nakajima的个人专页

本身很喜歡吃多士, 一定要叫油砂多(厚), 加了一杯奶茶一碗雪菜牛米, 先來的是凍茶, 等了約十分鐘, 雪菜米都來了, 奶茶都幾得, 但雪菜米真的很一般, 雪菜很咸, 牛肉很靭, 湯底無味, 成碗野都唔好食, 再過十五分鐘, 油砂多黎左, 重以為佢地漏單, 講返個油砂多, 面頭層油砂好香, 厚多士外層內軟, 好味, 下次再來會吃油砂多及奶茶了…查看更多

看到成100個好評, 心諗都唔差得去邊, 一心想揾間比X仔好食嘅米線鋪, 所以都會四圍試吓, 去到係下午茶時間, 一碗餸麵加雞亦兩隻, 豆漿一杯, 盛惠$22, 湯底真係一般到唔一般, 毫無四川風味可言, 雞亦都只係普通在雞亦上灑上孜然粉, 好一般, 總括而這, 填飽肚係OK, 但講到好食, 真係唔講得, 穩陣計, 都係去返X仔, 起碼比較有四川特色風味, 相信只此一次, 不會再幫趁了…查看更多

係電視睇到流晒口水, 電視效應, 多人就預左, 水準亦有心理準備會差啲, 去到門口聞到好香, 都有成十個八個人排隊, 諗住佢會好得, 點知, 份量真係少得可憐, 每樣得三四粒, 成碗先得一半, 我已叫了四餸, 但從未食過咁細碗, 我已經係非常細食嘅人, 但食完都仍然覺得唔夠飽, 而且味道真係唔多覺得特別好食, 對此食店真係極之失望, 電視效果, 果然真係信唔過!!!!…查看更多

我很喜歡吃拉麵, 知道呢道好多人讚, 所以一定要來試試, 其實佢都唔係太大間, 大約十五六個位, 拉麵款式都唔係咁多, 大約八至十款, 不過都係差唔多咁, 叫了一個普通猪骨拉麵, 來到時, 賣相確實唔差, 但湯底唔係好得, 杰撻撻, 重越食越杰, 唔知係咪湯底問題, 食到一半, 已經好"濟", 唔想再食, 本來對呢間店其望都幾高, 可惜吸引唔到我, 相信只此一次呢!!!!!!!!!!!!!…查看更多

去開長沙灣, 記得有間茶餐廳好似幾多好評, 當然要去試試, 我個人通常比較為鐘意座樓上, 所以今次都選擇了座樓上的位置, 由於下午茶時間, 叫了一杯凍奶茶及一個蛋撻, 環境同食物質素都唔錯, 中途見到有幾多人食奶油飽, 好似幾好食, 本身都幾飽吓, 但都抵擋唔住佢可的賣相, 叫了一個食, 一個圓圓而漲卜卜的奶油飽送到我面前, 好好味喎, 奶油好香, 而且不太大個, 份量啱啱好, 不過食完真係好飽, 食完個肚都好漲, 個飽原來都只係$3.5, 真係好抵, 食完都有啲掛住佢添!!!!!!!!…查看更多

見到食評唔錯, 去買啲外賣試試, 入到去感覺到幾舒服, 鋪頭細細, 但都幾骨子, 而且都幾整齊清潔, 叫了約八碟壽司, 碟碟用料都好新鮮, 而且餐牌款式都幾多, 有幾十款選擇, 但可惜無我最愛的芝士蟹籽同燒牛舌, 希望遲啲有得食啦, 而侍應哥哥服務都唔錯, 好有禮貌, 而價錢都不太貴, 以質素來說, 都可算是抵食, 相信呢間都會成日幫趁了,希望佢可以Keep住啲水準啦, 原來小店都可以做得好好架!…查看更多

其實都想食左好耐, 今日啱去開果頭, 即走去買黎試啦, 買了一包蛋卷, 一包鳯凰卷, 蛋卷好脆好好味, 我覺得比精x蛋卷更好味, 而鳯凰卷其實都做得好好, 但我不太喜歡食椰絲芝麻, 如果有肉鬆味, 咁就Very Perfect啦, 其實呢間鋪現在已比上面幅圖更光鮮, 現在是玻璃門, 感覺較骨子及整齊, 店內除一個男店員, 還有一隻可愛肥八哥助理, 希望遲啲有肉鬆鳯凰卷就好了, 我必定會定時幫趁呢 !!!!!!!…查看更多

成個月都無去過, 心思思又走去食, 其實食開都知佢啲壽司質素唔差, 但今次再去, 價錢加了成20%, 有啲食物重唔止, 因為已入去座低左, 無理由走返出黎咁肉酸, 所以都叫了幾款壽司, 但已比以前叫少了幾碟, 以前食開七八碟, 今次叫了五碟便算了,但埋單都差唔多價錢, 其實我相信佢哋自己都知道生意差左好多, 以前迴轉帶有好多款新鮮壽司, 而家來來去去都係得十碟八碟, 重要係啲平價貨, 有啲重乾乾地, 好似整左好耐咁, 見到都唔想食, 而且食飯黃金時間都係得小猫三四隻, 以前都要等吓位, 而家直情連Reception都唔洗企出去, 咁樣, 相信佢都好難做得住啦!!!!!!!:(:(…查看更多

今日同朋友食左個黑椒蜜糖雞翼菜飯, 我朋友食左個阿婆肉飯, 食物唔錯, 幾夠熱, 而每碟都跟滑滑豆腐花, 全餐廳嘅食物都好似好健康, 感覺有點像杏花樓, 同好座小小, 但中途見有兩個女仔入黎想座卡位, 但當時仍未有位, 所以佢兩個座了在於門口張枱, 很快有兩個卡位客人走, 兩個女仔想入去之際, 剛啱又有兩個人入左去座, 但果兩個女仔仍然好有禮貌咁話再等, 人哋講左三次, 果位戴眼鏡女侍應好似扮聽唔到咁, 但個女仔仍然好有禮貌咁話等多陣, 戴眼鏡女侍應竟然話有排都未有呀, 我哋好忙, 幫唔你留位, 個兩個女仔最終都走左無食到, 雖然唔關我事, 但人哋都係想座卡位啫, 有人走你咪幫佢留留位囉, 果位阿姐啲態度真係好差, 全程口黑面黑, 佢老闆好似請佢返黎倒米咁, 因為呢啲好可能發生於你同我, 所以亦希望呢間店可以改善吓啲服務啦…查看更多

又話係招牌貨, 真係好難飲. d奶蓋無奶味,同貢x啲奶蓋相比, 人地真係嬴晒, d芒果汁又唔知咩味, 好似啲罐頭水果啲味, 超級難飲呀, 杯野又唔平,成十幾蚊, 咁嘅質素, 好彩我唔係第一次幫趁佢啲野, 唔係真係大打折扣, …查看更多

都試過好幾間台灣茶, 呢間都幾好飲, 巳試過兩三款飲品, 都是我想像中味道, 而且茶味都幾夠, 下次有機會會試吓其他味道, 希望保持水準, 但此鋪位有點西斜, 等候飲品時真係熱到爆…查看更多

見到四蚊碟, 從未以這個價錢食到一碟壽司, 當然要去試試, 不過, 已有心理準備要大排長龍, 去到差唔多六點九, 排了一陣, 已見有一位哥哥截龍, 咁又係嘅, 唔截龍, 可能通宵都有人排, 差不多九點半才有位入, 立刻取幾碟壽司吃, 可能臨收鋪, 有些款式已賣完, 但一般大路的都有得吃, 海膽都吃到一碟, 很鮮甜, 壽司飯比較大件, 而且只有少量醋, 好像不太夠味, 其他魚生都很新鮮, 又不會切到薄一薄, 就算以原價八蚊碟, 都很扺吃, 但不太適合要求高人士, 因佢比超級市場那些好, 但又不及一般大型壽司店, 可謂比上不足, 比下有餘, 此店真的由台灣人主理, 所有管理層都是台灣人, 幾特別, 如果不想用以太多金錢又想吃到壽司, 此店是一個非常好的選擇…查看更多

見到新開, 啲裝修又幾掂, 以為都應該OK, 今次去食火煱, 點知個煱叫左成半個鐘都未黎, 佢都唔係好多客啫, 有咩理由咁耐呀, 都唔緊要啦, 而且人手又唔夠, 叫極都無人應, 啲野食質素又唔係好好, 我就一定唔會再幫趁啦, 但如果佢間野繼續係咁, 我相信佢都可能好快接埋啦!…查看更多

我一個月都會去度食一二次, 但最近兩三個月, 發覺啲壽司飯縮左水, 細左約三分一, 而且唔係一兩次嘅事, 以前黎食覺得價錢同出面大集團差唔多, 但會較大件, 所以覺得幾抵食, 但而家細件左, 有啲偷工減料的感覺, 因我付錢無比少你, 但你就比少左野我, 我知道而家物價越來越貴我寧願你加貴少少囉, 唔好咁鬼鼠, 因我哋成日食會發覺到架, 其實, 呢間野食啲質素都唔差, 都幾新鮮, 但咁樣會比我覺得佢哋唔係咁好囉, 所以希望佢哋有所改善啦, 唔係我都唔會再去幫趁啦!:(:(:(…查看更多

見雜誌廣告, 再加上食評唔錯, Book左位8:30同媽咪食飯, 上到去當日, 門口異常多人, 可能佢個lOBBY唔算大, 接近入場時間, 更加多人多到出都出唔倒Lift, 不過用左十分鐘左右, 都清左好多人, 講返啲野食, 首先, 叫左一啲刺身, 小食, 串燒, 各樣各樣都叫左啲, 等左約五分鐘, 都有野食陸續黎, 啲魚生好新鮮, 全部都好有光澤, 顏色都好好, 唔會話啞晒色, 非常對板, 其他燒物拎來的時侯都係熱的, 呢樣, 我媽媽對呢個要求非常滿意, 因佢好怕拎啲野黎好似整完好耐先拎黎,而且呢間野啲服務態度都唔錯, 個個都面帶笑容, 呢樣真係幾難得, 因通常只有一兩個人會咁好態度, 而且當冕都幾旺場, 此店Training都唔錯, 初頭都驚Book咁夜會有好多野賣晒, 點知一樣都無,全部都有得食, 最後一提佢係用罐裝飲品, 感覺好乾淨, 好希望佢Keep住呢個水準…查看更多