持煙韌彈牙，配合溶岩式嘅芝士醬，好邪惡又滋味。香濃芝士味同煙韌年糕嘅口感好夾，係條街上難得一試嘅日式風味小食，特別適合芝士控或者想食啲唔同嘅朋友。總括嚟講「鮮丼家」整體新鮮度高，每款丼飯同壽司賣相吸引，刺身件件都厚切，魚生新鮮完全感受到用料夠誠意。無論獨食或成班朋友飲杯酒吹下水都適合。以呢個價錢試到咁有水準嘅日本菜，性價比極高！…查看更多