JoanCheung526的个人专页

朋友升職約左食飯慶祝，諗左好耐食咩好就不如試下廚師發辦啦，可以一邊慢談一邊享受美食同醇酒！ 來到灣仔一間新開餐廳，餐廳環境簡約風，牆上掛左一幅畫，上面有個四字 <一握入魂> 今晚omakase 就由 一握入魂 開始：首先，師傅先上前菜：果茄、柚子蘿白、湯葉、黑棓貝果茄鮮甜、柚子蘿白好爽口、湯葉即係新鮮嘅豆腐皮、黑棓貝季節限定然後最愛既刺身:真鯛白子 赤貝 鮟鱇魚肝真鯛魚既精子，只限春天先有，口感幾特別 赤貝 好爽脆 呢個係貝殼類中我最愛！鮟魚肝 口感似鵝肝咁 食落有入口即溶嘅感覺一握入魂 手握壽司 帶子海膽夾紫菜 赤鯥 大拖羅 馬糞海膽有口感帶子火槍燒過令到帶子嘅油融入海膽同紫菜，超正啊！赤鯥同大拖羅都係價值好高既食材，係日本都唔係每個人都有機會食到！拖羅更加唔需要講，魚油極香，師傅仲係拖羅上沾左自己秘制既醬汁馬糞海膽來自北海道，好creamy之餘仲帶有海水味，即係代表超新鮮！吞拿魚蓉手卷 好多料 吞拿魚蓉配香蔥 食落絕對唔會溜鯛魚湯 師傅話由七種唔同鯛魚炮製，魚鮮味超濃，中和返食完壽司既味蕾最後一道甜品，今日有靜岡出產既蜜瓜，師傅都話呢個季節既蜜瓜係最多汁多水 令成餐晚飯完尾劃上句號！黎到尾聲，我非常想知道 <一握入魂> 的四字真言，師傅亦解釋左我聽：師傅做每件壽司都係經自己手去握，將畢生所學既技術、同心機去放係每件壽司上，就好似將自己個靈魂注入左件壽司到！…查看更多

收工行開尖沙咀搵野食 搵到間樓上打邊爐上到去望下餐牌 叫左個極盛牛肉海鮮套餐 可以食勻28款自家製既野食 一次過滿足28個願望 每位加60蚊可以叫多個雞煲 仲要任飲汽水/自家制飲品 非常吸引竹庶芽根 清甜涼透 消暑解渴 落左好多材料去煲雞煲係用雞脾肉 加埋唔同花椒八角同調味料 肉質咬落非常滑 而且十分香口 又惹味 辣度又唔會太辣好吊味 食到停唔到口 唔夠飽既雞肉仲可以任加。食完雞煲就到重點菜 一大盤食材上黎 有28款食物 我地打邊爐既湯底就揀左沙爹湯 湯底夠哂濃 好好味十分值得一試既有海鮮花甲 蝦同脆鯇片都係非常新鮮 而自家製食物就有豬紅 韭菜餃 魚蛋 豬天梯 牛柏葉 等等最後就到肉類既肥牛同黑豚肉肥牛食落肉質非常鬆軟 肥瘦適中 入口即溶黑豚肉 肉質食落又唔會有"鞋"既口感 豬味濃郁…查看更多

今日同朋友黎左Season plus食野～見到佢而家d蠔好抵就一於試下啦。精選生蠔9蚊一隻生蠔真係好抵食生蠔大大隻 食落都幾重海水味 肉質都唔錯沙津拼盤三文魚加上新鮮沙律菜仲有黑醋調味 好開胃炸日本廣島蠔外皮鬆脆 咬落唔會好重粉入面既蠔又唔會腥燒海膽芝士多士海膽質感細膩 幾乎入口即溶芝士味夠濃 多士十分脆日本一口和牛粒肉質鬆軟入味 再有生蒜係面韓國燒汁魷魚筒大大隻原筒魷魚 咬落又唔會咬唔開配埋燒汁好夾意大利辣肉腸pizza一黎到已經好香口感鬆軟夠酥脆牛肝菌意大利飯牛肝菌配意大利飯配搭十分好味道鮮美 飯又唔會太濕身海鮮拼盤重頭戲海鮮拼盤有龍蝦 花蛤 青口 蝦 翡翠螺份量大同好鮮甜龍蝦肉厚有質感 其他都好鮮味同海水味十足葡萄梳打巨峰味既提子梳打 唔錯…查看更多

今晚同幾個朋友都好想食片皮鴨 於是我二話不說就推介話去北京老家到食～因為我已經食過幾次 覺得呢間餐廳嘅裝修，食物同環境都好北京好地道，又非常正宗。值得一讚既係服務超級到位，餐廳四周都充滿住濃濃既北京味道！開始我地既美食之旅～首先我們點左杯豆漿豆嘅味道非常濃郁而且唔會好甜又健康朋友覺得非常開心可以係呢個地方飲到正宗地道嘅豆漿。然後我們點左素鵝，呢個可以話係開胃菜，這品質十分出色，外脆 裡面就多汁，好味。去食北京菜唔少得既一定要食北京填鴨，一套烤鴨會有兩套蘸料，皮有幾層，鴨肉帶皮，金黃誘人，肥瘦相間，皮香而不膩肉質緊實。下一道菜係水煮魚，辣味濃郁。我們都係一個魚肉愛好者，水煮魚裏面既芽菜、干辣椒花椒生姜雞蛋大蒜紅油豆瓣醬芝麻油胡椒粉料酒等等將魚煮得美味無窮，魚肉又唔腥又滑身。京蔥牛肉，牛肉非常嫰滑，京蔥更加不用多講，夠哂香 令到成碟菜既味道大大提升最後係高力豆沙，這個代表作既甜點都可以代表住老北京既食品同時亦都考驗廚師既手藝～豆沙香味十足，蛋白的淸香比個贊，為呢一餐飯劃上一個完美的句號。…查看更多

老友今個月生日，又係時候請佢食生日飯，我知道佢想食火鍋，之前網上見過一間响內地好出名嘅＂劉一手重慶火鍋，個名好搞笑同好易記，所以好記得，再睇睇佢地D資訊，感覺OK，又唔失禮，咁就book呢間試試啦！門面相當吸引，不論內外都散發著古式古香嘅味道，店舖仲分地下同一樓兩層添！好大啊！店員好有禮貎地帶左我地上一樓卡位坐(地下多數係大枱)，我地仲係窗口位添，另外窗邊有個藍比我地放手袋雜物，照顧周到坐底慢慢睇睇menu先，湯底有六款選擇！另外仲有時令系列！環境衛生一流，地方寬趟！當然我地一定要試試佢嘅正宗重慶麻辣鍋，再加個椰子雞鍋啦！賣相已經好吸引👍🏻麻辣湯底味濃，入口先麻後辣，花椒味香，麻味十足！椰子雞鍋，濃濃嘅椰子味，雞滑鮮嫩首先嚟個美國雪花肥牛，脂肪分佈均勻！脆肉鯇爽口，好新鮮！豚肉片一樣係肥瘦均勻！口感同之前食果D嘅好唔同！鮮蝦肉丸+鮮墨魚滑丸蝦味鮮甜，墨魚有墨魚味炸響玲+炸魚皮味香脆，份量啱啱好！好飽喔..好滿足，店員仲介紹一款甜品＂紅糖糍粑，不過我地太飽！老友讚不絕口，下次要再試試其他食物！…查看更多

老友推介一間話食過好好食嘅日本拉麵店，位於灣仔大王東街，一於帶多幾個朋友去試下先！原來呢間拉麵日本有五間分店，中國一間，香港也只有一間咋！先睇睇menu有什麼特色拉麵及小食飲品，價格比想像中親民！拉麵點左＂神虎精選拉麵＂，件燒叉燒夠曬大件好有口感，另外有肉丸，紫菜，溏心蛋都係我的至愛，湯底有濃郁嘅香味，拉麵夠曬爽滑彈牙冇得彈！另外一碗係＂元虎拉麵＂，一樣係以叉燒及肉丸為主，同樣感覺比起香港其他的日式拉麵店有過之而無不及！ 抵讚！小食叫左＂神虎餃子＂，＂辛辣大豆芽菜＂！ 餃子皮薄及肉汁多，大豆芽菜加左大和風味日式辣汁，十分好食又新鮮！小食仲有一個＂日式炸雞塊＂，配上檸檬汁及沙律醬食一流！雞塊外脆內軟比韓式更好食！飲品叫咗＂烏龍茶＂＂波子汽水＂及＂桃味梳打汽水＂！餐廳 使用日本當地直送，比我感覺十分好，好有在日本當地拉麵店用餐的感覺同風味，值得推介！…查看更多

又到lunch 時間，旺角往往係人多車多嘅地方，餐廳一定好多人，我同同事又要搵食，日日都唔知食乜好，經過一間啱啱開舖嘅餐廳(餐廳營業時間係中午11:30)，見到入面環境好舒服，一於入去試下先！睇睇份menu先套餐有包埋廚師推介濃湯或田園沙律另外要提提嘅係..星期一至五唔收加一添我真心推介一下呢個＂番茄濃湯＂堅好飲，番茄味好濃，唔酸，好香甜香煎紐西蘭龍脷柳伴檸檬牛油汁意粉我呢份午餐嘅龍脷柳好滑，好多配菜，檸檬牛油汁溝埋好開胃，份量啱啱好！大蝦魷魚墨汁意粉而我同事呢份，大蝦好鮮甜，魷魚好新鮮，墨汁意粉好有墨魚味！另外我地每人加咗$15叫咗兩杯特飲特濃朱古力三個字形容：香、滑、濃焦糖咖啡面層鋪滿焦糖，香濃咖啡味道！員工十分友善，服務態一流…查看更多

一家人去完朗豪坊睇戲又少少肚餓就去咗隔離朗晴坊搵野食，見到個名幾過癮叫＂dream cafe ＂就上去試下😁Dinner set for 2 價錢親民，其實仲有好多野選擇(因上傳有限未能盡錄)我地叫咗＂香煎紐西蘭鮮肉眼扒配什菌燒汁＂同＂香煎大蝦配墨西哥香辣番茄意大利麵🤩仲埋餐湯、沙律及飲品，物超所值！肉眼扒到喇，一切落去，八成熟剛剛好，肉質鮮嫩，好好味，配菜d紅蘿蔔好淋，加埋西蘭花🥦及燒汁，十分夾😁拿，這個不是普通湯，是椰菜花造的，飲落有好濃的椰菜花味，好特別😁大蝦食落好爽，鮮甜，加埋胡椒味，好正，蕃茄醬加意大利麵撈埋好味😁再加$18，有埋甜品食添，法式焦糖燉蛋味道剛剛好，不太甜因為我download 了餐廳指定個app,就可以免費送雪米糍乙個，真夠心思，順帶一提，男店員十分細心，又有禮貌，滿分😁😁食食下發現入面有一個party 房，店員話可以容納十人左右，只需每位消費$150一位就可book 房(最小要10人）慶祝生日必去！！…查看更多

今日响荃灣既工作終於完成，放工時間已經八㸃了，我同同事勁肚餓，好想食日本菜，去左附近嘅百悅坊搵食，見到呢間門面靚靚的日式料理便衝入去試下，好彩唔係好多人，好快就有位😁蟹道樂丼嘩！見到個menu ,$149 有蟹道樂丼，二話不說即叫，一來到，淨係個買相已經令我流口水，食第一啖，蟹膏好好食，味道唔（聲），一拿起蟹棒來吃，味道很鮮很好味，完全無法形容果種開心感覺，蟹肉份量也很多，總言之來這裡一定要食這個餐❤大推燒牛肉丼定食這個牛肉飯，份量十分足，幾乎吃不完，肉質鮮嫩，不老，絕不麻乎，牛肉味很鮮😋芝士蟹籽厚燒玉子這個厚厚既蛋，上面燒了一層厚厚既芝工,蛋很滑，芝士加蛋再加上蟹籽更好味，我一吃便吃了二個，自私食😌季節蔬菜天婦羅材料新鮮，炸粉剛剛好，又平又大碟🤩鰻魚壽司鰻魚燒得好香，值得推介!總括來説，食材新鮮，餐廳環境衛生，員工有禮，下次一定帶屋企人來😍…查看更多

今日同老公仔去咗圓方拍拖食飯，食完飯之後經過一間門面好靚嘅甜品屋叫＂京林屋＂可能今晚餐飯唔係食得太飽，我就急不及待沖左入去食！首先我就叫咗一個芭菲，一個叫做＂林屋抹茶芭菲＂，我老公叫咗＂黑蜜牛乳芭菲＂（焙茶啫喱）綠茶雪糕嘅綠茶味係非常之濃烈架，個人覺得唔係好甜，而且呢佢中間有一個好似啫喱咁樣嘅嘢，係好彈牙，好煙韌，佢仲有兩粒好似湯圓咁樣，口感幾特別，食到落底重有果肉，非常不錯😁另外我地叫了一個＂抹茶餡蜜＂share 一齊食，紅豆唔太甜，剛剛好，而食到下面有大菜糕，有幾特別喎！最後當然要試埋drink叫了一杯焙茶紅豆白玉特飲有少少紅豆冰感覺，仲有濃濃的焙茶味，好好飲😁一次過試咗咁多甜品，都係第一次不過超好味，下次試吓其他先！…查看更多

今日放假，約埋幾個朋友行街，係旺角行完街想打邊爐，但又唔想食咁普通嘅火鍋。咁岩行過見到有新野喎，台式臭臭鍋專門店，我見餐廳環境舒適，座位都好闊，環境夠光猛👍🏻加上員工態度親熱，仲有其他唔同款式嘅鍋物選擇，好吸引，所以就入咗去食。Menu上有8款唔同既鍋物！價錢親民！我自己選擇左＂沙茶牛肉鍋＂，牛肉夠淋，配料都好足，湯夠濃味，辣度啱啱好！我揀粉絲配火鍋，最鍾意粉絲索晒啲湯，零舍好味！我朋友選擇左＂巴蜀烤魚鍋＂一樣係超正，中意食烤魚既朋友，一定要試試！另外..呢個＂泰式海鮮鍋＂，有少少微辣，海鮮新鮮，另有一番泰國風味！而呢個＂香辣牛肉鍋＂，夠香夠辣，牛肉新鮮，配料十足！我地另加左D小食..臭豆腐，酥炸花枝墨魚丸，青瓜同雞翼臭豆腐兩個字可形容..＂夠臭＂，臭味難以形容，越臭越好味，超正雞翼炸得好香👍🏻👍🏻青瓜鮮甜👍🏻👍🏻花枝丸口感彈牙👍🏻👍🏻最後當然唔少得飲品啦！有三十多款選擇！飲品有芝士桃桃，芝士莓莓，芝士茶茶八號，滿杯紅䄂子！賣相巳經好吸！芝士系列..芝士味夠濃，咸咸地，溝埋甜嘅果汁又幾夾！而滿杯紅油子，帶點甘甜，解渴一流！整體黎講今餐食得好開心，下次黎會試下個咖喱奶蓋鍋同飲其他款芝士系列😋後記:原來湯米飲品有外賣服務👍🏻…查看更多

今日同老公去尖沙咀The One 行街,行行下有D肚餓，原來行到晚餐時間，快樂不知時日過添，見到有間個門面好靚嘅The Point ,好耐無食過西餐喎，所以就走左入去食喇😁因為好肚餓呀，見到佢個Menu有個龍蝦Pizza好似好正咁，就即刻叫佐喇😌LobSter Pizza(原隻龍蝦、茴香頭、車厘茄、水牛芝士、海鮮汁)隻龍蝦原來真係原隻上個喎，跟住之後我就一啖咬落去個Pizza度發現啲龍蝦肉真係好足料同埋好新鮮，食食吓見到個龍蝦真係好驚喜，龍蝦入邊仲有一啲大蝦切咗粒，好方便我哋食🤓龍蝦頭仲有啲蕃茄同埋蘑菇撈埋一齊真係好鬼細心又好味嘅！水牛芝士又多又正，味道當然係好得Wild Mushrooms With Hotspring Egg(香蒜橄欖油炒野菌配溫泉蛋)第二道菜係姑姑撈蛋蛋真係好正喔，啲姑姑撈落啲蛋嗰度又有啲蒜蓉香味，一個好特別的味道，從未感受過😏Soft Shell Crab Salad(軟殼蟹、烤甜椒、水波蛋沙律、蜜糖芥末汁)揀咗個軟殼蟹沙律嗰啲沙律菜好新鮮，軟殼蟹炸到剛剛好，好脆好好味😁Chicken Potato MAC(芥末烤雞薯蓉芝士通粉)濃郁香味嘅芝士，配上芥末，再加上烤雞，係一個絶配食法的通粉！甜品Tiramisu Affogato(意大利忌廉芝士、鬆餅、雲呢拿雪糕、意大利咖啡)最後揀咗個甜品，呢個甜品真係好特別，雪糕之上有濃濃的咖啡，慢慢將啲咖啡倒落去，慢慢嘆個雪糕，我個人就覺得唔會太甜，甜度剛剛好😋…查看更多

今日同仔仔要去荔枝角學野，學完野已經又到晚飯時間，諗諗下..好耐都冇同仔仔撐下枱腳，我仔仔至愛日本菜，所以去左附近商埸揾食，D2 Place見到呢間日本菜門口已經好吸引，又見唔使等位，急不及待衝左入去！大部分壽司都係一客兩件！抵食夾大件！鰻魚壽司呢個係我至愛..厚肉嘅鰻魚，好正！三文魚刺身肉厚、鮮甜、大大件，無得輸！雜錦天婦羅即叫即炸，唔會太厚炸粉，上到枱仲熱辣辣，炸蝦天婦羅仲好鮮甜！三文魚壽司、油金魚壽司、八爪魚壽司、芥辣八爪魚壽司堅大件，全部用料新鮮！蘋果秋海淡淡嘅蘋果味，再加上有清甜嘅酒味！衛生環境乾淨，員工態度十分有禮貌！…查看更多

每次朋友去完台灣都介紹8鍋臭臭鍋好好味，我就上網check下，原來香港已經登陸左嗱，我同老公就急不及待去試試，尖沙咀就食到正宗嘅台式火鍋。Menu上有9款臭臭鍋選擇，一人一鍋，價錢親民！當然我選擇左＂招牌臭臭鍋＂啦！招牌臭臭鍋有16種配料：娃娃菜、白豚肉、臭豆腐、台灣貢丸、米血榚、大腸、豬紅、沙白、鵪鶉蛋、蕃茄、榨菜絲、韭菜、金針菇、鳴門卷、炸枝竹同粉絲！非常多料啊，重點真係好夠臭啊！我第一次試食米血糕，煙韌有咬口，我本人非常喜歡！而我老公選擇左＂藥膳羊肉鍋＂一樣超過十多款配料：娃娃菜、羊肉片、翡翠魚豆腐、台灣貢丸、淮山、香菇、粟米、沙白、油豆腐、金針菇、炸枝竹、粉絲、嗚門卷、素鮑魚、鱈魚丸、蓮藕！藥味濃厚，帶出配料味道！我地當然唔少得叫份我至愛嘅＂蜜味台灣腸啦，口感同味道係同台灣一模一樣！正呀！最後嚟兩抔飲品台灣招牌奶茶茉香奶綠味道濃郁，香滑！…查看更多

經朋友介紹..位於銅鑼灣耀華街3號(吉列牛忌廉烏冬專門店)，吉列牛同忌廉同埋烏冬點樣加埋一齊會好食呢？！成班都話去食過好食，我都一於去試下！睇完曬menu開始點餸！先黎個吉列牛定食，估唔到係我最鍾意有得玩有得食的，因為要自己親自放上去店舖提供的專用石爐上,再輕輕燒熟大約兩三分鐘就食得，外脆內軟牛肉相當入味，我覺得食牛肉五至七成熟便可以了！跟住嚟過我最疑惑的咖哩忌廉烏冬(我揀咗牛肉)外表好特別好吸引第一次見全部忌廉面，撈勻佢一試好味到不得了，十分嫩滑烏冬彈牙！呢個係我至愛的蒜片牛舌，燒得啱啱好少少燶好好味！再嚟過韓式醬油炸雞 好好味嘅韓國醬料風味加上芝麻粒的香味配搭得非常好！呢個係味噌蟹蓋紫菜飯團，又有得玩,要自己親手做，用匙羹將蟹膏放入飯團內用紫菜包好黎食，蟹膏極之新鮮配飯團食原來都好好食！呢個係連骨豬肉腸配上醬汁，真係好食到骨都損埋！呢個係香辣忌廉雞肉炒麵，又係一樣淨係個樣都極之吸引，第一次食炒麵係會咁嫩滑的辣味又啱啱好！呢個係定食入面嘅炒牛肉！飲品就叫咗紫薯latte,同Citrus Ocean!總括嚟講畀我好豐富嘅體驗 食物新鮮好味又有驚喜，值得我再介紹畀其他朋友！…查看更多