z0e750的个人专页

最近天氣轉凍，比較想食一啲熱喇喇嘅湯麵，呢間食冒菜幾吸引。係可以自己揀餸嘅湯麵，我揀咗吉祥套餐（揀六款食材）我揀咗魚腐、潮汕手錘牛肉丸、墨魚丸、滑牛肉、貴州丁家脆哨、貢菜，我加咗秘製醬汁第一次食，我唔食得太辣，所以揀咗生椰蕃茄湯，面底配土豆粉，好少地方有土豆粉食。真係熱喇喇煮好，個錫紙兜都好保暖，湯底有椰汁嘅奶香，飲落去質感好柔滑，加上蕃茄湯帶啲酸甜幾開胃。牛丸同埋墨魚丸好彈牙，入面仲好juicy ，魚腐好大粒，入面都係好嫩滑嘅魚膠，好好食! 滑牛肉真係夠滑，一啲都唔韌，而且冇筋貢菜夠爽口，脆哨就好似炸豬油渣咁，一粒粒倒落去啲湯度食，一路吸哂湯汁清華，一半脆一半軟食，口感好豐富。好鐘意個土豆粉好滑，好煙靭，但係唔會好似薯粉咁樣咁難咬斷，好味！ 而且會好滯！而我朋友叫左秘製香辣，聞到都好香，超級惹味。另外值得一提嘅就係秘製醬汁！佢又好香嘅蒜味，啲餸點返呢個醬汁好似食緊打邊爐咁惹味，而且唔係辣㗎，好啱我食！嗌咗個小食～秘製藤椒魚皮，係麻辣，好入味，正！而且啲魚皮好爽脆！都幾大兜吓山楂蘋果洛神花酸梅青檸烏龍茶酸酸甜甜好清新～解返碗麵嘅濃味/油膩感，茶味夠濃。整體黎講，無論係餸、麵、湯都好特別，係會回頭再食既餐廳。…查看更多

喺黃埔附近食飯，呢間充滿日本簡約裝修風嘅店舖細細平時都要等位，今日難得過咗午市冇乜人就入去食。自助配料區可以自己調製醬料，同埋一定要拎菜輔！湯餃套餐（6隻）韭菜豬肉餃+併鮮蝦帶子餃：湯底好甜好濃！冇味精，飲落唔會覺得鹹之餘，有屋企煲嘅咁重料，湯底帶少少白蘿蔔嘅甜，超級好飲。湯較方面大大隻包到滿一滿！餃子外皮適中好滑韭菜好香而且好爽脆咬落去好清新，同豬肉嘅甜味混合。鮮蝦帶子餃入邊有一粒小帶子、蝦、粟米同豬肉一齊包，粟米甜味好突出。皮蛋醬拌麵：皮蛋醬幾有特色同創意，真係有好濃嘅皮蛋味，而且食得辣嘅朋友岩哂！記得一定要趁熱食！醉蝦：有4隻，唔小心食左2隻😝 超級入味啊，仲要幫你剝晒蝦殼蝦頭直接擺入口就得。煎餃套餐（6隻）鮮蝦帶子餃+併煎黑松露豬肉餃：煎餃新鮮煎起煎到燶燶地放入口，仲好juicy。鮮蝦帶子餃同我叫嘅湯餃一樣，而黑松露豬肉餃個黑松露味好香好足料！亦都加咗粟米粒，口感都好豐富。花膠雞絲湯麵（拉麵）湯底好濃稠feel到起晒膠，一樣冇味精！仲有兩片煮到好腍嘅花膠。拉麵好索汁，亦都麵質較滑，完全係誠意之作。「期間限定」香辣花甲粉：花甲好多，入邊仲有金菇墊底，鍾意更重味嘅，都係辣嘅，我鍾意再落啲豉油仲惹味。依間小店睇得出佢哋用料同埋湯底都有認真考量，自家無味精湯底真係好有誠意，而且價錢唔貴。…查看更多

之前都係試西式high tea多，最近我食咗呢個好豐盛嘅日式下午茶！環境真係好寬敞，唔會覺得擁擠。而且可以揀個窗邊嘅卡位，真係好舒服。坐窗邊仲欣賞到維港嘅美景，睇住維港風景嘆個tea，心曠神怡。有三文魚、日式炸蟹鉗同鱈魚乾，作為前菜三文魚係前菜之一，鮮嫩，滋味鮮美。日式炸蟹鉗外脆內嫩，蟹肉鮮甜彈牙。鱈魚乾作為前菜，夠香又脆口，食唔停！增添左層次感🌸主角「花楽日式花園下午茶」tea set整個裝置都以田野森林為主題。熱氣球架上擺滿咗時令嘅海膽、拖羅、油甘魚、甜蝦、火炙粟米沙律同吞拿魚蓉蟹肉最中餅。卷物方面，有巴馬火腿芝士卷、忌廉芝士鰻魚卷同碳之雪雜錦魚生卷。海膽新鮮又鮮甜，質感滑滑嘅，一入口就化開，滋味濃郁。厚切拖羅口感好豐富。油甘魚肉質鮮嫩。甜蝦質感鮮嫩，鮮甜味道同口感絕對會令你滿意。火炙粟米沙律：帶有微焦嘅香氣，同沙律一齊食，清新又開胃。巴馬火腿芝士卷既火腿咸香同芝士嘅濃郁交織在一齊，勁creamy勁濃。碳之雪雜錦魚生卷：呢款卷物有雜錦魚生，配上碳之雪嘅口感酥脆，好有層次感。甜品係另外一個盒裏面，超多日式和菓子甜點有櫻花水信玄餅係款傳統嘅日式糕點🌸日式和菓子係一種精緻嘅日式甜點，形狀各異，口感細膩，以純正嘅日本風味為特色。大大件芝士蛋糕：質地柔滑綿密，好香濃味道。最後都唔少得連埋水果食，係一個完美嘅結尾。水果切得好精美，靚靚擺盤。而我配咗一壺粉紅玫瑰花茶，真係好搭呀，解油膩又消濟。整個tea set 體驗真係超正！唔單止菜式精緻，而且味道亦好出色。每一款菜式都有獨特嘅風味同質感，甜品部分都令人回味無窮，好享受呢個放鬆嘅時光。呢個地方真係環境寬敞，有窗邊卡位，可以眺望到香港維港嘅景色，絕對係一個令人滿意嘅選擇！無論係享受美食定欣賞風景，呢度係一個理想嘅去處。如果你鍾意日式風味同埋想嚐下高質素嘅下午茶，呢個花楽日式花園下午茶絕對係一個值得推介嘅選擇！…查看更多

經過一連串聖誕派對以及油膩既食物，最近我要平衡一下我的健康。今日中午，我經過灣仔呢間Poke Go，啱晒啦！我之前喺第二度都想食。店舖方便裝飾都好有心機，有人手畫嘅壁畫，有一個吧枱仔，門口位既擺設同埋裝修有別於普通餐廳。跟餐飲品： 冷壓蘋果汁 + 椰青水好甜，亦都冇加任何糖嘅感覺我同朋友一人一個飯：SHOYU AHI $118吞拿魚，芝麻海帶，和式青蔥，紫洋蔥，鰹魚醬油，芝麻，木魚絲，拼一半沙律菜、一半壽司飯每樣食材都有獨特嘅味道，而佢地嘅組合加埋一齊好和諧同融合：首先，講吞拿魚嘅味道。佢鮮美嘅口感同鰹魚醬油嘅濃郁味道互相配合。吞拿魚嘅質感同口感都好出色，一咬落去可以感受到佢嘅彈性同鮮嫩。其次係海帶，佢帶嚟一啲豐富嘅風味層次。海帶嘅鮮味完美融合個飯，令呢道菜有獨特嘅風味。海帶嘅韌度同芝麻嘅口感互相交織，好滿足呢個嘴巴。最後，芝麻同木魚絲嘅加入使呢道菜更加美味。芝麻嘅香氣同杏仁嘅口感增添咗一啲豐富嘅質感，而木魚絲嘅少少鹹香味則為呢道菜帶嚟一啲風味變化。壽司飯嘅濕潤同沙律菜嘅清爽相結合，帶嚟一種平衡嘅口感，令味蕾感受到唔同層次嘅享受，食食吓都唔覺得自己原來已經差唔多食完。ONO 三文魚，壽司飯，溫室青瓜，雞蛋絲，蟹棒沙律，果仁芝麻醬，芝麻首先，三文魚好鮮美，質感好滑嫩，佢嘅鮮美同壽司飯嘅酸甜味道搭配得好恰到好處。其次係壽司飯。壽司飯好糯好香，每粒飯都飽滿而有嚼勁。溫室青瓜係呢道菜嘅清爽之選。佢嘅口感脆脆嘅，有一啲清新嘅甘甜。同壽司飯一齊食，帶嚟一種爽口嘅感覺，令味蕾得到放鬆。雞蛋絲係一個好好食嘅配料。佢嘅口感軟滑，帶嚟一種綿密嘅口感同淡淡嘅蛋香。同壽司飯同三文魚一齊食，增添咗一啲豐富嘅層次感。蟹棒沙律係呢道菜嘅驚喜之處，令味蕾享受到一個豐富嘅口感。芝麻同埋果仁嘅香氣同醬汁嘅濃郁味道令整道菜更加美味。佢哋嘅加入令味道更加豐富，同其他食材混合一齊，帶嚟一種香濃嘅滋味。溫室青瓜同雞蛋絲嘅清爽同蟹棒沙律形成咗一種爽口嘅對比，令味蕾感受到唔同層次嘅享受。而芝麻同埋配果仁芝麻醬嘅香氣同濃郁味道，令整道菜更加豐富。總括而言，每一種食材都帶嚟獨特嘅口感同味道。當佢哋混合一齊食嘅時候，味道更加豐富，口感豐富多變。真係一個令人滿足嘅餐點，好適合享受美味同時保持健康！…查看更多

我同朋友兩個食咗一個豐富嘅韓式大排檔午餐，真係好正好食！餐廳既裝飾好有心思，要係室內高度還原室外韓國街頭大牌檔環境，牆上特登做大排檔鐵閘！仲有懷舊書店景首先，講講街頭魚糕串加拉麵。魚糕串一咬落去，內裏嘅魚肉鮮美多汁。加埋拉麵，麵條有嚼勁，湯底香濃，仲有個酸酸地韓式汁帶番起個鮮味。真係一碗開胃嘅組合！然後係醬油蟹，呢個菜真係令人垂涎三尺！醬油蟹雖然唔係好大隻，但蟹肉鮮甜，肉質鮮嫩彈牙，每一口都充滿濃郁嘅海鮮味。而醬油好濃郁又唔會咸，融合埋蟹肉嘅味道，真係一個令人欲罷不能嘅滋味！薯仔煎餅係另一個令人驚喜。煎餅外脆內軟，薯仔味道香濃，加埋同埋調味汁，口感更加豐富。食落去，一口咬落食到有一條條幼薯仔絲～層次感都好出色。真係一個美味又有趣嘅小食！至於飲品，柚子牛奶米酒真係好特別！柚子嘅酸甜清香+牛奶滑順，加埋啲米酒，帶嚟一種微醺嘅感覺，好解乏同放鬆。最後係熱情果梳打。呢杯飲品真係好爽口！熱情果嘅酸甜味道同氣泡水嘅氣爽感相互融合，清新而不膩口，真係讓人心情舒暢同享受。總括而言，呢個韓式大排檔午餐真係令人滿足！好適合同朋友一齊享受美味之餘仲可以打卡！…查看更多

今日同朋友想食餐豐富嘅既西餐，見到呢間有lunch set食西餐好似幾抵食，上網見到啲食評都唔錯，喺正大街～即刻入去食2點lunch時間唔洗等位！正！環境寬敞舒適Menu: 性價比最高應該係叫SET!好多款Pizza 🍕 Set 都係$88起包飲品高質西餐Set 都係$78起包飲品餐湯： 洋蔥湯份量雖然唔算好大碗，但係味道好濃！有好濃嘅洋蔥味，而且入面好足料！仲有好香既菇菌味凍檸茶：唔會係茶餐廳質素，飲得出個紅茶底喺英式，唔會苦澀！成件事好和諧balance 有層次好順喉！黑松露大蝦MANCINI超粗意粉我本人比較鍾意食扁身嘅寬意粉，咬落好有口感，係會食到小麥味！ 意粉都夠乾身，大蝦同黑松露都多～蒜香巴馬臣芝士雞翼超香～芝士碎係雞翼上同時一齊食，惹味！熱喇喇！雞翼好飽滿，咬落去肉質仲好juice旁邊有火箭菜加埋沙律汁，酸酸甜甜清新番個口腔，中和返雞翼既熱氣Parma 風乾火腿parma ham, buffalo mozzarello, orugulo岩岩出爐！睇落幾足料唔係薄批，有少少厚度岩岩好，parma ham唔會好鹹幾好味，而且芝士夠軟身帶點濕個隻，唔會覺好重口味而食一件就好濟Lunch 性價比好高！兩個人一齊share兩個set食好豐富好飽！唔錯👍🏻…查看更多

係深水埗食完晚飯，當然要繼續食甜品啦，食芋圓糖水最歷史悠久、最出名一定係康瑞！涼茶鋪個陣已經有幫襯！之前我每次都叫招牌特色仙草，今次就試下其他野！今次叫左香芒椰汁西米露配芋圓、地瓜圓、小丸子：芋圓維持番以往既高質素，今次配埋椰漿、西米露，多咗一份甜蜜！香芒大大粒，都算幾甜！如果椰漿濃d會更正～…查看更多

今晚朋友同我食好西，慶祝我生日。喺附近揀咗呢間～特別嘅台灣嘢食試下裝修得幾靚，而且有好多卡位！坐得好舒服，環境、光線顏色都配合得好好！玫瑰奶茶加珍珠：奶茶入面真係有明顯嘅玫瑰花味！好香！而且珍珠好有咬口、唔會過淋！髒髒鹹蛋黃芋泥蛋餅上面有鹹蛋黃淡淡的鹹香，但入邊係甜嘅芋泥，好有層次。芋泥超足料！加埋蛋餅入去好飽肚！招牌牛肉麵溏心蛋+豆腐！牛肉湯好濃！一定要配粉絲！吸引哂湯精華！可以加埋碗邊辣牛油，更香濃！牛肉好淋、好入味！抹茶奶奶麻糬好滑，好濃既奶味！唔會好甜，咁樣食法軟糯嘅麻薯好得意！手工鳳梨酥麻薯蛋撻好有創意，鳳梨酥、麻薯、蛋撻：呢三樣野之前都係獨立個體，加埋出嚟又幾有層次、又幾夾！交通方便，裝修環境舒服，食物精緻有驚喜，都幾有心機諗一d特別野！係好唔錯👍🏻…查看更多

今日喺深水埗行完街，見到附近呢間餐廳既野食幾吸引，而且其他人對佢嘅食評評論幾高，所以試一試！醬皇冬菇豬手鵝油撈麵份量都幾多！鵝油撈麵好香，扁平薄麵可以盡量吸收哂鵝油味！豬手同冬菇炆得好琳，而且都好入味鹽焗手撕雞腸粉腸粉好滑，鹽焗手撕雞配合埋所有醬料食小吃三皇盤（雲耳、雞腎、鳳爪）雲耳用咗麻辣醬，煮得好爽口雞腎煮得非常之爽鳳爪好大隻，而且好入味超級開胃！菜式惹味得黎唔油膩，可以越食越多，唔會滯，下次如果喺附近都可以買外賣返屋企食，又抵食！…查看更多

下午茶時間～自己係西貢chill下~甜品tea time!白鬚個環境唔錯，下午黎冇乜人，好靜靜咁享受me time ！既然係下午茶，又都未有肚去食正餐，所以叫左個Adffogato， 岩哂我又想食甜野，又想飲野既要求✨有兩球雪糕咁多！平時出面多數得一球一羹Espresso 加落去雪糕度一齊食！一熱一凍好正！值得一提嘅係個雪糕好滑、好有雲呢拿香，係高質雪糕！呢度正餐都出名好食，估唔到有呢度既Adffogato咁有驚喜！…查看更多

近年除咗海鮮放題/日本放題，近年仲多咗串燒自助放題，唔使一大班人去開爐炭火BBQ先食到燒烤串燒，兩個人都可以喺餐廳度食到！駱駝漆大廈出名多好嘢食，今次就同一個朋友食早場。入到去已經有幾台人食緊，餐廳都幾大，全部都係卡位，坐得幾舒服又闊落，而且啲食物都好豐富！好齊全！一開始首先送咗人頭鮑魚同埋白鱔串我去凍櫃度望一望，已經擺咗滿滿嘅串燒種類：海鮮方面，有蝦有蜆、青口、多春魚牛肉方面：有牛柳串、牛肋條豬/雞：豬腩肉、泰式雞肉、雞翼、台灣腸蒜蓉腸包、油炸鬼、芝心丸醬料超多選擇：有三種唔同味道嘅孜然粉、有泰式醬、蜜糖、蒜蓉、辣椒都有！非常之齊全牛肋條：超有牛味，用黑椒醬醃過，好入味，而且唔會太靭！車厘茄、燒菠蘿好甜！ 食太多肉，一定要食啲蔬菜中和一下:)白鱔串：好滑，可以燒到表皮焦香金黃，入邊仲係好嫩滑多春魚：香口牛柳：正！肉質幾好! 自己加左d蒜蓉去燒，好正好香海鮮方面，超新鮮扇貝好大隻，而且蜆都好鮮甜！燒完嘅蝦好香！不斷encore 佢地仲有已經熟嘅蝦同埋青口可以食熟食方面都有好多種類，有豉椒炒蜆、芝士焗蠔：都好好食！好鮮甜好精緻嘅蟹子沙律酥⋯好多選擇！最後仲有好多小甜品同雪糕真係好豐富！我覺得嗰兩個鐘太短，試唔晒咁多美食！呢間餐廳嘅嘢食都幾高質！環境又舒服，好唔錯，可以推介俾朋友再食過…查看更多

上網見到呢間人氣餐廳，所以一於去附近試一試。去到嘅時候八點，但係都需要排隊，入到餐廳環境都幾舒服，佢個餐牌好多選擇，可以唔使配晒咁多種食物！但花多眼亂，樣樣都好想試。松葉蟹薯仔沙律：呢個配搭好特別，薯仔同其他蔬菜配料好清新，完全帶出到松葉蟹嘅鮮甜，亦都係好好嘅涼拌菜，令你開一開胃。蕃茄味噌豆腐漢堡：個賣相好特別，入面漢堡嘅肉係一啲好淋嘅肉餅，質感配埋酸酸地嘅蕃茄味汁幾好味。蕃茄味汁送飯一流。炸蓮藕片好脆、好味，多一種層次。醬油蛋飯：賣相就吸引，但係味道就比較單調，雖然蛋黃味夠濃味，夠creamy，加醬油，但係始終味道比較單一，我會加埋蕃茄汁去食，味道先會比較豐富。餐牌多選擇，所以下次都可以揀唔同嘅菜去配搭。食到日式住家料理嘅感覺，成個定食都可以好豐富。…查看更多

下午放lunch，之前晚市都好想食呢間養生米線喎試一試！咁今日終於可以試番，餐牌唔算多選擇，但我覺得已經好足夠，如果係重質不重量嘅的話。我揀咗個蟲草花膠雞湯、配米線：份量都幾多，真係好足料！D雞仲好嫩滑，好多肉蟲草花、杞子、好滋補花膠都有兩三大嚿，花膠係唔同平時白色嗰隻，呢隻厚好多，而且係偏橙色，係爽口既質地。湯帶有雞味同花膠creamy質感，飲落好舒服！唔咸！冇味精味！米線同出面食既都唔同，呢隻係偏煙韌、彈牙有咬口！我鐘意！一邊食、一邊飲住湯～一d都唔口渴配料加咗黑松露糖心蛋：蛋好入味、香黑松露嘅味道都幾好餸麵！配埋嘢飲羅漢果茶：好配搭！總結：都冇失望既～ 下次可以試埋其他款式！…查看更多

下午時間唔係好肚餓，所以想食一啲唔係好飽嘅食物，諗到去觀塘廣場度食腸粉，唔會太heavy，午飯時間都要排一陣隊，我叫咗個套餐：叫咗招牌石磨雞蛋豬肉腸粉 加 燒賣，配豆漿！今日對我嚟講份量就啱啱好！配料好多有芫荽、蒜、豉油！正😄打開個蓋已經聞到好香！配搭得非常之好！石磨腸粉都好滑，好多雞蛋！豬肉都好滑～口感好好👍🏻食完一啖想再食多一啖！ 啲炸蒜好惹味！石磨腸粉絕對係喺我公司附近嘅美食之一！有時放工買一盒返屋企做晚飯做餸又得…查看更多

星期六晚，係黃埔食完晚餐，但唔係好夠飽，我同朋友都想再吹多陣水，再食d小食，最好搵間甜品店再食，做個完美總結。見到呢間芋圓甜品店，我冇試過，見到menu呢度竟然有桃膠食，作為女仔，食桃膠可以養顏、又好味，但就真係未試過桃膠mix芋圓，所以今次叫左個芋圓桃膠凍：桃膠凍入面有紅棗、桂圓、桃膠芋圓都好香，好煙靭！加埋冬瓜茶底！配合得剛好，清甜消暑之選！雖然店面唔係好大，但坐位都算舒服，見到都有心機做唔同芋圓組合出黎，下次會再試其他款式，奶茶底都幾特別！…查看更多