supertaster的个人专页

之前已經同朋友嚟食過幾次桔梗，多數食開risotto同埋意粉，感覺都係西式cafe但係今次嚟嘅感覺唔同曬和風日式料理比較多，而且仲有清酒飲 冇預先book位，店員畀咗個近門口有燈牌嘅位置畀我哋係燈牌嘅加持下，影嘢食相彷彿每一張都自動打燈，夜晚食到好似日頭咁日式嘅清酒最好飲就係大吟釀，清純得嚟又唔會太乾！細細地一支300毫升嘅酒，加兩個雪凍咗嘅清酒杯，每人都可以飲番兩/三杯店員拎嚟嘅時候仲好貼心咁幫手擰開咗個蓋， 服務唔錯 明太子熱炒魷魚顏色令人好吸引，熟咗嘅明太子呈粉紅色，覆蓋喺每一片魷魚上面，食落鹹鹹地+辣辣地再加上檸檬汁同蔥花係幾清新嘅配搭 檸檬蜜糖燒豬腩肉， 普通嘅五花腩煮完用火槍再燒，火炙嘅香味加上大蔥，調味唔算好多，主要係靠旁邊嘅檸檬同蜜糖食落豬肉表皮嘅部分有啲韌同埋難咬，建議可以煮耐少少讓到佢淋身啲 炸雞好嫩滑，配五味甜酸醬五味粉嘅味道唔太出，反而有啲似茄汁就咁食唔落醬其實都已經夠味，粉薄，雞肉嫩滑 鹽燒吞拿魚配沙律醬， 和風嘅燒汁同沙律醬配搭起上嚟，呢個組合好似食緊章魚小丸子，加上蔥花，味道配搭冇得彈 三文魚茶漬飯同明太子茶漬飯兩碗飯都大大碗，三文魚係煎香過嘅，食落味道唔係好濃，反而湯底有海苔同埋鰹魚嘅味道明太子係有少少辛口嘅，配上芥末撈埋一齊食好爽其實佢啲餸都幾多，但係配搭茶漬飯食有解膩嘅作用 精選甜品係伯爵茶巴斯克蛋糕呢度嘅甜品質素都唔錯，蛋糕入面真係軟心，食到cream cheese嘅口感表面焦香，再加埋白色流質嘅cream，一齊食落口感好smooth成個套餐2個人食好多，份量仲包括三種日式漬醃小菜，生蒜胡椒涼拌毛豆，溏心蛋等等......套餐甜品仲要一人食半個cake，食到捧住個肚走！記得以前嚟呢度食嘢，感覺好大陣油煙味今次嚟到，淨係覺得空間感好大，而且坐落好舒服，空氣又清新睇呢menu嘅轉變都係配合返用餐嘅環境而設…查看更多

嚟到呢間日本小店，menu花多眼亂主食叫咗一碗拉麵，一個丼飯拉麵配嘅太卷上先，太卷用料足，包得好大件，入面有蟹柳、玉子、醃蘿蔔、腐皮同埋青瓜，未食拉麵之前已經飽咗一半本身嘅配料已經有調味，甜甜地連豉油都唔使落 前菜沙律用左柚子醋調味，酸酸甜甜，好開胃，而且日式嘅小碟好靚，增加食欲 朋友叫嘅辣味三文魚丼飯，同以往第二啲地方食嘅唔一樣，因為佢冇落沙律醬，主要淨係用咗一啲辣汁+洋蔥調出嚟嘅辣味，微微辛口唔太刺激，而且食多啲啲都唔怕肥刺身同飯中間舖咗啲紫菜，食落有多重味道唔會寡 熱騰騰嘅味噌湯入面竟然有蜆肉，而且每隻都肥嘟嘟，肉質飽滿清甜 和風牛肉拉麵比較濃，用咗豚骨湯日式嘅牛肉味道甘口，加上芝麻等等好香仲有正宗嘅配菜：筍，溏心蛋，紫菜片同蔥花拉麵嘅口感偏軟，唔夠彈牙 追加壽司有火炙芝士三文魚同腐皮壽司兩款都頗有水準 串燒方面叫咗條燒茄子，呢度嘅燒茄子令人大開眼界！第二度都係原條茄子燒，燒完之後自己夾起但係佢呢度嘅茄子係已經起咗肉，切開咗白色一條條，再加上燒香嘅蒜油、蔥同木魚勁香口每啖茄子肉都滑捋捋，而且索滿汁，超啱餸飯 金菇肥牛卷火候十足，外圍嘅金菇已經變得微微焦香，脆卜卜，入面嘅菇就滿有水份好juicy 雖然好多人都係嚟食海膽，但係我覺得呢間小店其他嘅食物水準都令人滿意，價錢合理值得一試！…查看更多

黎九展嘅大多數都係睇show今晚嚟睇kolor演唱會，入場前先準備食一餐大餐揀咗一個北海道帶子青醬意粉帶子係刺身級帶子，大隻得嚟啖啖肉，兩面煎香中間部分並唔係全熟，所以食落香甜鮮嫩呢度嘅法國菜都幾重調味，首先係青醬嘅磨碎羅勒葉，再加上青紅椒，最後有啲sundried tomato點綴所以食落有少少酸酸地，同蘑菇嘅味道nice balance，再灑上些少paprika 另一個揀咗risotto，燒豬仔髀露筍意大利飯豬仔髀放咗喺成個飯嘅下面，為咗要影到佢，都要特登由下面抽番隻髀上嚟賣相度就扣咗少少分，不過食落成個意大利飯好正宗，食到有加白酒嘅香氣，仲有baby asparagus嘅鮮嫩，飯粒有米心，咬落脆卜卜 其實食主菜之前仲叫咗頭盤：生蠔不過朋友唔食生嘢，唯有獨食難肥法國產地嘅生蠔爽甜，加上新鮮檸檬同埋cocktail sauce值得一提既係舖頭嘅冰盤好衛生，有保鮮紙包住，唔會讓冰塊直接接觸到蠔殼同埋客人 法式餐廳香港都開咗好幾間，走嘅路線較為優雅，但係呢間睇落去又不失少少奇葩…查看更多

放工同朋友嚟到水產店食日本嘢，可以算係死亡五月最期待嘅一件事五色刺身好豐富：有三文魚，吞拿魚，帆立貝，海膽，油甘魚等等常見嘅刺身品種三文魚肥美厚切，赤身魚味濃，油脂豐腴相對上油甘魚同干貝就比較失色，半身應該偏白嘅肉身呈半透明狀，始終夜晚啲料未必太新鮮海膽質素高，乾身唔會濕笠笠，食落甘甜冇苦澀味 食完刺身我哋繼續食開胃嘅前菜胡麻醬豆腐沙律，除咗有嫩豆腐，蕃茄同沙律菜之外，仲加咗 一啲粟米脆片增加口感 不過整體略嫌水份太多，應該要「擎乾水」先至好上菜 炸豆腐冇咩特別，不過不失 磯燒鮑魚係我嘅至愛，上咗gas爐，每一下隻鮑魚嘅反應神經都喺度郁，不斷扭動嘅鮑魚生證明咗海產嘅新鮮程度 店員哥哥同姐姐一手一腳幫我哋燒好鮑魚，仲起去咗內藏，省卻咗我哋食鮑魚時嘅麻煩烤到薇焦，鎅開咗鮑魚肉，令海鮮汁更入味就咁原汁原味已經好好食，鮑魚邊邊看到微微燶，鮑魚肉又嫩彈牙，夠哂爽口同埋鮮味 甲羅燒都好豐富，未撈勻之前見到有鵪鶉蛋，蟹膏醬，蟹柳，蟹子，蔥等等嘅配料 壽司卷嘅食材多到滿瀉，最特別嘅係當中嘅帶子沙律本身見到白色一粒粒以為係啲咩白身魚，食落先發現有扇貝一絲絲分明爽口嘅感覺，而且加上沙律醬同蟹籽，食得出好鮮甜 最後嚟到咁有居酒屋氣氛嘅餐廳，點可以唔飲返一杯檸檬嘅梳打燒灼燒酎味道好上頭，比起淨飲燒酒溫和，配搭檸檬清爽不膩…查看更多

大熱天時，去咗西環行街，行到攰，肚餓又頸渴，搵咗呢間餃子店醫肚坐低已經迫不及待叫咗杯解渴嘅飲品：檸檬蜂蜜薏米水，聽落已經覺得養生滋潤，而且又唔肥，啱女仔飲 店舖提供好多點餃子嘅醬料，有辣豆瓣醬，芝麻，七味粉等等......基本上無論你係北方人，定係南方人，總有一款像啱你食 熱辣辣嘅天氣都好適合食涼皮，有一種好似返咗大陸玩嘅感覺凍冰冰嘅涼皮浸住麻油醬油，小小辣，再加上滿滿嘅花生碎同蔥花，食落好香 餃子方面揀咗隻特別嘅松露餃松露，松茸，配搭埋豬肉，三種嘅味道十分調和，而且每一隻都皮薄餡靚包得好飽滿 咬開係真係見到有松露嘅顆粒，仲有 一粒粒嘅松茸菇，菇味好香，但又唔會蓋過本身豬肉嘅味道 煎餃一樣出色，煎到金黃酥脆，一咬開啲汁爆到去對面位嘅朋友度…查看更多

午市嚟到「京都勝牛」，心入面打住食吉列牛嘅主意，同朋友叫咗兩份定食吉列豚肉都有幾款選擇，今次揀嘅係好正宗嘅炸豬扒 最鍾意日本餐廳用鐵絲網晾起新鮮炸好嘅豬扒，油溫控制嚴謹，食落外面乾身爽脆！呢啲小心機絕對係喺日本餐廳先至體驗到 豬扒跟嘅白飯有糙米，配菜有椰菜沙律，漬物，味噌湯，全部都係可以refill嘅配嘅醬汁實在太多！有黃芥末，檸檬，另外當然仲有秘製豬扒醬 自從以前喺大阪食過間正宗嘅炸豬扒之後，就冇再試過自己磨白芝麻炒香咗嘅芝麻磨碎，加上梅子味嘅豬扒醬，係家鄉嘅味道，沒有不香的道理！ 主角登場！櫻花翼板牛係牛肩入面有油花又柔軟嫩嘅部位，上面配上冰凍清爽嘅蘿蔔蓉用同蔥，配搭好清新 同豬扒一樣，牛扒都係炸得酥脆外面嘅炸漿超薄嘅一層，讓你食到啖啖肉牛肉嘅熟度控制喺三至四成，同出面食牛扒一樣，係medium rare，我最喜歡嘅口感直情唔需要再用鐵板加熱了！店員亦會好詳細講解，提醒你由淡到濃嘅口味去品嚐呢個牛雖然佢翼板呢個部位，比普通牛排小，但係佢牛味濃郁，而且有啲位置有筋，好有咬口 牛扒嘅醬汁更加多，有芥末醬油，山椒鹽，秘製牛扒醬，玫瑰鹽等等......好專業，枱頭仲有說明書提你點樣配搭，絕對唔會有食膩嘅感覺 飲品方面叫咗個熱柚子茶，估唔到係成壺上 店員仲會喺你面前倒好一杯，突然感覺好優雅另一杯白桃蒟蒻冰茶冇影到相，入面嘅蒟蒻 爽口，零卡路里食得好輕鬆，茶味濃而且唔甜，幾啱女仔飲 豬扒真係外脆內軟，食極都唔厭，食到最後仍然感覺好juicy！ 將蘿蔔蓉放入醬油入面，就有個新醬汁get 用嚟燒熱鐵板嘅燃料，同倒數嘅計時器我哋都用唔著，不過呢一啲小工具都顯得出店家嘅用心仲有一樣好特別嘅係，佢呢度嘅牙籤並唔係用木製嘅，而係用咗塑膠製，纖頭有小擦嘅牙籤，拆開有驚喜，亦十分符合日本人注重口腔潔淨嘅態度 喺呢度有咁多間餐廳入面，京都勝牛可以話真係好吸引嘅過江龍 ！呢餐飯做到色香味俱全，而且保留到日式餐廳嘅服務態度，同小細節，連奉上嘅茶都係香濃偏苦嘅綠茶空間設計都有和風，同隔離枱嘅位置有距離，傾計時私隱度都幾高，只係偶然會聽到隔離枱煎吉列牛發出嘅「滋滋聲」，不過油花嘅聲音係悅耳嘅下次有機會要再試埋佢其他肉嘅部位:)…查看更多

聽朋友講灣仔有間日本高級料理鮨月既omakase好有水準😆😆咁今日特登來試吓，入去鋪面裝修好有日本地道餐廳feel，咁我哋就叫咗個廚師拍板整！前菜有瑩光魷魚🦑，味道酸酸地開胃一流！跟住有刺身真鯛柚子皮粉，食用玫瑰卷住沾醬味道，特別鮮甜👍仲有北海道海岸蠔加檸檬🍋鮮甜肥美仲食到海水味，直情好似係海上即撈即刻食咁嘅味道正🤪刺身方面，食左款叫「鰈」，上面鋪左紫蘇葉，邊邊位燒左，好香🤣🤣再黎係「系撚鯛」，雖然佢個中文名好搞笑，但超好食，超軟身，入口即溶既感覺。再黎款海膽赤蝦北海道，上面加海葡萄，一道菜式三種味道正。😋😋😋加埋個吞拿魚小食，上面係蓉，夾埋啲爽脆既粒粒，吞拿魚即溶，入口肥味回甘🥰🥰小食飯什都令人難忘，由於我未食過八爪魚🐙腦漿，原來好似米粒咁，好特別😄😄加芥末，食到索索聲最後和食，有超多野食，飽到上心口，好滿足🤣🤣最正係天婦羅🍤蝦，明太子同青椒仔一齊，估唔到咁夾啊😍😍今晚食左好豐富嘅一餐正宗日本料理，點讚🥰🥰下次再幫襯👍🏻👍🏻👍🏻…查看更多

一入到鋪頭，老闆娘好熱情咁介紹啲套餐其他店員嘅服務態度都好好，成日問你有冇需要聽講老闆係做野生海鮮入口，可以直接攞貨，所以啲海鮮先會咁靚咁新鮮我哋兩個人可以叫唔同嘅餐share食，如果最普通嘅$398套餐，兩個人就有一條龍蝦，而且賴尿蝦有手臂咁長$498嘅話就有一人一隻蟹成世人未食過咁大隻嘅賴尿蝦，切件剝殼起肉，好鮮甜厚肉，肉質Q彈有嚼勁貴妃蚌好鮮甜，龍躉肉夠肥美彈牙鮑魚好滑嫩唔嚡，蠔仔肥嘟嘟壓軸嘅重頭戲係爆膏龍蝦同巨型奄仔蟹啲軟膏爆哂出嚟，未蒸已經令人流晒口水龍蝦好豐富蛋白質，啲膏金黃色，硬嘅更加係鮮橙色龍蝦肉結實彈牙，連埋啲膏一齊食係冇得輸半隻蟹啲膏多到一啖啜落去都啜唔曬啜極都仲有軟膏，而且啲蟹肉雪白，一梳梳肉質分明，真材實料無花假蟹鉗都好厚肉，輕輕一剝就出咗嚟，啖啖肉好正食哂啲海鮮其實已經飽咗，再食埋個吸收哂海鮮精華嘅粥底賴尿蝦頭掉咗落去煲粥，成兜粥都好鮮甜，加上本身嘅南瓜芋頭都甜，有排骨，菜脯，蔥花，顏色好吸引，就算飽都好開胃！最surprised嘅係最後送嘅糖水係椰汁燕窩完全俘虜咗女士嘅心…查看更多

嚟到黃大仙中心，好多舖頭都有位，見到呢間好多人等，反正唔肚餓拎咗飛行陣街等menu超級多刺身壽司，種類同選擇令人眼花花，叫咗個前菜過口癮先一上到嚟，隻顏色已經好搶眼，令我胃口大開薄薄嘅pancake皮包住滿滿嘅餡料，有厚切三文魚，芒果，牛油果同蟹柳，最後上面有蛋黃醬同埋多到瀉嘅蟹籽每種配料都有種新鮮感，夾埋一齊甜蜜肥美但唔油膩，食到好滿足安格斯牛扒黑醋沙律同樣好開胃，下面墊底有沙律菜，粟米粒同番茄仔，上面係牛扒切塊，再淋上酸甜嘅黑醋汁牛扒本身簡單嘅黑椒調味，煮得剛好又夠粉嫩，加埋生菜一齊食好fresh鯛魚湯泡飯用咗刺身級鯛魚，中間插住有菠菜卷同烤過嘅白芝麻店員詢問我哋使唔使幫我哋落，之後就逐一加入好似飯素嘅玄米脆脆，蔥花最後倒入奶白色嘅鯛魚湯當個湯同石鍋撞擊嘅時候，不斷冒起好多滾燙嘅泡泡，感覺到整個泡飯熱辣辣刺身鯛魚片本身帶微粉，淥熟後呈白色魚肉望落白滑，食落鮮甜，整體感覺好濃郁，鍾意食魚嘅朋友仔唔好錯過千回火鳥係雞中翼同雞尖痴住嘅部位，烤到金黃色嘅雞皮咬落焦脆，入面嘅雞肉都幾滑，亦可以加上檸檬汁白咖喱烏冬上面有一層厚厚嘅薯仔忌廉，撒上黑芝麻，另外上嘅係炸雞件烏冬質地幼滑彈牙，入面嘅咖喱有肉碎，係日式辛口咖喱青蘋果奇異果梳打有成支lemonade倒插咗係杯嘢飲度，好有型飲落口味幾清新，果味唔係特別重，但真好好大杯最後嘅紫薯鮮奶好香，飲落仲有少少紫薯蓉嘅質感…查看更多

尖沙咀出名多嘢食，地鋪唔在講，如果細心啲搵樓上鋪都有好多正嘢！我哋今次就係去呢間位於中達大廈樓上嘅琥酌啦！😝😝入到去暫時無咩人，侍應安排一個靠窗座位，好舒服！同埋佢播放嘅全部係改編過廣東歌嘅日本歌曲，好有港日情懷！❤❤講返嘢食先，佢先嚟個前菜中華沙律，有2隻好鮮味嘅原隻八爪魚，又有啲西生菜托底，好清新嘅感覺！😋😋見好多人推介安格斯吉列牛，所以二話不說就叫咗份，佢好快就準備好啲燒灼器具同埋吉列牛俾我哋，賣相真係一流！外皮同肉質都好有層次，真心想唔燒就咁食！慢火燒嘅時候見住佢中間嘅部份慢慢由紅變深色，香氣四溢，急不及待食啦，嘩無得彈，肉質鮮嫩，鹹度適中，份量都唔少，當然多幾塊更好！總之嚟呢度一定要食！見個牛咁正，就叫埋個厚燒牛舌同埋鹽燒安格斯牛肉串啦！都係入口即溶，尤其個牛肉串真係無得彈！仲未飽，就叫多個明太子玉子燒，每塊都好厚，中間嘅明太子都係份量十足，又飽又好食！最後試咗個黑豚肉泡菜相撲鍋，雖然唔大碗但好濃味，入面非常足料，豚肉嫩口彈牙，水準之作！👍🏻👍🏻…查看更多

同朋友慶祝想食餐好嘢，揀咗呢間鐵板燒鋪頭感覺好光猛乾淨，仲有大大塊鏡增加空間感我同朋友揀咗坐吧檯，貪佢可以望住廚師係鐵板上嘅料理先嚟嘅係豆腐沙律同麵豉湯，沙律酸酸甜甜個湯仲有啲菇，豆腐同蜆肉，味道都好濃郁第一樣上嘅菜係北寄貝刺身，刺身新鮮，食落爽口彈牙然後就有個海鮮拼盤，有大大粒帶子，同埋原隻魷魚，就咁望已經覺得好豐富啲帶子好厚肉，而且每粒都好飽滿當師傅將啲帶子放落鐵板燒，滋滋聲好吸引，加上少少油，煎到金黃色好靚，帶子表面仲有pan-seared嘅痕跡煎到咁上下師傅就將啲帶子切粒，將啲肉放上扇貝殼上面，仲淋上白酒最後加上蟹籽同一點綠點綴，旁邊仲有檸檬可以自行調味食落口感好豐富，而且帶子肉厚鮮甜，烹調得新鮮味美之後仲睇到師傅表演燒魷魚，佢先將魷魚鬚煎香，然後再仔細將魷魚剖開切絲然後佢就用兩個剷，炒香啲魷魚絲最後仲落咗啲醬汁，蔥花同蒜片，蔬菜擺盤都好講究，翠玉瓜同冬菇都燒得好香…查看更多

入到嚟見到餐紙，發現呢間what the pho係同「鮨千壽」，「穴」係同一個集團嘅，呢個集團係將軍澳都有好多新開嘅餐廳呢度啲餐檯都係四四方方，所以我哋8個人坐到好長叫咗個燒乳豬，新鮮燒好，個皮脆到不得了乳豬嘅調味有啲中式嘅感覺，鹹香滿滿馬拉盞炒通菜火侯剛好，啲菜keep住綠油油又夠味辣椒膏炒蜆就一般，因為啲蜆肉唔係話好新鮮，不過調味唔會太辣燒豬頸肉嘅份量唔多，但係就配有米粉同生菜醬汁嘅味道酸酸哋幾特別，包住食都幾fresh唔會邪惡海南雞都幾滑，我哋叫咗一隻，但係店員分開咗兩碟俾我哋，方便我哋夾，都幾貼心…查看更多

同成班同事敘舊，夜晚book咗呢間café未入到去已經覺得幾好feel成間鋪頭嘅佈置都好有特色，好多文青打卡位，連本menu嘅設計都好靚因為人多，所以我哋嗌咗個4人combo煙三文魚凱撒沙律都幾大盤，明明係半份但都好夠食香腸拼盤跟mustard，有4種香腸，全部都有脆皮煎香蝦仁明太子意飯好creamy ，仲有櫻花蝦仔係面，蝦仁彈牙，入口香甜黑松露薯條唔單止有黑松露沾醬，上面仲有啲松露flakes，好香口薯條係用咗幼薯條，特幼嘅口感好脆三文魚籽鮮菌意粉都係加咗cream落去煮，而且有魚籽嘅鮮味芝士波波腸拼八爪魚丸落咗好多蜜糖，食落甜蜜蜜，但又好夾，好似食緊BBQ嘅腸同丸咁松露意粉上面冇加三文魚籽top，啱哂唔食生冷嘢嘅朋友煙三文魚小漢堡入面加咗自家製嘅蛋黃醬，而且個漢堡都唔細，女孩子都要食4啖先食得哂千島海鮮pizza有蜆肉，蝦仁同蟹柳，pizza皮都幾薄幾脆，面頭仲有好多芝士曲奇雪糕配waffle冇得輸，即叫上即整，窩夫外脆內軟，加埋凍冰冰嘅雪糕同新鮮whipped cream，唔會太甜剛剛好為成餐飯劃上完美句號最後成餐晚飯食咗3個幾鐘，店員都冇趕我哋走，服務幾好比較同等價錢樓上café，呢度啲嘢食又好味，又坐得耐，真心係小聚嘅好推介…查看更多

成班同事嚟飲茶，叫咗燒鴨配米線鍋個樣幾靚，不過燒鴨皮有啲韌，硬得濟咬唔斷鴨肉幾香，同醬汁都幾夾嘢食嚟得好快，經理同姐姐都好快手有鳳爪，蝦餃，馬拉糕，煎鹹薄罉，牛肉腸，蘿蔔糕，雞扎，津白嘢食熱辣辣夠新鮮…查看更多

開張咗咁耐第一次嚟食，貪佢唔使排隊直接入menu都幾多嘢揀，基本日式小食都有而且仲有一啲同玉子主題有關嘅推介朋友叫咗呢個旋風玉子咖哩唐揚雞咖哩口味適中唔辣，同唐揚雞同炒滑蛋好夾最特別嘅係蛋包入面嘅飯係有海苔嘅木魚飯，鰹魚嘅味道好香我叫嘅三文魚親子丼有火炙三文魚，上枱嘅時候仲有一碟醬油半邊生半邊熟，加上三文魚籽漬，下面滿滿嘅冷壽司飯，好飽足可能因為就咁食落有啲dry，所以中間有生雞蛋黃拮穿咗之後啲蛋黃汁流入飯入面，但係因為個飯係凍嘅，所以冇咩特別總括黎講呢度都係正常嘅日式小店，鐘意食蛋嘅人可以嚟試下！:)…查看更多