Leyleydaily的个人专页

嚟到大美督除咗踩單車或者撐船仔，仲有就係拜訪好多local人氣嘅餐廳。我哋撐完鴨仔船太攰而呢間喺隔離仲有都好多人入座，於是就嘗試下啦😆😆串串餅 （$48）八件脹卜卜串燒嘅外表好得意！成個造型滿分，咬入口有淡淡的牛油味而且好鬆脆，似西式嘅酥皮口感。我覺得都唔使加其他醬料已經足夠。泰式連骨豬髀 （$138）成個豬髀好淋，一切落去已經可以好容易分開啲肉，證明火喉充足。而且好入味，豬皮食落都唔會好油膩冇太大罪惡咁。同埋有小上嘅配菜青瓜同埋酸菜，酸菜甜甜地好開胃！泰式古法浸雞 （$152）半隻呢一個我就覺得冇乜特別。。。食落隻雞感覺唔到佢係用古法浸雞嘅感覺😅而且冇海南雞咁鮮嫩,亦冇乜雞味，不過隻雞都好多肉。下次我應該唔會再叫呢款。炒泰式金邊粉 （$88）金邊粉嘅味道都OK，而且材料都好豐富。個人覺得金邊粉好難唔好食。整體來講，呢間餐廳位置好方便而且環境小chill, 食物都上得好快，對第一次幫襯嘅我來講我覺得都幾好食。…查看更多

朋友推介呢一間，嗰日我哋喺中環行完街見落雨就走過來幫襯下。成間餐廳裝修都好新淨，食都食得愉快啲！松壽司盛盒 （8件）$168壽司係按照當日師傅嘅心情同貨源而定。我哋嗰日有油甘魚、甜蝦、拖羅、尤魚、玉子加其他唔知咩魚。每款都好新鮮同肥厚。食落好滿足！甜蝦真係好爽甜。原來呢個盛盒都有玉子！我獨立叫多咗一個tim 😅油甘魚油脂分布冇油甘魚腩咁好食。自家製厚玉子 （$9）真係好厚！佢哋玉子係比較結實，玉子裏面唔會太濕潤，甜甜地。我個人就鍾意係濕潤琳琳地嘅玉子，所以呢一個就一般般啦。玉子暫時係我心目中最好食嘅係壽司郎嘅玉子🥰😆油甘魚腩 （$25）（餐牌有👍）超級推介！油脂分布啱啱好！食落係同普通嘅油甘魚唔同，更加多油份更加爽同埋結實。珍寶虎蝦 （$16）落單嗰陣時以為係生嘅，上咗菜先知原來係熟蝦…味度好普通，可以唔使嗌。岩蠔 （$38）呢個啱好好好食！勁肥美，唔係有太大嘅海水味，好容易人口又creamy! 蔥粒碎拖羅小卷 （$48）好抵食有八小件。食呢個唔會太大expectation 因為淨係諗住填飽個肚，但係佢個拖羅蓉都唔差。仲有就係是日推介，不過食完冇太大印象🙈羽太魚壽司 （$38）琉球軍曹魚壽司 （$28）當日推介食完依家結論係：可以再去食多一次❣️…查看更多

Eat like a Dinosaur! 🦖為食龍呢排好Hit，王牌腐皮壽司好受歡迎，而且好難book位。主打fusion日本餐，餐廳用恐龍作為主題，牆身有好多可愛嘅恐龍裝飾同埋塗鴉，我哋張枱有一個恐龍公仔🦖做擺設， 好cute! 而且成個裝修係行小清新植物自然路線，好休閒好chill~好適合打卡！綜合所有伴碟裝飾都好靚，顏色好豐富，而食物整體都好高質！海膽三文魚子海膽少少苦，三文魚子好新鮮，腐皮就甜度適中。柚子胡椒油甘魚蓉柚子醬略鹹同油甘魚淡味唔太夾。油甘魚配腐皮好食！炙蟹膏厚燒玉子蟹膏啖啖肉，玉子甜甜地。但係‘厚燒’呢個形容我就覺得唔適合。因為佢唔係成個腐皮裏面係玉子，腐皮裏面係飯…好失望😮‍💨而玉子得一塊唔可以話好厚。但整體係好食嘅！夏威夷肥仔 （=芝士鰻魚）半份整體好漏…裏面有好大舊芝士，鰻魚份量唔多，而且太多汁。呢個唔推薦。西雅圖鬼妹 （=火炙牛油果三文魚腩） 半份牛油果同三文魚好夾！牛油果包在裏面，三文魚腩在出面做火炙。成個組合好好食唔會好油膩，推！紐約黑珍珠 （黑松露帶子）半份清新嘅組合，帶子好爽。日式炸雞炸雞分量十足，而且好香脆！裏面仲保留汁，唔會乾身，意想不到好食！喺呢度食嘢好開心，可能環境好chill 亦可能食物每樣都fusion 有驚喜😆…查看更多

🥚🍳全部都係🥚呢間餐廳嘅主題全部都係蛋，用沖繩直送嘅新鮮雞蛋，用蛋就創造咗好多美食出嚟，無論係沙律、三文治、玉子串燒、等包飯等等都有蛋嘅元素，可見蛋嘅可造性真係好高！而我係一個好鍾意食蛋嘅人，每次經過都好想試😆 我哋三點左右嚟食下午茶，但係假日都好多人，walk-in 排隊都要45分鐘至一個鐘。同埋元朗呢一間舖位比較細，而用餐時間得一個鐘，真係好趕，唔可以休閒享受下午茶😗價錢就係走偏貴價路缐。海鹽焦糖蘋果肉桂梳乎厘呢個名好長啊😂😂幾乎將佢啲材料放晒落個名度🤣梳乎厘賣相好吸引，望落去同食落都好鬆軟！果然我係無法拒絕梳乎厘😍梳乎厘好軟滑，脹卜卜但又有空氣感，入口即溶而有蛋香，配搭焦糖蘋果唔會話好甜，連糖漿都可以唔使落。特製5款玉子串燒：有5種配料：有蕃茄、海藻醬、蟹肉、鱈魚子沙律、親子三文魚。唔同口味嘅配搭好新鮮，不過配料略少唔係好食到佢地嘅味道。玉子燒甜度適中，比較濕潤，鬆軟嫩滑，帶有濃濃蛋香味。章魚雞蛋捲章魚好足料而蛋香滑，表面冧咗沙律醬同燒汁仲有柴魚乾，同一般嘅章魚小丸子差不多做法只不過係蛋包章魚。我就略嫌沙律醬同燒汁稍為多得滯，掩蓋左蛋嘅香味。整體來講，成間餐廳圍繞蛋嘅主題可塑聲好高，但蛋主題走中高價路線就少貴，而且用餐時間得一個鐘就略為短。…查看更多

裕民坊新開咗牛角放題店，今日5點先攞飛，等到7:30先入座😖😖我都覺得自己好有耐性，為咗食可以去到幾盡呢～我哋揀咗Level 3 美國和牛 （$408）食100分鐘，好在用app 落單好快上菜！用匯豐卡仲可以送如每人各一客A5和牛同海鮮（帶子同埋蝦）。和牛喺美國SPF安格斯和牛，個人覺得一般般啦，合格嘅，但冇我想像中咁好食！反而平少少Level 2嘅牛我覺得仲有牛味, 可以唔使食到咁貴。必叫嘅係溫泉蛋我哋嗌左三個，因為可以攞嚟當蛋醬汁撈肉食😆☺️呢個好食！推介炸芝士蜜糖年糕，日式燒年糕！因為我好鍾意食年糕煙煙煙韌🥰😍唔推薦嘅係關西唐揚雞串，大概熟食炸物都唔係太吸引都係燒嘢食好D😌雪糕係北海道3.6牛乳，同埋蘋果味揀，我就要咗個扭紋兩隻味都有！感覺清新又開胃😋整體都ok嘅，如果唔使等咁耐就更加好！金會員就最正最快攞到位，其次就係3-5人位，最後就係等得最耐嘅兩人位。…查看更多

透心涼有驚喜嘅竹蔗雪葩✨🌟🎋天氣太熱，行出街唞氣都好辛苦，見到呢間嘅招牌有呢一個雪葩即刻就覺得好吸引！食落好滑，涼透心，蔗汁亦都好解渴！選用香港70年老字號公利真料竹蔗汁製作，新鮮竹蔗汁非常涼透心，食落真係好有驚喜，亦都好解暑😍再加上成個竹蔗造型好吸精！DKA (Dominique’s Kouigon Amann) 係呢間舖頭嘅招牌，亦都係Mr Dominique 嘅成名作。外面少少脆裏面濕潤，不過我唔鍾意食得太甜，對我來講就略為甜得滯。今日嚟當文歷餅店主要都係朝聖嘅心態，見到有好多特色而富有有本地化嘅甜品，例如係檸檬茶，菠蘿油，益力多都可以做到成為佢嘅甜品特別作，果然厲害！…查看更多

辛苦咗成個禮拜終於可以抖抖😙😙慰勞自己嘅辛勤，梗係要飲杯好野❤️最喜歡就係布甸，而布甸超級百搭配咩都好好飲！未飲過呢間，但一見到有‘布甸烏龍鮮奶‘就即刻揀咗佢嚟飲！好好飮啊！！呢款只提供凍飲冇熱飮，我就揀咗無糖走冰，再加咗個special request 少茶，希望咁樣就會健康啲同埋布甸本身都有糖分。茶味恰到好處唔會太濃郁亦唔會搶咗布甸同鮮奶嘅味道，不過如果鮮奶再濃啲會更加好！重點黎啦～布甸🍮🍮🍮好好食好Q，顏色又吸引甜度適中。而且嘗試過倒轉成杯嘢飲🍮係唔會跌落嚟架🤣🤣亦無散咗到仲係好Q 維持到布甸嘅形狀，有得飲又有得玩，正❣️❣…查看更多

荃灣新開張嘅一幻拉麵，本身喺香港已經有四間分店 （尖沙咀、灣仔、中環及屯門）。一幻來自北海道，去過北海道嘅我知道拉麵喺嗰度好出名，所以今日去回味北海道😌😙新店開張今日食佢嘅荃灣限定二人套餐 ($238, 未計加一）- 兩碗拉麵- 兩款小食- 兩款飲品黑蒜叉燒蝦湯拉麵 ： 賣相吸引，顏色豐富，令人望到都食慾大增。但…可能我期望過高。首先，黑蒜味道唔算太出/好濃郁，只係有其香味，而湯底飲頭兩啖OK，但之後會嫌佢好多油 （可能係黑蒜本身又有油）叉燒得一塊，蝦係橙紅色嘅碎碎脆粒會俾湯汁浸淋左。最好食係半隻溏心蛋，少少凝固少少流心而不會硬或老。特濃蝦汁叉燒拌麵：同樣賣相吸引，但拌麵沒有汁稍為乾身。食慣有湯嘅拉麵可能麻麻哋。朋友認為中規中矩，試吓囉心態🤓小食青瓜木耳：好開胃好清新，爽口，適合夏日開胃小菜！餃子相對就冇乜特別。總括，食過一次就夠了，我喜歡試唔同舖頭嘅拉麵😆…查看更多

豬扒炸得好脆，每件都好大塊好厚身但唔un, 而且肉份量好多，仲要好食少粉漿。（因為為豬扒即時咋所以要等15-20分鐘）鴛鴦湯麵 （米粉加河粉）配蝦籽清湯。賣相吸引，蝦籽冇咩味主要係清湯引味。米粉和河粉份量都多。呢個餐對細食女仔嚟講相對多，可以搵朋友開心share 豬扒。另外，小食清湯蘿蔔好甜好清，味道好溫和唔肥膩。餐廳喺灣仔內街小巷，可以預留時間去搵。而餐廳內裏乾淨，設計簡單但坐得舒服！另外，服務員都好有禮。…查看更多

呢間喺裕民坊新開張，出面已經聞到陣陣嘅四川辣椒味，諗起好耐冇食酸菜魚就入去試吓先！川式口水雞 （$68）佢就賣相好吸引，我哋叫咗小辣，辣度可以自己選擇亦都可以揀唔辣。冰冰涼涼嘅口水雞都幾嫩滑，就算有好多辣椒油都唔會覺得好辣，係一個好開胃嘅小菜。主角 - 人見人愛酸菜魚 （$238）加埋寛粉條 （$28）魚好滑，分量十足而且件件大大塊！好好味！再加上冇乜骨，食落自然放心。配料都有好多嘅酸菜，寬粉嘅話份量都好多同埋好滑口。可能因為我哋揀咗小辣，令到酸菜魚冇乜酸味🤔另外酸菜魚都比較多油，食完成口都係油😁。食辣野當然要杯凍嘢飲～我哋叫咗桂花冰釀（$28）聽到個名對佢期望好高！不過佢唔係好冰凍，但有淡淡嘅桂花味，可惜我哋唔知道要stir一stir，飲到最後先飲到底部嘅花釀😳😳呢間舖頭嘅服務員都好熱心，態度有禮。整體成個過程都食得開心滿意！值得一試🤓…查看更多

食Pizza Hut 最好就係唔使等位！一拎飛好快就入到位😆😆而且每隔一段時間又好想再食Pizza!迷你至尊Pizza （$83）今日係食午餐版嘅Pizza，皮脆得來裏面係軟熟，芝士又夠配料又足！好滿意！而且蘑菇湯都好好飲，蘑菇又好足料。而且加多$10就可以有兩隻雞翼，我哋揀咗辣味雞翼，Pizza Hut啲雞翼唔使講有一定嘅保證😙另外，因為積分就嚟到期，我哋用80會員積分換左肉醬意粉！熱辣辣，多肉醬，令人滿意嘅。而我對佢要求都唔高，因為肉醬意粉好難煮得唔好食🤣…查看更多

抵食星馬菜下午茶！行街遠遠見到呢間舖頭招牌燈大大個好搶眼，而且好多人門前拎飛等候，而且下午茶時間又到我哋又湊下熱鬧睇吓點解咁多人食先😆😆原來呢間喺東港城開張無耐！下午茶都有好多選擇！我哋揀咗1. 海南雞飯 （配香茅青檸荔枝梳打）（$68）雞肉好出色，好嫩滑可以連皮都食埋，食落去唔會感覺Guilty😌而且雞嘅份量都唔錯唔會太少。海南雞當然配有平常三種配料，通常我樣樣都會點嚟食。而且雞油飯好香好開胃！ 至於杯嘢飲，飲唔出有荔枝味，香茅味都冇乜，只係梳打嘅味道，有啲失望雖然個樣望落吸引。2.半熟蛋配咖央多士 （配熱手工拉茶）$48 聽完個名都唔會知咖央係乜嘢😅😅原來咖央係一種醬料，可以叫做咖椰/咖吔，由椰漿、雞蛋、砂糖、牛油等等而成嘅醬料，多數用喺麵包/多士，即係今日食嘅咖央多士。多士好香脆，中間夾住一塊牛油同埋咖央醬料，咖央醬料唔會好濃好甜，但係同牛油同埋多士好夾！值得一試😍另外半熟蛋就好滑，不過少少生所以我都有啲驚。下次可以試埋佢嘅斑蘭咖央多士。手工奶茶好滑，味道甜甜地，對於比較少飲奶茶嘅我來講相對易入口。另外佢哋嘅餐枱紙設計得好靚，一坐低見到張紙咁靚都開胃啲🤣當然新餐廳佢嘅裝修一定係舒服啲，下午茶好抵食，值得試😆…查看更多

呢間係香港開咗好多間分店，不過我都係第一次食！我哋叫咗半半烤雞（$238，加一$262）原味烤雞同蜜糖香滑烤雞各半，以為好快上….但原來佢哋係即叫即整，所以我哋等左at least 20分鐘😢再者我又大頭🦐以為叫嘅係炸雞，原來無睇清楚menu 寫‘烤’雞，太失敗了🙈🙈講番今次主角😗個烤雞唔乾有少少汁，而且即烤上枱熱辣辣食！原味烤雞唔太入味，蜜糖香滑烤雞就入味D甜甜地，隻雞係幾滑嘅，而酸蘿蔔好開胃。不過呢個價錢略嫌偏貴，而且雞嘅件數唔多，味道亦沒有太大驚喜，食完一次唔會再食。…查看更多

餐廳走嘅路線係平民上海菜味道，喺觀塘已經屹立咗好多年，不奢華不浮誇，樸實，講求真材實料，平民化但深入民心先就可以吸引客人一食再食。幫襯左呢一間上海菜起碼都有三、四次，每次來入座率都有九成滿，好好生意。每次必叫嘅有兩樣：南翔小籠包同埋炸銀絲卷。熱辣辣嘅小籠包，肉餡多汁，鄙皮薄適中，而且十分抵食，$48八粒。炸銀絲卷（$20）：外皮被油炸完十分香脆，內餡冇味道好似饅頭一樣，但係捲起一條條，配上煉奶超級好食！甜甜外脆內軟集合於一身，食完都唔會有罪惡咁。新嘗試：燻魚擔擔麵 （$51）燻魚甜甜脆脆，個人覺得有點甜。而擔擔面缺少花生味，唔夠香，湯底唔夠濃郁。西蘭花鮮魷 （$87）西蘭花煮得過左火候，略為‘淋’。而鮮魷較為軟身，味道不會很鹹。整到菜中規中矩，無驚喜。總括，雖然觀塘老店，但老上海味道我會繼續幫襯。…查看更多

同好姐妹食生日飯梗系要搵一間坐得舒服傾得開心嘅鋪頭！穴壽司嘅座位同隔離枱唔會好近，所以有自己嘅空間，幾個女人大笑姑婆不停傾偈談心。我哋三點幾去食唔會好多人，本身有少少飽所以都唔系叫左好多嘢食。首先蔥吞拿魚腩飯冇得彈，大大嚿嘅吞拿魚蓉配搭一個流心蛋，成個賣相已經攞足分😆吞拿魚蓉好新鮮，啖啖肉，撈埋溫泉蛋食好正，大口大口食滑溜溫泉蛋撈魚蓉啖啖肉不得了！壽司御膳九件（配白飯面豉湯，仲有加送黃豆味厥餅）壽司有三文魚、玉子燒、蝦，三文魚子等等⋯⋯佢啲壽司中規中矩冇乜太大特別，唔可以話好新鮮，只系好食過爭鮮嘅感覺，玉子燒好令人失望，冇乜甜味同埋煮到好老。黃豆味厥餅冇煙韌感覺，略為硬同埋黃豆味唔系好出。綠茶蕨餅好煙韌，淡淡的綠茶粉配上濃濃嘅紅豆蓉，好適合夏天飯後嘅甜品享用。比起附送嘅黃豆味蕨餅，綠茶蕨餅出色好多好多，另外紅豆蓉保留少少紅豆粒有口感亦唔會太甜，配合綠茶厥餅食好match！總括而言呢間餐廳好啱三五知己坐喺度食個下午茶傾偈，價錢小貴但坐得舒服又傾得開心😁…查看更多