Nana 6一6的個人專頁

居然有嘢連我這個銅鑼灣地膽都吾知就係呢間藏於銅鑼灣渣甸街入的藍鰭吞拿魚專門店。豐鮪既然知道就要去試吓打開門一目了然, 客人自助落單、倒茶所以店員都好少行出黎 。我哋系晚上第一枱客人, 坐位任坐。第一時間見到有推廣優惠, 點一份肉餅飯, 第二份半價, 真心抵!定食包括了蟹膏燉蛋, 沙律, 麵豉。先吃燉蛋打底, 給胃內添點暖氣蟹膏冇腥燉蛋夠滑pass 帶子肉餅飯新鮮做手切藍鰭吞拿魚魚蓉+蔥碎+北海道帶子+日本珍珠吃前先加上醬油厚切帶子新鮮圓潤與咸鮮蟹籽是絕配再深深地夾起一大注藍鰭吞拿魚魚蓉配口感黏連珍珠米，吞拿魚蓉棉細口感, 中融鮮度，也喜歡加上葱花的令香味更提升。鹹蛋肉餅飯新鮮做手切藍鰭吞拿魚魚蓉+蔥碎+日本蛋黃豉油漬+日本珍珠米第一次見藍鰭吞拿魚配咸蛋，相當有創意筷子一篤下咸蛋黃爆漿滲入珍珠米內, 再加少許醬油撈埋藍鰭吞拿魚魚蓉送入口, 創意之餘味道也不错。埋單兩個人只須$227冇加一依個價錢可以食到藍鰭吞拿魚系邊度搵呀！…查看更多

同老best在銅鑼灣食晏，腌尖腥悶嘅佢嫌西餐食得太多，泰國菜又話驚熱氣，於是搵咗一間高雅日本料理店全店木系裝修，空間感十足。#明道日本料理 位於銅鑼灣，亨利中心夠晒高級但價錢一啲都唔貴，依家仲做緊串燒半價優惠我哋嗌咗一個套餐、串燒等夠我哋慢慢嘆鹽燒鰻魚飯呢度環境都好舒服，食完飯仲可以慢慢傾吓偈唔會被人趕走。順帶一提，一定要食埋甜品雪糕出自日本，分別食咗朱古力和芝麻味，芝麻味相當香濃，口感黏稠，大滿🍱鹽燒鰻魚飯套餐有麵豉湯、日本雪糕鹽燒鰻魚飯食前加入少少山椒，可以提升香味。用鹽燒嘅方法食得出真正鰻魚香味，鰻魚燒至皮脆肉嫩👍🏻配甜香珍珠米絕配。半價串燒🥢炭燒厚切牛脷🥢生椒豬柳🥢有馬生椒雞肉🥢汁煮免治雞肉棒個人最鍾意「汁煮免治雞肉棒」啖啖肉之餘亦咬到軟骨，醬汁甜甜地，再點小小生鷄蛋液，味道一流。朋友超讚「炭燒厚切牛脷」讃佢有咬口，肉味香濃。…查看更多

週末一心以為風打得成，點知雨都唔多滴，心情大靚可以出去行街食飯。遊走西營盤探喵喵，晚上到街坊大的小菜館吃飯。美味苑老闆娘已經喺呢度經營咗20年，做到一大班街坊，店內位置唔多，所以你食飯最好都先行係預約，尤其有些菜式一定係要預訂先至有得食。我哋就預訂咗今日嘅重頭戲手撕雞平時喺出邊食嘅手撕雞只係面嗰層係雞肉下低全部都係用骨晾起，絕對唔會有呢個情況，因為真材實料，全走骨，碟上只有一絲絲嘅雞肉，拌上麻辣、芫荽蔥花炒花生，非常香口又惹味，超好味，記得要預訂。時菜豬腳筋炒菜心墊底，豬腳筋切成一口體積，入口啱啱好，炆得入味、軟稔亦帶小許煙靭，沒有豬臊味，具有以形補形之功用。涼瓜炒鮮魷食得涼瓜嘅人都喜歡嗰種甘苦嘅味道，以爆蒜和面豉醬調味，味道相對溫和，沒有蓋過涼瓜嘅獨特香味，鮮魷火喉剛剛好，不靭和涼瓜是天造地設的一對。幾乎每台客都會點這道菜菠蘿咕嚕肉大廚自家調製咕嚕汁，係這道菜靈魂所在，咕嚕汁甜酸有致，有刺後喉感覺，濃稠的醬汁將會一件排骨狠狠地包圍着，炸排骨非常鬆化，炸漿厚薄得宜，非常高質，唯一投訴是菠蘿較少。記得試老闆娘每日親自煲嘅時令飲品祛濕茯苓糕味道甘甘苦苦，飲之餘仲食到啫喱狀嘅茯苓膏，甜度非常低，有去濕解毒之功效，老闆娘用心良苦了。…查看更多

一向都好鍾意西環這個地方，所以久唔久就會去閒逛，每次都會發現新餐廳。Bro’s Sis 由一對尼泊爾兄妹經營，踏入餐廳一刻已經感覺到地中海風，menu 上主打西餐，還有尼x爾餃子提供，印象中從未吃，所以更感興趣。Pork Dumpling 餃子放水淥熟，隻隻肥大豐滿，見到出曬煙已經令我地忍吾住將整隻餃子鯨吞，餃皮厚而柔軟，豬肉餡富有滿滿的肉汁，沒有雪藏的味道，感覺挺新鮮，拌上自香而微辣的辣椒醬令味道更高層次。Tuna salad份量超乎預期，足足有成個湯碗咁多，沙律菜非常新鮮，仲有紅椒、草蔥、豆角、薯仔等，有誠意！toppings 吞拿魚碎令整體來說有咁齋，醋汁橄欖油，令成個沙律變得十分健康。Salmon Fillet 我哋都好鍾意食魚，主菜都揀咗香煎三文魚柳，好簡單咁形容三文魚柳皮脆肉嫩，加咗少少海鹽調味，配牛油檸檬汁；配菜尤其吸引，有西蘭花苗、翠玉瓜、烤紅蘿蔔，還有一個迷你意大利飯，我哋都覺得夠飽之餘又好味。Orange Squas冇酒精嘅飲品另外我點左杯係有酒精SeabreezeVodka 底，Cranberry and grape fruit味道甜甜地不會太哽，幾解喝。…查看更多

又是下雨天☔️也無礙我地HH 嘅心情十分欣賞@秋月 concept 中西合璧酒吧，由cocktails 到中式點心也是精心設計，Cocktail會加入中式元素點心則混合西洋食材，點心是由廚師團隊研發唔係交嚟點心，每樣都非常有驚奇☺️雖然今日落雨睇吾清窗外嘅美景但期待下一次可以睇到鹹蛋黃日落🌅🍸N.I.P Lemon Tea 無名氏凍 OT 黑茶 Gin 基調，印度tonic 和檸檬等元素調製出酒鬼版凍檸茶，絕！🍸Gingerita 辛薑芳語龍舌蘭基調、薑加檸主調，每口也感受到酒精、薑、檸檬汁的濃縮精華，幾哽，微醉的感覺很放鬆，我喜歡!🥢手打蟹鉗配自家製蕎頭醬拎上手係熱辣辣🤩薄薄炸粉包著蟹膠，質感充滿彈性，沒有粉感 原來由店主每日親手打蟹膠，果然誠意十足另一個食法就配上自家製蕎頭醬，酸酸地又帶出不同味道。🥢花膠沙律中西crossover 唔係用上沙律菜咁行貨，例如有甘荀、粟米筍、椰菜絲等切成細絲，當然還有花膠封頂配胡麻醬，口感清爽，配上酒精也很搭。🥢醉雞以意大利草藥酒取代花雕酒，酒味較為輕盈。🥢蝦餃全蝦肉蝦餃，蝦肉新鮮十分爽脆，蝦餃皮再薄啲就好。…查看更多

我哋喺踏入店內嗰一刻，已經感受到一股日本懷舊居酒屋🏮氣氛當晚嘅都似系熟客為主，同店員都好熟絡。我就第二次嚟，今次又試吓啲新嘢。食物以送洒小食為主，大部分都係細細碟，心多多嘅我地可以嗌多幾味 🍶由喜歡開始🥢昭和海鮮卷海鮮卷內集合了海膽、魚籽，吞拿魚蓉，鮮味十足，味覺和視覺也相當不俗。🥢蟹膏帆立貝刺身以帆立貝開邊再釀入蟹膏，入口已經感覺到濃濃的蟹膏香，充斥著味蕾，🥢流心蝦薯仔沙律店員提示吃時將流心蛋篤穿，讓蛋黃流在薯仔沙律上，薯仔沙律入口軟糯，蛋汁濃郁，份量啱啱好。🥢魷魚明太子卷魷魚軟稔中又帶點靭度，霸道的明太子就是香味的主要來源，一淡一濃，平衡得正好。🥢燒鹿兒島黑豚薄切黑豚，焦香中帶點油香，肉味挺突出。🥢炸北海道魷魚絲酥脆可口🥢煙肉𧐢個人覺得有點overcooked ，入口較乾。頗欣賞廚師自創食物拼配，外面食唔到，所以今次都帶比我驚喜，我唸要試晒個Menu真係要去多幾次支持小店，值得一試😋…查看更多

見到#shifthongkong 推出咗開心果menu 昆左壽星公去陪我食下午茶☕️除咗幾款以開心果為主題嘅菜式和飲品仲有佢哋嘅Fusion Tapas🥪杜拜開心果脆絲法式吐司用料非常豐富，有不同水果，Knafeh等口感十足，仲有雲呢拿雪糕和大量朱古力醬，當時雖然腍咗，但整體仍然係好好味，甜度亦適中。🍴檸檬胡椒脆茄子條茄子炸得好香脆，裏面仲係Juicy，加咗啲胡椒鹽吊起成個味都唔錯。🍴鵝肝比堅尼三文治多士用扒爐煎到金黃色，但鵝肝少得可憐🥹🍵Pistachios buttermilk dirty開心果味都幾出，咖啡味反而唔係太濃，我鍾意如果純粹係鍾意開心果味嘅飲品系好飲嘅 👌🏻☕️Cappuccino 完全冇諗過咖啡係用撳掣咖啡機出，即係酒店早餐嗰種，會唔會離譜咗少少？✖️投訴位✖️我哋坐緊窗邊位，有幾隻蚊字飛來飛去飛，店都應該留意吓上菜超級慢，幾樣嘢用咗成個幾鐘店員解釋當日只有一位廚師返工 ，算啦😒大家都唔想。。。。。但感覺唔太好…查看更多

得知 #鐘廚 做緊勁大推廣紅燒乳鴿［買一送一］$68 有兩隻紅燒乳鴿仲平過返大陸食，冇乜理由吾去試吓。訂了銅鑼灣時代廣場店飯店裝修採用全統中國風大廳極寬躺，卡位夠六人坐，窗邊位是圓枱，望街境都ok 喎，另一邊是半開放式廚房，客人一目了然。🥢紅燒乳鴿［買1️⃣送1️⃣］端上時已經感覺那份熱力迫人店員將它們剪開四邊叮囑最理想進食時間為6 分鐘。我們急不及待開動，乳鴿皮極薄脆，沒有多餘脂肪，鴿肉爆汁，肉味香濃，好味到連骨都損埋。🥢半隻勁蔥雞從來未試過以蔥打造的菜式，巨蔥油埋藏著半隻大肥雞，鷄件比一般鷄實肉，而且多了一層脂肪，更有份量。鷄配蔥油基本上是冇得輸食法伴碟是炸蝦餅，不浪費餘下蒽，撈埋放入口，又幾特別下滋陰補腎燉湯🥢瑪卡嚮螺燉雞湯呷一啖湯就見到有幾濃郁，淡淡鮮甜甘香不過有半碗都係煲湯渣，其實湯嘅份量唔係好多🥲所以建議都係一人一盅🥢西蘭花炒帶子帶子隻隻尺寸咁厚肉，食落去特別有感覺，帶子和西蘭花就已經系相當好的配搭，重點係份量十足，我哋兩條友勉強先至食得晒一碟😅🥣陳皮紅豆沙小甜品紅豆沙，每一啖都充滿紅豆和陳皮嘅清香，絕對係完美嘅句號。…查看更多

云云西餐中一向喜歡意大利菜富有個性；進餐又不會過分拘謹好適合一家大細或者情侶#divinopatio 位於灣景中心Weekend係一個唔錯嘅寧靜地方 😎好好享受美食、假期 💜🍴Ceasar Salad $148with Scottish smoked salmon 習慣慣咗食西餐都會加一盤沙律健康之餘亦可以減少食物量沙律菜清新爽口，配上橄欖油，加咗煙三文魚食落去冇咁寡，喜歡三文魚嘅柔潤感，兩個人分享一般沙律已經飽咗一半。🥢Norwegian Salmon Steakgreen peas purée, bacon and little gem lettuce主菜都係揀咗三文魚扒三文魚扒煎到皮脆肉嫩，輕輕一勃三文魚肉已經分開，油脂豐富；以青豆蓉，煙肉煮成濃汁，令整體香味更提升。🍹Jasmine 冇酒精飲品，屬於果茶類，味道清新🍴Tiramisu 賣相已經非常吸引 意式芝士蛋糕伴上新鮮桑莓輕輕用匙羹刮，已感覺到其質感非常輕盈以香芝士為主導完美句號必吃是意式甜品💜環境相當寬敞，服務亦都唔錯，只係上菜慢咗少少。======================​​📍Divino Patio 📍​灣景中心大廈Brim 28 💰$450​​…查看更多

除咗中環有SOHO區，西灣河都有區自成一角嘅SOHO 😎#mintandbasil 半開放式設計，黃昏去飲杯嘢感覺超級chill 尤其佢哋嘅Cocktails 價錢非常貼地飲多兩杯都唔肉赤White Sangria $78Pina Thai Coolada $78只係飲嘢又點可以滿足我哋？嚟到戲肉梗係要試吓大碟又惹味泰國菜，加上我哋有幾年冇去過泰國，呢餐真係要慢慢享受 泰式串燒 $138雞豬牛每種肉類有兩串，切得比較大件，份量十足。最鍾意食一定係雞肉串燒, 火候啱啱好，雖然完全去皮，但食落一啲都唔乾，我鍾意將大量花生醬塗滿雞肉，又香又惹味。蟹肉奄列$168店員端上時哇咗一聲，瞓耐真係好大估計起碼用咗五隻蛋，板層相當厚，而且十分鬆軟，裏面包住一絲絲嘅蟹肉，蛋香同鮮味都好平均，加少少茄汁，感覺冇咁膩。鑊仔炒雜菜$78大廚以炒嘅方式，將雜菜炒得爽脆，重點係油分不多。黃咖喱汁煮大虎蝦 $428呢個影相有啲困難，淨係影到一pat pat嘅黃咖喱其實裏面有三隻大虎蝦開邊，咖喱汁用上蝦頭同埋蛋製成，口感比一般咖喱更加濃稠，吾辣、甜度比較高，最衰我哋太飽叫唔到蒜蓉包，嘥咗啲咖喱汁。…查看更多

憑着實力在新宿開業72 年，近來在香港中環擴展板圖。餐廳一貫居酒屋裝潢，木系開放式廚房，但完全沒有油煙味，而且光猛明亮，感覺舒適。海鮮魚介沾麵 $138成個擺盤好出色，海鮮另外分開擺有蜆肉、蠔、帶子、蝦等，豐富又新鮮。拉麵條條分明，沾上濃郁魚介湯，麪質彈牙，味道鮮香，老店果然有實力。估唔到有關東煮，上個月去福岡冇食到今次補返數，昆布湯底味道清甜蒟蒻、豆腐、腐皮包包、蘿蔔、重點隻流心蛋，一咬開蛋黃鮮橙色，蛋味10分濃郁，巧正！自家製免治雞肉棒 ，一咬落去以感覺到手打雞肉的張力，而且咬到粒粒雞軟骨，配以大量香蔥，點埋生雞蛋漿，好味到想encore 。盬燒雞腿肉火喉燒得啱啱好，雞肉仍保持嫩口，雞皮薄到可以直接吞下。盬燒活鰻串燒魚皮又薄有脆，鰻魚肉嫩可口，用岩鹽調味，帶出鰻魚獨特味道。大家都唔飲酒，所以嗌咗杯柚子梳打每人唔使$200 性價比冇得輸吧！…查看更多

閒時去黃埔機會不多，對此區認識吾多，今日和同事工作，順便食個靚午餐，首要方便又好坐。九號冰室位於黃埔地鐵站出口，襯未到煩忙時間立即坐低睇吓餐牌先，點知未坐定已經有2 碗例湯，蓮藕紅蘿蔔豬骨湯夠熱，有湯渣食埋都飽飽地。豆腐火腩飯男人的浪漫但並唔係碟頭飯白飯另上即點即炒，火腩都爆香左，口感較為香脆，豆腐和枝竹都好入味份量啱啱好。我就唔想食咁多嘢食咗半份公司三文治配沙律另外嗰部份有同事搞掂，沙律都好新鮮入口凍冰冰，有菠蘿紅蘿蔔薯仔沙律醬頗多，酸酸地幾開胃，好啱夏天食公司三文治餡料有齊餐肉、火腿、雞蛋、生菜，蕃茄等，份量十足食半份啱啱好。熱奶茶入口夠熱和奶嘅比例適中，合格紅豆冰略嫌花奶不足味道稀溜溜，紅豆入口軟糯，整體甜度不足。…查看更多

過海搵打咭cafe 搵到去長沙灣區由港鐵行去Cafe真心有點遠，加埋天氣超級熱，絕對係考驗。行咗差唔多十幾分鐘終於搵到I’m Thirsty 共有四層、有餐飲、空間、種植購物一應俱全。裝潢充滿中東風格，亦夾雜著電影海報，好似像走進了另一個時空，偷來一刻的寧靜感。今日想突破些，試左兩杯特色咖啡BO-YEAH-BOLOMI 月光寶盒拼配咖啡豆、椰子水、檸檬皮等結合，夠曬清新、咖啡和其他材料味道平衡，非常解喝，柔和。Falling 唔講仲以為係Cocktail先呷一口感到杯面泡泡細滑基底以Espresso 配上茉莉花和香桃汁味道融和夏天水果和花香兼備酸度比較高，配上甜美的糕餅肯定一絕。Lemon Muffin Egg mayo Croissant有我喜歡的pastries 襯咖啡啱啱好，尤其喜歡Lemon Muffin 咬落有粒粒罌粟籽，檸檬味非常清新，亦不太甜。…查看更多

今個星期繼續喺銅鑼灣尋啡利園三期新進駐cafe #brentwoodcoffee 睇咗其他IGer介紹以為裏面好大點知原來一眼睇晒，所以中午去到都等咗一陣位。店員有禮貌 （香港好少cafe 系咁） 一叫即到。餅櫃內大約有六款pastries ，賣相都幾吸引，不過可惜冇蛋糕供應。🍴Earl Grey Chocolate Tart 🍴Pistachio Croissant Puff ☕️Piccolo Pastries 酥皮做得酥脆，入口輕而不油，甜左少少。Piccolo 望上去感覺稀稀地，但味道又ok 偏nutty 啱我口味都有質素絕對值得翻悼 🥰價錢不貴，有服務冇加一喺香港實在難得 👍🏻=====================​​📍Brentwood Coffee📍​CWB HK💰$110…查看更多

雲吞麵專家擴展到人氣爆登的旺角花園街，無論本地人或遊客也不少，坐位不及佐敦多，但不致迫到暈。「盛記」必試散尾雲吞以外，今次貪心點來個雙併雲吞拼水餃水餃外表漲卜卜，水餃皮軟滑可口，包裹著大蝦、豬肉、木耳、荀等餡料，爽、鮮集於一身，愧為廣東民間美食。配大地魚湯，連湯也一併喝光。不過我今次試吓新嘢「秘製豬軟骨撈麵」炆得非常入味，味道濃而不咸；軟欶稔稔，膠原蛋白滿滿，拌以銀絲蛋麵，令我不禁一口口送入口😋小食、油菜拼為套餐更化算腩汁蘿蔔蘿蔔夠甜，但有小小根蠔油芥蘭芥蘭青綠，入口爽脆，冇渣。炸鯪魚球即點即炸，入口熱呼呼，點埋蜆介酱提鮮，香口惹味。…查看更多