Kyoko.CHT的個人專頁

第一次食哩間，環境非常優美，坐得好舒服，唔係食螳螂餐。特別要提服務很周到，員工培訓得幾好，眼見力加分！鴨血煲可以不停refill鴨血，豆腐都得，鴨血冇腥味。花膠雞湯有驚喜，一開始以為佢係羹，但係其實都幾好飲。上菜速度快，擺盤都精美，嘢飲大杯多選擇，好抵飲，比起出面台式飲品店抵飲。我朋友特別推介魚漿小企鵝，佢話好得意，浮晒喺啲湯上面都幾搞笑。喺太古城，終於唔使淨係食日式火鍋，台式火鍋係服務食物質素都有保證…查看更多

東大街不時會有新小店進駐，今次轉到容媽媽。容媽媽位於地鐵口附近，由於該出口現正裝修進行中，所以要用另一個地鐵出口，不過路程也只不過是2至3分鐘，非常就腳。以往小食店都常有魚蛋燒賣煎釀三寶等，這家小店除了以上三款外，還有沙嗲、撈麵、炸物，價錢合理同時款式的確豐富，因此有選擇困難症的朋友可能更容易會心大心細撈麵有幼麵、粗麵、油麵等，可加沙嗲汁、沙嗲辣汁、腩汁。中午時多數是外賣，而晚上我猜應該可以堂食，我指店會在門口空出來的位置擺放數小張摺台。外賣時，店員的小心機用得實在太好，平時將剛煮好的食物放入盒中加蓋後，會出現倒汗水，令人看見也倒胃口，但這裡的外賣就想了個方法去避免這件事，店員會在盒蓋剪一個三角型，讓水蒸氣悄悄地偷走，回家打開後就不會出現倒汗水，味道也不會改變是日推介招牌三寶沙嗲撈粗麵(魷魚，牛柏葉，螺肉)加辣汁，食開x仔之類小辣的朋友，我勸你們可以叫沙嗲汁或預早通知店員要小辣，因為這裡正常辣份量很辣而且會辣很久。料是新鮮的，沒怪味，可能是被辣到沒什麼知覺，但味道是正常的普通沙嗲。另一外賣兩餸撈麵(墨魚丸配豬腸)，配辣汁，很辣，但這只是這裡的正常份量而已。墨魚丸是凍肉店的那種，豬腸干淨沒怪味，但比較油。最後不得不提招牌蒜香雞尖，$18，有十來隻，不算入味，可以再煮久一點、軟一點，目前只吃出蒜頭，比較單調。總的來說，少食多滋味，兩盒麵份量有點少，打開只佔半個盒子，男生會不夠吃，也許加底就會剛好。沙嗲還好，正常的味道，就是款式多，也有新奇的東西，例如炸粉果，下次也試試。…查看更多

本人對雞蛋仔有個小小的要求，就是雞蛋仔不能出現苦味。曾經光顧過數家出名的雞蛋仔店，足料歸足料，但多半都會出現苦味，那種嚼後苦實在令人質疑其成名的原因。今天與老友聚會，在韓國餐廳等位時，看到一名女孩手拿着包雞蛋仔，非常吸引，可能這就是隔離飯香，因此在晚飯後便走到街角口的一口齊。$13一包即叫即整足料雞蛋仔，算是名符其實的招牌小食。每顆都有厚厚的內饀，嚼後沒有討厭的苦味，有煙韌口感，唯獨蛋味比較淡。眼看蛋漿之濃郁，口嘗蛋味之薄弱，好比魚與熊掌，若兩者並存，那該多美妙。不過老闆用心的努力，仍然值得再次光臨。…查看更多

晚飯後，與男友散步至東大街，意外地星期日晚會少人，平日都會人來人往，可能天氣太凍了 。所以只剩下數家食店仍在營業。甜品老媽在東大街尾，店內有很多大大幅的拼圖，喜歡拼圖及日本動漫的朋友應該會愛上這裡。男友要了雪糕豆腐花，原來可以那麼相配合，一冷一熱，基本上豆腐花已經不用加糖水、黃糖，因為雲里嗱雪糕本身夠甜了。中西合壁無問題，店員都好好服務，甜品很快就送上桌。…查看更多

香港人大多習慣吃完晚飯便來一碗糖水，以代表吃完一頓完整的晚飯。因此香港越來越多糖水店，有主打中式的，亦有中西合壁的，任君選擇，幾乎總有一間在附近。筲箕灣東大街是著名的食街，各種不同的餐廳開設在這條小小的街道，當中有不少是常被電視台美食節目所推介，而呂仔記正是其中之一。除了有中西式糖水外，亦有魚蛋燒賣及麵食，所以平日都是人來人往的。價錢偏向合理，原本以為被電視台推介過後價錢會再升上幾級，但呂仔記並不如此。呂仔記這3個字非常易記，但就從來未試過，所以今天晚飯後與男朋友決定初嘗呂仔記。店內貼滿大大張食品圖片及價錢，沒有刻意的大裝修，令食客吃的輕鬆自在。除繁忙時段，食客都可以自由入座。養顏紫米露（冷）＄19和綠豆沙（冷）＄18可能綠豆沙太好賣，只剩下一碗細綠豆沙，男友說很足料，但偏甜，細碗已很夠食。於是我都要了一碗細紫米露，有加椰奶，果然足料，偏甜，吃了半碗已覺得很膩，幸好沒叫大碗(K.CHT心諗：x5=最好，x5=最差）服務態度 食物       （兩碗糖水都偏甜）環境      價錢      …查看更多

百分百餐廳早幾年才在愛蝶灣商場開設分店，所以我和家人不時都會到惠顧，中午、下午餐、晚餐都曾試過。雖然它只是一間集團式餐廳，有不少分店，但裡面工作的員工並無半分「大集團的味道」。平日的晚間時段，商場內多數餐廳都排長龍，百分百餐廳亦是其中一間。當日晚上大約7點半左右，剛好過了人潮時段，幸好地空出了張4人桌。顧客可以由店員帶位、或者自己去選擇位置，非常自由，除了繁忙時段。本次晚餐有：鐡板加拿大穀飼牛扒：＄59，黑椒汁或蒜茸汁，蒜茸炒野菜，炒飯或意粉，炸薯皇，配湯或飲品。在茶餐廳吃牛扒其實並不能要求太高，份量很足，牛扒厚身，是次上菜共有2塊，1塊全熟，另1塊有7成熟，但全熟的不算煙靭。蒜茸沒什麼大特別，就是平常快餐店裡的。那個炒野菜是牛油炒翠玉瓜和紅蘿蔔而己，並不是野菜 。薯皇也只不過是普通麥XX的薯條，但份量很多。炒飯是用蛋炒，但只有少許蛋，飯份量大約是一整碗滿。另外配有大量粟米粒。吃完兩塊牛扒已差不多夠飽，男士就應該能整份吃完。餐飲我的選擇是熱檸茶，味道有點兒奇怪，檸檬皮遇熱會變苦是正常，但茶底有很大改善空間。由於港人喜歡吃雞煲，因此今期冬天新推出醉雞煲，一人份量，大約有10來件，湯底有加入少許中藥食材。菜單上有3款選擇，醉雞＋肥牛（數片）、醉雞＋豚肉（數片）、醉雞＋肥牛豚肉（數片），每款有配白飯一碗，飲品另加費，亦可另加錢加菜、瓜、丸、響鈴等等。正確收費要留意菜單。除了一般吃法，白飯可待吃完雞煲後倒入湯裡成泡飯。(K.CHT心諗：x5=最好，x5=最差）服務態度 食物      （說好的野菜及薯皇呢。。。。）環境      價錢      …查看更多

愛蝶灣商場嘅八方雲集平日都比較少人，好少會爆滿或者要排隊。因為得半小時食個下午茶，所以選擇了唔洗等位直接入得嘅哩到結果。。。將就食住先啦由坐低到食完，都係得一兩枱客，顯得店內都幾冷清。下午茶有幾款選擇，時間關係即刻要咗1號：鍋貼8隻（只能全部要哂同一款味道）豆漿（加咗＄4換珍珠奶茶，走甜），弱弱咁問女店員有無得雙拼味道，佢嘅答覆嚇親我。等咗5分鐘左右，服務員先到我個位置到幫我拎出筷子、醬料碟仔，再拎食物俾我，唯獨店內無提供餐紙巾，好彩地當日我自己係忘記帶紙巾 。本人食鍋貼一向會點醋及少量辣醬，店提供的醋味道一般，係現成的普通醋，無乜醋香味。辣醬蓋「痴笠笠」，樽身「痴」滿辣醬，打開見到入面辣醬顏色有點兒深色，即刻拎後面枱嗰樽。店員似乎無點定時清理醬料區餐到鍋貼煎得未夠脆底，韭菜味真係得韭菜，肉都有嘅，少少啦。餡唔算塞滿，仲有可發展空間嘅，但都包得幾穩陣，無點漏餡。但珍珠奶茶超多冰！無記錯當日都有少少凍，一下子忘記叫走冰，店員自己都係到打冷震，反而加勁多冰俾客，凍到無辦法飲所以放入袋帶走，到冰溶了，奶茶就無味，咁唯有食珍珠啦(K.CHT心諗：x5=最好，x5=最差）服務態度 (落單時，店員有少少兇，我只係問佢有無得雙拼，佢就話：「無！你揀其他啦！」之後就同另一個店員傾計）食物       (無得雙拼，多韭菜，無乜肉）環境      (有點兒核突嘅辣醬）價錢       (＄24/8隻鍋貼，其實食完又唔似食過野咁)…查看更多

聯豐美食坊，小小的熟食店，滿滿的人情味，我細細個就好鍾意食佢嘅腸粉。由朝早7點就有得賣，以前賣＄5，當物價高漲後，＄7/4條，但仲係好抵！以前5條剪開會食唔哂，依加4條就剛好，少食多滋味 可以係鋪頭門口企住食，老闆會比隻碟你，不過外賣都得。每到下午3點幾左右就賣哂，就要「明天請早」。平時好多家長、學生會排住隊幫襯，非常好生意，但只做日頭，夜晚7點後好少會開鋪。其實佢唔止賣腸粉，仲有賣粥粉麵飯，又有得賣少量印尼食品及貨品。腸粉唔會有好明顯嘅糯米味，因為有啲腸粉就算加咗醬料都仲食得好重糯米味，個人而言不太喜歡重糯米味。腸粉甜醬唔似係出面一罐罐現成嘅味道，似自己調過味，所以特別好食。要辣醬可以講份量，因為少辣醬都幾辣下。曾經有次見到老闆娘同菲律賓人／印尼人用家鄉話傾計，所以平時都有唔少工人姐姐去買嘢食，大家相處非常融洽。(K.CHT心諗：x5=最好，x5=最差）服務態度 食物       環境       價錢       …查看更多

以前讀書放飯，藍灣半島嘅選擇唔多，自從和亭開咗後，越黎越多人排隊，結果一個星期只有一兩日食到。畢業過後，每次去藍灣半島都會食和亭，因為排隊嘅人潮漸散去，多咗機會食和亭。其實好多餐廳只要客一多，就會Hea住出菜，一味兒貪求快，賣相同質素參差是正常的。小西灣和亭雖然依加人流好似少咗，但質素、用料、服務依舊同以前咁差唔多。當然，如果食客要求想高啲多啲，和亭都可以有進步空間。就好似今日午餐，我選擇咗漢堡定食，另外叫咗2件鮭魚腩壽司。漢堡定食好多日式西餐廳都有得食，而和亭嘅漢堡牛味十足，淨漢堡配白飯都好一流，定食加埋紅酒牛肉汁飯都想食多啲。雜菌飯應該係近排先出，之前都無見到，好多菇都幾甜。但唯一要改善嘅地方，就係可以再熱啲，個人比較喜歡冬天食碗熱到出煙嘅飯，不過今日得12度，飯好容易變凍大家都無計。味噌湯就熱到出煙。鮭魚腩壽司則飯暖刺身靚，絕對不是爭鮮貨仔。筷子夾飯不會散、酸甜剛好、珍珠米熟度亦剛好，好飯。和亭嘅魚生即使係做壽司，一向都用靚材料，鮭魚腩唔似市面上部分餐廳咁無甜味，雖然我平時少食生鮭魚，但哩到嘅壽司係好食。朋友叫咗石鍋黑椒牛肉飯，熱辣辣最啱冬天食！ 因為友人掛住影相，啲黑椒汁燒得有啲乾，所以拜托服務員俾多少少黑椒汁。友人都讚好味道！(K.CHT心諗：x5=最好，x5=最差）服務態度  食物         (天氣問題，飯凍得快) 環境        價錢         (2個人，午市$100有找)…查看更多