or#Tm65770949的个人专页

半年前出一篇好評鼓勵，今日我出篇劣評警世最近的一次餐廳進餐讓我感到相當失望。當我們點了招牌蛋包飯時，卻發現米飯煮得非常硬，豬扒又炸得如同磚頭般，完全無法入口，讓人對這家餐廳的廚藝產生疑問。此外，我們同時點的意粉也出現了問題，配餐的冰茶從上菜到結帳整個過程中始終沒有送到。即使我們多次追問服務員，但始終得不到任何有效的回應，最後他們只是漫不經心地表示廚房非常忙碌。這樣的服務態度讓我感到十分不被重視，畢竟顧客來到餐廳，除了想享受美食外，也希望能擁有良好的用餐體驗。回想起第一次來這家餐廳時，無論是菜品的擺盤還是服務的專業水準，都讓我留下了深刻的印象。然而，此次體驗讓我感受到的只是一種混亂的狀態，無論是上菜的速度、菜品的擺盤，還是服務人員的態度，都讓我倍感失望。此外，餐廳的廁所情況非常之差，廁所沒有沖水也沒有洗手液，衛生問題有待改善。如今的餐廳似乎在顧客體驗上退步了很多，期待他們未來能夠重視顧客的意見，改進服務質素與廚房的運作 。不過我也不會再光顧此店 。心痛一班後生仔既經營，原來可以差得咁快。係咪轉左手？…查看更多

好耐未試過咁好食嘅意粉，好有驚喜星期日去濕地公園食到呢個午餐，覺得生活好寫意。不論係一個人快食定係三五知己，定係家庭聚會都推薦可能因為地點偏遠相對都會少啲顧客，但係咁樣冇影響到店主店員們嘅熱情，努力研究烹調嘅技巧煮得好好食，覺得店員店主都有一番熱誠，自己有個標準要求覺得自己覺得人起碼自己食得落先攞出嚟環境裝修亦都好好，當然除咗地點有啲遠，如果冇揸車，冇踩單車就比較辛苦啦。順帶一提，佢哋踩單車去好似係有折頭㗎，大家可以多啲踩單車去呢間舖頭食嘢。…查看更多

呢度零Service個阿姐勁過李嘉誠話說小弟個小朋友倒瀉水,都有唔該前唔該後喂想叫阿姐幫忙清理個樓面阿姐係一米範圍內，完全無視，即係9秒9走去扮執檯。我即刻大聲會叫佢幫忙，佢無得扮睇唔到之下，居然就話塊布唔索水佢都繼續走咗去扮冇嘢，我最後係攞布俾佢抹枱，佢話都抹唔到枱嘢食就正常，但係服務態度真係欠佳，大堂經理睇到有當冇事。冇特別嘅都唔好嚟啦，因為真係好驚人。如果你想俾人黑面嘅歡迎挑戰。有無搞錯，米之蓮食府？？！！…查看更多

首先講番點解會去試小弟以前係一個係屯門長大既人仕，見證屯門由美食沙漠，到而家多咗好多餐廳，其實都好想支持新餐廳。喺OpenRice見到呢間餐廳好多正評，自己住咗幾廿年都冇見過係屯門有新加坡菜，就諗住去試吓。去到見到門面已經心知不妙，點解咁簡陋，嗰種簡陋唔係話鋪細，或者裝修慳錢，係完全冇心思，簡單嚟講好似工廠食堂咁。唔緊要啦支持小店咪攞飛等吓。或者好好食呢。咁好啦，攞飛之後又要出去店外吹風。其實我一家大細有小朋友既，10幾度係店外吹風？會唔會可以人性化啲入邊等，間鋪入面係絕對冇乜人，有位比我地企既。但係佢都唔俾人喺舖頭入邊等。唔緊要，或者係間好食嘅高傲小店，咁我繼續喺出邊等啦。但係等吓等吓唔對路攞咗飛，有其他人嚟到就直接入咗去坐，咁我攞飛嚟做乜嘢？跟住有個男員工出嚟解釋話人哋一位兩位所以有得入。但係我睇住佢有張四人枱，分開左兩個兩位俾人坐，都唔俾我哋入去坐。見到啲人坐到散開晒。其實佢安排好啲，我哋全部人入去坐食緊嘢㗎啦。我唔係嬲我冇得食，係我鄧佢間餐廳老細唔抵，請班員工好似幫佢倒米咁。最後唔好意思，嚴格上嚟講我係冇食到佢啲嘢，因為我見到佢咁嘅樣已經走左。但係我應該都冇機會再食佢啲嘢啦，因為我唔會再去佢個餐廳。同埋我都會叫我有小朋友嘅屯門朋友都唔好去自己攞苦嚟辛。我估d 正評好有水份，大家小心…查看更多

尋日有幸再再牛測鎬食飯，基本上本人住天水圍，食左好多次。但今次要留下負判，服務及態度大幅倒退。首先，飲品處無冰，成個鐘無人理，叫左都唔添。到問經理囉飲管，佢好自豪咁話，而家我地用環保飲管。我話好呀，咁支持環保，咁3支唔該。佢er 左一聲，話要收2銀錢一支。。。。 我當堂呆左，食係你個放題200蚊一位起跳，你夠膽收人2蚊一支飲管？學下人地譚仔一樣紙飲管，加9蚊杯凍飲全部都派。 我本身有敏感牙齒，唔用飲管基本上等於自殘。。 又話以客為先嘅？ 我好支持環保，但你唔好完全無option 比個客之後個湯 lone 左，叫佢快快手加湯，重話你個藩茄湯，要得好耐既，最後咪全個湯lone 哂囉，臭到隔離檯添。個waitress 你覺得好唔好意思？好多檯加肉都等好耐，差唔多每一檯都投訴。。。 希望貴分店可作出改善。我平常去其他牛角分店服務好好的。…查看更多