安菲亞的个人专页

呢一年呢大大話話幫襯過都有🧤十數次，正因為環境🌳舒適，又chill🦥，而且食物🍝大部分都是非常美味，所以我的朋友們之間有任何喜慶或者生日慶祝，我都提議嚟呢度食，所有朋友都讚我好介紹。食店裝修簡單、舒服、自然兩幅牆畫🐈和🐕都是必定要打卡的地方日本豚腩肉🐖，日本蘭王溫泉蛋🥚生薑燒飯配泡菜蘿蔔🥕牛蒡漬麵豉湯 $148今次有新餐牌，所以試下新嘢，蘭王蛋🥚絕對是拌飯🍚的必屬佳品，蛋黃呈橙紅色，蛋香濃郁，加上已調味的薄切豚肉撈飯，啖啖齒頰留香，令人心思思想快啲再食多次。🥕泡菜蘿蔔爽口唔會太辣非常開胃。烤南瓜🎃，藜麥沙律🥗配蜜糖🍯黑醋汁 $98沙律🥗賣相一流，撈勻後仍然色彩豐富增加食慾，而味道整體配合得非常好，是一個非常不錯的主菜。朋友話這款白色的芝士連蔬菜一起咬下，感覺非常特別，而且出奇的好味，藜麥非常多，啖啖沙律均有很多藜麥在內，口感很特別。炸意大利燒烤菇🍄配松露蛋黃🥚醬 $98這個烤菇必定要試外脆內juicy，同出面的唔同，唔會炸到🍄乾爭爭，亦唔會🍄太多水份流出，導致外皮淋晒。不過，上枱就要立即食曬，熱辣辣咁食一定令你回味無窮。凍咗之後味道會差一倍。蜂蜜水果台灣阿里山金萱烏龍茶&牛油果香蕉奶昔 各$46飲品的賣相非常好，絕對是食品📷打卡首選，牛油果香蕉🍌奶昔🍼非常滑，牛油果與香蕉的比例配合得非常好。至於生果茶生果豐富，茶味香濃，但記得要把底部的糖漿溝勻。有氣梳打水 $0免費出面餐廳絕對少有免費任斟任飲，又夠氣，相信呢個梳打水絕對係呢間店舖嘅一大賣點環境：呢一年嚟裝修仍然新淨，環境舒適同朋友坐低傾計的一個好地方。總結：餐廳經常推出不同的新菜色，每次嚟都可以有新的選擇。呢度價錢唔算貴，但就享受到高級餐廳的食物質素，所以平時黎都會好多人，通常我都會book咗位先，免得白行一趟。正因為幫襯咗十幾次，仍然覺得呢度非常好，所以值得再次向觀塘人推介這間餐廳…查看更多

這間高級的cafe位於觀塘東廣場內，7月有一次放工後，跟同事晚餐走入去食，點知有很意外的驚喜。一坐下，經理Nicky就主動走過來招呼我們，我們任由他發板，我哋講咗我哋有乜唔食，跟住佢就幫我哋點咗軟殼蟹蕃茄忌廉汁意粉同埋燒春雞。軟殼蟹🦀蕃茄🍅忌廉汁扁意粉🍝 $128個軟殼蟹🦀炸到非常香、酥、脆，好似台灣嘅酥炸食物咁，如果你幸運裏面仲可能會有蟹膏添。至於個🍅蕃茄忌廉汁簡直冇得彈撈埋意粉🍝一齊食簡直係，回味無窮🥰。旁邊的蒜蓉包亦充滿濃濃嘅蒜香味，又脆口。呢個主餐，簡直叫我一試難忘，之後再去咁多次我都只係點呢個主餐嚟食。由於聽經理講呢度嘅食物會跟住季節而轉變，所以我都好驚佢會冇咗呢個主餐，不過，細問之下，經理話呢個菜色會變成長青款，唔會消失。慢煮美國春雞🐔 $138其實慢煮美國春雞整體味道都不錯，伴碟還有一個類似薯蓉嘅餅，其實我唔知係咩嚟，不過，同事就話應該係類似ikea嗰舊瑞士式薯蓉咁，味道非常不錯。當我7月第1次幫襯嘅時候，我覺得隻雞比較鹹，飯後經理走埋嚟問我哋食後感（有點嚇親估唔到佢地咁著重食客食後感），我就話咗畀佢聽，我覺得隻雞好鹹。過咗一個星期，再同另一班朋友嚟食，佢就係想點呢隻春雞🐔，我制止佢，不過佢話佢都係想試下，點知原來一啲都唔鹹，我再問返經理，佢話嗰晚佢已經同咗廚師講，廚師即刻再鑽研個調味，我朋友話呢隻雞非常好味好好食，仲畀佢話我講大話。明太子甜蝦扁意粉 $138朋友話呢個意粉呢張好好味，啲蝦又甜很不錯，不過，我就冇食過啦。安格斯漢堡牛肉漢堡 $108朋友同我講返食後感：我頭先食果包都幾多芝士🧀 同埋都幾多醬，塊🐂肉唔係乾爭爭，係有汁既，100蚊漢堡包既水準都Okay🍟薯條係好好味 （我都有食，係大大條又脆）🥗沙律都好好味，紫色沙律菜唔苦，酸酸地好開胃。伯爵茶焦糖燉蛋 $48🥰呢個甜品又係經理Nicky介紹我食的，因為我同佢講咗我唔係好鍾意食太甜嘅嘢，跟住佢就推介我食呢個。好少燉蛋裏面係配有伯爵茶嘅味道，但係伯爵茶居然同呢個燉蛋協調得非常之好，唔會互相搶咗大家嘅味。經理話呢個又係👨‍🍳👩‍🍳廚師用心鑽研出嚟嘅產品燉蛋份量都唔細架。意大利芝士餅 $48呢個餅又係份量超大。不過，因為我唔食芝士和朱古力，所以我冇試過。我有幾個朋友分別都試過呢個餅，佢哋都話非常之好食，唔會太漏。飲品（唔記得左名）約$48一杯賣相討好，味道亦不錯，價錢同甜品差唔多。有氣梳打水 $0餐廳嘅一角係自助形式取餐具同埋斟水💧，而佢有兩支水喉分別係斟有氣梳打水💧同埋蒸餾水💧。個有氣梳打水，「氣」量充足，味道好似帶少少檸檬味。我每帶一個朋友嚟食，都推介佢哋飲。佢哋話的確不錯，出面飲其實呢啲水都幾貴下，但呢度就免費，兼且任斟。環境：餐廳係有兩邊鋪位，裝修設計很有品味，座位寬敞舒適，絕對適合三五知己，聚餐暢飲嘆甜品的好地方。總結：短短兩個月內，我成日心思思返嚟食軟殼蟹意粉，呢度嘅食物賣相同埋味道的確不錯。而且，睇得出員工們很用心一起去經營這間cafe，食物賣相真係好靚。🤵經理嘅招呼當然已經冇得彈，明顯係很用心去經營。一班:)侍應亦都很有禮貌亦好殷勤招呼至於👨‍🍳👩‍🍳廚師嘅廚藝很好。我相信佢地真係很用心製造好食物畀食客，我估唔到我講咗啲評語之後，廚師真係會認真去鑽研同埋改善，真係好值得讚。呢度嘅價錢其實都唔算貴，同你出去食一個晚餐都差唔多，所以都幾值得推介。唔知係咪呢間餐廳真係不錯，開始喺觀塘區內傳咗出去，依家平日都會幾多人去食。#加一服務費…查看更多

上次行過見到人哋食嗰碗麵🍜好似幾吸引，所以今日就坐低試下:)。其實我曾經試過叫外賣，嗰個好似叫做觀塘雞脾湯飯。由於嗰時冇得堂食，所以係外賣拎走，印象中係冇落味精嘅，亦有啲家的味道。花雕藥膳雞髀湯麵連飲品 $43今次就試下佢嗰個花雕藥膳雞髀湯麵，佢好似原本係米線嘅，但係我要求轉咗做上海幼麵，麵質爽唔會好淋，不錯。店員一遞上湯麵🍜，濃濃嘅藥材🌱味就飄埋，感覺佢都應該用咗好多藥材去淆製呢個湯底。至於隻雞脾已經係煲到淋晒，一夾就開，雞髀亦充滿咗濃濃嘅藥膳香味。店員另外畀咗一啲胡椒鹽我，用嚟點雞，非常好食。這個湯麵仲有一杯嘢飲跟，我就點咗黃金羅漢果水，係凍嘅，都係好清香甜美又解渴，$43嚟講又冇乜味精，呢一餐非常超值。不過座位有限，都係一間速食嘅店舖。…查看更多

呢間小店，眾所周知就係以前喺裕民坊裏面，深夜晚先開檔嘅豆腐花店。依家搬咗入凱匯（巴士站嗰層）裏面就連日頭都有得食了。依家個舖位超細，亦冇座位坐堂食。所以只有外賣或者買咗之後企喺商場嘅空間裏面食。豆腐花有分大碗、細碗。大碗$13，細碗$11。豆腐花嘅質感，依舊係非常香滑。食完好想再食，不過，我叫錯咗，其實我想叫凍的。我叫咗熱，原來熱的係比凍嘅更加有豆香味。印像中，舊鋪只係有豆漿、粢飯、油炸鬼幾款嘢食，但係依家搬咗入去之後，連魚蛋燒賣都有。價錢亦唔算貴都幾抵食。:(呢度最唔好就係唔就腳👣唔方便（唔係舖頭嘅問題），你要行上呢度一定要兜去凱匯後面先可上電梯。買完你想落去搭小巴，又要行返到商場最尾先至可以再轉2條扶手電梯落地下，才可再行返去小巴站。當然呢個唔係舖頭嘅問題，係商場嘅設計問題。搞到我都唔係願經常行上去買碗外賣返屋企食，就直接由地下公園穿入焗到猶如桑拿房的小巴站坐車走了。…查看更多

同👫朋友行過，見到門口有張海報寫住「正宗🐂牛肉羹」，覺得好似好特別，所以就入左去試。🐂牛肉羹 $48初頭我以為佢好似西湖牛肉羹咁會好漿住口，但當佢上枱嘅時候發現佢好似生菜鯪魚肉嗰款咁嘅賣相就好意外係咁清湯樣:)。價錢方面，佢有分大碗$48同細碗，只係相差$10。今次我哋就叫咗大碗嚟食，牛肉嘅質感彈牙，並唔係山竹牛肉嗰種質感，食落好有口感。對我係一個新嘅嘗試，而我唔知真正嘅正宗牛肉羹係咪呢種味，因為我以前冇試過。但如果唔理佢係咪正宗，的確係好好食。呢個牛肉羹其實係可以加麵當一碗麵食，咁就一碗夠飽肚。提示：記得加醋添美味。排骨擔擔麵 $47呢款排骨就應該係上海排骨🐖嗰種，炸得好香脆，味道亦不錯。但係個擔擔麵🍜就同我想像中嘅唔同，因為我想像中應該係會勁重花生醬味嗰款，店員同我講花生醬係湯底下面，但是我食落感覺像一碗普通的麵。擔擔麵我下次就應該唔會再試了。加嘢飲嘅凍檸樂 $8其實奶茶咖啡嗰啲好似全部都係加8蚊，所以我哋選咗同一價錢嘅凍檸樂嚟飲，勁抵。店內環境：由於舖位比較細所以坐位的確比較擠迫。總結：觀塘區已經變到冇乜小店嘅地區，難得仲有小店起呢度做，其實真係應該要支持下，加上佢哋嘅嘢食都不錯，都真係值得一試。…查看更多

原來觀塘紅色小巴對面有間🇹🇭泰國菜館，位置非常方便，今日經過見到剛好有一張枱，就衝🏃🏻‍♀️🏃🏻‍♂️咗入去試下。就咁望入去以為得好少位可以坐，但是原來他們是有二樓的。🥥椰汁三色冰 $22：我哋叫咗少甜，所以飲到香濃🥥椰香味，不會像街外有濃濃的糖水混雜在其中。辣椒膏🦐蝦頭油海鮮炒飯 $68：炒飯炒得好香亦炒到粒粒分明（最怕濕嘅炒飯）。不過，可能我們有點了小辣，所以，這個飯個名有辣椒膏三個字但亦沒有太辣。由於太肚餓，並沒有太留意炒飯有什麼海鮮，印像中是有墨魚。咖喱炒軟殼蟹🦀 $108：原本係menu嘅時候見到，咖哩炒蜆係有，但係炒軟殼蟹🦀就沒有。猶疑咗一陣，最後都係點咗軟殼蟹🦀，因為覺得坊間很少有泰式咖哩炒軟殼蟹🦀。真係好有意外驚喜，2大隻軟殼蟹炸至非常香脆，而咖喱汁非常香滑且帶有濃濃咖喱味，調味得非常好，我直頭一匙一匙🥄放落咀吃，食咖哩汁食到好似飲湯咁，這個菜非常值得推介。由於我哋叫咗太多餸很飽，如果唔係叫個白飯嚟撈咖喱汁，簡直係完美配合。串燒沙嗲 $78：串燒上枱時非常熱辣辣，吃第一串時，混有濃濃沙爹醬的串燒，非常可口惹味。串燒切記要襯熱就好食，唔好掛住傾計影相啊:)冬陰功 $78：冬陰功用料豐富，細細碗嘅湯入面居然有三隻大鮮蝦，而三隻大鮮蝦都非常之鮮甜。材料亦有很多雜菇，正。這間店舖的食物價錢💲便宜，份量大，👁️眼闊肚窄的我們，最後都係食淨咗。我見有好幾枱都會叫明爐烏頭🐟來吃，相信這個是鋪頭的招牌菜吧，下次再嚟可以試下。在旺角用50幾蚊可以有飯有嘢飲，其實呢個餐非常之抵。叫咁多嘢埋單都唔使400蚊，好抵囉整體嚟講，呢間舖頭抵食夾大件，味道又不錯值得一試。…查看更多

剛好遇上舊曆生日慶祝食飯，又出關嚟到荃灣，好想食🇹🇭泰國菜，唔打誤撞之下，就見到呢間門面鮮明的泰國菜館，就膽粗粗入去試下。入到去我就點了幾樣我鍾意食嘅嘢嚟試，點知真係有意外驚喜，佢哋個味道居然好似喺泰國食咁正宗，我真係估唔到。冬陰功大蝦湯$88：佢哋嘅冬陰功用料豐富，甜味、酸味、辣味調配得很適中，大蝦肉質彈牙，菇類用咗雞髀菇，片片大大塊。這個冬陰功太好味，我哋好後悔只係叫了細鍋。如果叫大鍋，我相信店家會用埋泰國傳統的冬陰功湯鍋上枱，下次就算只得兩個人，都會照點大鍋飲才夠喉。泰式（雞、牛、豬）串燒$88：佢哋啲串燒非常惹味，肉質軟腍好味，一啲都唔會燒至太韌，各款肉本身亦都醃得很入味。尤其是牛肉串燒，香味和口感令我回想起小時候在街邊車仔檔的炭燒牛肉串嘅味道，完全係久違了的可口美味。我有懷疑他們啲串燒都係用炭爐燒出嚟，如果唔係唔會有呢種炭燒食物嘅味道。泰式鮮蝦炒金邊粉$88：呢碟炒金邊粉味道與泰國食開的都類似，不過，差少少甜味。可能在泰國食的時候，我印像中會有啲沙糖放在碟上的花生碎旁，讓我們撈勻，下次再食可以向店員拿少少砂糖撈勻來一起吃。椰汁沙冰$30：我們都猶豫了一會，點唔點椰汁沙冰，因為我們怕太甜（其他舖頭的椰汁沙冰是死甜，甜到難以入口），但是，我又有意外驚喜，它居然唔會整到太甜，而且仲飲到濃濃嘅椰子香味，但又不失沙冰的清甜。芒果糯米飯$50：我唔知佢哋嘅芒果係咪來自泰國，真係非常香甜，糯米飯係雙色的糯米飯，並不是只有白米飯，以這個甜品作今晚的生日🎂飯的結尾，非常圓滿🥳。整體來說：這是一間味道正宗🇹🇭，有熱誠，店員親切，為顧客帶來美味泰式食物的菜館，價錢亦不算昂貴，值得推介給大家一試。…查看更多

聞說呢間medium rare 的🐂牛肉係好抵食兼好大件，所以就特登嚟試下。有6款牛款式可以選擇，今次就試下西冷同牛柳先。首先，在門口向店員👩‍🍳購買，當你選擇咗牛的款式，店員就會立即拿出新鮮牛肉來磅。購票後就可以直接入內選擇座位，待咇咇機響的時候就出去拿餐。今次我們選了各300g的牛柳和西冷，上枱的牛扒比2個拳頭👊🏻加埋更大，應該有10cm高😱，肉質腍，咬落啖啖有牛肉汁咇出。隨鐵板牛扒奉上大量蒜油，令到牛扒吸收到香濃的蒜香味入肉內，再配上枱上即磨的玫瑰🌹岩鹽及黑椒，簡單的調味立即令牛扒原味道提升。牛肉上枱的時候大約只有一成熟，方便大家想燒幾多成熟，就自己燒幾多成熟。牛柳300g：西冷300g加28蚊可配飯、配湯和飲品店內有一站式防疫設備，一部機已可以量體溫及自動擠出搓手液，非常方便貼心。整體：牛肉大件夾抵食，肉質素材不錯，值得一試。外賣：…查看更多

今日同同事吞pop唔OT，又想食🐓雞煲。咁最啱不過就係去位置超方便嘅旺角區食吞pot雞煲。今次第一次嚟食，一入門口就覺得環境比其他食雞煲的店舖乾淨、舒適。而窗外的風景是很多座亮著霓虹燈的建築物。在這環境下進食👀視覺和👅味覺均能非常享受🤩。吞pot雞煲有很多款式雞煲選擇，但是我們還是選擇傳統的重慶麻辣雞煲bb辣。我們差不多清曬成個煲入面所有食物，包括🐓雞，蔥，芹蒜，洋蔥等。每種食材均索曬香濃好味的重慶麻辣醬味道，非常。食完雞煲後，其實都已飽咗八成。但當然唔會放過原煲加湯打邊爐啦。今次我們選擇了：手打四寶丸$118，牛柳粒$90，紅薯粉$35。手打四寶丸：包括墨汁墨魚丸、🐂牛丸、🦐蝦丸、墨魚丸。每款丸都手打至非常彈牙，各式丸亦有各種材料的味道混入在丸內，證明非常新鮮及足料，值得一試。牛柳粒：size正正方方，一口一啖。不用淥得太耐，口感不會太韌，肉質腍好好味。至於醬料方面每位加12蚊，就可以在這個九格架內任選醬料。包括蔥粒、乾濕蒜粒、辣椒、辣醬、沙茶醬、豆瓣醬、麻醬和豉油。雖然我們是點bb辣，但是雞煲內都有多款不同的辣椒作調較辣味，就算我們不太吃得辣，但辣度我們完全能夠接受到，並食得出香辣和麻味，這個醬跟辣度，他們的確調配得不錯。食得辣雞煲當然要點飲品🥃，36蚊就有大大杯嘢飲，一杯已經夠足全餐。一進門口就見到這個魚缸，內裏的魚🐟🐡🐠🦈全部大大條，又美觀，但當然是不能食用的啦。整體來說：雞煲已178元來說是非常超值，好味。環境不算逼澀與朋友歡聚都是一個好選擇。食材新鮮不會像坊間的雞煲任食般質素麻麻，絕對可以再有下一次來吃。…查看更多

大快活最近新出了日式咖喱吉列厚切🐷豬扒飯配日式沙律🍱。先講它的吉列🐷豬扒，真係幾厚肉，咬下去啖啖肉的，而它的吉列皮並不會像出面很多店咁皮肉咬咬下就自動分離，食左幾舊都係皮和肉痴住，好。方面今次選了紅米飯（比白米飯好食），可惜要求了多汁的咖喱汁仍然很少。另外加了7元要杯凍低糖綠茶，大快活的🍯綠茶不錯不會太甜。最後再加了9元要了個燉湯好似係松茸舞菇🐓雞湯，真係冇味精的，飲落清甜。其實像我這樣多多要求的客人，我喜歡用自助點餐機買野食的。它的飯仲可以揀紅米飯，多飯少飯都得，想揀多醬又得，唔使對住店員講咁多要求咁尷尬還有，大快活會提供口罩套，非常方便。…查看更多

九龍城黃明記已經開業40年 ，由很久以前天花上掛著一個個的走馬🐎燈的古舊裝修時（6元一碗麵🍜），幫襯到依家有中國風味的裝修（43蚊一碗麵），都幫襯咗幾十年。可惜九龍城啟德道即將重建，這間黃明記很快便會沒有了。🐙墨丸河：本人幾十年來都是獨沽一味「墨丸河」 因為小時候真是一試難忘。潮式的墨魚丸與我們平時普通麵舖的墨魚丸是完全不同的。黃明記墨魚丸更是手打墨魚膠唧出一粒粒丸。墨丸中還加了馬蹄粒，出面吃不到咁正。 不過，有人亦嫌這種潮色墨魚丸並不彈牙，但是我卻覺得非常好吃。河粉非常滑，聽長輩說他們的河粉是由對面陳明記入貨的。湯底配有剁個的豬肉粒，再配埋香蔥蒜，真係回味無窮。由於朋友想吃粥，所以另叫一碗淨墨魚丸吃，可惜，湯底非常咸。反而墨丸河的湯底咸道適中，唔知何解。🐷肉丸粥：肉丸的味道並沒有滲入肉丸粥內，粥底很淡。至於肉丸，朋友一覺得出面的差不多。希望黃明記會搵到新的舖位繼續營業下去。不過我記得細個嘅時候，墨丸河內裏是有少少墨魚鬚附送的，現在已沒有了。 值得一提以前舊機場未搬的時候有很多機師空姐空少嚟幫襯。以前電視台亦經常在此舖取景拍攝電視劇，我記得見過陳妙瑛在始拍劇。…查看更多

今晚在九龍城吃完飯，朋友想吃西式糖水而我卻想吃芝麻糊， 九龍城甜品舖眾多，其實隨便進入一間會都有齊我們的要求， 今次就選取了小方糖。內部環境尚算乾淨、舒適寬敞、燈火通明。主理人全是一班後生仔女，都頗有禮貌。🖤芝麻糊：由於不太好甜🍬， 所以很少會吃糖水。今天選了芝麻糊，幸好並不太甜，好好味。我覺得甜度適中，亦有濃濃的黑芝麻香味，又不會太稀，亦都夠冰凍。下次經過會再來吃多一碗。💛香芒小丸子：驟眼見小丸子數量勁多，朋友說吃到很滯。芒果汁、芒果雪糕和芒果布甸充滿芒果香味。不過，他說之前試過芒果樂園，比這個甜品更正，口感更豐富。…查看更多

原味🇮🇳烤餅 ： 看英文解釋是放在烤爐內的牆上烤焗，這道餅非常香脆還帶上點點鹹味，配上薄荷醬，簡直回味無窮扁豆湯 ： 一直以為是綠色的，但原來是黃色。賣相很漂亮，還奇怪湯內為何放了一片檸檬🍋，原來這片檸檬是湯的靈魂。在扁豆湯內篤檸檬，一點點的酸味再配合扁豆湯，口感既新鮮又好味。白汁咖哩🐐羊肉：🇮🇳店員很細心地問我們能不能吃辣，我們跟他說要bb辣 所以這度咖哩沒有太多辣味，反而我們吃得出，他們的咖哩有用印度的香料去製作，咖哩味好香濃，羊肉亦炆至非常淋身，好像牛腩般質感。隨咖哩附上的薄餅點上咖哩及羊肉 一起吃，我覺得比意大利pizza還要好吃。冰涷椰青： 這個椰青很新鮮亦很大個，內裏水多肉厚，很不錯。今次吃過小印度餐廳後，對印度菜完全改觀了。十幾年前在尖沙咀吃過印度自助餐，還記得除了白飯和水果外，所有食物均是只有辣味🌶️🌶️🌶️，還辣到飛起，難以入口。最後只是吃過白飯和水果便結帳埋單，之後一直唔敢再吃印度菜。但今次經朋友強烈推介小印度餐廳，決定再試一次印度菜，原來印度菜是這麼好味，下次會再回頭幫襯。今日一進入餐廳識得講廣東話和英文的🇮🇳印度男士很熱情地款待，而且他還自動又細心地介紹各種食物，推介他認為好味的給我們， 吃完後還問我們食後感，下次可試邊款，很有家的感覺。這兒燈火通明，地方整潔乾淨舒適。今次我們選擇了散叫，但其實他是有晚餐的，而且非常經濟實惠，下次會試試他們的晚餐。在openrice訂枱原來有九折優惠（唔知點晚餐有沒有），今次我們walk in入去並沒有留意，到下次會記得在此先訂枱。…查看更多

今日同朋友揀咗嚟觀塘行街👜，所以一早就book咗觀塘和民嚟食🍣🍲，原來喺openrice book位的時候可享店長推介套餐減💲50的優惠。所以我們都廢事睇其他餐牌的食物直接就點了這個店長推介的套餐。第一個來的菜，就是三品刺身盛合，刺身上算新鮮。我哋兩個都覺得赤紅大蝦🦐係最好味，至於三文魚🐟同吞拿魚則不過不失。🧀芝士🥗凱撒沙律：我完全食唔到芝士味但係凱撒沙律上算美味。蓮藕漬物蓮藕比較淋身，如果爽口會比較好。 這個泡菜石頭飯撈勻後，完全只有白飯味道，連配菜都沒有味道，我們後悔點了這個飯來吃， 最後我們拿牛肉壽喜燒比較鹹湯底撈來吃飯。我估店家畀多啲石頭飯的辣醬撈勻來吃可能會好一點點。 這個白汁煙肉雜菇🍄pizza🍕配料非常少亦沒有醬汁， 有點像在吃乾爭爭的麵包🍞一樣。 這杯飲品不錯，小甜後能飲出青柑桔和柚子蜜的味道。 🐂牛肉壽喜燒，牛肉新鮮配菜多，可惜只是湯底比較鹹。 這隻燒雞髀🍗在上菜時熱辣辣時吃味道不錯。皮香肉嫩味道濃，再點埋配製的蒜香汁，非常可口。不過越食就越發覺雞肉好鹹，雞肉如醃製得沒那麼鹹，其實這隻雞髀非常好味。整體來說：和民仲有改善空間，應該濃味的就要濃味。應該淡口的就要較返淡口。今晚的感覺是過鹹或過淡，不過，與朋友聚下，卻是個好地方。…查看更多

屋苑內唯一買一個快飯的地方，除了蒸飯仲有好多點心同糯米雞。蒸飯嘅份量其實好大盒，絕對夠飽。不過，老實說蒸餸的味通常都不會滲入飯入邊。唯有牛肉飯除外， 這個牛肉飯的牛肉餅，質感與山竹牛肉一樣，所以這間店的牛肉飯是很受歡迎的。至於點心方面，只試個鹹水角都是一般般，還是酒樓比較好吃一點。不過，糯米雞都幾好味，又大隻，入面啲料又多，蠔油味味道又夠，能滲深入糯米內其實鳳爪排骨飯的鳳爪排骨都幾好味，只是鳳爪排骨味道並沒有滲入飯裏面。在新年那些時節，八囍還會有蘿蔔糕和年糕等糕點售賣，不過我並沒有嘗試過。…查看更多