wongvivian86的个人专页

非常伏，第一次食60分鐘但40分鐘已經食完。湯底檸檬香芧，無味！選擇少，用料差，丸類全部淋身，烏冬本身用幾蚊包嗰D，唔係貴貨但仲要開曬佢浸喺水，烏冬全部碎濕濕，一煮已經淋到不得了！蔬菜選擇少又唔新鮮。熟食有蝦餠魚餠冬蔭功湯，味道一般。有雪條。服務又差, D 侍應無禮貌！好伏！大伏！40分鐘就埋單走人！無下次！…查看更多

平日去食午餐，叫了朱手同意大利飯。意大利飯等咗十分鐘就到，但朱手半個鐘都未到，明顯漏單，佢話幫我地催促一下。催完過多十幾分鐘先到，但一句唔好意思都無！一隻朱手等足四十分鐘，遲過我地落單都已經到咗囉！D員工要再培訓呀…查看更多

落足成個星期雨，真係落到好煩！濕濕笠笠！所以都懶得行，就近近地去試吓金泰子泰lunch。午餐都好多選擇，有炒粉麵飯，全部送例湯，加錢有飲品。一坐底就送上熱湯。是日靚湯係蓮耦湯，飲落好似有味精，但飲曬成碗下晝都無口渴喎。揀咗雞肉炒金邊粉。wow 都幾大碟，碟邊有辣粉同花生碎。配料除咗有雞仲有豆腐乾，炒得有鑊氣之餘又唔會太乾身，味道調得剛剛好，唔會偏酸甜。枱上亦有辣魚露同辣醋。地點近地鐵，冷氣夠涼，座位都OK, 會再來！…查看更多

星期五，難得可以long lunch, 於是就早d去食，咁就唔洗排隊啦！被安排坐近廚房通道，不時有熱風吹入黎，炎炎夏日成34度，冷氣真係唔夠涼。而且座位都幾迫。點咗一個配蛋沾麵，麵要了300g 。石鍋上枱時非常熱，湯底都bok bok bok, 將麵條放入去，掛湯力好，湯底豚骨味濃，魚介味稍弱，湯底唔會太咸，佢地建議可以加入檸檬，我覺得加咗好食d, 可以減少膩感；麵條，300g 都幾多，女仔就一定夠。我要咗溫麵，因為冷麵煙韌d, 我就唔like 太煙韌，溫麵韌度剛好。味玉流心嘅，好食！至於叉燒，大大塊，五層肉，一層肥一層瘦，而且輕輕烤過。整體黎講，沾麵中算好好，服務都唔錯，係座位同冷氣稍遜。…查看更多

食完晏行過去睇吓d包，有三隻味，原味$25，玫瑰$28同蜜瓜$32。揀咗玫瑰味，淺粉紅，㩒落去幾軟熟。先係室溫試味………咦，隻味似曾相識……原來早年喺太子嘅上野包店試過，味道相似度達90%。玫瑰味淡淡地，唔會太甜。之後雪凍再食，啲cream cheese 就實好多，仲好漏添。試一次就夠了:)…查看更多

自從轉了工之後，已經無可能4:30放工，所以平日幾近無可能下午茶。難得星期五開會後放早，終於輪到我可以tea 一tea。去到yoho mall 大概4:20，於是就走去simplylife，呢個時間當然無人排隊。下午茶以包類為主，有漢堡同墨西哥包等。由於我唔食牛油果，所以漢堡只能揀辣肉醬豆牛肉漢堡，配薯條同果茶。辣肉醬豆牛肉漢堡，份量好大，又有肉醬又有芝士，仲有成大塊牛肉，我食完飽到晚餐都唔洗食。辣肉醬的確幾辣，幾惹味，加上紅腰豆，但我唔鍾意食豆，如果係粟米會好d。麵包烘過的，外皮微脆，不錯。環境都好舒服，靜靜地，對住落地玻璃，可以睇到外面的聖誕裝飾！…查看更多

約咗朋友食晏，有年幾無見，會有好多嘢傾。選定了尖咀，再上OR 睇吓有咩好食，朋友未食過呢間，於是就去試。我地叫咗小籠包，雪菜炒粉皮，擔擔麵同酸辣湯。酸辣湯OK 足料，夠酸唔太辣，最緊要係唔會太杰。小籠包，皮薄，多湯汁，好食。雪菜炒粉皮，呢個係比較少見，粉皮通常做冷盤，好少用黎炒，估唔到又幾好食喎，粉皮滑身，亦唔會黏埋一齊，雪菜惹味。擔擔麵則失色，好杰，麻同辣都遜色，麵唔夠彈牙，浸一陣已發脹。環境幾舒適，好適合邊食邊傾偈。…查看更多

因為工作關係，又要同同事去食晏。上次試過對面街嘅ocio, 今次就提議試18 grams, 之前呢間喺家樂就食過幾次，搬咗之後第一次。午餐嘅choice 唔算多，我都係揀Aussie breakfast, 唔洗左諗右諗。Aussie breakfast 真係好大份！有toast, roasted tomato, sausages, bacon, scrambled egg, salad and baked beans. 份量非常之多！食完飽足成個下晝。Sausage 好香，又唔太油。Toast 好似係自家製麵包，麥味香濃，配牛油同蛋就最夾！…查看更多

從網上得知天空之城開咗間日本鐵板燒，好吸引，於是約埋個FRIEND 去試。我地預先一星期打去卜，好在有卜，因為當日full 曬，唔接受walk in。門外有車位，但通常weekend到12:30-1:00就full。午市有幾個餐可以揀，有平有貴。今次就試咗$198 ge “竹” 餐，有沙律、蝦/帆立貝、銀鱈魚、肉類、炒飯、炒菜、湯同雪糕，十分豐富。我揀咗帆立貝，原隻帆立貝，切成3小粒。師傅掌握火候及時間很好，帆立貝剛熟，肉厚味鮮。銀鱈魚魚油甘香，肉嫩，魚皮煎得非常香脆。肉類可選厚切/薄切牛 or黑豚薄切，我同朋友叫咗薄切牛同黑豚薄切share 食。黑豚薄切內裡夾了薑蔥，惹味，而且能去油膩感。薄切牛則油香滿溢，牛味濃。食炒飯之前，師傅整咗1塊 “邪惡” 麵包俾我地，包上放了牛同砂糖，燒得香香脆脆，一流！炒飯有鑊氣，加入蛋汁、香蔥同紅蘿蔔粒，飯粒炒得非常分明，米粒煙韌。炒菜係炒芽菜，這個味道偏淡。最後係雪糕…有芝麻同檸檬揀，我一定檸檬，夠清新，好好食，為呢餐劃上完美句號！環境舒適，師傅會詢問客人食物 ok 唔ok，很好。…查看更多

朋友之前介紹過，但之前分店喺尖東，唔就腳，所以一直未有機會試。終於喺旺角有分店，可以一試 。下午兩點幾去到，所以人唔多。要咗一碗唔辣白魚旦，再自行加辣油。老闆接到柯單，畢岀十幾粒魚旦，再落油度炸一炸，然後用飛水器將多餘嘅油飛走。送來時，新鮮熱辣，加埋辣油就急不及待放入口。魚旦白皙，好鮮味，爽口又彈牙！讚！呢啲高質素魚旦真係買少見少了~…查看更多

見網上好多人讚朱兆記牛腩，於是就去試試。店內環境好舊，都幾污糟，而且好多烏蠅飛黎飛去，坐店外應該好好多。叫咗個腩河同蔥花蝦米腸。腩河先來，落單時並無要求咩腩，好在都唔太韌又唔太肥，牛味濃，算不錯，但又未至於一定要試。蝦米腸即叫即拉，有米味，滑嘟嘟，蔥花份量正常，但蝦米就好少。…查看更多

因為工作關係，要去九龍塘上堂，又可乘機去搵食。通常去又一城，simplylife 係首選，但一來要排隊，二來menu 成日都係嗰啲，食厭了…今次就揀去Dan Ryan, 唔洗排隊又坐得舒服。午餐有salad, pasta, steak 等 。餐牌仲提醒大家佢地serve American Portion~我同朋友都揀咗pasta, 跟洋蔥湯，仲有佢地好好味嘅餐包同muffin。呢度嘅muffin 非常軟熟，暖暖的，好好味。洋蔥湯好味，配以梳打餠。Pasta 方便，我揀咗Carbonara, 朋友揀咗白汁肉丸蝴蝶粉。真係好大碟，加上係白汁，有大量忌廉同cheese, 所以真係好漏…好漏…白汁味道濃郁，唯煙肉粒少了點，如果多啲會更香。午餐$98 +10%, 食完飽到夜晚，不錯之選！…查看更多

以前阿姨帶過我去食，一食就愛上。前菜款式多，而且仲係任食，真係好爽！當日前菜有泡菜，辣魷魚，醃菜豆腐，海帶。我最鍾海帶，好酸，好開胃！Lunch 有好多choice, 飯，麵，年糕等。我今次就試辣豆腐海鮮鍋。等一陣就有得食！海鮮有蝦，青口，魷魚等，仲有一隻蛋。湯底唔算太辣，但層次欠奉，只嚐到辣同咸，沒肉或海鮮嘅鮮味。整體都可以，但唔及佐敦嘅醬缸。…查看更多

Yoho mall 有好多食肆，中西日韓都有。今次就試吓純壽司，5點幾去到，都有幾枱客喎…打開menu, 好吸引啊…樣樣都想食。落單用iPad 好方便。貝三點盛，人氣三點盛，加州卷，軟殼手卷同蔥吞拿魚腩手卷。全部壽司同手卷都係即叫即整，食材新鮮，好好食！一定會再來！…查看更多

喺網上看到好多人讚呢間嘅 。今晚就去試試，6點幾去到，只有一個男人食緊。我地兩個人叫咗毛家雞同毛家排骨煲仔飯，加$2有菜或飲品，好抵食。即叫即整，要等大約十分鐘。一打開蓋，熱辣辣，飯粒分明，一粒粒的，而且飯很有米香。毛家係指秘製醬汁，辣辣地，可揀大中小辣，好惹味。排骨啖啖肉，亦預先醃過，所以好入味。雞好嫩滑，又唔會乾。食煲仔飯當然重點係飯焦…用炭火燒的確唔同啲，好香脆！正！正宗隠世小店，會再來！…查看更多