hungka的个人专页

下午茶食甜品, 都係第一次, 今天約了人在佐敦交件, 完事後, 看看錶, 只是四時正, 立即call 佐敦工作的老友落嚟吹水兼醫肚. 這店在下午茶時段甚少人, 據友人講, 夜晚是另一回事, 多人到... 要排半小時... 既然晚間甜品那麼出名, 就要一客雪糕窩夫, 還有香蕉伴碟, 上檯時, 比想像中要大份, 朱古力雪糕是一般貨色, 牛奶公司那種, 窩夫夠熱, 即烘, 有誠意, 香煙應該都是即切吧...哈哈... 還有一舊忌廉... 食完...應該會肥三磅...友人對甜品無興趣, 要了一客雞翼薯條, 薯條是半粗身的品種, 即炸, 一定good, 辣口, 夠熱, 蘸茄汁, 一流, 唯..那件雞翼頗小家, 切開了一半, 我唔好意思攞嚟食啦...哈哈...咖啡, 水準合格, 無酸味, 夠熱.…查看更多

晚上11時15分, 此區, 大多數茶餐廳都已關門或準備關門, 剩下兩三間還營業, 這間開業不足半年, 還未幫襯過, 就試一次.牛扒餐, 包餐湯, 羅宋湯, 夠濃...也夠晒鹹... 材料足, 無論如何, 點都好過那些水汪汪的.餐包, 即叫即丁, 夠熱, 小包裝牛油, 打開沒有溶過, 好滿意.茶餐廳格局, 西餐廳賣相, 套餐竟然包了一客三文魚沙律, 還要是高級沙律菜, 三文魚也夠新鮮.主菜上場, 超多意粉, 超大件的牛扒, 應真底食, 但好食是另一回事, 意粉的彈牙度滿意, 牛扒屬醃得過火的品種, 但未至於去到大家樂的淋度, 但也相差不遠, 牛扒的粗纖維口感已失.再加一碟生炒牛飯, 如果以炒飯來測試一間食店的水準, 這間店的分數, 只能是剛剛合格的五十分, 飯身炒得略濕, 還有些小的一舊舊未散的飯, 完全不香口. 11時15分, 還未有宵夜餐, 唔通要等到11:30才有!?!? 下次要再夜一點才來了....…查看更多

位於西九最高檔...既大型商場內, 訂價高是常識吧... 但最大鑊的是, 自由行減少, 專做自由行生意的商場的人流也大減, 下午茶時段更加清閒得緊要.凍珍珠奶茶, 水準不差喎, 與旺角的平價台灣店差不多, 奶味足, 茶味輕, 珍珠彈牙...又痴牙... 好開心...哈哈... 但價錢貴了三十巴仙...老人家的熱珍珠奶茶, 我無試, 但睇老人家的臉色, 幾滿意吓...割包, 內裡的切片五花腩, 味道鹹度適中, 肉質略硬, 未夠軟, 梅菜夠香, 皮做得好軟熟.九十多元的宮保蝦仁, 賣相好, 計落....成廿元一隻蝦, 以為有北京樓的七成水準, 但最終失望, 外皮炸粉太厚, 蝦肉彈牙度不足, 而蝦無蝦味是常識, 無投訴了.牛肉餅, 皮略厚, 即煎, 一定好食, 內有湯汁, 熱度十足.…查看更多

之前的日本拉麵店執笠後, 開又一間新潮裝潢的海南雞飯店, 標榜是"泰國"口味的海南雞.下午茶時段, 少客, 坐得舒服, 有背座椅也寬敞.下午茶餐的迷你海南雞飯 $38, 其實也不算太迷你, 雞的份量是少一點, 但作為下午茶, 絕對適合, 雞肉質素不錯, 但當然一定都是冰鮮雞, 如此價格, 當然合理, 雞皮不厚, 可以與雞肉一齊入口, 雞味一般, 油飯玩花臣, 做成金字塔的樣子, 飯身未算粒粒分明, 個人口味, 覺得太淋.加多了一客蝦餅, 同雞飯餐的價格一樣, 都是$38, 即炸, 當然好味, 外表的脆粉不厚, 炸得香脆, 內裡的蝦膠夠彈牙, 可惜蝦味不足, 但仍滿意. …查看更多

住咗係佐敦廿多年, 由細食到大, 不知何原因, 細路哥時代, 唔覺得好好食, 反而大咗, 搬離了此區, 得閒經過, 愈食愈好味, 基本上每星期都要嚟食一兩次... 京都炸醬撈麵, 出晒名既店, 訂價當然高, 收四十二元, 但材料比足, 半辣不太鹹的炸醬, 味道一直無變, 反而今次撈麵煮得比較淋了些.雲吞麵, $32,  同麥奀記一樣, 超細碗, 但水準好過麥奀記好多(只講同樣是在百加士街的一間, 其他分店, 無甚研究), 麥奀記愈開愈多分店, 間間都是行貨水準, 只靠個名吸引食客, 遲早瓜得啦, 我都係喜歡獨立單店比較好, 麥文記的麵身彈牙度十足, 最喜歡其湯底, 不及何洪記的辣, 但清得嚟夠香, 連帶那些韭黃一齊飲, 最正!麥文記的油菜, 絕對是同行的冠軍, 條條都靚, 中間芯沒有通空, 入口爽中帶軟, 菜味香, 絕對不需要那"一元蠔油". 今天的淨水餃, 頗為強差人意, 當中的蝦仁, 仍算合格水準, 但不知是否煮得耐, 加上木耳絲不足, 口感略為淋身, 不太滿意.…查看更多

之前去開吳松街, 近柯士甸路那邊, 這店用不同的店名: OAK, 上一樓, 地方大, 但太暗, 愈食愈眼訓... 友人不肚餓, 要了一客吞拿魚醬多士, 我試了一件, 感覺十分好, 雖然多士已經放的耐, 凍了, 但還是脆口, 吞拿魚醬夠凍, 還有沙律菜件碟, 連咖啡...也只是廿多元, 超值!同樣是carbonara意粉, 但這家的出品, 比吳松街的分店差幾個級數, 落太多"獻汁", 完全不是蛋黃醬的口味, 意粉尚算可以, 彈牙也中等幼身.即磨咖啡, 無酸味, 中度苦, 唔加糖, 滿意!這餐廳的零售店, 設在地庫, 買了兩枝食用油, 店員大力推薦, 但當時無留意食用限期, 原來是有大半個月, 買了, 付了錢, 出到門口, 看一看, 才發現, 返轉頭問.... 可唔可以換?  你話呢.... 唉... 要怪就怪自己無睇清楚.... 以後去到..這種店買嘢... 要好似返大陸買嘢一樣, 要打醒十二分精神!!!!…查看更多

經過門口, 看見大個Pizza和一些印度食品, 無大興趣, 但想食咖哩, 看到是印度人開的店, 信心當堂大增.全店只有老闆和一位店員, 下午茶時段, 人少, 清閒.套餐包了罐裝汽水, 老闆多次提醒, 轉印度奶茶要加錢, 可能驚我們唔夠錢啩....哈哈... 奶茶專用糖, 非沙糖, 而是粗粒型白糖, 印度拉式奶茶, 無得睇拉來拉去的表演, 但味道也好, 些少香草味道, 唯茶味偏淡.午餐無包, 另外叫, 要了一款牛油品種的Naan, 上檯時才發現...原來只是塗些牛油在餅面, 我們還以為是加入了牛油烘的Naan添... 不過味道都可以, 即叫即做的薄餅, 無可能唔好味, 但煙韌度略低.咖哩雞飯, 米飯是用半長的long grain rice, 但水準不太好, 過淋, 飯身爛角, 不完整, 咖哩味道不錯, 香料味足, 只有三件小雞件, 收六十多元的午餐, 未交足功課囉....…查看更多

位於佐敦廟街側的小店, 差不多午夜十二時了, 很多店鋪都預備關門, 見這店內還有半滿, 都有些少信心吧...口痕...又唔太肚餓, 只想與友人吹吹水兼啤一啤, 這店沒供應大枝裝, 只有細枝藍妹, 十多元一樣, 中價, 但唔飲得太多, 勝在夠凍, 透心涼...麻辣豬肚絲, 因友人不好太辣, 要了微辣, 不太合我心水, 麻味也不足, 辣度是自己揀, 無得投訴...哈哈... 豬肚切得頗幼細, 入口煙韌也帶些爽口.涼伴土豆絲, 相比起豬肚而言, 這碟土豆絲就切得粗了一點, 口感略厚帶些少粉, 辣度也是微辣, 而因為土豆絲沒有豬肚般的吸汁程度, 入口的辣度更低一點.…查看更多

已很久沒有回紅磡吃午飯了, 多數時間都要上廠, 今天得閒, 轉了多個轉, 決定入這間紅當當的小店, 店內主打上海雲吞, 連名字都以上海話餛飩為名, 就決定試一試吧, 同場還見到名明噃, 是TVB大隊入內拍片, 見到小儀與金剛呀, 話說回頭, 這店的上海餛飩確實特別, 上枱了, 吃落有些少爽口, 看見用料並不是一般所用的白菜, 用手按過了一下, 應該是豆類混肉, 味道不濃, 淡口, 合我的口味, 混上的湯也清甜, 還有些小蝦仔在湯面浮遊, 加上麻油香, 一碗十隻, 快速被我消滅, 豆漿不算太甜, 健康之作! …查看更多

外觀十分新鮮, 不似一般茶餐廳, 又好似台灣餃子店的裝飾, 食物品種也特別, 有幾款廣東點心和蒸飯, 又有些茶餐, 又有些本土式麵食, 已在下午茶時段, 叫了一盅咸魚肉餅飯, 咖啡, 再後加了一年鮮油多, 咸魚屬梅香類, 不合我胃口, 但賣相不錯, 肉餅不算太多肥, 食落的味道和口感皆尚好, 而且多彊絲, 質素好, 細細件鮮油多,…查看更多

今晚天氣冷, 來到時竟然有位, 真算神奇, 叫了一個組合, $188, 包括了三款海產, 一客肥牛和自選湯底, 蝦上枱時還十分生鮮, 四隻小鮑魚, 不是生的, 而是雪過的, 而且一早已肉殼分離, 食落還算彈口, 但肉質有些少實, 海班切片, 肉質比較淋, 沒有一般蒸出的彈口, 也算新鮮, 味道不錯, 肥牛大約十片, 類似超市賣的美國肥牛, 不算太肥, 肉質略UN, 如果是手切牛肉更好, 另外加多了一碟豬肉片, 菇類三種, 兩款菜, 都算不錯, 稻香出品, 都食得過!…查看更多

是日下午到黃金商場逛逛, 順道一直行出太子, 見到人不多, 終於都試了第一次, 一個人, 只叫了兩款點心, 蝦餃, 睇樣都已經唔合格, 上枱時, 兩隻蝦餃皮已穿已爛, 食落還不算太差, 穿爛的兩隻, 沒有了內裡的汁, 較為乾, 另外的完好兩隻, 幾彈口, 蝦肉爽, 點些少辣椒油, 味道都可以, 酥皮焗义燒包, 三隻一客, 應該是剛出焗, 好熱呀, 好好味呀, 內裡义燒不肥, 汁濃, 外皮略脆, 做得十分好, 全店最差的是空氣調節, 又焗又熱, 這店的好食程度絕對未超過我忍耐流汗的程度! …查看更多

天氣冷, 人人都去打邊爐, 少人食壽司, 最好這時候了, 不需等位, 否則, 平時這鐘數, 起碼得上半小時有多, 亞沙希啤酒, 送酒的小食, 炸蟹餅, 好熱, 外皮好脆, 內裡好軟, 三件, 好快食完, 劍魚腩壽司, 肉質新鮮, 咬落彈口, 但魚味道不重, 三文魚, 好耐無食, 食番又覺得幾好味, 魚味比其他的重, 但沒有油甘魚的鮮味, 還叫了一碟新推出的洋風沙律蝦壽司, 味道怪怪的, 沙律酸, 配上飯和蝦, 未能詮釋.…查看更多

午飯吃得不多, 三時半後有些少肚餓, 走去食個鬼佬式下午茶, 焗薯仔和咖啡, 焗薯款式特多, 要了第三款, 車打芝士, 芝士放薯仔面, 還有些煙肉碎粒和蔥花, 望落好吸引, 但食落唔合格, 最差係, 唔夠熱, 內裡還有些部份是凍的, 都食咗差唔好一半了, 都唔知攞唔攞翻比佢丁好, 都係算啦, …查看更多

位於內街的大排檔, 坐位都設在路上, 十九元有的早餐, 牛肉麵, 牛肉彈牙, 沒有太多的發粉口感, 麵身彈口, 湯不太咸, 多士烘得適中, 脆又不太燶, 煎蛋有漏黃, 午餐肉比較差, 簿簿兩片, 煎起太耐, 又硬又實, 會再來!…查看更多