Delice Cheng的个人专页

💡法國 Charolais 生牛肉他他套餐前菜我哋揀咗生牛肉他他，第一次試嘅朋友都唔洗驚！呢度用嘅係法國Charolais牛，肉味本身就好鮮甜，完全冇腥味。簡單用洋蔥、酸瓜等調味後，味道更有層次。將牛肉他他搽喺烘到香脆嘅法包上面一齊食，口感豐富又惹味，好快就清晒成碟！💡英國黑毛豬肩胛肉 (燒粟米芯、薯蓉、法式獵人汁)主菜揀咗黑毛豬肩胛肉，份量十足！豬肉煎到外層焦香，但切開肉質依然保持到軟嫩多汁，完全唔會乾柴。配埋香滑嘅薯蓉同惹味嘅法式獵人汁一齊食，味道層次即刻提升！💡香煎三文魚 (法邊豆、焗薯、法式酸模汁)另一道主菜係香煎三文魚，魚皮煎得非常香脆，三文魚肉質肥美，魚油香氣四溢。旁邊嘅法式酸模汁帶點微酸，正好平衡返三文魚嘅油膩感，成個配搭好清新。💡法式泡芙 (雲呢拿雪糕、杏仁、黑朱古力醬)套餐仲包埋甜品！法式泡芙夾住冰凍嘅雲呢拿雪糕，淋上濃郁嘅黑朱古力醬，再灑上香脆杏仁片。一啖食落去，又凍又熱，又軟又脆，口感超豐富，為呢餐畫上完美句號！💡Lychee Martini叫咗杯Lychee Martini，荔枝嘅清甜完美融入酒香，入口順滑，甜度啱啱好，充滿果香，好適合女仔飲。💡開心果沙冰估唔到開心果味可以咁香濃！沙冰打得好幼滑，堅果味十足，甜而不膩，好有驚喜。…查看更多

行灣仔天橋見到好醒目嘅霓虹燈就會搵到呢間cafe，不過樓下大門感覺有少少似私人住宅，唔洗懷疑自己，撳個掣保安就會幫你開門㗎啦！入到去除咗食嘢都有唔少corners 等你發掘，有二手書有許願區，等嘢食咖啡到個陣可以周圍望下！忌廉蝦汁鮮蝦意粉 $128一入口俾個醬汁驚豔，蝦汁真係充滿海鮮香甜味，忌廉掛汁又令到個口感Creamy，完全忍唔住一口接一口，呢個絕對想再食多次！鮮蝦彈牙爽甜，有咬牙唔係雪藏霉蝦。和牛芝士漢堡 $162通常一望個包有冇烘下，就知間餐廳對漢堡重唔重視。呢個包烘得好香牛油味，和牛油脂香氣融合成個burger，肉質好好食！手沖咖啡 (糖炒栗子) $85我自己鍾意咖啡，但唔算非常講究。呢度上咖啡會有簡單介紹，非常認真又貼心。先有咖啡粉俾你聞下香氣，又有一小杯熱嘅原味俾你認識豆嘅味道。主角呢杯凍嘅，自己唔鍾意飲太酸，呢杯好中我口味，有香氣有甜味，層次豐富，口感好creamy 順滑。棉花糖朱古力 $53呢杯小朋友一定最愛，棉花糖多到有兩三層，朱古力順滑好飲，有得飲有得食。巴斯克芝士蛋糕 (威士忌朱古力) $62愛酒之人不容錯過，呢個蛋糕酒味算濃但拎到威士忌獨特嘅辛味，但又唔會令人覺得嗆口苦澀。蛋糕質地棉滑，作為一餐收結好圓滿！…查看更多

見到飲食業呢排咁辛苦，都決定多啲再次食返鍾意嘅餐廳。我哋比較早食，食食下越嚟越多人。呢間平日夜晚食都竟然full house，果然係我嘅口袋名單！💡生牛肉他他配千層薯 $138生牛肉行creamy 少少嘅路線，更容易將味道融合，微酸非常開胃。千層薯又要多花少少功夫，炸多層薯片，保留薯仔香味，但又唔會成口薯泥好濟。💡燒帶骨豬扒配香茅芥茉子忌廉汁 🍖 $288豬扒夠軟腍入面，我尤其鍾意個醬汁配搭，香茅去除腥味又令豬肉更香口，忌廉順滑包住豬扒，芥茉辣辣地令到唔膩仲好易入口，仲有配菜襯托。💡香煎帶子青口三文魚籽香草忌廉汁扁意粉  $218帶子上色不錯，另外有三個青口都好鮮味，扁意粉好掛汁。…查看更多

上次去銅鑼灣想食個Lunch，餐廳環境舒服，裝修有格調，侍應友善有耐心，就search下lunch menu 睇吓，點知有驚喜！💡 Semi Buffet Lunch $98Semi Buffet包括是日餐湯同一杯飲品，仲有任食沙律吧。沙律吧選擇唔少，有新鮮沙律菜、開胃嘅呑拿魚通心粉，仲有炸薯條同麥樂雞等炸物，連小朋友都啱食！最欣賞係啲炸物放咗一陣都仲keep到脆口，唔會油淋淋，質素有保證。Menu可以再加錢配主菜，價錢豐儉由人。想簡單食嘅話，百幾蚊已經有交易，以銅鑼灣地段同餐廳質素嚟講，CP值真係好高！💡 美國安格斯牛肉煎蛋漢堡配薯條 +$128漢堡份量十足，塊安格斯牛扒超厚，煎到肉汁滿滿，牛味香濃！上面加多隻流心太陽蛋，切開蛋汁流落漢堡扒，畫面超邪惡！配埋粗身薯條，成份食晒真係好滿足。💡 是日精選炭燒牛肉 +$198想食好啲可以揀呢個炭燒牛肉。牛肉充滿炭燒香氣，肉質軟嫩。牛味濃郁，唔需要太多醬汁已經好好食，可以食到牛肉嘅原汁原味。💡 Coke & Iced Americano +$18跟餐包咗一杯飲品，我哋叫咗可樂，另外加$18轉配Iced Americano提提神。咖啡味夠香濃，唔會淡而無味，加少少錢轉配都幾抵。…查看更多

呢間餐廳喺美麗華二期二樓，地點方便，氣氛仲要唔錯，有live music 聽下~ Set Dinner仲要都幾抵食，有齊前菜, 餐湯同主菜！💡法國田螺田螺有用蒜調味，食落好香又唔會腥，仲要好易用夾同叉輕鬆拎出嚟。薯蓉作為配角都好出色，又滑又香，直接清碟！💡水牛芝士沙律清爽鮮甜沙律菜，配上黑醋同水牛芝士就更豐富。💡龍蝦濃湯龍蝦湯唔會有酒精苦味，順滑鮮甜，仲要真係有龍蝦肉！！！💡蒜蓉包蒜蓉包又香又脆，識食一定係點下湯食～💡炸咸豬手豬手份量驚人，keep到外脆內juicy，而我自己最擔心係外皮脆但咬到d 牙勁攰，呢個又唔會，絕對是剛剛好的！重點推介，芥末子醬辣度剛好，鍾意佢唔會太重口味，令豬手更好食又唔會有負擔。💡堂煮卡邦尼呢個直頭係一個表演，喺你餐桌旁直接煮，勁新鮮嘅卡邦尼，每一條都掛晒汁同芝士。大家記得打卡還打卡，呢個要趁熱食先最好！💡Cheese Cake & Tiramisu甜品仲要有簡單擺盤，食落唔會太膩。💡Fruit Punch果香清新，第二日要返工唔飲酒，飲呢杯就啱晒了！…查看更多

有時心思思想食日式Cafe都會諗起紅茶葉屋，帝國中心呢邊大家放工去好方便，仲要地方闊落，坐得好舒服。💡酥炸原條鰻魚丼 $198呢個期間限定，望相都已經覺得驚人，嚟到都冇照騙。炸衣入面仲要包多層紫菜，鰻魚都真係好大條下，仲有漬物送飯唔怕膩…💡 海鮮炸物盛合 (蝦 & 廣島蠔) +$45 炸得剛好，欣賞會用隔油架，食落唔會成口油。海鮮冇雪味，鮮甜又彈牙，點埋日式他他醬好夾。💡豪華海鮮茶漬飯 $178店員貼心地會俾多張指示圖教你點食，你可以好似平時刺身飯咁食又得，加昆布湯都得。有三文魚、帶子，生蝦、吞拿魚、魚子，全部都大大舊。我自己都會先當刺身飯食，再加湯暖暖地作結！💡炸南瓜餅 +$15呢個炸皮薄而脆，南八蓉都有簡單調味，甜甜地好好食！💡芒果焦糖窩夫 $68佢呢款窩夫食落比較似鬆餅，配埋雪糕同芒果一啖食落幾夾。💡冰鮮奶咖啡 +$20 &冰忌廉抹茶拿鐵 $25呢度抹茶一向出名，香濃順口，加埋忌廉好邪惡！…查看更多

香港要食到靚牛扒其實真係好易，區區都有隱藏扒房，好似呢間喺灣仔嘅樓上鋪。環境舒適，仲可以望住一邊窗景慢慢天黑。晚市套餐都真係幾抵食，＄388 有齊前菜湯、包同沙律，再從12個main 揀1款，再包1杯飲品（我哋揀咗熱奶茶熱檸茶）。蘑菇湯濃而不膩，自己尤其鍾意仲有一片片菇，保留返口感。餐包幾有親切感，係熱熱地嘅包，香甜鬆軟。沙律簡單調味，食得出好新鮮，好彩冇俾太多醬遮掩菜嘅鮮甜。💡230g 安格斯封門柳牛扒封邊做得好好，表面都係焦脆。封門柳牛肉味好濃，越咬越出味，230g 比想像中大舊好多！💡230g 美國平鐵牛扒比起封門柳更嫩滑，五成熟剛剛好，香氣十足，易咬唔會柴。就連薯條都好味呀！順帶一提，呢度把切肉刀好可愛，係一把迷你菜刀，切起上嚟都好順！如果係同朋友想靜靜地傾計食扒，呢個絕對係好地方，仲有得揀free flow添～…查看更多

💡 Semi Buffet Lunch $98Semi Buffet包括餐湯同一杯飲品，仲有迷你多士、呑拿魚通心粉、炸物、小甜品（竟然仲係可麗露！）。蕃茄扁意粉好入味，酸酸甜甜平衡得好好，食下食下唔覺得膩。牛扒煎得好有心機，Medium熟度剛好，外皮焦脆，內裏仲有juicy，肉味好香而唔騷。跟餐嘅薯條香脆唔油～💡Hot Latte & Iced Americano咖啡有水準，簡單食個午餐都好享受！…查看更多

Odelice! 嘅理念係想將法國菜更貼近生活，唔洗受傳統觀念覺得要好正式好傳統咁食一餐法國菜。上菜速度都係就返大家進食嘅狀況，完全冇大家印象中要食3個鐘嘅安排哈哈～重點推薦晚市套餐＄538兩位已經可以試到唔同菜式，又有前菜同湯。餐湯先上粟米蕃茄芝士湯，酸酸甜甜，十分開胃，又會保留口感。軟餐包配牛油，麵包香氣十足。💡法國 Charolais 生牛肉他他生牛肉冇食過嘅人唔洗怕會有腥味，Charolais牛肉本身就有種獨特既甜味，搭配簡單嘅調味應該好足夠。麵包仲要烘到好熱熱地咁食，好夾！店員見我哋好快食晒啲麵包，仲主動問我哋要唔要多少少，非常貼心～💡法國田螺法國出名食田螺，白酒牛油香草湯汁平衡到螺個種腥臭味，薯蓉都非常好味。💡紅酒牛面頰意粉牛面頰份量好大，輕輕一切就夠，好腍同入味，意粉比想像中濕底，有少少湯麵feel。💡煎鴨肝 油封鴨腿意粉鵝肝肥美，油香落入意粉，都令鴨腿更有油香，意粉有用忌廉底，香滑好食。💡Tequila RoyaleTequila base 但唔會太嗆口，少少甜味，感覺似香檳。💡Honey Ginger Punch呢杯入口自然，甜味唔係化學糖漿味，係蜜糖同其他果甜，薑味添加左多一分層次。…查看更多

港島人放工可以考慮下食呢間，雖然個名叫咗小魚兒，但其實唔只烤魚，連雞煲都有，仲有串燒等等，樣樣都幾好食架！💡 鮮花椒BB豆花 海爐魚 (小麻小辣) $308 + 紅薯粉 $29呢度有唔少湯底同唔同魚類揀，大家可以按返自己喜好選擇，仲有得揀唔辣㗎～今次點咗基本款海爐魚，啖啖肉，食落唔膩，香香辣辣一口接一接。配菜包括豆花、青瓜、寬粉同芽菜，口感多樣。💡藥膳花雕醉雞 (半隻) $138小魚兒本身已經好多嘢食，竟然仲有新嘢出。今次係醉雞，湯底清甜，酒味唔會過苦。店員係即場落雞，再提你等8分鐘，夠晒新鮮。雞肉嫩滑唔柴，襯埋湯底非常好食！…查看更多

尖沙咀想搵嘢食都必定會諗起厚福街，夏天嚟到當然諗起魚生飯，相信鐵火堂大家都唔陌生！但原來最近推出咗勁抵嘅 $69 四餸魚生飯，而唔食魚生嘅朋友仔都唔洗怕，而家仲有燒肉丼！💡四餸魚生飯 (碎蔥吞拿魚、三文魚、帆立貝、開邊赤蝦) $69魚生飯係鉄火堂嘅招牌，而家魚生丼越嚟越貴，呢碗唔到3位數嘅魚生丼真係太抵！各款魚生新鮮，冇雪藏味，飯粒分明，淡淡醋香。我自己幾推薦揀餸個陣其中一款可以揀送飯神物，今次揀咗吞拿魚，之前試過蟹膏都係好選擇！💡汁渴燒牛五花 & 豚五花飯 $69今次試埋燒肉丼，香氣十足，肉質剛好。燒肉汁個人非常鍾意，係恰到好處嘅鹹度同甜度，一塊肉加蛋液加飯，大滿足！69蚊有鋪滿肉嘅丼，真係太抵食了！💡珍寶青蘋果梳打 $48 ＆ 珍寶蜜桃梳打 ＄48天氣太熱想點杯清涼飲品，本來見到珍寶以為都只係大少少，點知真係勁！巨！型！夠晒渴降溫～…查看更多

港島人放工可以考慮下食呢間，雖然個名叫咗小魚兒，但其實唔只烤魚，連雞煲都有，仲有串燒等等，樣樣都幾好食架！💡 鮮花椒BB豆花 海爐魚 (小麻小辣) $308 + 紅薯粉 $29烤魚睇落真係好澎湃，聞落已經好香，食落各種配料都令味道好有層次，唔係死辣。今次點咗基本款海爐魚，肉質實淨，啖啖肉，食落唔膩。配菜包括豆花、青瓜、寬粉同芽菜，口感多樣。💡鯰魚魚扣 $88魚扣即係魚胃，幾有咬口，質感得意。💡牛肉串 $25肉串仲好Juicy，孜然粉香氣十足，夠晒惹味。用鐵支串嚟燒，店員超貼心地先用紙巾包俾我地。…查看更多

💡串燒 (雞肉 $18 / 豬肉 $20 / 豬頸肉 $25 / 魷魚鬚 $25 / 有機露荀22)串燒香味夠，份量唔錯，唔會得舊肉仔，有泰式醬料，酸酸辣辣，邊位少少焦香。雞肉豬肉保留肉汁，豬頸肉同魷魚鬚更加係出色，唔柴之餘仲要用串燒形式突出食材鮮味。露荀甜甜地，成串份量都幾好喎！💡豬、牛、雞配香辣炒飯 + 送凍檸茶 $72呢個全日套餐都幾抵，串燒出名就一定，但有時都想有啲飯到肚，配埋香辣炒飯就可以一次過食到串燒同飯。香辣炒飯辣辣地好開胃，炒得好香。串燒有焦香，唔會燒到入面冇晒水份，仲係好Juicy，配埋辣辣地嘅沙嗲醬都真係一流！💡青咖哩牛腩飯 + 送凍奶茶 $69青咖哩唔算太辣，怕辣嘅朋友唔洗怕，有椰奶甜味，送飯一流。牛腩好腍身，唔怕咬到2046，版主有磨牙習慣，最怕食到柴肉咬唔開TT 所以牛腩我食得舒服，真係一個好重要嘅指標～…查看更多

熱愛龍蝦嘅你不能錯過全龍蝦盛宴，由前菜到主菜，去到甜品都有龍蝦💡 澳洲小龍蝦刺身薄切龍蝦刺身，鮮甜軟糯，配上其他配料，酸酸地好開胃。💡招牌鵝肝龍蝦蛋撻呢個fusion玩法，有返香港特色，表面係焦糖脆脆，入面係係入口即溶嘅鵝肝，口感味道層次豐富。💡煙燻原隻澳洲龍蝦有得食又有得玩，侍應俾我哋自己開蓋，煙走出嚟個陣都幾似仙境。龍蝦香甜，肉質彈牙。💡脆炸珍稀軟殼龍蝦沙律另一種食龍蝦嘅方法，炸咗外皮香脆，仲有沙律俾你解膩。💡法式龍蝦湯講起龍蝦，唔少得龍蝦湯，加埋少少酒味，唔苦又提鮮。💡香煎原隻澳洲小龍蝦新鮮食材簡單整都夠好味，就咁煎小龍蝦，肉質爽口彈牙，調味唔重手先食到龍蝦嘅鮮味。💡法國活濃龍蝦汁配是日精選牛牛肉5成熟，顏色粉嫩，龍蝦汁鹹香配合牛肉油香感，幾出色。💡法式香烤龍蝦汁燴薏米飯雖然我都幾鍾意食意大利飯，但有時中伏真係會覺得好膩，呢道菜融合香港特色，用薏米做飯，口感新奇，龍蝦汁夠濃。💡忌廉加拿大海膽意粉海膽上仲有魚子醬，意粉creamy又好食。💡龍蝦柚子雪葩清新甜品，雪葩上仲有龍蝦肉，望落好華麗～不過小心食到有啲狼狽，我自己就分開左幾口連脆底食~💡House White Wine & Rose白酒清新香甜，Rose都係甜甜地，兩隻都好適合女仔飲~兩個人食呢個Set再加一個意粉，都幾抵食~ 大家去開中環可以一試~…查看更多

銘興喺香港都有好幾間分店，之前都係旺角食過，覺得性價比同味道都唔錯！💡 涼拌麻辣魚皮 $58夏天當然叫返碟涼拌，魚皮夠爽口，處理得幾好，麻辣汁唔算好辣，好開胃。💡 花雕醉雞刀削麵 $65 + 凍檸茶 $3湯底清甜，刀削麵厚度剛好，唔會太腍，仲有少少咬口。醉雞係呢度嘅招牌，坐喺度一陣都見佢賣咝好多盒。我食醉雞最怕係冇去到酒苦，呢間絕對合格，調味不錯，雞肉嫩滑，唔柴口。💡麻辣豬扒豬軟骨 $62 + 熱咖啡麻辣汁本身都幾香，但記得撈好先食，唔係就會好辣了。豬扒係薄身酥炸個隻，幾夾個麵。豬軟骨大大舊，炆到好腍，輕易拆肉。💡脆脆香小酥肉 $58肉感滿滿，炸得酥脆，冇滲返油，凍咗都唔難食～💡麻辣豬大腸 $58豬大腸乾淨，辣辣地又有咬口。…查看更多