卡邦啦啦的个人专页

今日同左兩位好友嚟到山頂 原本諗住係呢d旅遊區食飯一定好貴 點知經過呢間spaghetti 360 價錢每碟大約70-90 經濟實惠待應原本安排我地坐室內 但係我地就要求坐出面 雖然大風 天氣有點涼 但係一場嚟到點都要睇下夜景既 所以我對餐廳環境仍然好滿意食物方面小食 芝士肉醬焗薯 味道好普通 薯條好唔新鮮 大部分都係唔脆 肉醬上有芝士 但係芝士唔夠多 建議落多d會香口啲 肉醬汁亦唔夠多 cover唔到每一條薯條 令人失望白汁海鮮意粉呢道係我最滿意既 首先白汁好香 亦都好多汁 令到意粉唔好乾 海鮮有尢魚 蝦 帶子 份量好足夠 好扺食 意粉既軟熟度調較得好好 唔會太軟太硬海鮮墨汁焗飯海鮮係同意粉以上既材料一樣 配上洋蔥 洋蔥未熟好生 唔食得 墨汁既味道好淡 難以就咁同飯食 所以要有多d海鮮先會冇咁淡 芥辣煙三文魚原批pizza佢一送到眼前 立即覺得焗得唔耐 皮唔脆 煙三文魚唔夠熟 太生 叫左待應入去拎再焗多陣 焗完之後即刻唔同 賣相更吸引 咬落去好脆口 三文魚同芥末醬好夾 令魚腥消失 pizza口感豐富 材料亦多 唯一美中不足為有d三文魚太咸 冇左鮮味同香味…查看更多

完左個assesment, 點都要放鬆下嘅，所以去左紅磡附近掃街尼到都幾出名嘅紅磡雞蛋仔，當然要試下啦呢度款式唔算太多，但基本嘅都有要左份原味雞蛋仔，拎上手仲熱辣辣，好興奮一咬，嘩！正！！外面層皮又熱又脆，重點係冇過左火，一d焦都冇:)雞蛋仔入面唔係平時食開果d空心，而係豐富而且軟綿綿嘅蛋漿，比例岩岩好，脆得尼冇犠牲到個餡！！仲要都算平，一份12蚊:)唔錯，會再番尼食，下次試埋pan cake…查看更多

食完晚飯之後仲覺得有啲肚餓，所以想食啲甜野，醒起附近有一間細鋪賣豆腐花，於是諗住試下。其實呢到都有賣台式飲料、涼粉，之前黎過一次買珍珠奶茶飲，味道都唔錯，重點係老闆同老闆娘既熱情款待令我印象深刻。再一次黎到既時候，老闆娘一樣好好笑容，呢種感覺係細鋪先感覺得到。:)豆腐花既質感都幾滑，加上佢嫩嫩地，食落去又甜又咼心。希望佢可以繼續做落去啦，下次一定會再光顧！…查看更多

深水埗出名多好野食，至於呢間公和荳品廠聽朋友介紹就介紹得多，今日同男朋友行開涉水埗終於有機會試下佢啦~我地一去到，樓下已經冇晒位，於是就經過隔離條好懷舊既樓梯上去二樓坐低。跟住好快就有一個叔叔上左黎同我地落單。因為我地都係食飽先去呢到食下糖水，所以就冇叫其他荳製食品，就咁叫左兩碗佢地既招牌豆腐花。果然，可能係老字號既關係，豆腐花真係特別香特別滑。但係除左食物之外，令我最印象最深刻既真係呢到既境界好有60,70年代既感懷舊感覺，我諗宜家呢一類型既餐廳真係買少見少，所以以後行深水埗，都會再呢到懷舊一下…查看更多

自己經常經過美孚，呢幾年黎好多做小生意既鋪仔，如魚蛋燒賣，或賣特色飲料既都做唔長。但惟獨呢間做豆品小生意既“日日鲜豆漿”堅持到5年以上，想必背後街坊既支持唔會小得去邊。於是走去一試佢既枝裝豆漿，有一陣淡淡既豆香，唔似其他市面上既豆漿，甜味過剩；而且飲落有d沙粒既感覺，想必每一支都係新鮮榨出黎！價錢方面$12我略嫌覺得有d貴，但有老闆娘親切既笑容，令到呢支鮮豆漿再升上一級！…查看更多

有一晚要係屋企趕住做project，連落街食飯都冇時間，於是就諗住買個外賣返屋企一邊食一邊做，最後我決定叫一間係屋企附近叫蕃滿門既餐廳。於是一個人就叫左個餃子雙拼(雞軟骨+泡菜)配蕃茄湯飯。($40)將外賣拎到返屋企之後，發現餐廳都幾細心，將湯同飯分開裝，以免啲飯會"林"得好快，同埋仲附送炒蛋添😋湯撈飯以前就食得多，但蕃茄湯撈飯真係第一次食。食落感覺到味精唔重，加上有啲酸酸地開下胃，本來冇咩胃口，但食食下都食晒成個飯~如果鐘意食蕃茄既話，呢個湯飯一定更加岩你口味，因為佢地唔係得呢蕃茄碎係湯入面，而係兩大粒完整既蕃茄但係相比之下佢地既餃子就有啲遜色。餃子皮一個太"林"一個就太硬:(入面既料都係一般但整體黎講，呢間餐廳不論味道、價錢、質素都幾高下次一定會再光顧…查看更多

又起韓國街搵食既我，今次就黎到明洞express 開餐。我最鍾意就係佢地既牛肉飯。 首先大大碗，真係食到好飽，填飽一個大食既我都無問題。 另外就係多菜，好健康。講番個飯，牛肉都算多，汁就唔算太多，係肉味都唔錯，起碼唔會太鹹先。 加個蛋同韓式辣醬，健康得黎又幾滋味。不過個湯就略為鹹左啲，成碗味精湯咁，淡番小小就更好。另外如果黎食，可以試下佢地啲粉絲飯，大件夾抵食！…查看更多

有一日行過韓國街，見到呢間細舖仔竟然係韓式刨冰店咁就同朋友入去試一試啦。首先，刨冰既種類唔算多既，都係五六種，除左刨冰之外，都有其他韓式小食，舖頭細細，但非常地道。我地就揀左兩隻味，就係紅豆味同抹荼味。 本身有一個雙拼組合，原來想搽荼配紅豆，但店員就話唔可以，後來見到就明白哂。紅豆味就係用紅豆配上牛奶冰。 牛奶唔會太甜，而奶味其實好濃郁，感覺好fresh。 紅豆好大粒，但煮出黎已經唔硬，相對牛奶冰黎講會甜小小，但未至於太甜。而抹茶味就係紅豆配抹荼冰，抹荼冰就無咁濃，食到底都係啖啖抹荼冰，感覺非常好。 抹荼配紅豆都係比較好既組合，所以無伏幾正！另外，單叫一個都成五十幾蚊架，如果可以叫兩個細既，可以試多啲味之餘重慳番啲！…查看更多

早前去美孚搵朋友，行行下肚餓想叫個快靚正下午茶外賣上去食~  於是我朋友就推介我去呢間茶餐廳到買！原本想叫個正路會食既豬扒飽加西多，但佢叫我一定要試呢度既酸辣米線！佢都有幾多款既餸可以揀，最後叫左個雞扒米線，1餸加杯熱飲$30都算平！食後感：1. 配料: 有酸菜，葱同九菜，加上佢微辣既湯底，味道啱啱好，唔會偏酸/辣，又match又野味！ :) 2. 雞扒: 都幾滿意，主要係佢浸住係湯之後有酸辣吊味，成個味道昇華左！3. 米線: 我比較鐘意冧d，佢又無因為分湯而變到一塊餅咁癡住，而且份量剛好！原來茶餐廳都可以做出咁好食既米線，強烈推介身邊既人去試試！ …查看更多

對住都幾鍾意去韓國街既我，Red Chicken絕對唔陌生。重有另一間炸雞店李家都係我至愛。放工同朋友兩個食，只左個雙拼同海鮮簿餅。炸雞黎講，原味一定要試。 唔會太油膩，食多幾件都唔會濟，但炸粉有啲多影響左食落去既感覺，而且無乜雞味。而另一款既韓式辣醬既炸雞，就一食就非常吸引人。 肥膩既炸雞，配上甜酸辣都有既炸雞，食落去係幾正。 而且最正係唔食舊雞，淨係狂食啲醬都唔厭。但係食多幾舊就會覺得比較滯。最後就係個簿餅，同意大利式既pizza唔同，佢就比較似中式既鹹簿餐，不過就厚身啲，味道淡淡配炸雞係唔錯既組合！食韓國炸雞一定要飲番要支韓國啤酒，再加埋個講韓文既店員同無限loop既k-pop，真係覺得自己身處緊韓國。…查看更多

行過尖東天橋隔離，有一間幾低調既舖仔，見到就行埋去睇下。原來只賣一種野，魚蛋。一碗二十蚊，相對街邊五蚊一串，係有啲貴既。不過另一邊睇，又係正既。 首先魚蛋好香，遠遠已經聞到陣味。一吉落去，係幾彈手，比起便利店既魚蛋，佢係細粒小小既。食落去，好香同魚既鮮味重起度，明顯一定唔係粉多過魚。而味道有啲潮式魚蛋既感覺但再彈牙一啲。再配合獨有既醬，唔會太多就每粒都有醬既，更加好味道。二十蚊一碗魚蛋，我食完覺得係值得既，再加埋店員既禮貌招呼，值既！…查看更多

筆者向來都係black n white既fans， 最後一日必定要支持！ 唯有order幾款一直最鍾意既甜品作為紀念。朱古力世界首先外觀很美。 最神奇的地方是最底部，竟然可以把乳酪凌空，原來低部有一塊朱古力。 味道 比較酸， 食上去比較醒神開胃， 另外陪上的朱古力醬…brownie及truffle。濃烈味道的朱古力配合清淡的乳酪，完美的配搭！富士蘋果批一上枱…完全有一種驚嘆嘅感覺，藝術品的感覺。 蘋果用酥皮包裹…再放入焗爐焗…蘋果既甜味出哂黎…而且汁滲透入酥皮裏面，非常好食。 加上 黑芝麻雪糕… 反而被蘋果既甜品搶左啲味道。 筆者就比較 鍾意以往 將雪糕放蘋果上面既做法。拿破崙唔洗多講， black n White 既拿破崙 絕對係舖中最好食既一件蛋糕。 好脆口 同食完都唔會覺得太滯…水準之作！希望black n white cafe 早日重開， fans們可以再食古師傅既甜品！…查看更多

平時尼都係食炸燒賣，冇食過呢度嘅招牌魚蛋，今日突登尼試下環境都算衛生乾淨，食物整齊排列，款式多多先尼一碗咖哩魚蛋，10蚊20粒!!!!!你冇睇錯，係5毫子1粒咋!!!香港地仲邊有度有咁平嘅魚蛋食呀點知食左粒先知中左伏，咖哩汁傑到滴都滴唔出，咖哩味又唔夠!!都算啦，但食食下就覺得真係唔多掂，一碗魚蛋入面竟然有兩種，一種就平時嘅炸魚蛋，圓圓地果隻，但又淋又有d腥，仲要係凍架! 另一種就竟然係方方地果種白魚蛋!!!九唔撘八招牌食物竟然做到咁。。。串魚片頭終於正常番d，算彈牙，有魚味，不錯有機會會番尼食，但一定唔會再食魚蛋!!…查看更多

紅磡出名多野食，poly人平時食人飯必去今日尼到木子餐廳食lunch環境ok舒適，坐左梳化位:)入面已好多人，似乎應該幾唔錯一開餐牌就比個豬頸肉飯餐吸引住，當然就即刻落單啦十分鐘左右，碟飯就尼啦，十分快豬頸肉分量都幾多下，仲要排得靚靚，比起平時係屋企樓下食嘅賣相更吸引豬頸肉外層煎得非常香脆，金黃色，好誘人肉質同時保持到爽口唔dry,有肉汁! 一個字 : 正!!!!由於餸嘅分量都ok多，加上配埋蔥油薑蓉，平時大餸嘅我都夠哂食40蚊左右有咁多豬頸肉食，仲跟埋野飲，好抵，會再食…查看更多

呢間野話貴唔算貴 話平又唔算平賣相唔係話好靚 但味道又cover番喎lol自己一丁友食左個鹽焗雞飯炒底，大大碟女仔食結果食唔哂。 不過係ok ge因為一般d雞會熟其他好似好d。 略嫌咸左d同埋個飯。。。…查看更多