cloudyc的个人专页

難得閒日放假趁住限聚令未過午市嚟一試近排關注組好出名嘅米線舖頭位於街市嘅2樓地點就唔算就腳但環境其實都OK見着佢一碗一碗米線咁煮加上火爐冚冚聲好吸引我嗌咗豬軟骨豬腸米線中大辣平時食大辣嘅我都覺得辣不過真係好香，好好味豬腸同豬軟骨都煮到入晒味配埋辣湯底，真係好正老公就帶咗豬耳腩肉米線中小辣佢話湯底味道啱啱好麻辣中又帶點酸辣佢都覺得湯底偏辣唔食得辣嘅朋友真係要小心豬耳爽脆，腩肉就有點兒太薄另外嗌多個麻辣雞腎小食小食份量都幾足，而且幾好食兩碗米線都超過$30 每碗送咗一杯豆漿豆漿不過不失但食辣湯底，配上豆漿又可以解辣米線味道幾好，價錢又公道，值得一試！…查看更多

好耐冇晚市出去食飯終於可以食好耐都冇食嘅燒肉放題一如以往，晚市真係好full由於我哋兩個食得唔多我哋嗌咗平價嗰個餐星期五， 298 ，加一服務費我哋再加咗$40任飲啤酒前菜同生菜都係可refill我鍾意泡菜或者芽菜配肉食第一輪會有燒肉拼盤另外會送一次較為貴嘅兩款和牛豬腩肉慢慢燒，燒到少少脆皮真係好正今次嚟到，仲送咗一塊熟成牛扒牛味幾濃，而且唔會靭，幾好食泡菜蛋嘅泡菜冇乜味冇以前咁好食反而芝士燒就幾正燒完嘅蕃茄同瓜點啲芝士拉絲食真係一流同埋多春魚都好好食😋食下食下，唔覺就兩個鐘飲飽食醉，滿足嘅一晚…查看更多

晚市堂食暫定咗一段時間好多火鍋店都平日只係會開晚市所以好多都停業想食麻辣火鍋，選擇都少咗好多呢間火鍋主打重慶麻辣湯底而且午市仲有一人一鍋選擇同埋特價2人餐，仲免費送湯底添餐廳環境唔錯，座位都闊旁邊有齊香油同配料👍🏻一坐低店員就送上2碗湯水潤喉我哋點咗個2人餐重慶麻辣湯底一上枱真係好香🤩餐有齊肉菜海鮮，同2罐飲品毛肚夠爽，港式邊爐一般只有牛栢葉竟然仲有珊瑚蚌，好好味生菜索哂啲湯，好辣😆湯底越食越辣，好正最後仲有紅粒糍粑，好好味中午都可以食到麻辣火鍋，正！…查看更多

呢兩日天寒地凍平時通常都會嗌外賣米線難得今日兩個都放假而且而家真係好少人出街去搏一搏試吓堂食去到舖頭可能因為天氣唔係咁好真係冇乜人我哋坐咗上去上面間鋪我哋一人嗌左一碗米線同埋豬手小食豬軟骨腩肉米線中辣老公平時嗌中辣唔係好辣唔知點解今日勁辣😆佢飲晒杯凍奶茶都覺得辣豬軟骨好入味，夠晒林反而腩肉一般般雞絲豬大腸米線大辣雞絲索晒啲湯汁勁好食大腸反而切得太幼冇咗本身應該有嘅質地，好可惜雞絲值得食，大腸唔OK醉豬手豬手嘅花雕味幾濃個人偏好淋小小嘅豬手所以略嫌偏硬呢度米線嘅湯真係好好味值得食👍🏻👍🏻👍🏻…查看更多

呢幾日凍到得返六，七度又落住毛毛雨，真係凍到震難得兩公婆都放假睇電視介紹上海舖瞓醒即刻出發店舖位置比較偏僻冇車嘅話可能要行一段路我哋去到已經10點幾嗱嗱聲睇吓有咩食早餐到11點所以我哋去到嘅時候部份嘢已經冇晒我哋嗌左幾樣嘢鹹豆漿裏面應該有榨菜，油炸鬼食落其實似鹹湯未到舊之餘又唔會太鹹，幾好食油豆腐粉絲湯呢個個味就比較得鹹味不過不失冇乜特別鹹甜粢飯裏面嘅油炸鬼仲係脆卜卜呢個真係好好食小籠包落單佢先至會幫你蒸要等比較耐蒸出嚟熱辣辣，冒晒煙小籠包入面湯汁勁好食我哋食到最後已經過咗11點到午市本身想試吓午餐想試吓比較少有嘅鳳尾魚問咗話冇可能要等疫情過去先再嚟試過啦食物都幾好食，幾特別值得一試👍🏻…查看更多

天寒地凍，夜晚冇堂食難得閒日放假，中午過嚟試下星期一至四，每人$258+1呢度係可以先食羊腩煲之後食雞煲，再轉打邊爐關不過我哋兩個人同埋雞煲成日都食到我哋就主要食羊腩煲前後我哋加咗幾次羊腩羊肉夠淋，枝竹同冬菇都好好食部份海鮮只會有一次，例如鮑魚而蝦同蜆可以任食另外鯇魚腩，菜，牛肉水魷牛柏葉等等就可以任食呢度包生啤任飲可惜可能因為來貨運輸問題好多都冇哂，幾乎得返一款黑啤唯有下次再試總括嚟講都係抵食嘅~…查看更多

搬咗入新界，間唔中都會過去大埔搵食大埔都幾多嘢食但好多餐廳都要等位有時都懶得等今日突然間諗起想食車仔麵去到門口見到一堆人原來好多人都係嗌外賣我哋可以即時入去，好好彩😆舖頭入面嘅裝修都幾特別喺舊香港嘅環境落單就係自己喺紙仔上面圈所有嘢都係自己揀落咗單10分鐘左右，啲嘢食就到豬頸肉豬腸咖喱魷魚(古法麻辣中辣)古法麻辣，味道有少少咖哩咁辣味就無乜，可以香辣少少更好豬頸肉好好食，好香豬腸就普通發揮，都好好食豬頸肉豬腸牛腩（秘製麻辣大辣）呢碗個湯真係夠香夠麻辣揀咗一向嘅至愛粗麵，好好食另外要咗個虎皮尖椒有兩條份量，不過唔辣嘅，較香甜如果係可以辣啲就好好食呢度嘅嘢食物嘅質素都幾好姐姐嘅服務態度都好好👍🏻…查看更多

疫情關係再次停晚市閒日放假盡量周圍去睇吓午市或下午茶時段可以試吓食唔同嘅嘢今日朝早已經食咗啲嘢先出街諗住去新城市行吓路過見到呢間嘢主打食漢堡包就入去食個下午茶由於我哋兩個人都食咗嘢而且已經係下晝三點幾驚食太多，食唔落晚餐於是我哋嗌左一個大菇打扁漢堡加薯條同一杯咖啡，再加個藜麥沙律薯條好快就送到係黑松露薯條，聞到少少嘅黑松露味道味道其實都唔錯嘅可惜唔係太熱，減咗少少分然後就係藜麥沙律🥗沙律嘅菜都OK，而且加咗沙律醋幾開胃跟住就到杯咖啡，不過不失主角漢堡包上場，幾靚食落牛肉好Juicy，好有肉汁呢個真係幾驚喜，值得一試…查看更多

之前好多茜友都介紹呢間話個冷麵爆多芫茜好正不過山長水遠入嚟又嫌遠咁啱今日入到元朗做嘢順便可以一試元朗名物🤤🤤🤤舖頭位於橫街內，唔太顯眼好彩遠處見到個”爆辣”嘅牌先搵到舖頭唔大，不過食物款式都幾多而且每樣食物嘅辣度都可以自己揀今次揀咗2樣嘢食試下先爆辣哥斯拉雞翼雞翼上面舖滿辣椒同蒜，仲有少少蟹子食落都唔算太辣，但幾香可惜雞翼只是微溫如果可以加熱應該會更好食爆荽蟹子冷面🍜好正呀呢個，勁多荽！！我揀咗中辣，越食越辣好過癮呢個一定要試！…查看更多

天氣凍凍哋，去烚下烚下就啱哂老公話帶我去食雞煲我一心以為係去火鍋店打邊爐🍲跟住一去到舖頭，竟然係間茶仔？閒日嘅晚飯時間，一間好唔顯眼嘅舖頭竟然有幾堆人喺門口等位🤔我哋等咗大概半個鐘，終於有位一入門口，姐姐例牌就問係咪要醉雞老公話係，姐姐就問要大定細原來係指雞嘅份量，我哋就要咗大嘅然後再問豉油要辣定唔辣，當然要辣原來呢個豉油係佢哋自家製少少甜甜地，如果可以再辣啲就好一坐低，湯底隨即就拎咗過嚟開始煲雞同埋生菜就另上，雞嘅份量都幾足慢慢開始聞到湯底嘅酒香，就將雞放落去滾湯底再次滾起，一開蓋勁香即刻食啲雞，雞肉好嫩滑飲埋啖湯真係不得了，好好味雖然個湯聞到好大浸酒香，但飲落就唔會苦加上個湯有圓肉同埋紅棗，好甜好好飲👍🏻唔怪之得咁多人等位都要食啦鍾意食醉雞鍋嘅人，好值得過嚟一試！另外我哋嗌左兩支藍妹一個雙拼，雞子拼牛柏葉再加個丁麵，索晒啲湯食，大滿足買單先三百零蚊，抵食又好食😋…查看更多

過咗午餐，又就嚟食晚餐唔想食咁飽，就諗吓有咩食見到呢一間主打食雞湯麵嘅舖頭就打算食碗麵都好醉香雞湯麵面底我要左米粉，食落無咁滯湯底好香嘅酒味飲落亦都好甜不過飲完個湯，略嫌有少少苦如果再煮多一陣啲酒揮發多少少會較好雞肉就好嫩滑老公就嗌咗個蟲草花雞湯麵呢碗個湯好飲好多飲落係濃濃嘅雞湯味，好甜蟲草花亦都幾好食雞肉就一樣，好滑好嫩呢間小店嘅湯底其實都做得幾好睇得出係有心機煮嘅而且雞肉大部份都係冇骨唔算太肥，但亦都好嫩滑值得一試👍🏻…查看更多

難得有時間兩個人一齊食早餐又過咗返工前最忙嘅早餐時段於是就去試吓漢興幾次經過都冇開到，今日終於試到等咗5分鐘就有位入得去蛋鹹牛肉加多士多士切好咗細細舊方便拎上手食鹹牛肉蛋就普普通通唔會煎得太老太死實福麵配雞翼雞翼冇乜炸粉，炸起嚟都脆身juicy嘅淨食豬扒豬扒都幾大塊，無粉不過始終係較為薄嘅豬扒站起來難免有點乾熱奶茶夠滑夠茶味少點專心做幾樣嘢其實都好嘅幾樣食物都合格不過就唔算太有驚喜間中嚟食下一啲懷舊嘅茶仔都OK…查看更多

聽聞觀塘熟食中心有間隱世小店係一間新加坡檳城小餐館由於地點唔係咁方便，加上喺熟食中心入面夏天來可能會較辛苦行到上一樓，餐廳其實有三個舖位我哋點幾鐘到，完全唔洗等位雞扒黑豉油撈粗雞扒皮少許燶，可接受呢個麵一上檯令立立因為出名係用豬油撈嘅不過食落又唔太覺得有豬油香不過不失啦怡保雞雜雞雜都幾新鮮，近乎白焯點上附上嘅特製豉油幾好食可惜分量都幾少☹️叻沙豬頸肉摻摻呢個真係好伏，叻沙好稀賣相已經好一般味道普通之餘豬頸肉只得薄薄4片☹️之前無食過唔知係咪出咗名之後變成咁真係無下次👎🏻…查看更多

又去大埔墟街市尋寶眼闊肚窄，其實每次都係試得一兩間逐間逐間試，都有排先食得晒難得兩公婆休息，想去歎下一盅兩件決定去林記點心食個晏，順便買餸😆林記點心係傳統嘅點心舖食物款式原始冇花巧而且價錢都算大眾化比起而家放緊嘅茶樓都平唔少所以每次路過總會有條人龍買外賣我哋今次唔趕時間，就坐低堂食茶位10蚊位，坐低就可以同姐姐講食咩姐姐會幫你拎埋嚟蒸排骨飯排骨都幾夠味，而且唔會靭細細碗飯，一個人食其實都好夠蒸梅菜肉餅飯蒸飯有淡淡嘅梅菜香味又唔會死鹹或者好甜加上呢個蒸飯冇骨啱晒我呢個懶人🤭鵪鶉蛋燒賣呢款燒賣唔係度度有一啖一粒啱啱好燒賣街坊食開嗰啲，豬肉比蝦多就係普通嘅燒賣😂蝦餃蝦肉新鮮彈牙但個人覺得皮略厚鳳爪熱辣辣蒸出嚟幾香鳳爪入味得嚟唔會話好鹹呢個反而覺得唔錯另外嗌咗叉燒腸忘記影皮厚無乜層次，唔洗試啦總括嚟講，食物普通，價錢大眾化嚟食嘅都應該係食感情嘅街坊啦…查看更多

打咗幾日風終於好天返工前同老公去食個晏先大埔街市上面熟食中心有好多檔口上次去都係試得2檔今日再去搵食先雖然今日係紅日但人流比預期中少得咗一陣就有其他舖嘅座位可以坐不過就要嗌另一間舖嘅嘢飲我哋話無所謂，試多間都好😆坐低梗係要嗌招牌啦豬扒河粉同埋雞翼上海麵各一兩碗都係@40蚊一上檯真係好suprise雞翼同豬扒都份量十足炸豬扒同炸雞翼都好大件而且唔會油淋淋值得一提嘅係佢嘅辣椒油好好食😆另外就嗌左隔離嘅大杯熱奶茶都幾香幾滑，不過無乜驚喜啦見西多士都係廿蚊，試！西多士係厚嘅，而且係切咗件先炸加上奶同牛油好正今餐幾樣嘢都好好食👍🏻👍🏻下次再嚟食其他嘢，有排試😬😬…查看更多