北海道爐端 (已結業)

今日同仔仔要去荔枝角學野，學完野已經又到晚飯時間，諗諗下..好耐都冇同仔仔撐下枱腳，我仔仔至愛日本菜，所以去左附近商埸揾食，D2 Place見到呢間日本菜門口已經好吸引，又見唔使等位，急不及待衝左入去！大部分壽司都係一客兩件！抵食夾大件！鰻魚壽司呢個係我至愛..厚肉嘅鰻魚，好正！三文魚刺身肉厚、鮮甜、大大件，無得輸！雜錦天婦羅即叫即炸，唔會太厚炸粉，上到枱仲熱辣辣，炸蝦天婦羅仲好鮮甜！三文魚壽司、油金魚壽司、八爪魚壽司、芥辣八爪魚壽司堅大件，全部用料新鮮！蘋果秋海淡淡嘅蘋果味，再加上有清甜嘅酒味！衛生環境乾淨，員工態度十分有禮貌！