平時通常都會嗌外賣米線
難得今日兩個都放假
而且而家真係好少人出街
去搏一搏試吓堂食
去到舖頭
可能因為天氣唔係咁好
真係冇乜人
我哋坐咗上去上面間鋪
我哋一人嗌左一碗米線
同埋豬手小食
豬軟骨腩肉米線中辣
老公平時嗌中辣唔係好辣
唔知點解今日勁辣😆
佢飲晒杯凍奶茶都覺得辣
豬軟骨好入味，夠晒林
反而腩肉一般般
雞絲豬大腸米線大辣
雞絲索晒啲湯汁勁好食
大腸反而切得太幼
冇咗本身應該有嘅質地，好可惜
雞絲值得食，大腸唔OK
醉豬手
豬手嘅花雕味幾濃
個人偏好淋小小嘅豬手
所以略嫌偏硬
呢度米線嘅湯真係好好味
值得食👍🏻👍🏻👍🏻
