今晚朋友同我食好西，慶祝我生日。喺附近揀咗呢間～特別嘅台灣嘢食試下
裝修得幾靚，而且有好多卡位！坐得好舒服，環境、光線顏色都配合得好好！
玫瑰奶茶加珍珠：奶茶入面真係有明顯嘅玫瑰花味！好香！而且珍珠好有咬口、唔會過淋！
髒髒鹹蛋黃芋泥蛋餅上面有鹹蛋黃淡淡的鹹香，但入邊係甜嘅芋泥，好有層次。芋泥超足料！加埋蛋餅入去好飽肚！
招牌牛肉麵溏心蛋+豆腐！牛肉湯好濃！一定要配粉絲！吸引哂湯精華！可以加埋碗邊辣牛油，更香濃！牛肉好淋、好入味！
抹茶奶奶麻糬好滑，好濃既奶味！唔會好甜，咁樣食法軟糯嘅麻薯好得意！
手工鳳梨酥麻薯蛋撻好有創意，鳳梨酥、麻薯、蛋撻：呢三樣野之前都係獨立個體，加埋出嚟又幾有層次、又幾夾！
交通方便，裝修環境舒服，食物精緻有驚喜，都幾有心機諗一d特別野！係好唔錯👍🏻
