祖兒's Profile

呢間響灣仔嘅居酒屋，happy hour時間去到晚上8點，98蚊計埋加一都係108 蚊就有1個前菜加4串串燒，仲有啤酒、清酒、梅酒或者其他非酒精飲品1杯，超級抵!👍🏻👍🏻👍🏻我地兩個人叫咗好似有6sets? 後來飲到過咗happy hour 就叫A la carte , 叫咗兩份鵝肝、雞泡魚乾、薄燒牛肉同荔枝豚肉卷，再另外叫咗酒，埋單都係千三蚊。店主有唎酒師資格，好識推介唔同清酒配搭食物，尋晚飲咗3、4 款酒，每款都好好飲～😍黎緊應該只要一去灣仔果頭就會去幫襯，very good!🥰🥰…Read More

本身去呢間食過晚飯，覺得d 食物都好好於是今日經過，想入去食個lunch，特別係剛出完trip 返香港，想食好少少、鋸個扒咁。點知就出事。我都明好多時一間餐廳嘅 lunch 同dinner 未必會係同一個level，特別係lunch 個價錢會平啲，食材可能會不一樣，之但係，我今日叫個肉眼扒加杯凍檸茶，連埋加一都要208蚊丫，都唔算一般午餐價錢丫，果件扒，難切、有筋、無肉味，無肉汁。同我之前響佢地度食晚飯時果個水準簡直係一天一地。其實好多時如果食過lunch 覺得唔錯，先會考慮試下晚餐，但如果根據呢一次嘅經驗，我第一次食佢就係lunch的話，我唔會再幫襯佢。會再俾機會食多次晚餐，畢竟工廠區有時夜晚真係唔知食乜好。…Read More

一樂燒鵝，米芝蓮下話，一打開個飯盒，廚餘咁樣，最好食就係一隻幾肯定唔關佢哋事嘅鹹蛋（而鹹蛋係好少機會唔好食）。轉鵝胸轉雞胸加我12蚊，成盒飯盛惠92蚊！菜都無條！仲有呀，雞皮呢？？！！！！…Read More

因為同是土友的關係，近一兩年與友人約食生日飯都會就近於土瓜灣發掘未食過的餐廳，搜尋之下發現還真的蠻多的。今年想食日本菜，朋友找了兩家給我選，一家是「遙」，因為食過了，所以今次決定到「禮」試試看。小小的店大約6－7張檯，眼見大部份都是二人檯，而且檯面很小，多放幾盤食物或飲品就會面臨綁手綁腳的場面（還未計本來就會有的餐具及茶杯）。其餘店內燈光及氣氛是好的。先總結食物再放照片：今晚order 了蟹子沙律，感覺醬汁加了wasabi, 味道很好。刺身方面選了三文魚腩及帶子，很新鮮，味道也鮮甜。半打生蠔吃上去是鮮甜的，不過有一隻吃的時候我以為有大塊的蠔殼，後來一咬才發現是冰塊，似乎是融雪未有做好。銀雪魚西京燒，這是我每次食日本菜必點的，這家做的不錯，魚油的香味很足。串燒方面有厚燒牛舌，上檯時看到燒好的樣子我和朋友還滿心期特，一咬下去整個硬到不行，是不能一口咬斷的，要吞下就必需整件放入口才行，失望。另外一串燒牛柳粒也差不多，牛味不足，也是頗為費工才咬得爛。最後是兩件燒羊架，餐廳上菜時已切件方便進食，味道還可以，肉不算嫩，但比起那兩件牛是好太多了。今次沒有試他們的天婦羅及一品料理，兩個人吃不了那麼多，下次還可以再來，不過，肉類是免了，其他可以再試試。整體以日本菜來說，價錢不算貴，但由於幾款肉類不達標準，感覺是不值了。（這餐飯不知道總金額，因為是友人宴請，但看餐牌時見到差不多每道菜都超過＄150 以上） …Read More

響屋企困得太耐，有一日忽然想搵一個特色地方食飯，上網睇咗唔少照片，最後選定咗呢一間小店，前身係白宮冰室，結業前反而一直無黎過，估唔到變身後先第一次黎。呢間係一間裝修好懷舊、好特別嘅小店，每一件擺設都係歷史，店主仲好詳細介紹每一款牛嘅來歷同埋唔同部位，非常細心。現時裝修好但食物九流嘅餐廳不少，呢間絕對才德兼備。當晚叫咗石垣和牛燒肉蓋飯， 上檯時見到份量唔係好大，以為會唔夠飽，但原來一碗米飯再加上牛肉嘅油脂、以及少許漬物前菜，係可以好有飽足感。好好好好食！ 杯咖啡都唔錯。值得再來 ～ （留意番小店只收現金）#呼吸星球 …Read More

久聞天香樓大名，亦舒同蔡瀾都曾經講過食中菜必食天香樓，或是全香港最好嘅杭州菜江浙菜一定係天香樓云云，早於二、三十年前已經係香港富豪飯堂，小女子尚年青，之前未有來過，剛好有朋友叫食飯，終於有機會黎試試，應該係一世人唯一一次，以後就算有人請都唔會再黎。            首先，我最唔鐘意餐牌係手寫價錢，即係話個價係海鮮價，呢個非常不合理，本身如果係時令食物例如大閘蟹之類，你手寫無問題，但我就唔係好明為咩連個東坡肉都係手寫銀碼。成個感覺就好唔老實，有錢黎食，唔代表要俾你搵笨。            再來，朋友之前係有光顧過，今次要就佢時間，要等佢外語課落堂先食，咁佢訂檯係晚上9：30，我哋成班朋友不虞有詐，不過都因為怕太夜早左到，點知坐低無耐侍應就同我哋講9：30 係 last order， 佢地廚房收工，然後話佢地鋪頭係收10 點。 當堂呆一呆，如果係咁，點解仲接受 9:30 訂位？ 係咪整古人？            唔緊要，咁叫餸係住等啦，朋友一打開餐牌，即時放低話唔敢叫，因為價錢貴得不合理，我因為心知呢度大約係咩價位，大家睇完一輪都無人想叫就由我發辦，本身想多叫幾款所以打算叫細碟（係，佢大部份菜色都有分大中小三個價錢），但侍應響呢個時候提醒我，每位有最低消費$700, 我咁樣叫係唔會食到數，最後都係收足錢，我地7個人，即係未計加一都要＄4900，所以我都唔想再諗，叫佢將份量變成中碼。最後我哋叫咗：（我唔 post 相，因為食到第 3 度已經無心機影）三拚冷盤（海蜇、醬鴨、鴨舌）＄328海蜇有麻油香，不錯，鴨舌一味咸，完全食唔到任何味道，醬鴨咸到連用黎送酒都覺得係錯！龍井蝦仁（小）＄388完全食唔到龍井嘅清香，佢只係響蝦仁上面灑咗十幾條茶葉上去，蝦亦無河鮮味，最後要靠蟹醋去提味先食得完，咁我叫呢個菜嘅目的係為咩呢？糖醋排骨＄298正常發揮，但只需用一半價錢，我響任何一間上海菜館都食到同樣味道。東坡肉＄288一盅有4舊，食唔到入口即化嘅豬肉香，我朋友食完評語係：「舊瘦肉好鞋」你咩時候會用「瘦肉（發音：玉）黎形容一舊豬肉？係煲完湯剩低果d 湯渣呀！大佬！辣子雞丁＄308完全食唔到辣味，只係食到一碟好多芡汁，一粒粒好鞋口嘅雞肉炒三鮮＄298我唔知入面有邊三鮮，因為果碟嘢上檯時，成個賣相同廚餘無咩分別，我本人完全提不起意慾去夾黎食。只知一定無牛骨髓因為侍應話佢地無牛賣。椒鹽鱔背＄478成晚食過最好就係呢一碟，真正無骨，夠熱，香口。蟹粉豆苗＄1160千幾蚊食一個蟹粉豆苗值唔值就真係見仁見智，蟹粉份量係算多，豆苗亦炒得非常好，唔油，鮮甜，但呢個價錢就真係有點兒那個。蟹粉拌麵＄428 （叫咗 3 碗 Share, 合共 ＄1284）蟹粉分開一碟上，份量不多不少，麵好食，但唔會好食到嘩一聲。計埋一支酒嘅開瓶費，另外叫咗一個白飯，茶芥連加一，成餐飯盛惠＄5951錢都算，最慘係食物質素大多都非常一般，一般到我去其他中價上海菜館都食到呢個水準，你話食環境食氣氛咩？佢鋪頭老舊得黎毫無特式，單就只係一個舊字，而最大件事係服務。全晚只有一開始招呼我哋，幫我哋落單果位係侍應係有禮貌，一開始講過喇，負責訂檯吹雞食飯果位朋友，9：30 先落堂，趕到黎已經10點，我見到鋪頭真係即刻較暗晒d燈光，有侍應出門口收閘（當時店內連我哋仲有至少4檯客），朋友到之前，另一個阿叔侍應加一個阿姐，已經不停叫我哋打包檯上食物，話凍咗唔好食，問佢可唔可以幫手熱一熱個蟹粉，或俾碗熱白飯我朋友，佢哋就話廚房收工走埋喇。到朋友趕到黎，佢都唔計較，檯上有咩都食埋先，果個阿叔不停響隔離叫佢唔好食，叫佢打包，然後不停收我哋檯上啲碟，之後又話無車返屋企呀，好慘呀，然後，成個收碗碟用嘅銀盤放上我哋檯面，去到呢個地步，我哋都唔想再講，叫佢幫手打包2－3個菜走人。一路pack 果陣，仲俾我另一個朋友聽到佢哋講：「蝕咗半個鐘」。最後幾檯客一齊走果個畫面，簡直同電視見到嫖客去一樓一被差佬捉到，一個跟一個咁被人推出去無咩分別。收呢個價錢，食物質素對唔住佢個價，服務差，環境一般，7個人黎食，埋單位位＄1200，我諗響呢個時勢有大把更好選擇。呢種曾經風光嘅老牌食店，去到今時今日，同一個已經人老珠黃但仍死撐尚餘三分姿色唔肯面對現實嘅女子一樣，上厚粉遮掩倦顏，露出一口煙屎牙猶自故作風情，旁人見到真相，只會更添厭惡。…Read More

上次第一次食釣魚船屋是2月頭，同朋友聚會兼 farewell，回來寫了一個食評，沒想到3月時剛好餐廳有一個活動，挑選寫得較好的幾位，可以有 ＄500 現金劵，多謝餐廳選中了我的食評，所以特地約老公來食個午飯。 今次兩個人可以專心吃飯的關係，多叫了幾款上次沒有吃到的，水準都很不錯，感覺比起上次來時還更進步，而且可能是午市剛開我們就入座，人不多，招呼就更勤快。我自己叫了一個熱食的溫泉蛋明太子烏冬，醬料很夠，每一條烏冬都有沾到，味道不錯，先生搶了我一著麵，一直說好味道。 （順帶一提，這個烏冬我見到餐牌另有一個冷食的）先生要了一個午市定食 － 雜錦魚生飯，很新鮮，只落少少豉油已很鮮美。 定食有配麵豉湯，蒸蛋，4小碟前菜及一個小小的沙律。先生拖到食完全部東西，最後才食那個蒸蛋，到一半發現內裡都是水水的蛋漿，問我是否未蒸熟，我喚人來問，侍應說這是他們的做法。因為我們拖到最後才食，都冷了，也嘗不出來是否真的如他所說，不過，個人對於一個日式蒸蛋內裡都是流動的蛋漿，感覺很不好就是了，建議餐廳這一方面還是用回「正常」方式做日式蒸蛋吧。。。每次食日本菜，我都必叫的銀鱈魚西京燒，這件燒得不錯，皮脆，魚肉肥美，有油香。鹽燒牛舌，串燒中間位置較大一片很嫰，後面較細的因為薄身的關係，就會硬一點，但不會咬不爛，調味很好。燒露荀，鮮味無渣，不錯。等到檯面的食物都清得七七八八，我叫的燒羊架還未來，正想問是否漏單時就來了，一咬之下，嫰得不得了，邊位脆，肉軟身，近邊有一點肥膏，燒得很香，另外 ，入口有淡淡羊膻味，很回甘，我個人最怕別人說什麼「這羊很好，一點都不膻」，食羊就是要這一個膻味，不要膻味又要嫰的話你吃牛扒就好了，幹嘛食羊？ （不好意思有點小激動），所以這一等待完全值得，而且才 ＄98 就有 2 件，抵食。有一點很值得稱讚，不論是羊架還是銀鱈魚，都伴了半碟沙律菜，對於中和肉食的油膩很有幫助，也不用再另外叫一個炒菜。近日食了兩次健康餐單，多食菜真的對身體很健康，皮膚也變好，所以，對於會提供大量菜的餐廳很有好感。埋單連加一 ＄632，扣除 ＄500 現金劵，只需 ＄132，這個午餐我們賺了…Read More

一知道有這間店就立即安排訂位，誰知已非常爆滿，一訂就到2月1日才有，剛好有同學 2日後就移局外國，正好趁這天聚一聚。餐廳非常好，幫我們安排了卡位，卡位很特別，是6個座位，下面可以放腳的那種榻榻米， 前後都有竹簾分隔，私隱度高，而旁邊就有水池可供垂釣，不需行出外面的大船，很方便，唯一就是如果釣到海鮮，一個興奮的時候，把水產拉起時會潑到整張檯都是水，不過也是開心的時刻，就管不了那麼多了。釣魚需要購買 ＄20 魚糧，是一些蝦干，餐廳特別提醒，釣上來之後一定要購買進食，刺身無需附加費，如果其他煮法就要加錢，原因是所有水產，釣到了就等如用魚勾把魚咀或身體勾傷，就會有傷口，衛生及健康問題，都不會再放回魚池，所以，真的想要食才釣呀！餐廳落單很方便，就用自己的手機，掃一掃他們提供的 QR Code, 連上網站就可以手機落單，上菜亦很快，那麼就不用等 waiter 過來慢慢寫單了。場內氣氛很好，每次大船那邊有人釣到魚都會擊鼓，很熱鬧。我們釣不到魚，反而釣了一隻龍蝦，很大一隻，連食材及煮大約 ＄1200，不算貴。其餘叫了不少食物，刺身很新鮮有甲羅燒，可惜只配了 2 件多士，不太夠，因為餡料太太太多了！ 海膽炒飯燒牛舌唐揚炸雞 （還有一個吉列蠔我忘了拍照）雞泡魚干炒野菜芥辣八爪魚食物好味，氣氛熱鬧，如果有小朋友的話會覺得很好玩，不過就要注意安全，小心不要掉到水裡。大人朋友聚會的話，建議訂卡位，會比較舒適。很值得再去的餐廳。…Read More

晚上只有自己一個食飯，忽然想食日本菜，所以放工後就到公司附近的 D2 Place One 找找看，記得之前 lunch 時到過這一家餐廳，食物不錯，所以想晚餐時再試一次。刺身很鮮甜，價錢合理，大吞拿及三文魚腩因為油脂豐富，所以食完已有半飽。銀雪魚西京燒做得不錯，口感豐膩，是日本菜當中我最愛的一道菜。埋單確實價錢忘了，大約 3百多吧。 應該配清酒的，會更完美。…Read More

尋晚同先生食飯，我先叫左一杯 Hazelnut coffee 同一個芝士菠菜焗大啡菇，先生就叫左個煙三文魚帶子意粉。杯 Hazelnut coffee 上檯時，跟左一包糖，我已經覺得奇怪，因為 Hazelnut 糖漿已經好甜，仲要落糖？ 為免中招當然先試一下味, 嘩，甜到一個點！ 完全無晒咖啡味，得個甜字，果個甜度勁過用冰糖煮糖水。 先生試完一啖，都放低左，成杯唔駛飲。個大啡菇到先，係ok 好食嘅，一碟有兩大隻，女仔食會飽肚。到個意粉上檯，先生默默食完，就舉手叫埋單，呢個現象極奇，因為佢通常都會坐多陣傾下偈打陣機先起身行。到出左餐廳，佢第一句就話呢間以後都唔駛再黎，原來果碟意粉咸到不得了，似落左 double 嘅鹽一樣，佢如果唔係因為肚餓，同埋知我要趕返屋企睇電視，都唔會夾硬食完佢。本來我對呢間都有d 期望，諗住日後多個地方食晚飯，而家可以響 list 度刪除了。…Read More

位於佐敦的好好肥牛雞煲，既然開到牌頭是肥牛同雞煲，應該呢兩樣最耍家，我本人麻麻地雞煲，所以黎親都係打邊爐勁食肥牛為主。黎過幾次，試過佢地既清酒蜆湯底、沙嗲湯底、蕃茄薯仔湯底同埋胡椒豬肚湯底，各有特色，個人最鍾意就係胡椒豬肚湯底，特別係冬天叫呢個，飲完啖湯暖笠笠真係無得頂！鋪頭檯數唔多 （10張以下），有大中細檯，如果人多，最好事前訂定位。次次黎都掛住食唔記得影相（同埋打邊爐既生料，影出黎都唔係好好睇），所以無咩相可以post，只可以出到一張肥牛相，因為個賣相真係好正！見到都想食！通常大家食響鈴，都會僅記3秒法則，但呢度好特別，會叫你一秒都唔好晒！因為，佢地推介另一個食法，就係唔好淥！就咁食！ 店家會提供一碟類似錦露雲吞果種酸甜醬，配合新鮮即炸仲熱到辣口既響鈴，脆卜卜加酸酸甜甜既醬汁，真係好好味！試過咁樣食，真係唔會想放落湯度淥 （當然，有時索左湯汁又係另一個風味）。另一推介係佢地既芝心丸，丸本身已經係手打，好彈牙，而當中既芝士用料好好，烚幾耐都唔會變硬，而且好香口，要過食既時候要小心，如果唔係就好易俾流心芝士辣親架喇～食完所有野，仲有甜品，可能因為好好本身係上海菜起家（佢地係佐敦仲有一間鋪係專食上海野），所以甜品都有 2 種選擇，分別係桂花糕同豆沙鍋餅，兩樣都好好食，豆沙鍋餅係即整，拎到出黎仲係熱既，絕非整定放係度既行貨。基本上，去過呢度之後，我打邊爐都只會返黎呢間食，連我老公唔鐘意打邊爐既，都愛上了（佢成日話打邊爐食唔飽，因為食果陣唔係一氣呵成咁食，又無飯到肚喎。。。）推介大家去好好，記得叫上面介紹既鎮店之寶呀 ：） …Read More

首先要讚下 Table Map, 用佢地訂檯真係好方便，share 俾飯腳又簡單。今次輪到同中學同學食我既生日飯，特別去左之前朋友帶過我去既 Bellini。首先，食物方面同之前水準一樣，好！佢既 Tasting Menu 好抵食，價錢都係 2百幾到3百幾， 你可以選羊架，牛扒，鱸魚，跟餐本身有前菜，湯，主菜，甜品同飲品。今次我叫左羊架。 其他朋友分別有叫到牛扒同魚，評價都係好的。牛扒大件到可以 share d 俾人食都得。另外我地仲叫左一打生蠔，好新鮮，亦有海水味，食落好 creamy。朋友送左支Sparkling 俾我，即場請餐廳幫手雪凍開黎飲，每人消費滿＄250 就可以Waive 開瓶費。成餐飯唯一唔滿意既地方，係我唔知道原來星期五都係收 10點咁早，我唔太記得上次黎係幾點收鋪，但之前都係一班吹水怪黎，點都唔會係咁早就散，所以，waitress 9點就埋黎remind 我地 10 點收鋪時，我係有 d 愣然。如果我早知佢收咁早，我唔會選呢度，因為一來生日飯，又係happy Friday, 而且成班同學幾個月先見一次，唔會想 10 點就返歸。餐應本身地方唔大，所以樓面只有 2 個waitress, 其中年紀較大一位，基本上成晚都係黑面，你唔可以話佢無service，但睇起上黎就係唔多想理你果種，同埋，我地係 9點同9點半都分別被提醒佢地收 10 點，但真係一到 10 點就黑左一半燈，同埋果位小姐已經拎晒d 單出黎埋數，我地幾個朋友見到咁樣，連單都未 check 就已經簽咭，都仲未計好一人要夾幾多錢，就要企起身趕住走怕阻住佢地，我明白鋪頭有關門時間，但有無需要做到咁呢？食物幾好都好，我諗都唔會再黎，邊度都有價錢合理既好野食，為咩要受氣同食到趕頭趕命？…Read More

今年其中一餐生日飯, 去了位於iSquare 的名家韓式料理, 朋友特別訂了近窗邊的位置, 可以一邊食一邊欣賞夜景, 不過, 要留意餐廳特別有提醒, 窗邊位的最但消費是HKD600, 不過, 想一想平日食韓燒, 單是叫兩份牛肋骨加支酒都已達標, 就更毫不猶豫了.未知是否因為有最低消費的關係, 我們二人於整個晚餐時間都有一位員工負責幫我們燒食物, 一開始我們以為只是牛肋骨會幫我們燒, 後來發現全程有人幫忙, 而且燒出來的食物生熟度剛剛好, 絕對比我們自己燒的好太多, 滿意度又加一分.食物份量不錯, 質量也好, 連大蝦都十分彈牙, 餐廳還提供一小包喜瑪拉雅粉紅鹽給客人去為肉類調味。當晚我們點了牛肋骨(不醃)、五花肉(不醃)、牛肩胛肉(鹽醃)、大蝦以及一支米酒, 除了每人有3小碟前菜外, 食完肉類之後還會有一小杯凍柚子茶消滯, 十分貼心。可能是個人口味問題, 我覺得點他們的肉類, 選不醃的較好, 即使不加任何調味, 那陣肉味也十分突出, 食得出鮮味來, 但牛肩胛肉我們選了鹽醃的, 燒完之後, 我個人認為太鹹, 反而友人就覺得OK, 所以, 如果本身不算食得太清的話, 可以一試。這間餐廳可以再encore, 下次可以帶老公去食~…Read More

是日本來約了朋友派帖, 打算去食日本菜, 不過腸胃不太好, 所以就想在附近找一家整潔的西餐廳, 完全是誤打誤撞入到這家小店, 感覺非常親切.由於完全無心理準備要入來, 亦因為同朋友有太多話要談, 所以, 抱歉並未有為食物拍照.餐前的麵包是暖的, 一上來就已經有好感, 最怕去西餐廳食凍的餐包, 配著熱湯感覺會怪怪的.我叫的是南瓜湯, 味濃, 不錯喝.我叫了一個羊架, 有3片, 加瓜菜墊底, 有羊味, 但不太羶, 肉夠細嫩, 味道不錯.男朋友同友人都點了牛扒, 據他們說, 無筋, 有牛味, 而且我們要求生一點, 也做得到, 而內部並未有不夠熱的部份, 處理得很好.最後加緊$15 點了甜品, 我要了法式焦糖燉蛋, 好味!之後的餐後咖啡也不錯, 太高興他們不是給我捷榮咖啡以及那個咖啡杯 XDD這是一家會再來光顧的店, 很好. …Read More

與友人路經中環，本身想看看那邊的一間婚紗小店，為明年的婚禮做資料搜集，幾位行得有點累，正想找東西食，一抬頭就見到有一間小店，主打中式點心，門前小黑板寫明有我至愛的鵪鶉蛋燒賣！二話不說就拉著朋友一定要食這一家！小店檯數不多，只有。。。4－5張吧，因為是平日下午，等了 5 分鐘就可以入內，店面需小，但蠻舒服的，而且，店鋪的一半就是廚房，透明大玻璃可以清楚見到師傅做手作點心，能夠這樣透明公開，一定是對衛生及手藝很有信心！看過餐單，價錢同一般酒樓差不多，而且有幾款點心還混合了一點點西式的做法，感覺特別。仗著有好幾個人，想試多一點東西，所以 order 了併盤以及另外幾款點心：…Read More