winniethebug的个人专页

朋友介紹黎食，但非常失望既一餐。所有食物份量都比較迷你。主打被備長灰串燒。雞胸軟骨 $30，味道還好。免冶雞肉棒 $38味道不錯，有咬口，調味不會太鹹。提燈 $42，上碟時有一部份燒焦，雞肉有點鞋口，雞味很淡，燒汁硬生生吊起味道。柚子檸檬蕃茄 $48，柚子味蓋過蕃茄味，而且蕃茄皮去得不整齊，令賣相不佳。但價值接近50大元，要多花心機製作才對得住收費。大根$32，份量太少，夾埋4條只有一片蘿蔔份量。椎茸$24，非常乾，份量太細，一上碟時燒焦味撲鼻。…查看更多

話說好耐好耐之前食過牛頭角分店，鋪面好大，不過都排隊排左好耐下。今次見Lagom開新分店，當然又去朝聖一下。環境好chill, 仲要外睇住外面落毛毛雨，感覺唔錯。對比起牛頭角分店，呢度細啲啲咁多。唯一係位置唔算好方便。唯一係觀塘站行過去10分鐘左右。自己揀左台北燉牛肉意粉，唔算好colorful但味道取勝，少少麻味，意粉亦軟硬適中，少少fusion既菜式。朋友唔食得牛同海鮮，所以揀左茄汁露筍豬肉意粉，平時個menu又唔覺有呢個組合。味道唔錯，醬汁香濃會掛麵。本身睇到平時有蘋果燕麥奶搖，但點知當日無得叫，可惜。最後叫左草莓乳酪燕麥奶搖同菠蘿香蕉燕麥奶搖。草莓足料，唔會藥水味。估唔到菠蘿同香蕉好夾，因為兩樣都係重味既水果，但可能係凍飲既關係，唔會濃得太緊要，非常清新健康。仲要食埋個甜品：抹茶Tiramisu。入面係千層蛋糕餡，食落唔會太苦。不過美中不足，咁岩坐正風口位好凍，好好彩waiter都好貼心俾左熱水我地。…查看更多

天氣咁熱都打邊爐，位置方便，鋪頭都開晒風扇，唔怕熱。有海鮮，肉類，蔬菜。養生花膠雞鍋（$288），半隻雞，約有6舊花膠，骨膠原十足，濃湯。待應幫我地剪開雞之後，得水滾可以飲湯。除左花膠雞之外仲有好多唔同種類既湯鍋。醬料費（$15/人）牛胸油（$148）比較少地方食到牛胸油，淥一淥就食得，一舊好似濃縮左10件牛既味道。紐西蘭刀貝（$88）桶蠔（$168）真係好大隻，特點係煲左好耐都仲滑身。小肥鮮鵝腸（$88）又係淥一淥就食得。萵荀（$42）份量比較迷你。冬瓜茶（$16）樽裝茶（$18）食物味道唔錯，可惜份量普遍較精緻。…查看更多

久仰burgeroom大名。位置非常方便，食完又可以去Don Don Donki 行個圈。極耐之前食過鵝肝burger非常yumyum. 環境好適合同朋友girls talk，今日要食burger補充番啲體力！！Burgeroom仲有offer 啤酒happy hour. 下次可以記得去。今次朋友叫左牛油果大啡菇impossible meat burger。我就叫左大啡菇牛肉burger。黎到疊到超勁高，肉汁juicy。第一次食 Impossible meat，非常似肉，唔講真係分唔到。Peach tea有果肉，叫左走甜Ice green tea latte. 非常好，連綠茶粉本身都係無糖既。…查看更多

新界除左有牛之外，其實都有好多好野食。千里昭昭入到大埔食好西。見到呢間餐廳環境半開放式幾有格調。有個好大既西班牙鑊掛左係度。主打特色烤乳豬同西班牙飯。俾乳豬吸引左，就算放左一陣都非常脆口，肉汁爆晒出黎，油腔味十足。可encore。諗住叫左豬，所以再叫烤乳雞配西班牙腸番茄紅飯。烤雞亦都唔失色，香料味道濃郁。食烤雞烤乳豬又點少得配番啤酒，叫左德國Erdinger同香港牌子Yau啤。第一次飲Yau啤，好香花味。原來呢度仲有Wings day.叫啤酒可以叫$5 Wings…查看更多

落左一個星期雨，好彩無落雨下入左大埔覓食。一去到門口好多人等位，好彩等左一陣就到。本身聽餐廳名仲以為係甜品鋪，原來食星馬菜。有粉麵類，飯，夜晚食就更多選擇，睇下餐牌個咖哩殼蟹包幾吸引。而今次叫左兩個午餐。海鮮喇沙摻摻開心有兩隻蝦，唔駛爭，亦很爽口。湯底非常濃郁椰奶味道。摻摻既意思係有兩溝麵咁解，長知識了😂走地海南雞油飯其實咁大個人第一次食走地雞，比平時雪雞比起黎有雞既鮮味，顏色落去比普通雪雞白。謝謝waiter 哥哥既推介。沙爹雞肉串燒，不過不失啦。香煎魚餅，平時好鍾意食魚餅，因為有好多唔同香料既味道。紅豆薏米水，去水腫人仕恩物！唔會太甜，薏米煲得夠淋。…查看更多

荃灣多美食，今次唔去路德圍，轉戰愉景新城，由地鐵出荃灣站行到愉景新城10分鐘，落一層轉角就見到。半開放式裝修。餐牌非常多選擇，鍋、壽司、小食都好多種類，飲品除左好多種日本酒之外，仲有cocktail, 都係round $40幾抵飲。兩個人叫左相當多野食😂😂安格斯牛肉火鍋$118超勁大煲，仲好足料。唔駛再叫烏東都夠食。不過都係眼闊肚窄咁叫左。手打烏東$45壽司新鮮，開心既係可以散叫，唔駛一定跟set。赤海蝦$38灸燒三文魚$32油甘魚$40（是日最愛）加洲反卷$32Cocktails兩杯：櫻花星空$38，武太郎$38性價比唔錯，酒杯既設計幾特別，好似不倒翁咁唔會跌，不過諗起待應應該要好小心咁送過去俾客。佐酒小食燒明太子$68，少許咸，不過送酒好夾。炸雞軟骨$48，估唔到份量咁多，唔會太咸，夠熱夠脆。…查看更多

落左好多日雨，終於可以出下街。成日都計住卡路里，終於可以放肆一下。經過旺角中心諗起Nuttea開左一段時間都未有機會買杯飲。Nuttea標榜健康，裝潢同logo都行文青風格。主打用5種堅果製成既奶蓋。選擇多到每次揀都有選擇障礙。大部份飲品都有加堅果。我同朋友點左粉紅莓好堅果奶蓋茶同宇治抹茶堅果奶蓋茶。附送小鏟一個，用黎食奶蓋，飲到尾可以搖均飲。奶蓋口感潤滑，雜莓都真材實料，配堅果奶蓋可以減低左肥膩感。甘苦既抹茶配奶，茶濃郁得黎亦有nutty感。美中不足係旺中長期多人，要同其他人親密啲等叫號。…查看更多

位於SSP不太起眼的西餐廳。雖然位置唔係黃金附近，隔左一條街，但午餐時段都幾繁忙。餐廳裝修簡約，少許石屎風格，門口擺放左少許植物，簡單清新。經過SSP，隨便入去填飽肚。餐牌選擇唔少。見隔離枱食三文魚明太子茶漬飯同炙燒吞拿魚至尊沙律都非常吸引。肉食獸就叫左牛扒。今日既主角：美國頂級西冷200G！叫左三成熟。牛扒用條紋鍋煎，煎出迷人既烤痕。一切落去，肉汁流晒出黎黎，食落炭烤味豐富。唔好點汁試左一次原味先，好幸福啊！伴菜有薯條，唔夠食仲可以refill。…查看更多

講起炸雞多數會去尖沙咀旺角既大型連鎖炸雞店，今次黎到西灣河食。外面茶色玻璃睇唔到入面。原來餐廳有兩層，有好多兜紅燈做裝飾，好韓風feel。餐牌都幾多選擇，除左7款唔同口味既炸雞之外，仲有唔同種類既煲，連蟲蛹煲魚春煲都有，夠膽食既朋友可以試完講番有咩感想。另外仲有蛋卷，年糕等等。仲附送小食。韓國野食出名大碟，呢間都唔例外，叫左人參雞煲同一隻甜辣雞。甜辣雞炸得非常蘇脆，唔太辣，岩岩好。人參雞煲夠晒熱，上枱個陣仲係Bob下bob下。仲有2隻大鮑魚保身人仕一流。叫炸雞又點可以唔配番枝啤酒呢！…查看更多

星期六日入西貢真係非常多人，隨便入左間好多人等既意大利餐廳，諗住無錯啦，但驚喜不太大。Ceviche of tuna with apple wood smoke（$95）呢個係3個菜入面比較出聚，apple wood 的煙燻味濃烈，同tuna都非常夾。Melted brie & mushrooms on toast with basil & rocket（$88）味道還好，rocket有點點疲累了的樣子, 如果有多點sauce會無咁乾。還是喜歡bakedShaved black truffle, truffle oil, cream & parmesan（$148）本身滿心期待意大利粉，可以選擇唔同既意大利粉，揀左Fettuccine。黎到有點失望，並沒有切片的truffle，不過以cream pasta黎講味道都不過不失，但要收$148，性格比稍低。P.s. 厠所非常乾淨。…查看更多

今次去左廣華街食好西，四川麻辣串串放題，係香港好少有既麻辣燙任食。餐廳用木枱，裝修非常成都中國風。貌似半張A4紙睇晒有咩食，但係要試晒全部都真係超級飽。首先，有成廿幾種食材可以揀，然後再可以揀辣既程度，作為唔食得辣但又鐘意食辣既人，今次叫左BB辣，相等於譚仔10小差唔多。仲有10款小食可以選擇。太辣可以加錢任飲飲品，真係辣到出汗，唔叫唔得。waiter仲好貼心咁問我地食唔食牛肉麵同埋冰粉。估唔到牛肉麵有驚喜，牛肉炆到超入味，麵條亦非常Q彈。冰粉類似啫喱咁，可以解辣。…查看更多

走到去西營盤打卡。主打係日落色既deco。店面環境較細，比較適合takeaway，但亦會有比較大份既熱食，warp，crossiant。不過中午1點左右去到crossiant已經賣晒:(，咁早已經賣晒，傷心。由於環境細，無枱，食野都真係好麻煩，好易跌到四圍都係。不過食物味道還好。值得推介焙茶巴斯克芝士蛋糕，燒焦既焦糖味同焙茶中和左，同埋黎到既時候岩岩好微微流心。另外，咖啡份量細，40蚊一個杯性價比低。店員態度亦一般。未必會encore。…查看更多

落雨既日子唔想四圍行，隨便去左間餐廳食個晏。tst食lunch都唔平。依間餐廳似西式，不過原來午餐都有少少中式野。午餐唔多人，今日叫左海南雞飯同埋羊肉意粉，午餐包一碗湯或沙律。兩個餐都唔錯，可能客唔多，俾心機啲煮。羊肉好夠淋，汁都好入味，意粉熟既程度岩岩好。海車雞飯用油飯，但唔會太油，雞都好嫩滑。加左1蚊要多杯薑茶，原來佢做凍飲，但我覺得熱會好少少。同埋要讚一讚服務，姐姐非常細心擺放食物。…查看更多

好耐無食過apm food court. 差左非常多，之前試過海南雞都還好，但今次食呢間銀咖哩完全唔值賣呢個價錢。首先，汁唔夠熱，放一陣已經有霧面。味道還好，見到有紅蘿蔔溶。叫左兩個餐，一個吉列豬扒咖哩飯（$48），另一個係雞粒芝士蛋包飯（$58）。全個餐係飯合格。雞粒芝士蛋包飯蛋係完全不合格，可能用一片蛋來影容，類似pancake咁。然後芝士就真係一塊芝士擺上面，如果58蚊唔包野飲，竟然俾唔到雞扒，性價比應真低。吉列豬扒咖哩飯吉列豬扒有點似現成冰櫃加熱個種，一定不是即炸的。適合無乜心機諗食乜求其食既人。…查看更多