位於西九最高檔...既大型商場內, 訂價高是常識吧... 但最大鑊的是, 自由行減少, 專做自由行生意的商場的人流也大減, 下午茶時段更加清閒得緊要.
凍珍珠奶茶, 水準不差喎, 與旺角的平價台灣店差不多, 奶味足, 茶味輕, 珍珠彈牙...又痴牙... 好開心...哈哈... 但價錢貴了三十巴仙...
老人家的熱珍珠奶茶, 我無試, 但睇老人家的臉色, 幾滿意吓...
割包, 內裡的切片五花腩, 味道鹹度適中, 肉質略硬, 未夠軟, 梅菜夠香, 皮做得好軟熟.
九十多元的宮保蝦仁, 賣相好, 計落....成廿元一隻蝦, 以為有北京樓的七成水準, 但最終失望, 外皮炸粉太厚, 蝦肉彈牙度不足, 而蝦無蝦味是常識, 無投訴了.
牛肉餅, 皮略厚, 即煎, 一定好食, 內有湯汁, 熱度十足.
