見滙豐卡有優惠，一行三人去試下新野，心抱住「唔荒好得去邊」既心態，又見咁多人寫呢間餐廳唔好食，一上到去，見到個場咁細既，心知不妙，算喇！六折wo，仲想點！點知原來有驚喜喔！食物算係應有盡有！你諗到既，餐廳都有提供，款式唔多，但岀奇地好食，呢d係咪叫做貴精不貴多，有一個主菜選擇，聽服務員講，叫左先，之後可以慢慢享受我既晚餐，我見好多人都點牛柳，而我就點左香煎大蝦，之後就慢慢享受我既dinner，即開生蠔細細隻，但有鮮味！沙律既好，個人會比較鐘意頭盤仔，細細碟，幾精緻，幾好味，可以食到唔同既食物，熱食都有十幾款，唔錯，以為得個主菜，無熱食，原來有嫁wo，呢d咪叫驚喜囉！大蝦係新鮮，唔係「霉」左個隻，正！睇得出餐廳係用心製作，唔係hea你個種！又唔係好似人家咁講到咁，心諗「果然唔親身黎試下，你係唔知真伏定假伏！好彩自己無揀錯，食到間好既！」甜品好精緻，好味，有不同種類既蛋糕，細細件咁，至啱我呢種怕甜又口痕既女仔！食到一半到，因為我地係用滙豐卡優惠，所以有個雪耳花膠糖水，好味，唔會太甜，值得一提既係，食到咁上下，服務員會問下我地既意見，話睇下有咩需要改善wo，唔錯，有service，服務員都幾用心，值得一讚！…查看更多
「雖然是新的，但一切均為本人的感受喔！」昨日又要我地拍拖日，我的可愛男朋友總會有一個好可愛的壞習慣，就是不會訂枱食飯，好吧！咁只好又我呢位為食妹代勞吧！聽聞這間的自助餐不錯，就試下吧！說實話，真的很難預訂，我也試過很多次的waiting list，結果這次提早很多，哈哈，我成功了........yeahyeah!!!好吧！入正題了！首先！環境很好，很舒服！雖然不是靠近玻璃，但也望到無敵海景！讚
海鮮方面，就又我的男朋友代為解釋了，因為本人不能夠吃的原因，男朋友話海鮮好新鮮，好好味，不知不覺食左幾轉都唔知！而我眼見就係海鮮好大隻，好肥美，好多肉，隻隻都好似肥BB咁，食得海鮮的，真係記得拎多幾轉！哈哈熱食方面，真心的，選擇不多，但食材是有水準的，海參好彈牙
其他食物水準也不錯，值得一提，叉燒好好味，好「淋」，還有水餃，隻隻入面都是全蝦，男朋友話好好味，開正佢既口味，而我就無得食!! (不能食，可憐的我！)到了沙律甜品了，不過不失，口水雞如果可以再入味少少就好好了！沙律菜亦很新鮮，甜口款式不多，但相信是用心製作的！P.S.：值得一讚是其中一名員工，很搞鬼，每次幫我們收碟時都會講一句「慢慢食！慢慢食！」每次講完，我同男朋友仔都會忍不住大笑，好可愛的一名員工，讚！
