冇啖好食的个人专页

見咁多笑臉，就黎試下，兩個人叫左個豬肚湯，半隻咸雞，沙茶牛肉芥蘭，煎蠔烙同潮州炒麵（侍應聽錯黎左家鄉炒米）。先講個湯，完全冇落胡椒，當然一D胡椒味都冇，除此湯味道係ok既，不過咸菜真係好咸。雞色比較白，D骨仲帶血，味道一般，沙茶牛肉芥蘭唔錯，有沙茶味牛肉唔奀，煎蠔烙唔夠香口，不過蠔都幾多，整體食物水準中等，埋單要九百幾性價比唔高，試過就算啦。…查看更多

睇左YOUTUBER介紹好似幾好，所以早幾日訂位，尋晚去試下呢間粵菜酒家，訂左7:30PM，七點零到，佢話未有枱要等陣，之後陸續有WALKIN客但佢話要等成個鐘，好多都冇等走人，我地等左15分鐘入得去，地方唔大，枱之間距離較近，我地叫左蝦仁炒蛋、咕嚕肉、上湯浸雞、小炒王、啫啫芥蘭同瑤柱蛋白炒飯。等左大約15分鐘黎咕嚕肉，肉細細粒、味道唔錯，碟頭算大，之後上既係蝦仁炒蛋，距離上咕嚕肉後15分鐘到、蝦仁爽口，蛋亦炒得滑。之後又等15分鐘到小炒王，幾夠鑊氣唔錯，再等10分鐘到芥蘭煲，之後佢話冇上湯雞改左炸子雞，又再等左20分鐘先上雞，雞皮脆肉嫩，唔錯，再之後又等左15分鐘黎埋炒飯。成餐飯就係等上菜，佢唔係成枱菜一次上，係枱枱上D咁，變左先黎既菜凍晒都未有新上菜，埋單時我同佢反影，佢無奈話廚房細，出菜會慢D，我話廚房能力有限就唔好開咁多枱，招呼太多客廚房做唔切D客都走啦，食物同招呼冇問題既，係上菜太慢要改善。全晚等到眼訓所以冇影相！…查看更多

見食評咁好，就黎試下，餐廳本身係會所，佔2層，上層雀局，下層用餐，環境一般，勝在新店，裝修新凈。坐低睇過菜單就揀左以下幾樣菜式：啫啫通菜，差不多凈係梗冇葉既，味道初食剛好，但到後來煲底汁多味變咸了咕嚕肉，佢本來出名係冰鎮咕嚕肉，但我地係第2到食過唔太鐘意，所以叫返正常既，黎到雖然熱，但肉唔脆，唔難咬，味道唔錯炸子雞，菜牌冇寫但見食評有人食過就照叫，雞皮脆身，雞肉滑，呢樣最好雖然佢出名係醉鮑魚，但我地揀左椒鹽鮑魚，餐牌寫$50/隻，最少4隻起，兩個人就揀四隻，鮑魚唔硬，易咬冇過火，但鮑魚味淡，後來埋單見佢計$240，我問返唔係$200咩，佢居然講話餐牌唔UPDATE，加左價喎，其實餐牌寫$50都係貼上去，之前見食評係$42，你改左$60人地叫時唔出聲，餐牌又唔改，呢樣真係令人氣憤，雖然成餐飯食物唔太差，服務都算OK，但呢樣野就令人印像大打折扣，其實價錢亦唔係平，兩個人要$7XX落樓，值唔值得黎就見仁見智啦！…查看更多

之前睇有個YOUTUBER話幾好就黎試下，係開飯網上訂枱，一黎到就有位(其實都只係半滿，WALKIN都得，不過聽侍應講訂位就冇限時，WALKIN就有)，一坐低佢就攞左個雞煲上黎，D雞唔少，但配料唔多，莞茜蔥都冇乜，煮返熱就食得，雞係唔鞋既，可惜醬汁只係停留係雞既表面，雞肉冇乜味。食完揀左個沙嗲鍋底打邊爐，佢就攞左碟海鮮、牛肉、鱔片併龍蠆片、響鈴炸魚皮、水餃同菜黎，唔續樣講啦，只能講海鮮除左鱔片龍蠆片外，其餘都唔多新鮮，牛肉仲差，全瘦咁滯，成餐只有鱔片同龍蠆片比較好，環境冇乜裝修可言，不過服務算唔錯！如果收2百幾呢個價錢，其實出面好多選揀，真心講食過就算。…查看更多

見這裡全部是好評於是便來試試，雖然訂了位，但到達時並不多食客，枱與枱之間並不擠迫。侍應推薦他們的海鮮蟹鍋底，但兩個人—來吃不下，二來四百大洋並不化算，於是點了個豬骨湯底，牛頸脊(大)、鵝腸、黑柏葉、魚滑、炸枝竹、水餃和小食椒鹽鮮魷。先講湯底，用豬筒骨並有肉連著，跟粟米甘荀等，奶白色有香味，唔錯。椒鹽鮮魷即叫即炸，熱辣脆口，不過不失。鵝腸有肥油連著並不是得層衣的急凍貨，黑柏葉不是到到有供應，這裡的亦算不差，炸枝竹有別於響鈴，放下湯中要一段時間才好吃。好了，好的講完，就要彈彈牛肉，魚滑和水餃了。說是牛頸脊其實並不是，只是有點雪花的肥牛吧，質素等同在日資超市買到的貨式，這裡連加一差不多要三舊水著實太搶了。魚滑居然加了粉來溝，口感怪怪的，難吃。水餃沒有木耳及很少冬菇，只有甘荀和肉碎攪在一起，大大失分。不知道為何這麼多食評讚好，但是以這餐差不多吃了八舊水來說，我真的說不出好在那裡。…查看更多

曾經嘗試過早幾日訂位還已經無位，晚上打邊爐想walkin你唔使旨意。於是早一星期打黎訂位，終於都可以黎試下點解難訂位之餘又咁多好評。呢間食店我一早係媒體知道係間良心食店，歷史悠久。之前黎過食牛腩麵但無想像中好，今次再黎試打邊爐。一行五人坐低叫左個蕃茄薯仔豬軟骨窩，跟住仲叫左唔少野如，蠔仔餃、鮮蝦水餃、苟菜餃、豬皮、冰豆腐、脆鯇腩、炸魚皮、手切牛(大)、白牛柏葉、鯇魚咀、魚卜、水魷、唐好菜、烏冬、鵝腸，黑豚肉。一黎個湯底，湯既顏色比較淡，有粟米蕃茄芹菜同小排骨，味道一般。成晚既食物比較好既有餃子，好足料，魚卜魚腩魚咀等，新鮮材料唔會差得去邊，最差既反而係牛肉，量少之如，部位亦差，價錢反而最貴，以後黎可以唔叫。服務好唔會忙到唔理你，環境因為開放式，一路打寒風一路吹，風味當然同舖食唔同。眼見一路有walkin客被拒，認真利害。埋單成千蚊，唔可以講做抵食囉，不過當支持下個老板。…查看更多

其實老婆想去食雞煲好耐，不過而家通街都係雞煲，出名既就等到你死，其他既又未必好食。知道來來係九龍城廣場開左分店，於是就黎試下。先打電話訂位，黎到其實客都唔算多。講真九龍城廣場又真係人流少，開乜都唔旺。好啦，講返食物，黎食雞煲梗係叫返個先啦，老婆驚唔食得太辣，於是叫左個微辣，點知真係辣都唔辣，下次叫個小辣先。不過一隻雞份最都唔少，而且雞肉唔鞋，汁味好濃，不過因為微辣所以真係唔覺得辣。個雞煲食得差唔多就叫侍應加湯，然後叫左碟薯粉、一碟牛柏葉同鵝腸打邊爐，個鵝腸只係急凍貨，得層皮無肥油，得個爽字。牛柏葉不過不失，索左d汁幾好味。薯粉咽咽靭靭，無乜味但口感幾好。最後再加左碟雜菇，野飲就叫左渣青蘋果汁，侍應服務唔錯，成日幫你換碟，埋單四百幾唔算貴，下次可以再黎。…查看更多

今晚同老婆黎呢間試下，本來訂左檯，點知老闆比錯左人，本來坐樓下，變左上閣樓，首先坐低已經見左幾檯龍虎兄弟開緊餐我心知不妙，果然賴野。全程焗係個細細密室狂呼二手煙，侍應見慣不怪，班大哥又啋你都傻，一路食一路吸，真係慘過入左毒氣室。講返D野食，兩個人叫左以下食物：豬骨煲，一上檯湯底好清，一D都唔似豬骨湯應該有既奶白色，果然味道淡出鳥來，豬骨三大舊，一D肉都無，想損骨都唔得。細手切肥牛，差不多百六蚊，肉味算濃，唔奀算OK。貴花蚌，少少煋，不過尚算爽脆。鵝腸，極度唔掂，又奀又肥，把鬼急凍貨。苟菜餃併水餃，呢個正常少少，味道幾好。魚卜，呢個好新鮮，唔錯。鮮墨魚刺身，新鮮就好味。係咁易煬一煬就得。象拔蚌，例牌份量唔多，但都要成三舊水。大蜆，味道OK。整晚要吸住二手煙食野，真係貼錢買難就。埋單要成千一蚊，一D都唔平。下次咪攪！…查看更多

之前見呢到咁多好評都黎過兩次想試下，可惜都因等得太耐又無訂位所以放棄，今晚再黎，尋日打電話訂左位，但都要等成廿分鐘先有得入去，坐低就叫左以下食物：青木瓜沙律，西柚成舊舊，味道一般，但食食下就出水，最後成碟都係水。胡椒豬肚湯，湯好清，胡椒味唔強，豬肚唔少，味道不過不失。生蝦刺身，蝦太細隻，所以無乜口感，蝦味好淡，好彩個汁都ok。海南雞半隻，基本上折晒骨，雞味淡，不過肉唔奀。咖哩大蜆，基本上蜆殼同肉全部分開晒，肉奀及只有咖哩味，蜆味無晒。個咖哩汁又唔夠辣。蒜蓉包，外胞內軟，唔錯，點咖哩汁好味。叫左野5分鐘唔夠就黎晒，快到無倫，兩個人仲叫左兩杯沙冰，埋單四舊水，我唔覺平，講真食物質素只係一普，唔明點解咁多人等位。見識過一次就算，無必要再黎。…查看更多

呢間食店我幫襯左好多年，從前叫RED STONE而家改左椰林閣，其實都係同一集團。我真係唔明點解咁多劣評，老實講佢既出品唔係話好高質素，但用價錢去衡量絕對交足貨有突。早餐成日都爆場，夜市就一時時，有時得幾檯客，有時又要等位。尋晚又同老婆黎食，兩個人叫左個雜扒餐同焗豬扒飯餐，有湯有包有野飲，另外散叫左個生果蝦沙律，埋單百幾蚊。食物質素中等，但以價錢計我覺得超價，服務一貫既好，叫人落單唔會扮忙扮睇你唔到，絕對無樓下既講得咁差，會繼續幫襯。生果鮮蝦沙律，生果新鮮，蝦唔算爽口但唔會好林，個汁就淡左少少。雜扒有火腿、煙肉、雞扒、豬扒、牛扒同腸仔，仲有連皮薯角伴碟。焗蕃茄豬扒飯好香，雖然唔係炒飯底但夠熱同個汁都好味。…查看更多

尋日落開佐敦就黎呢到晚飯，之前都黎過飲茶，點心質素中上，又唔使點等位，晚飯亦黎過，食物質素唔差，況且仲有張優惠卡，可以85折埋單，所以今晚又黎。兩個人叫左半隻燒雞、咕嚕肉、鵝掌柚皮同例湯。燒雞皮脆，肉唔鞋，不過雞味淡左d。鵝掌柚皮，呢個好正，柚皮基本上林晒，吸滿味，又無澀味，鵝掌雖然入口即化，但又無炆爛，飽汁味又唔咸剛剛好，最正呢味菜。咕嚕肉個汁唔酸，粉漿亦唔厚，外面少少脆，裡面好林。最後叫左個楊之柑露，諗住酒樓貨式，唔會點好食，點知又錯，老婆話足料又幾好味喎。例湯就係赤小豆粉葛煲豬肉，每人都吃到3碗，老火湯味濃又有益，不過可能係星期三，個場唔算多人，伙記仲多過客。用埋張八折卡埋單都係四舊水。…查看更多

落深水埗搵到呢間店食上海野，地點位於遠離黃金高登旺場地段既醫局街，店子很小，只能坐廿人。牆上貼滿食物相，四個人，叫左以下食物：先黎個京汁炒田螺，個汁唔錯，我對田螺麻麻，同行既就話唔錯。醉雞例牌，明顯唔係新鮮雞，不過肉唔鞋，酒味唔太濃，都OK。煎苟菜飽，外面脆，咬開有肉汁漏出，味道唔錯。蟹粉小籠飽，呢個的的式式，比坊間小籠飽小一點，味道OK，但肉汁不多。酸辣湯，料足但酸辣味唔夠，再酸再辣的最好。雞絲青瓜海折，青瓜切得大幼同薄，無乜口感，海折爽口，雞絲味淡。生煎北京餃，味道好，餃皮煎到脆，唔錯。水煮餃，食完煎食水煮，另一種口味。雞絲湯拉麵，湯底味道唔錯，拉麵彈牙。羊肉搶拉麵 X 2，湯底多一份羊肉騷味，味道唔錯。叫左咁多野，埋單都係3百3，抵到爛。…查看更多

上次黎食野從老闆得知這店做到6月28日便因業主瘋狂加租而結業，於是趁仲有得食尋晚再來。這店基本上是我在旺角的食堂，只要我收工要落旺角，多數都會黎食晚飯。是晚例湯，黎親都叫，絕無味精，今晚係赤小豆煲豬骨，飲完先記得影。清蒸海班，老闆同我揀，海魚唔係養魚，好大條，肉滑味鮮。通菜炒鮮魷，通菜唔係坊間常用幼身個隻，而係用粗身通菜，食落唔會太咸，鮮魷亦彈牙爽口。清蒸大蟶子，要左四隻，隻隻都好大，舖滿粉絲蒜蓉，正。每隻都係$32，抵食。最後叫左個星洲炒米，大碟夠鑊氣。這間店，阿蘇都介紹過佢既蛋撻，食物質素好，侍應全都係老伙記，價錢又唔貴，埋單兩個人都係6百。可惜因業主瘋狂加租，開到6月28號就會結業，可惜得很。:(…查看更多

尋日下午6點黎食，成間舖一個客都無，坐低叫野食到食完埋單，都係得我地一檯客，神奇。兩個人叫左個炸醬麵、蝴蝶腩麵、一個蘿蔔、一個魷魚柏葉同一隻酒浸蛋。麵係粗麵，闊身幾特別但味道一般。蝴蝶腩唔太奀入味ok，炸醬都唔錯。蘿蔔係比較出色，清甜又林，魷魚柏葉切到好細好幼，幾脆。隻蛋除左有少少酒味之外，蛋味唔濃，無乜驚喜。整體食物唔差但亦唔特出，如果住附近可以再黎，突登黎就無謂啦。…查看更多

呢間店係老婆公司附近，尋晚接老婆唔知食乜，見呢間舖好似從前醉瓊樓個D裝修，又開左好耐，就入去試下。始終街坊生意為主，裝修都好舊，黎幫襯就預左要搭抬，其他食客多是阿伯，大家好似好熟，個個高談闊論，好有地痞麻甩FEEL。好啦，講返食物，一黎就送左個例湯，西洋菜煲豬肉，味道唔錯。我地兩個人叫左個東江豆付煲、炆豬手同咕嚕肉。每款都係$39蚊，仲有飯有粥送。豆付煲都有6-7件釀豆付，味道OK，炆豬手入味，不過毛未清晒，而且手指較多。咕嚕肉個汁唔太酸岩岩好，肉炸得幾脆口。整體以價錢論算超值，招呼亦唔差。埋單都係百二蚊，抵食。…查看更多