大婉铃的个人专页

7點幾經過見大排長龍。就決定試下冷麵味道好好👍🏻👍🏻豬骨湯好正，一鍋有好多舊豬骨，啲肉唔鞋，嫩滑。湯底味道調得好好，如果冬天食更加正👍🏻👍🏻蒜泥豬手味道都幾好，不過啲豬手油咗啲，啲油滲曬出來，好膩……查看更多

一心諗住食川菜，見啲菜式都好似幾正宗，就抱住希望去食一入餐廳就有一陣味，啲碗筷又油。送咗碟滷水小食，好似內地個啲包裝好嘅零食咁味。話新張期間免費小食，係要自助拎嘅腌蘿白腌筍，但係啲味道好奇怪，又鹹到爆嗌咗三個小菜，口水鷄，啲辣油好臭，搞到成個鷄好難食😨又似幾雪櫃拎出來，啲油又“鯨”曬。川味回鍋肉，炒上來唔夠熱，似係炒好一大兜，有單再翻熱拎出來，又干，又唔香，但係就好多油。辣炒鷄雜，全晚得呢個菜叫食得下🙄有薑粒蘿白粒，都幾香。而且明顯係即炒，上枱有熱气，唔似回鍋肉個碟😤鷄雜有鷄腎同鷄腸，全晚就用呢個來送飯😢仲要食完成餐飯，勁口渴😩加埋白飯可樂，埋單盛惠370😓難怪依家啲人都北上穩食，就算係香港都係普通茶記搞掂。諗住試下新餐廳，點知伏到……………查看更多

單骨口水鷄翼香煎韭菜餃一份（4隻。）超多汁好食原味小籠包（3隻）皮薄細滑唔易穿，餡料新鮮有彈性又有肉香，湯汁豐富小心爆汁牛肉煎餅（2件）$38一咬肉汁爆出嚟，餅皮金黃香脆，不過有啲厚皮。牛肉餡料充足。超級芫茜豬肉湯餃，配原味大地魚湯芫茜份量多。仲有杞子桂圓菊花蜜🍯飲得出的誠意唔係水汪汪淡而無味…查看更多

中午同媽咪過嚟食飯見佢係新開嘅小菜咪惗住試下，點知食到成肚氣要咗個薑蔥魚腩同埋啫啫通菜煲薑蔥魚腩又多粉又鹹通菜煲先激氣，一開頭上咗個蝦醬通菜炒牛肉，我同職員講，我要啫啫通菜煲然後他拿盤牛肉通菜入去倒進一個啫啫煲度，再上枱嗰下真係火都嚟埋然後我話唔要，我話我唔食蝦醬，佢同我講啫啫煲係有Xo醬同蝦醬撈埋一齊我只係覺得你錯咪錯囉，點解仲要拗…查看更多

諗住聖誕除夕一齊慶祝，食餐好嘅。上openrice見到啲圖片，食評幾好啵我仲去埋ig睇佢啲評價，然後見到佢有聖誕dinner set。 仲要per order先有得sever。咁見到好似幾多好評，咁咪per order咗個set坐低啲侍應服務都好好，好nice。傾咗一輪然後就開始開餐了😥😥首先上咗餐包，好好食，加埋牛油，仲正。所以我哋refill咗一輪。點不知，原來全晚最好食嘅嘢，就係佢。本來我諗，餐包都幾有水準，主食應該唔差。是我想太多。。。頭盤，白蝦刺身，算係咁咯。有好濃烈嘅紫蘇葉味。em....係咯，就係得紫蘇葉嘅味煎帶子。嗯。都算係中規中矩。不過個汁咸咗啲。侍應話係青口汁。媽呀。可能係我唔係西式，飲呢個蟹肉凍湯，完全唔識欣賞。可能係我嘅問題，佢應該係生蕃茄打成湯，加咗啲啲🤏🏻🤏🏻蟹肉。同埋。。好似有啲唔知咩草。飲落去係。。。好似藥嘅味道😫😫紅蝦意粉。。。。。鹹到。。。。。得個鹹字。啲意粉。好硬。我唔知係咪本身就係要咁硬。。但係真係好鹹。。。。。😫😫😫😫呢個係另外order嘅鵝肝。我無食，不予置評係我錯，當成餐飯，一道菜一道菜咁食落來，越食越中伏之後，我仲竟然抱有一絲希望，主菜嘅16 oz有骨肉眼，會好食！！！是我想太多。。。。我哋order咗三成熟，佢塊扒係好厚。但係❗️❗️❗️切唔郁，咬唔爛。咁大舊扒我淨係食咗兩啖，有一啖我仲要咬到變蔗渣咁，吞唔落，吐翻出來。我絕對無夸張。連我男朋友咁唔浪費食物嘅人，都無辦法啃得落‼️‼️最後甜品。完。我真係。。。。食到好無語。。。。我只係實話實説，并無故意踩低嘅意思。侍應服務係好嘅。但係食物。。。。。。。呢一餐，盛惠1972🙃🙃🙃…查看更多

銅鑼灣嘅和牛燒肉~~~位置有啲難穩~~午市都有任食~~~都幾好。不過怕吃唔到咁多就叫咗午市set~但係發覺好似任食抵食啲~我哋二人每人叫一个set加一份澳洲肩胛肉，埋單764。個樣好吸引~~但係係比較薄嘅，不過油份夠~~佢會另外比舊牛膏你，如果燒網干，或者有啲燶，可以用佢來凃下，然后好燒啲。一個部位都有4~5片嘅~所以總體來講都還好。餐會跟飯，湯，沙律，溫泉蛋~~我覺得啲肉本來就有味，有啲可以唔洗點汁食。油份好足，慢慢燒慢慢食，都幾飽~~最後有個菠蘿雪葩，有菠蘿粒粒架！！~~地方好闊略，服務都好好…查看更多

聽咗呢間店名好耐，今日有機會來試下booking一早就full，我哋二人walk in要等位，6點都已經要等位~~~好彩唔係等好耐，入座用餐時間限時一个半鐘環境都還可以，多打卡位，都幾闊略，坐得舒服。Menu好有新意，難怪咁多人來打卡~~溫泉蛋明太子蟹肉意粉~~~~紫薯窩夫与心太軟。紫薯係唔甜嘅，我諗應該係店舖嘅特色，因為menu都有講~心太軟配海鹽雪糕，都幾夾味道不過不失吧，來一次打下卡還是可以的。…查看更多

要咗牛骨湯底。都幾重味精。。食完好口渴。。。。不過啲牛肉都唔差。肉質幾好，牛味就差啲。仲有幾多蔬菜，飲料可以選擇。不過幾抵食。而且開得夜。岩曬我哋收工去食。。。…查看更多

見到好多人推薦呢間pancake，今日放假一個人來嚐嚐鮮環境好好好舒服，好闊落。來到大概6點，唔算多人，我吃完7點半左右，店舖外面已經大排長龍真係人氣好高啊抹茶拿鐵唔係好甜，好濃抹茶味等咗好耐終於有得食啦。哩個係厚班戟焦糖拖肥醬同吉士第一啖好驚喜好滿足好幸福。但係食到最尾覺得太多醬好甜。食到個底全部都係拖肥醬班戟中間夾住香蕉肉，暖暖哋，好幸福嘅感覺好值得推介嘅班戟店鋪下次再嚟要試下佢店鋪original 嘅pancake…查看更多

book咗幾次，終於都book到了坐bar枱，感覺都幾舒服（除咗個日隔離客人吵啲之外）要咗中午10 pic sushi omakase第一件立魚夠鮮味師魚🐟燒銀雪魚，第一次吃銀雪魚壽司，油份重，但魚味就無咩小池魚，好吃，魚味濃，又有口感。加上師傅用其他香草撈埋一齊，帶出魚嘅鮮味赤身醬油漬好有傳統日本嘅味道。依家都好少店舖會咁整本來個set有左口魚邊，但我唔吃，師傅就轉咗件金目鯛俾我黑松露甜蝦好厚實嘅蝦肉我最愛嘅赤貝好新鮮，鮮味，高質馬糞海膽做結尾好鮮甜好鮮甜。好滿足啊最后都係特別要求，手卷轉小卷，黃蘿蔔漬鐵火卷最后甜品都好精致，總體出品好高質先$360，好抵食已經好想快啲再去吃了（服務就有待改善了。。可能赶收工呱。。）…查看更多

今日去試哩間唐宮小聚。好似都幾出名哩個招牌乳鴿，真係幾可惜上枱熱辣辣唔算太油膩，味道又唔算好鹹，而且都幾香。唔怪之得檯檯必點啦鮮蒸蝦餃賣相一流，味道都幾好蝦餃皮唔算太厚，幾煙韌仲有一個蟹粉煎堆。 都幾有創意嘅一個餸。出邊睇落係普通嘅煎堆，食落去入邊有蟹粉同湯汁。雖然係幾有創意，但係我覺得味道唔係好夾。而且好膩荷葉蒸飯，入面有蝦🦐有冬菇，有火腿，有鴨肉，呢個飯有啲遜色。。吃唔到荷葉嘅清香，飯入面嘅料味道太重。嗯。我覺得一般人氣甜品係椰子汁糕，唔係好甜，好滑焦糖豆腐呢個好好吃，豆味濃郁，甜度適中，而且好順滑，好creamy，好有特色嘅一個甜品坐得舒服，服務都好好…查看更多

臨時先book嘅聖誕午餐🎄🎅🏻可能係聖誕節，去到餐廳都比較靜，計埋我哋都係三枱客人環境都還好，幾舒服來到梗係要吃lunch omakase，$390，十件sushi加手卷鯛魚，一入口就覺得舊魚好大舊，好厚肉，但白身魚嘅魚味偏淡深海池魚金目鯛魚，師傅仲輕輕燒過，逼出油份活北寄貝一個390蚊嘅lunch course有活北寄貝，都幾驚喜梭子魚，師傅燒到半熟，加埋清物調味，好好吃黑魚籽吞拿魚熟蝦，反而有啲失望，肉質唔彈牙，而且無咩蝦嘅鮮甜嘩滿泄海膽，好正，雖然唔夠鮮甜，但都幾creamy最後嘅手卷我叫師傅幚我轉做小卷啲紫菜好香，好吃，唔係出面個啲便價紫菜總體來說都好好，服務都好好，390物超所值…查看更多

大阪搬咗之後第一次去食仲係好好味老字號，不過新店舖位置有小小偏裝修完好靚連個門口都忍唔住要影下Lunch set同以前差不多。價錢都無點變化，一樣同以前咁多選擇海膽滿泄大拖羅，超肥美帶子，池魚，左口魚邊金目鯛，好新鮮燒過嘅拖羅，魚油勁香，入口即融好正嘅9件夀司仲有埋辣豬肉烏冬，食完真係捧住個肚北海道海鮮丼，足料，鮮味有拖羅蓉，蟹膏，三文魚籽，仲有蟹鉗海膽溫泉蛋所有配搭都一流啊裝修完環境好好位置寬敞，坐得舒服…查看更多

友人生日，然後就訂咗呢一間燒肉店。餐牌都幾多選擇。因為友人生日，所以就冇叫午餐定食，一於吃好啲，單點牛肉🥩要咗1個澳洲和牛拼盤，一份牛肩，一份黑豚但係食物質素，不太好。牛肉未完全解凍仲有少少硬，黐埋一嚿。豚肉好乾冇油份。牛肉某啲部位都還可以，但係牛肉味，唔係好濃。我覺得牛角好食啲。。。。。因為係朋友生日，我提前攞咗個蛋糕放喺餐廳。同侍應講咗，食完飯，幫我上蛋糕佢竟然就咁樣上咗個蛋糕畀我，蠟燭都冇幫我點🙄🙄🙄🙄🙄如果下次吃燒肉，我一定會考慮第二間…查看更多

上openrice見到呢間好似幾多好評，性價比高，所以來試一試叫咗十二貫sushi set，$370沙律，小食之後係蒸蛋，用咗秋葵，都幾特別，令到個蛋口感滑啲第一件係帆立貝，爽口，但鮮甜就爭啲呢個姬鯛，上面襯有梅酒啫喱😋特別嘅搭配，好吃赤貝鮮甜爽口反而瀨尿蝦有啲失色石垣貝最後係拖羅蓉手卷，佢加咗啲黃蘿卜漬，吃上來清爽啲有口感。幾創新店舖用餐都幾舒服，不過坐得唔係咁舒服，只腳屈住。總體感覺口味比較淡，壽司薑同壽司飯都比出面嘅淡口啲…查看更多