ChristyCheung5811的个人专页

呢排超熱愛食西班牙菜嘅我周圍瓹窿瓹罅試唔同餐廳，平時都集中喺尖咀或者港島，估唔到長沙灣都有間咁出色嘅西班牙餐館，價錢仲要好親民😍餐廳細細長期爆滿，大家記得要早啲訂位啊～▫️Grilled Hanger Steak🥩 (160g) ($168)👉🏻呢個風封門柳牛扒超吸睛！每一嚿都超厚切顏色非常粉嫩，食落牛味濃郁仲好Juicy底下原本以為係普通薯蓉，但原來係鷹嘴豆蓉😮味道帶有淡淡嘅栗子香氣同有微微甜味，口感幼滑Creamy.▫️Spanish Blue Tuna Tartare（$208)👉🏻一共有三層layer 層次好分明🤭分別係香甜嘅芒果🥭、軟滑嘅牛油果🥑，同軟嫩嘅tuna tartare，再加埋香脆多士一齊食，口感層次更加豐富.▫️Broken Egg🥔🍳 ($98)👉🏻食西班牙菜其中一樣必點！將面層嘅半熟流心蛋篤穿，再同底下嘅香脆薯仔絲撈勻，超級惹味🥰▫️Churros W. Ice Cream & Hot Chocolate Sauce👉🏻真心算係我喺香港食過數一數二嘅Churros😳即叫即炸外酥內軟，玉桂味非常香濃，好鍾意伴碟嘅雲呢拿雪糕🍨，唔會太甜奶香突出，一熱一凍嘅Combination超正😍另外熱朱古力醬🍫就係另一種感覺，邪惡感Max😈.▫️Peach Espresso Tonic▫️Ice Chocolate—————評分：9.5/10.平圴消費：～$360…查看更多

Airside 有新店進駐！係由荃灣開過嚟嘅「自己人」，餐廳主打新派潮式手工菜，有多款精緻造型點心，追求色香味俱全😋 ▫️ 金魚戲水🐟($49)👉🏻金魚其實係湯蝦餃。造型非常精嫩，仲要有埋魚鱗，非常Detail😍 蝦餃外皮好有彈性，蝦肉鮮嫩爽脆.▫️鳳梨雀仔🦆（$39)👉🏻雀籠擺盤真係冇得輸，好架勢🤭鳳梨酥外皮鬆脆，餡料口感綿密甜而不膩.▫️ 天鵝酥🪿（$59)👉🏻 天鵝酥入面包住汕頭滷水鵝肉，形態逼真，酥皮層次分明！鵝肉醃得好入味，肉質細嫩.▫️ 雪茄春卷🚬($49)👉🏻 雪茄造型有埋包裝紙同埋煙灰缸真心型爆😎但其實佢係水煮魚春卷😮春卷外皮香脆，水煮魚細緻嫩滑，配搭好新鮮！. ▫️ 麻婆豆腐小籠包（$49）👉🏻小籠包竟然係用煎Pan 上，非常之特別😂麻婆豆腐餡料非常創新，但又好夾，皮好薄，餡料亦好夠Juicy！小籠包底層有一塊薄脆片，脆口口感令到食落有生煎包嘅感覺😋.▫️ 潮汕生醃蟹🦀（$189)👉🏻醃蟹用咗秘製醬汁，食落有齊鮮、香、甜、同麻嘅口感，肉質肥美軟糯，蟹黃香甜，整體鮮味十足.▫️ 沙嗲鵝腸（$99)👉🏻鵝腸份量非常多，口感肥美爽脆，每一條都沾滿沙嗲醬汁好惹味.▫️羊肚菌燉螺頭（$69)👉🏻燉湯帶有濃郁嘅菌香，亦有螺頭嘅鮮甜味，飲落滋補養生.▫️爆珠馬蹄椰子水（$29)👉🏻 馬蹄椰子水解渴清甜，加埋爆琳增加口感層次🙂值得一提，呢度好多飲品都會有「噴煙小茶壺」，非常適合打卡，仙氣滿滿💨.▫️海鹽焦糖脆脆牛乳（$29)👉🏻奶味濃郁，帶淡淡嘅海鹽味，甜度適中——————評分：8/10.平均消費：$370…查看更多

▫️茴香干煸爽肉白菜花($128）👉🏻椰菜花爽脆有咬口，配上有微微焦香嘅豬肉，鑊氣十足😛.▫️孜然羊排🐐($328）👉🏻羊排外皮粉漿唔會太厚，炸到超酥脆😍羊肉都幾嫩滑 ，唔會過分臊味，同埋醃得好入味😚.▫️野生菌鵝掌煲($188）👉🏻鵝掌採用獅頭鵝，肉質滑嫩軟糯，炆到好腍，面頭有雲南野菌，味道鮮香濃郁🍄‍🟫食到底估唔到仲有腸粉，全部都索滿自家制醬汁超惹味☺️.▫️百香冰心丹霞($22）👉🏻百香果配上車厘茄🍅非常Refresh，做前菜一流🤭.▫️川香口水西瓜🍉($22）👉🏻呢味菜真心有驚喜，西瓜爽口清甜，面頭有麻辣醬，配搭有啲似Melon 同Parma Ham咁，將辣味同甜味互相平衡.▫️竹炭黑金脆豆腐($18）👉🏻金脆豆腐炸皮薄而脆，豆腐結實得嚟好嫩滑，真真正正外脆內軟，同埋絕對唔會一夾就散.▫️椰香麻薯奶酪🥥($58）👉🏻擺盤好精美🤩麻糬椰味濃郁，煙靭軟滑，面頭有大量芒果清爽香甜.▫️桂糖香芒爆珠涼粉($48）👉🏻涼粉口感爽滑，面頭髮又有大量芒果🥭——————評分：8/10.平圴消費：～$460…查看更多

▫️Lv4 日本A4+和牛響（$498)好耐冇食任食燒肉喇！牛舌控嘅我見到安平燒肉竟然有【厚切檸檬牛舌👅】，點可以唔嚟試吓！😮牛舌用慢火燒，自己都可以燒到顏色好粉嫩，食落爽脆有彈性，加埋檸檬汁🍋非常解膩😋最Surprize 係店員會提供刀叉🍴同埋木架俾你擺盤，好有儀式感😂叫得最高級別套餐梗係要食多啲先至回本啦🤭和牛方面有【日本A4+和牛】、【日本A4+和牛壽喜燒】同【日本A4+醬燒一口和牛丁】，整體都油花滿滿，有入口即融嘅感覺🤤而壽喜燒湯食完和牛唔好哂，記得烚埋菜，食落非常清甜☺️而海鮮方面就有【炙烤白鱔 】、【威士忌釀鮑魚】、【柚子鮑魚酥】同【炙烤霸王蝦🦐】☺️另外餐廳醬料區除咗大路嘢，仲有好多特別嘅醬料，例如【薑味可樂醬】、【招牌黃金醬 】、【香水檸檬汁】 、【椒麻口水醬 】，等大家可以自由配搭出更加滋味，油膩感亦都唔會太重嘅食法😌——————評分：8/10.平均消費：~$540…查看更多

呢間餐廳以復古綠色做主調，設計時尚摩登，有好多打卡位超啱同姊妹去Chill 吓🙆🏻‍♀️▫️ 桂花松露醬燒雞🐓·法式燴小椰菜·蘭度豆及蘋果加配鴨油煎薯塊🥔($208+$68)👉🏻燒雞外皮燒到金黃色外皮好吸引，食落肉質嫩滑Juicy🤭底下嘅薯蓉超級綿密Creamy，帶牛油香，食到停唔到口😳另外Side Dish 嘅鴨油煎薯塊煎到外脆內軟真係超級香口！非常推薦加配🤤.▫️海膽及蟹肉墨汁意粉🍝($238)👉🏻墨汁意粉都算幾彈牙，掛滿超濃郁嘅海膽醬汁同蟹肉絲，鮮味十足😍海膽質感飽滿，入口甘甜😋.▫️開心果焦糖燉蛋·金巴利莓雪糕($108)👉🏻焦糖燉蛋外層焦糖好夠薄脆，燉蛋開心果味超濃郁，但又唔會蓋過蛋香，質感超級軟滑細膩😳 莓味Sorbet酸酸甜甜好解膩—————評分：8.5/10.平圴消費：～$340…查看更多

平時食Omakase 會諗起中環或者尖沙咀，但其實觀塘都食到高質Omakase！今次試呢個Set 加埋一$1000 多少少就食足20樣菜式！以下係幾道特別要Share嘅菜式😎【蘋果木煙燻大拖羅·中拖羅· 沙甸魚乾】師傅即場用儀器將大拖羅同中拖羅煙燻，係一個唔錯嘅打卡位😆煙燻緊嗰陣現場聞到滿滿香氣🤭師傅最後將兩塊拖羅同沙甸魚缸用紫菜包住，一啖食落滿口魚油，入口即溶加埋香脆口感，口感層次超豐富🤤【北海道馬糞海膽】師傅將大量海膽擺落紫菜天婦羅，再灑上淡雪鹽，賣相好吸晴🥹不過仲未完！師傅會再喺你手上噴上食用金粉，金光閃閃好吸晴🤩海膽好飽滿，味道甘甜，質感好Creamy、配上超脆紫菜天婦羅食落就冇咁油膩🤗【吞拿魚蓉手卷】師傅先燒吞拿魚肥膏，將魚油滴入吞拿魚蓉同壽司飯，撈埋一齊之後再用紫菜包住，成件事超級邪惡但真心無法抗拒😈🌕焔月 (共20品）($980)🔸 先付▫️日本腐皮·三文魚籽· 莼菜▫️北海道粟米🌽·日本水母柚子酸汁· 蟹膏豆腐配芝麻醬🔸 季節刺身▫️日本德島生蠔🦪▫️九洲深海池魚· 芽蔥· 蕃茄啫喱▫️愛知縣象拔蚌▫️北海道喜之次·甘筍汁·黑松露▫️蘋果木煙燻大拖羅·中拖羅· 沙甸魚乾▫️梅子素麵🔸 手握壽司🍣▫️石垣貝▫️蜜柑鯛▫️北海道甜蝦▫️金木雕▫️北海道馬糞海膽🔸 手卷▫️吞拿魚蓉手卷🔸 吸物▫️魚湯🐟🔸 時令果物▫️蘭王蛋焗玉子燒·抹茶蕨餅·紅豆雪糕🫘——————評分：8.5/10.平均消費：～$1070…查看更多

餐廳提供3款Omakase Set，分別係Flower ($$980)、Sun ($1380)、Moon ($1580)，我同朋友分別嗌咗Sun 同 Moon ~成個套餐最Signature一定係Moon限定嘅打卡氮氣泡泡，當泡泡爆破後煙霧彌漫💨，仙氣十足！”金魚缸“入面係真雕薄切包住毛蟹，食落鮮甜細膩，面頭仲有黑魚子醬做點綴☺️另一個VIP就係秋山水產海膽，望住師傅將”一疊“海膽放喺壽司飯紫菜上面，再加埋大量淡雪鹽❄️，最後仲噴上金箔，令眼前金光閃閃✨，真心好有儀式感！海膽質感飽滿，味道濃厚甘香非常鮮甜🤤不得不提當日前菜都好有記憶點，首先醋啫喱酸酸味味非常開胃，再加埋胡麻醬同海蜇呢個最佳組合就更加Refresh！入面仲食到八爪魚🐙、花甲同松葉蟹🦀，全部撈埋一齊食，鮮味又惹味🥰Omakase Sun🌞 ($1380)Omakase Moon🌕 ($1580)(*代表得Moon Set 有）🔸先付▫️海之幸胡麻醋啫喱·八爪魚·花甲·松葉蟹·日本海蜇🔸刺身▫️真雕薄切·毛蟹·魚子醬▫️兵庫縣室津生蠔*🦪▫️海膽·桃太郎蕃茄🍅▫️三文魚籽海膽杯▫️燒鰹魚*🔸御料理▫️A4黑毛和牛· 瑤柱撈糯米（道明寺）🔸寿司🍣▫️章紅魚（間八）▫️北海道白象拔蚌▫️北海道大帆立貝*▫️伊佐木▫️靜岡縣白三文魚▫️銀鱈魚▫️鯖魚▫️金木雕▫️大拖羅▫️醬油漬赤身▫️霧多布馬糞海膽🔸吸い物🥣▫️蜆肉味噌湯🔸甜品🍈▫️赤肉哈密瓜·黑糖波子提子——————評分：8/10.平均消費：～$1630…查看更多

今次嚟到蘭桂坊附近搵食😎餐廳全吧枱設計，Dinner 有2 個Omakase Set可以揀，「松」同「梅」～而我同朋友當日都好好胃口就揀咗豐富啲嘅「梅」😆其中最深刻就一定係北海道海膽手卷😍海膽味道濃郁鮮甜，質感好Creamy😋另外土瓶海鮮湯非常清甜，入面有魷魚、蝦、帶子、魚肉等等嘅海鮮非常足料，食咗咁多生冷嘢最後暖吓胃非常唔錯🥰梅($1380)🔸先付▫️蒜油漬·龍蝦沙律·螢光魷魚🔸御造▫️岩手縣生蠔🦪🔸旬▫️深海池魚▫️鰤魚▫️金木雕▫️大拖羅🔸和の物▫️北海道帆立貝海膽杯🔸鮨▫️赤蝦🦐▫️北寄貝▫️赤貝▫️左口魚裙邊▫️北海道海膽手卷🔸一品料理▫️味噌鯖魚🐟🔸吸物▫️土瓶海鮮湯🔸甘味▫️北海道蜜瓜🍈——————評分：7/10.平均消費：～$1520…查看更多

▫️XO醬香蒜大蝦蝦干扁意粉🍝 ($178)👉🏻扁意粉硬度適中有彈性，自家製XO醬鹹香味濃，超級惹味！大蝦🍤份量都幾多，口感爽彈😆.▫️義式生牛肉他他配鵪鶉蛋·多士 ($138)👉🏻生牛肉他他肉質鮮嫩鬆軟，入面仲有蔥粒、洋蔥粒同埋蘿蔔粒，咬落爽滑交替口感豐富😋伴碟仲有香脆多士，夾埋一齊食就冇咁漏🤭.▫️新鮮紐西蘭活青口白酒汁煮忌廉汁（500g)（$268)👉🏻青口每隻都脹卜卜，肉質細嫩，有淡淡嘅海水味🙆🏻‍♀️白汁順滑Creamy，奶香十足，可以配埋伴碟麵包一齊食🤗—————評分：8/10.平圴消費：～$240…查看更多

▫️提拉米蘇日式疏乎厘班戟🥞($104）👉🏻Pancake 充滿蛋香，質感鬆軟綿密，食落入口即溶🤤面層有Tiramisu嘅可可粉同埋Mascarpone Cream Cheese，仲配上手指餅同埋咖啡酒，整體好夾好似食緊Tiramisu但又冇平時單食咁漏，非常之有驚喜😍.▫️白酒煮活蜆配蒜蓉包 ($138）👉🏻蜆肉好肥美，每隻都脹卜卜，白酒唔會太濃啱啱好😋蒜蓉包焗到金黃色牛油同蒜蓉香十足，真心外脆內軟冇得輸🙆🏻‍♀️.▫️自家製蒜香四川醬大蝦炒意粉🌶️🦐 ($138）👉🏻炒意粉好有嚼勁，掛滿麻辣醬汁超惹味！大蝦肉質軟嫩爽口彈牙😚.▫️黑蒜醬炸薯條($88）👉🏻薯條一上枱真係大兜到聽唔入嘩一聲🙈薯條外脆內軟，每一條都沾滿濃郁嘅黑蒜醬，仲有巴馬臣芝士粉🧀，咸香味好過癮，鍾意重口味嘅朋友一定要試🤪.▫️凱撒沙律🥗($96）👉🏻沙律菜好新鮮，煙肉粒炸到焦香，咬落脆卜卜，再配埋合桃、麵包糠同埋芝士粉，非常Refresh~.▫️茉莉花香橙黑咖啡($54)▫️熱牛奶朱古力🍫($40)——————評分：9/10.平均消費：~$360…查看更多

▫️Sea Urchin & Scallop Linguine🍝 ($178）👉🏻海膽好鮮甜，入口即溶，香煎帶子肉質細嫩，咬落有彈性，仲有鮮味十足嘅蟹肉🙆🏻‍♀️意粉爽口彈牙每一條都掛滿海膽忌廉醬汁，入口順滑非常Creamy.▫️Iron Grilled Flank 🥩($192）👉🏻煎牛扒配焗蔬菜肉汁 香蒜青醬煎牛扒大約5 成熟，顏色超粉嫩！牛味都濃郁，配埋香蒜青醬超惹味😋薯條炸到外脆內軟🍟.▫️Wild Wings ($72）👉🏻雞翼大大隻炸到金黃色，可以配蜜糖是拉差醬或者青瓜酸忌廉醬，一次過試晒兩種口味🤤.▫️Banoffee Cream Brulee🥞 ($119）👉🏻Pancake 質感蓬鬆濕潤，帶有空氣感，面頭有脆焦糖，口感真係好似食緊Cream Burlee😍配埋雲呢拿吉士醬同拖肥醬，整體好夾亦唔會過甜，伴碟仲有香蕉🍌同士多啤梨🍓——————評分：8/10.平均消費：~$310…查看更多

▫️滋潤椰子雞煲🥥（半隻）($198)👉🏻湯底本身有有椰子條、竹笙、紅棗同杞子，店員會幫手倒入椰青水同刮新鮮椰肉，而當湯滾嗰陣就可以落埋雞件👉🏻雞肉超級嫩滑，椰肉好厚實😋成個湯超級清甜，唔覺唔覺飲咗好多😋.▫️頂級安格斯牛小排（小）($198)👉🏻牛小排雪花紋分佈得好平均，細Size份量都唔少，2 個人非常足夠🙆🏻‍♀️肥牛肉質鮮嫩，牛味濃郁.▫️手工即炸魚皮 ($54）👉🏻超大塊魚皮😍質地薄身又鬆脆，帶有鹹香味，超級香口！.▫️ 新鮮肥鵝腸($112）👉🏻 鵝腸食落煙韌有咬口，質感Q彈爽脆.▫️脆肉鯇魚腩🐟($98）👉🏻魚腩肉質爽脆緊實，咬落好有彈性同嚼勁▫️大檸樂($34）▫️醬油費($8@）——————評分：9/10.平圴消費：~$390…查看更多

早排喺ig 見到朋友分享食Omakase 有超大隻八爪魚🐙仲以為喺日本，點知係香港就食到😱 「鮨 央泰」原來係東京米芝蓮一星餐廳嘅過江龍，主打江戶前風格嘅廚師發辦，食材要求同本店係同一個來源，唔怪得開喺海港城咁樣有睇頭啦🤭餐廳環境優雅舒適，唔會好逼夾，值得一提因為餐廳只提供吧台，即係Book 到位係Gurantee 可以近距離望到師傅工藝🤗師傅非常用心講解每一道菜式嘅來源地同制作過程，成個過程充滿互動，食之餘都可以了解多啲，令成個用餐體驗好加分！其中最令人深刻，就梗係隻大八爪魚啦！經過處理之後慢煮超過4 個鐘，再浸3日，所以食得出入哂味，口感柔軟得嚟非常爽彈😍另外天然大拖羅經過14日熟成，肉質變得更加嫩滑同有彈性，筋亦都被軟化，食落入口即溶之餘明顯冇平時咁油膩🙆🏻‍♀️仲有一定提酒盜鰹魚腸，外皮燒到微微脆，魚肉細緻嫩滑，鹹鮮味突出，餸酒真係一流😋 皇 SUMERAGI（$1780) 🔸先付三点▫️甘露煮里芋·沖繩水雲醋·蟹肉忌廉卷🦀▫️慢煮水八爪魚配芥末及柚子胡椒▫️稻草煙燻BB吞拿魚🔸刺身兩点▫️深海池魚▫️北海道帆立貝🔸燒物▫️酒盜鰹魚腸🔸握寿司八貫🍣▫️鹿兒島白魷魚▫️大分縣佐賀關池魚▫️北海道北寄背▫️熊本車海老🦐▫️青森大間大拖羅 (14日熟成)▫️青森大間赤身醬油漬 (10日熟成)▫️北海道馬糞海膽▫️汁煮海鰻🔸 玉子燒▫️ 江戶前玉子燒🥚🔸 椀物▫️赤麵豉湯🔸 甜品▫️靜岡蜜瓜🍈——————評分：9/10.平圴消費：$1958…查看更多

▫️黑魚子·鮮蟹肉牛油果🥑·酥炸脆球($128)👉🏻炸球皮好薄，咬落酥脆香口☺️ 每一粒餡料都好多，鹹香味十足.▫️北海道帶子·虎蝦🦐·海鮮配茶壺龍蝦湯($168)👉🏻龍蝦湯質感幼滑Creamy，每一啖都散發住濃郁嘅龍蝦香氣同海鮮鮮甜味🥰帶子同虎蝦都好大隻🙆🏻‍♀️.▫️蘋果木煙燻法式鵝肝·炙燒焦糖香蕉($168)👉🏻店員打開蓋，蘋果木煙燻慢慢飄出嚟，香氣十足又可以打卡🤭鵝肝口感細緻綿滑，入口即融，配埋果香煙燻同焦糖香蕉，口感層次豐富.▫️烤龍蝦尾海鲜汁意粉🦞($258)👉🏻龍蝦尾好厚肉，肉質爽彈😋意粉偏幼細，每一條都吸收咗海鮮醬汁同龍蝦精華，超級鮮味.▫️火燒法式露絲瑪莉鐵板羊膝拌薄荷醬($288)👉🏻另一道儀式感菜式🔥 羊膝膠質豐富，所以口感Q彈煙靭，羊羶味唔會太重，平時好怕羶味嘅我都接受到🙈加埋薄荷醬非常Refresh，可以減低油膩感.▫️ 杜拜朱古力開心果提拉米蘇($98)👉🏻開心果控必點！朱古力脆皮包住濃郁嘅開心果Tiramisu ，質地絲滑綿密，奶香十足，仲有開心果粒粒增加口感😋.▫️ 京都柚子酒($68)👉🏻柚子味入口酸甜，帶有淡淡嘅苦澀味，酒味落重，口感清爽.▫️士多啤梨·藍柑維也納雪山🗻($56)👉🏻面層淺藍色Cream 打得好Soft，白色中層有濃郁奶香味，而底層粉紅色士多啤梨突出仲帶有果肉粒粒。整體層次分明繽紛可愛☺️——————評分：8/10.平均消費：~$670…查看更多

▫️北海道活白象拔蚌（$338)(原價$680)👉🏻一入門口就見到超生猛龍蝦同埋象拔蚌已經好吸引🤭點知原來產地直送活海產做緊🈹半價優惠‼️一於Order象拔蚌試試佢😛象拔蚌肉質鮮甜，海水味濃郁，口感爽脆利落，邊緣部份會更加有嚼勁😋 內膽質感柔軟順滑，浸住喺柚子味嘅醋汁食落格外清新.▫️海膽龍珠卷（$148)👉🏻賣相精緻，面頭仲有金箔😍一啖咬落去先食到醬油漬日本蛋黃嘅濃郁蛋香，之後就係本鮪魚腩蓉同埋海膽嘅鮮甜味😋.▫️牛油果軟殼蟹卷（$88)👉🏻反卷上面有滿滿蟹籽，包住炸到外脆內軟嘅軟殼蟹，同埋清新軟滑嘅牛油果，食落口感層次豐富.▫️西京燒熟成黑豚腩肉（$98)👉🏻黑豚腩肉外層燒到焦香，肉質肥瘦均勻，咬落鹹香味濃，充滿油脂香氣🤭.▫️鹽燒仙台熟成牛舌芯（$128)👉🏻 牛舌外皮焦脆，口感軟嫩有咬口，牛味突出，所以簡單以鹽調味已經好足夠.▫️開心果巴斯克蛋糕🍰（$55)👉🏻喺家賀屋只要Order甜品，就有免費畫碟服務，可以畫心水卡通甚至係人象，慶生真係一流😍今次就預早Request 咗水怪，真係畫得超級靚😳開心果巴斯克蛋糕質地軟滑香濃，開心果同芝士味道互相平衡，唔會搶咗大家😌.▫️麒麟一番榨生啤🍺（500mL）（$34)(原價$68)👉🏻6點後生啤🈹半價‼️仲要咁大杯，真係唔叫對唔住自己🙈——————評分：8.5/10.平圴消費：～$490…查看更多