大喜屋日本料理 (已結業)

見雜誌廣告, 再加上食評唔錯, Book左位8:30同媽咪食飯, 上到去當日, 門口異常多人, 可能佢個lOBBY唔算大, 接近入場時間, 更加多人多到出都出唔倒Lift, 不過用左十分鐘左右, 都清左好多人, 講返啲野食, 首先, 叫左一啲刺身, 小食, 串燒, 各樣各樣都叫左啲, 等左約五分鐘, 都有野食陸續黎, 啲魚生好新鮮, 全部都好有光澤, 顏色都好好, 唔會話啞晒色, 非常對板, 其他燒物拎來的時侯都係熱的, 呢樣, 我媽媽對呢個要求非常滿意, 因佢好怕拎啲野黎好似整完好耐先拎黎,而且呢間野啲服務態度都唔錯, 個個都面帶笑容, 呢樣真係幾難得, 因通常只有一兩個人會咁好態度, 而且當冕都幾旺場, 此店Training都唔錯, 初頭都驚Book咁夜會有好多野賣晒, 點知一樣都無,全部都有得食, 最後一提佢係用罐裝飲品, 感覺好乾淨, 好希望佢Keep住呢個水準