Saisai55的個人專頁

西九愈來愈多寵物友善餐廳！今次試呢間台式餐廳係故宮博物館隔離！我地帶住狗狗就坐室外 叫左黑松露菌菇拌麵，紅燒酸菜牛肉粗麵，再加左兩個飲品西柚沙冰同埋花生黑珍珠燕麥冰！紅燒牛肉麵有個食法說明，配合埋酸菜好味！員工都好友善同埋好鐘意狗狗！都無其他人講得咁差姐😂😂😂…查看更多

之前收到酸辣姐傳單，覺得好吸引就好想試（畢竟我覺得九龍灣呢邊好食既酸辣野係好小）入正題，11:52分我已經係佢網上平台預先落左單，我12:30 出發去拎外賣，去到店面都幾多人，大家都係紛紛拎住電話講自己自取號碼，情況係混亂既～ 入面煮麵既人手相對地較多，而家負責同客人接觸既就只有一位男士！顧住執餐又顧唔到黎拎餐既人，睇到佢好忙！最後等多4個字 12:50 幾分終於成功拎到餐～ 值得一讚係分湯，包裝係有質素，食物質素，味覺享受都好好！但如果要咁樣等咁耐，安排又混亂，真係令人好折騰（等餐個度又焗又熱熱嫁！！）建議安排多一位人手在前線 或者設置電子屏幕告知客人而家叫飛去到幾多號！…查看更多

要係apm 搵餐飯食其實唔容易，因為好多間都排隊，剛巧天氣轉涼，食火鍋就最岩！剛巧踫著無人排隊，稍為望過下餐牌就入店了。一人一鍋，餐牌指示先選湯底（價錢58-68左右），我們一人二人選擇了蕃茄同麻辣！然後第二步選擇蔬菜盤（$68），因為同行者唔特別喜好食蔬菜，所以問左侍應是否必選，侍應表示需要。當下沒想太多，因為其他同類型餐廳價錢都約$200（不過人地任食！）打開下一頁menu，嘩！驚見配料整少🥺🥺🥺🥺 叫左份牛小排$138（小得可憐），蔥卷，免治豬肉，啤酒，一任$38 任飲（佢所謂既自家水果茶/ 水果水 好淡味），烏冬。 埋單驚見$8xx ! 打左個突呀！ 一人平均消費$400 以上，我食到一個中價西餐啦！除左湯底同侍應有禮貌之外，無可取之處了。替餐廳擔心，因為咁既質素同價錢 實在難以係香港生存。共勉之…查看更多

由於身邊人係尖沙咀番工而且有d 感冒，我地就提議不如食糖朝啦～ 因為有粥食呀嘛🙂點左窩旦牛肉粥賣相唔錯，只係普通不過再黎叉燒腸，諗住食粥配腸粉係絕配呀嘛不過怕芫茜既我發現入面有佢既蹤影呀😨😨最後叫左個雲吞面有5粒雲吞 雲吞幾好食 入面隻蝦都幾爽 但個份量岩女仔嫁咋 男仔實唔夠飽啵餐廳入面9成都係國內遊客值得一提既係服務質素真係好一般點餐時侍應帶住耳機 聽唔到我重覆講無所謂但佢一副唔耐煩樣真係令人莫名其妙（餐廳正值非唔繁忙時間）…查看更多

屯門有特式既甜品選擇唔多呀更何況係主打抹茶既甜品❤️同朋友好耐無見要聚一聚，大家都勁鐘意抹茶，諗唔到除左御前上茶仲有咩好選擇👭.細細一間甜品店竟然有勁多抹茶甜品既選擇我地都有選擇困難症，呢樣又想試個樣又想試😂.先黎御前霜淇淋刨冰 $80其實都幾貴，因為比起menu 個份量縮細左，慶幸係味道無令大家失望🙈 唔知係9點半算唔算夜，雪糕口味只得番豆腐 & 抹茶～ 抹茶味都算甘，如果再濃味d 就好！紅豆整得岩岩好，唔會爛pad pad，刨冰係牛奶口味 好出色，食完一啖又一啖🍧.御前戚風聖代 $62分左好多層有脆米、故名思義有戚風蛋糕、抹茶曲奇餅、豆腐同抹茶凍～勁多料好豐富^_^ 原來抹茶同豆腐咁夾😋.等左呢杯柚子沙冰 $54 好耐 照計飲品應該好快嫁啵初初話只供應豆腐& 抹茶雪糕但最後黎就計抹茶雪糕都無左黎之前唔係應該都問聲客人？😮😮.希望下次黎用餐會有番其他口味既雪糕啦～…查看更多

連續成個星期都落雨真係好掃興呀，食個lunch 都唔想行太遠～ M.I.S.S 米線就係公司斜對面，門面靚靚，就決定入去一試.午餐黎講都算幾多選擇呀全部都係以蕃茄作為賣點以鬧市黎講，一個麵 有個餸 再包杯飲品 $4x 既價錢黎講都算係咁了～.叫左個雙倍北美特切牛肉茄蛋湯米線 $46驟眼望蛋碎好豐富 絕無hea 我既成份呀顏色都好鮮豔 紅卜卜.牛肉既份量都對得住個價錢但係個湯好淡呀 唔係好有蕃茄味喎⁉️⁉️⁉️米線既份量對女仔黎講岩岩好男士們可能唔夠飽呀～…查看更多

一品雞煲我地每個月都會幫襯一次嫁，真係好似中左毒癮咁呀，唔食唔舒服😂😂😂.今次叫左半隻雞，每次例叫小辣多麻多汁（一定要係叫雞煲個陣順便叫多汁嫁，如果食食下先叫多汁就要收錢嫁喇😂）..仲有呀，食一品一定要時不時攪下個底，因為都幾易燶煲嫁，燶左就超臭影響埋隔離檯既食慾就唔好啦😆😆😆..身邊人勁鐘意芫荽，但好可惜我同芫萎係天敵，如果唔鐘意既朋友記得叫佢走左佢呀😨😨😨😨.無乜叫到d 咩餸但食一品一定要叫魚皮 點佢雞煲d汁真係無得輸韭菜餃又係好好食不過佢d皮 薄得好緊要 一夾就穿.大杯到飲極都飲唔哂😆😂😂.仲有好多餸 大把選擇…查看更多

又係一個Happy Friday，要對自己好d 既時間喇～ 🙈🙈🙈🙈一直鐘情泰發（平時會山長水遠出九龍城食）而家屋企附近都有心情好滾動呀🎌.例牌要叫泰式酸辣鳳爪呀（My飛佛呀）要酸有酸要辣有辣 唔係講笑 我覺得非常正 好爽口又開胃～ 完全將我個胃門打開😆.仲叫左串燒 兩豬兩牛不論牛定豬都好 肉質皆嫩配搭埋個沙嗲醬真係一流👍🏻.馬拉盞炒通菜都係泰菜必食之一超有鑊氣呀 香口又爽口！有小小微辣 .泰式炒金邊粉濕度岩岩好唔會好乾 由相可見十分足料呀！蕃茄味好濃，酸甜夾雜 齒頰留香呀😋.但其實我最鐘意都係Thai milk tea自從係泰國飲過地道泰式奶茶後一直對佢念念不忘 個陣味真係令我好難以忘懷而我終於可以係香港搵番個味道仲要係屋企附近我極度推薦 呀📢📢📢📢📢📢📢📢…查看更多

平時番工帶飯多，人工得雞碎咁多要慳d 洗😂難得happy Friday 唔帶飯緊係要食好小小啦🤓～.勁耐無食意粉屋呀喂記細細個陣要扭計先有得食（呀爸呀媽一般覺得貴 同唔抵食😆）.好！黎個set lunch 先價錢適中啦起碼包一個湯 一個包 一個沙律 一個主菜同一杯飲品.食西餐必點紅湯好飲 好濃味 夠酸 有小小小辣包唔硬 都算鬆軟嘩 仲有一小塊Parma ham又有芝士塊 我覺得我賺左 哈哈哈哈雖然個份落望落去好似唔大但由於又湯又包又沙律其實我都已經飽左 5成女士們其實真係岩岩好唯一美中不足係，唔知個日係味人手不足呢，落餐飲好耐之後先到呀😷😷😷😷…查看更多

恨左食海記好耐喇～ 一直係網上睇到都好多人話芋圓好食，紫薯出色😭原來真係要試過至知呀🙁.係人來人往既樂道，唔難搵呀.一場黎到緊係要食佢最火紅火綠既招牌糖水👉🏻紫薯雪樂冰芋圓豆腐花 $30呀 個芋圓一點也都唔煙韌 入口即溶咁 係咪煮過龍呀😟😟😟😟 舊紫薯茸都好甜下好彩有豆花中和番 唔掂呀大佬😭😭😭😭.身邊人就揀左鮮芒雪樂冰豆腐花 $32試左小小 穩陣野果然唔會差得去邊都好甜 唔會話酸到嚇死你不過不失呀.嗚 試一次就夠喇 唔會反黎lu byebye…查看更多

Happy Friday 喎 ～ 自然要對自己好d 既！同同事火速收工就去左chir chir 食餐好既😆 .覺得呢個其實幾抵，但收工去到唔係得番好多時間，下次要去試下！.叫完野食就無限refill 前菜比我地個芽菜好好好好食呀，麻香味好重泡菜都幾夠辣.叫左個炒泡菜五花肉 $160/2人份韓國好似係味唔興醃肉？肉其實無味但夾埋d泡菜一齊食就好正❤️❤️❤️ 五花肉d 肥膏口感好得意，爽爽地咁.同事叫左個海鮮純豆腐湯 $88 配飯見佢好足料呀，目測佢碗野只少有4隻蜆、2隻青口、蝦啦魷魚啦.我叫左豬肉泡菜湯 $78 配飯新鮮滾熱辣呀～～～～ 好食 送飯真係好一流👍🏻.…查看更多

小妹出城記 - 由新界碌左去大坑，其實一早聽閒大坑出名美食多，適逢假日喎，就自然要去潮拜下啦🚶🏻‍♀️🚶🏻‍♀️.超愛食拉麵，一見到BB Ramen我就二話不說決定要食佢！店面其實好細，大概容納左4張4人檯（所以我地等左一陣15分鐘左右).等既過程服務員比左order紙 我地揀食咩.諗都無諗即刻揀左黑骨（因為我成日將黑會聯想成黑蒜😆😆😆）咸度：濃濃厚度：濃厚蒜泥：勁多叉燒：需要野菜：蔥粒軟硬度：超硬.嘩嘩嘩嘩！烏卒卒 黑蚊蚊，黑色個粒波波係由用墨魚汁整成，湯唔油仲好濃郁～ d 拉麵係幼拉麵，叉燒肥瘦均勻，掂呀👍🏻男朋友仔叫左個綠骨話加左芝士係入面喎～我就覺得比我漏喇 都係黑骨好食d 😆😆😆呢度既服務其實幾好，食完會問下你意見呀，話比你知黎緊有d咩限定口味～除此之外，我個日仲見到丁子高呀😍😍😍😍😍…查看更多

適逢生日，友人提議食泰國菜慶祝⋯ 大愛泰菜既我當然舉腳贊成🙌🏻 亞萊嘜嘜係元朗人氣蠻高既泰國餐廳👍🏻（要知道元朗勁多餐廳，要脫穎而出不是容易的事）😂..當日我地平日7點9左右到達，一行四人8點左右被安排了樓上位置，平日咋都人頭湧湧，難以想像閒日既情況😢..由於我地都有選擇困難症，為免要諗就叫左4人餐 👇🏻（不過都係要揀😂😂😂）.先黎 *泰式小食五味拼盤 好食⭐️⭐️⭐️⭐️拼盤包括有越式春卷、魚餅、香葉包雞、南瓜粟米餅、炸蝦餅，每樣小小一次過滿足哂你5 個願望💭春卷最好食好脆好香口😍.泰式酸辣鳳爪好食⭐️⭐️⭐️⭐️雖然係套餐包埋，但佢份量都幾多，食極都仲有！味道偏酸唔會話好辣！正餐前食好開胃呀～.冬蔭公湯（細）好飲⭐️⭐️⭐️半味道偏甜唔算好酸～ 同我飲開既唔係好一樣～ 不過就非常足料！.馬拉盞炒通菜好食⭐️⭐️⭐️⭐️好夠火喉～ 好香口 好野味～ 炒得岩岩好所以通菜好爽口！.無骨海南雞（例牌）好食⭐️⭐️⭐️⭐️雞好嫩，好滑～ .招牌咖哩軟殼蟹好食⭐️⭐️⭐️⭐️⭐️一味軟殼蟹 一啖咖哩汁 天衣無縫～薄餅又沾下咖哩汁 「呀 好好好好食呀」份量超大 食極都食唔完.泰式鮮蝦炒金邊粉好食⭐️⭐️嘩 好乾呀！再加埋個乾爭爭既蛋皮～ 乾上加乾～ 食完要飲好多水🙈.甜品真係小得可憐😂😂😂.提一提我地食蛋糕無收切餅費呀…查看更多

對上一次食咖啡弄好似都成2 幾年前，記得當時熱潮強勁～ 食親都要沿住樓梯排至少半個中😂 而家⋯ 佢終於可以接受電話訂檯啦（感動）！ 當日7點鐘左右黎到其實都開始多人，想食既朋友記得訂左檯先呀📢.👉🏻咖哩牛腩佐法國麵包 $70好食⭐️⭐️⭐️半咖哩都幾辣下，唔太食得辛辣既人要慎選😂麵包好硬呀😭😭 好難一啖咬得開😂咬多幾下又括到個嘴邊～食得好狼狽🙈.👉🏻煙烤燻雞吐司披薩 $54好食⭐️⭐️⭐️⭐️即叫即做需時20分鐘～吐司披薩個份量剛剛好，超適合女生❤️ 芝士勁多，配菜薯仔蛋沙律配千島醬超夾😋.👉🏻BBQ豬排三文治 $60好食⭐️⭐️⭐️就係豬排三文治囉～ 諗唔到有咩形容因爲好普通😂😂😂😂.牛奶冰棒可可亞 好飲⭐️⭐️嗯～ 就咁飲個朱奶好濃郁，但倒左落冰棒度又超淡（已經逐d逐d倒）😭😭 好失望 得個樣～試一次就好.順帶一提⋯咖啡弄d 服務員態度好似一次比一次差（除門口接待員外），台灣店既服務員係超級有禮貌的～…查看更多

因為一次友人介紹，而男友又住將軍澳既因由下就決定去會一會佢～可能因為天氣好熱，平常由寶琳站行去慧安商場5分鐘既路程變得格外艱辛😭 慧安商場係仲有好多自家經營既小食鋪，係今時今日既香港，實在難得👍🏻.良記鋪面一眼睇哂，老闆娘親自包餃，證明真係自家製！正呀😋.我地揀左$22/10隻煎餃從肉眼已經清清楚楚睇到餃入面既饀～ 證明皮薄！饀亦都好豐富～ 小妹勁鐘意食菲菜，完成滿足到我❤️❤️❤️❤️男朋友話良記好多年嫁喇，由佢$1 一隻食到而家$2.2 一隻😂 小店真係需要被支持💪🏻好食⭐️⭐️⭐️⭐️.雖然皮薄～ 但無一夾就穿既情況😳.留意番⋯鋪頭好細，無得堂食嫁～ …查看更多