更多
2015-11-16
3385 浏览
约咗朋友食晏,有年几无见,会有好多嘢倾。选定了尖咀,再上OR 睇吓有咩好食,朋友未食过呢间,于是就去试。我地叫咗小笼包,雪菜炒粉皮,担担面同酸辣汤。酸辣汤OK 足料,够酸唔太辣,最紧要系唔会太杰。小笼包,皮薄,多汤汁,好食。雪菜炒粉皮,呢个系比较少见,粉皮通常做冷盘,好少用黎炒,估唔到又几好食㖞,粉皮滑身,亦唔会黏埋一齐,雪菜惹味。担担面则失色,好杰,麻同辣都逊色,面唔够弹牙,浸一阵已发胀。环境几舒适,好适合边食边倾偈。
张贴